[ .. ( وســط الزحــام ْ ..!! )..]
ايييه انا اللـي عشـت / بالدنيـا غريـب
ما عرفـت اللـي أبـي / وسـط الزحـام
يمكـن اتغلّـى / و لكـن مــا اغـيـب
يمكـن اتـشـرّه / و لـكـن باحـتـرام
( ما هو اكبر هـم ّ / ادوّر لـي حبيـب)
و الطمـوح ابعـد / مـن احـدود الغـرام
و ان عشقت ..؟ / العشق و الله ما يعيـب
دام لـي مبـدأ / و قيـمـه / و اهتـمـام
شفني كيف ارمـي يدينـي / " بالقليـب "
مـا لقيـت الا الصـدى / وسـط الظـلام
و الصدى ( جاوب) / و انا ماقدر ( اجيب )
و ادري اني ( لـو ابـي جبـت الغمـام )
كـل هالعاااالـم / علـى افعالـي رقيـب
و القرايـب همّهـم / بــس الـمـلااااام
خيّبـوا فيهـم / ظنـون ٍ مــا تخـيـب
ليـن حدّونـي / علـى عيـال الحـرااااام
يحسبونـي لا تـردّا بــي / نصـيـب
برمـي احزانـي / علـى قلـوب الأنـاام
مندفن في وسـط صـدري / قلـب ذيـب
مـا دِفـن راسـه / مثـل راس النـعـام
صرت اضم ّ الجرح بعيونـي / و اطيـب
و اجمع همومي / على صدري .. و انـااام
يا قصيدي و انت لـي / حسبـة صحيـب
تفـزع لهمّـي/ اذا شــح ّ .. الـكـلاااام
خلّـك لأوتــار حـزنـي / عندلـيـب
دام بيـن الليـل / و الصـبـح انسـجـام
لا تحـط ّ الـلـوم / كـلـه بالنصـيـب
و لا تخلينـي / علـى حـد ّ .. انـهـزام
طبعي أغرب / و الغريب / اني غريب .!!
ما عرفـت اللـي أبـي / وسـط الزحـام
و دمتم ْ سالمين غانمين ْ
الشاعر / محمد بن راشد الغنام
رد مع اقتباس
المشاركة الأصلية كتبت بواسطة تحدوها البشر
مواقع النشر (المفضلة)