النتائج 1 إلى 3 من 3

الموضوع: @@@ خاص للبنات @@@ ولامانع من تعليق التماسيح

  1. #1
    ... عضو نشيط ...


    تاريخ التسجيل
    Dec 2004
    المشاركات
    145
    معدل تقييم المستوى
    1

    افتراضي @@@ خاص للبنات @@@ ولامانع من تعليق التماسيح

    *** للبنات فقط كيف تصطادين تمساحآ ***
    7
    7
    7
    7
    7



    الى كل حلوه ناشبة(ن) في حلق أهلها وماتصرفت مع انهم حاطين معها أختها مجانا ( لترويج البضاعة الملحطه في البيت )

    اليك عصارة راسي وبنات أفكاري أضعها بين يديك
    كيف تصطادين تمساح دون اللجوء للأساليب المعهودة والسقيمة
    ( المغازل ، الترقيم ، التميلح اللي ماله سنع ، الترزز بالاسواق , الخ )

    للاجابة على هذا السؤال اليك مايلي :-
    أهم نقطة :انشبي على العجوز اللي حاطة(ن) عينك على ولدها ثمن نفذي مايلي :-

    1-خليك مع أمك لاتروحين مع البنات وتهيبلين
    اركدي عن الهباله واصبري عنهن كم شهر لين تتم العملية

    2-امشي وانتي حاطة(ن) راسك بين كتوفك لاترفعينه أبدا حتى لو يصير كله صعارير
    (خلي الفكس دائما في متناول اليد )
    علشان يقولون مؤدبة ومب متكبرة

    3-كلمة خالة خليها على لسانك وخاصة(ن) لأم التمساح علشان تحس بنوع من التميز عن بقية العجز .لامانع تنادين وحدة ثانية بخالة علشان إذا مانجحت الخطة
    مع العجوز نمبر ون تنجح مع الثانية اتبعيها كخطة احتياطية (يعني ستبنة )

    4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس مالقيت غيره

    5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك

    6-مهما أكلت أمك من أكلة زينة خليها تقول :نفس الاكله اللي تسويها بنتي
    (حتى لو الاكل من المطعم الصيني أو المكسيكي )

    7-اذا جيتي بتمدين ايدك جعلها الكسر<<<<<خربها
    اعبطي خشتك وتويجعي
    (مب قوة علشان مايقولون ماتصلح)
    وخلي أمك تقول :قايلة (ن) لك وأنا أمك لاتنظفين جدران الفلةالخارجية
    بس أنتي الله يهديك ذابحتك النظافة
    <<يقول (جعلي ماأبكيك أجل بتنظفين جدران الفلة نظفي غرفتك
    أول اللي تقولين ثايرة فيها قنبلة ذرية )

    8-دايم ارتزي كأنك بالعة(ن) زرافه علشان ماينقص من طولك ولا سنتيمتر
    (للقصيرات)

    9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها
    (بس لاتكتمين نفسك مرة أخاف تروحين فيها وأصير قتلت نفس بغير حق )

    10-مهما كان موضوع الحوار حماسي لاتبدين رأيك وخليك
    مثل الطرما لأن اللقافة تجيب أجل الخطة

    11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا اللي شوشهن طايره ماحد يلتفت يمهن

    12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم

    13-في العروس لاترقصين اقضبي ارضك واعتبري الرقص عيب وشق جيب

    14-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك ( الله يعظم أجر أميمتك ) بناتي مايطلعون للسوق أغراضهم أبوهن يجيبها
    ( وانتي شكلك مقطعه السوق تقطيع ) احتمال وارد الحدوث

    ممكن تكون العجوز منشنة على بنت غيرك لكن بعد
    النقاط السابق ذكرها بتصرف نظر عنك وعنها <<< أمزح لاتصدقين

    الحين بتكون العجوز وقعت باالفخ

    نرووووووووح للتمساح الحين

    اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :
    والله ودي تشوف البنت بدون ماتدري علشان تأخذ راحتك وانا عمك وبعدين تشوفها
    على الطبيعة علشان ماتقول بعدين غشيتوني
    (ايه هين ياالشايب لو يحصل حطيت بدالها باسكال مشعلاني
    والا أليسا والا مايا هالي مطيراتن عقولنا يالشباب )

    وقبل يجي اليوم اللي بيشوفك فيه بحوالي اسبوع أو أكثر
    (على حسب شين وجهك )
    ادهري من مشغل لمشغل (صبغه ،فرد، تنظيف بشره،الخ)
    لاتخلين على روحك قاصر
    ولما يجي المعرس خلي أخوك ياقف بجنبه عند الشباك علشان مايطوول
    بالتبحلق ويبان المستخبي وذلك تطبيق(ن) لنظرية (اللمحة ذبحة )
    بعدها عاد كيف بيشوفك هذي عليك مب كل شيء بعلمك اياه دبري عمرك
    بس خلي أبوك في نهاية المشاهدة يقول:العذر والسموحه وأنا عمك
    (الأخ ضمن الولد يوم انه يقول وأنا عمك )
    ترا البنت حوسة
    (مع انك طاقة (ن) كل زينك بس يعني يعني )
    في هاللحظة الولد بينط على راس أبوك وبيمطخه بوس
    لين يشفط مخه وبيقول متى العرس ياعم
    (اللهم ارحمه فقد كان ولدا بار (ن) بوالديه )

    عاد الله يوفقك ولاتنسينا من حلاو العرس
    واياني واياك تعلمين الولد من اللي معلمك هالعلوم
    ولا حتى باسم المنتدى لأني أعتقد انه بيسوى مصيبه وأخاف يحط حرته فيني

    تحذير

    ابعدي عن أمهات العيال اللي متعلمات راعيات الشنطة مثل لون الجزمة
    لأن هذولي يبيلهم خطط بعيدة المدى

    نصيحه

    رفيقاتك بيلاحظون التغيرات المفاجئة اللي صارت لك فانتي قولي لهم :
    انك خلاص انسانه عرفتي درب السنع والعداله

    تدرين ليه؟؟ خوفا من سرقة الفكرة الادبية

    (
    ))

    واتمنى الافادة لكن

    تـــــم بحمد الله ومنته

  2. #2
    ... V I P...


    تاريخ التسجيل
    Nov 2004
    المشاركات
    3,759
    معدل تقييم المستوى
    4

    افتراضي

    هلا كل الوفاء
    هههههههههههههههههههه
    هههههههههههههههههههه
    ههههههههههههههههههههه
    والله حركات

    خخخخخخخخخخخخخخخخخ
    بس روعه انا ادري اني ملقوف تبي تقول وش جاب التمساح هذا
    بس عجبني الموضوع حبيت اشارك فيهااا
    هههههههههههههههههههه
    نصيحه

    رفيقاتك بيلاحظون التغيرات المفاجئة اللي صارت لك فانتي قولي لهم :
    انك خلاص انسانه عرفتي درب السنع والعداله

    تدرين ليه؟؟ خوفا من سرقة الفكرة الادبية

    ههههههههههههههههههههههه
    ذكرتني بي فطومه درب اسنع والعداله اغنيه حلوووه
    هههههههههههههههههههههه
    هههههههههههههههههههه
    يسلمووو على الموضوع
    والله يعطيك العافيه

    تحياتي
    بقايا ذكريات

  3. #3
    ... عضو جديد ...


    تاريخ التسجيل
    Oct 2004
    المشاركات
    4
    معدل تقييم المستوى
    0

    افتراضي

    [align=center]وااااااااااااااااو

    انا بنسخ منها الف مطاطاعش نسخه

    واوزعها عند عتبات المساجد والمراكز التجاريه

    واقوول الفااعل فااعل خير

    ادعولي << اهم شي بالموضوع

    هههههههههههههههههههههه

    الف شكر اختي

    تقلباتي[/align]

المواضيع المتشابهه

  1. مشاركات: 68
    آخر مشاركة: 14-11-2007, 07:10 PM
  2. إلى كل تماسيحنــا تفضلوا بالدخول ولامانع من سحالينا
    بواسطة :: ريـــوف :: في المنتدى الارشيف
    مشاركات: 16
    آخر مشاركة: 29-04-2007, 06:29 PM
  3. أضحك قبل تدخل هع (( تعليق على تعليق )) الجزء الأول
    بواسطة مرضي الشمري في المنتدى الارشيف
    مشاركات: 1
    آخر مشاركة: 26-04-2007, 09:33 AM
  4. للبنات فقط ممنوع دخول التماسيح
    بواسطة منصور - جدة في المنتدى قصائد وخواطر
    مشاركات: 1
    آخر مشاركة: 18-11-2005, 05:40 PM
  5. كيف تقهرين اخوك . للبنات .. ممنوع دخول التماسيح
    بواسطة ღرٍيمية آلـjjjـرٍقيةღ في المنتدى الارشيف
    مشاركات: 27
    آخر مشاركة: 12-08-2005, 11:36 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52