صفحة 1 من 3 123 الأخيرةالأخيرة
النتائج 1 إلى 5 من 12

الموضوع: لاتشغلك حرمةٍ منت امتجوّزها

  1. #1
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي لاتشغلك حرمةٍ منت امتجوّزها

    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]





    أرجوك بعض المشاعر لاتهزهزهـا=ترى المشاعر تألم عنـد راعيهـا
    وترى النفوس العزاز الها حواجزها=وحواجز النفس سترٍ من خوافيهـا
    لا تقول لك كلمةٍ تحسبك تحرزهـا=وتطيح لاقمت منها منـت قاويهـا
    وان قلت لك كلمةٍ حـاول تركزهـا=ولا ترى الصمت خيرٍ من حكاويها
    ودعواك لاصار ما تقـدر تنجزهـا=ازبن على واحدٍ ساعـه وينهيهـا
    ولا تجـود علـى صبـرٍ يعجزهـا=وتجيك في وسط بيتك مـا تناديهـا
    وكم واحدٍ حاجتها بالصدر يكنزهـا=من قل من يستمعله يـوم يبديهـا
    يخشى من اللي يهمزهـا يلمزهـا=يضحك بعض ناس لاكن ناس يبكيها
    وشكواك لابن الردي حذرٍ تعنزهـا=يفضحك وتروح فيها وانت كاميهـا
    وعليك تكبـر ولا تقـدر تميزهـا=وتضيع في طوشةٍ تبلـش بتاليهـا
    والسالفـه يقـدر الواحـد يلفزهـا=ويقدر على ناس من شكله يمشيها
    ولاتشغلك حرمةٍ منـت متجوزهـا=تطرد وراها وغيرك يهتنـي فيهـا
    ولا يفرحك شوف الارنب لو تنقزها=مادام ما شفتهـا بالنـار شاويهـا
    ولاتحسب إن الذهب باية يدٍ يزهـا=ترى الذهب ما يغير لـون اياديهـا
    والنفس حاول بحد اقصى تعززهـا=نفسٍ بلا عزهـا مانـي مداريهـا
    والناس لاتقوم بعيونـك تخززهـا=احمد على العافيه واسلك مماشيهـا
    ومن طاوع النفس تشقيه بغرايزها=ومن طاوع العقل يسلم من بلاويها
    والمرجله ماتحـب اللـي يهاوزهـا=تبي لهـا واحـدٍ دايـم يحاضيهـا
    واللي عيونه مع الظلمـا يغمزهـا=ماحدٍ درى عن عيونه لـو يعنيهـا
    ونفيستك وانت فانـي لاتغزغزهـا=المقبره بأنتظارك وانـت ناسيهـا
    والناس دورات قادرهـا بعاجزهـا=ماخلق جنه ونـار وزعـوا فيهـا
    وناسٍ مع الله وناس ابليس ناغزها=سبحان من ظل ناس وناس هاديها
    ونـاسٍ تعلـت وعلتهـا مراكزهـا=وناسٍ تبي الطيب مير الطيب فاحيها
    وناسٍ تحفـز ومعـروفٍ تحفزهـا=وناسٍ تبي من يشيمهـا ويعطيهـا
    وناسٍ تلعوز وتسلم مـن تلعوزهـا=وناسٍ مع اللعوزه تبطـي لياليهـا
    وناسٍ تبي نبز ناس وناس تنبزهـا=نابز ومنبوز لين المـوت يفنيهـا
    وناسٍ عجز رزقها يكمل عوايزهـا=لاهي فقـارا وهـي مالله مغنيهـا
    حتى العجايز تبـي نـاسٍ تهمزهـا=العافيـه والظنـا ماهـو مكفيـهـا
    وان قمت اعاند تفاكيري وابارزهـا=صارت حجاوي وانا ماني محجيهـا [/poem]




    الشاعر / عبدالله الباتـل الرشيدي

  2. #2
    ... عضو ذهبي ...


    تاريخ التسجيل
    Apr 2007
    المشاركات
    674
    معدل تقييم المستوى
    1

    افتراضي

    والناس لاتقـوم بعيونـك تخززهـا
    احمد على العافيه واسلك مماشيهـا

    =========================

    واللي عيونه مع الظلمـا يغمزهـا
    ماحدٍ درى عن عيونه لـو يعنيهـا

    ======================
    قصيده جميله للشاعر عبدالله بن باتل الرشيدي**البحر الميت**
    والله يعطيك العافيه اخوي سعد علي هذا النقل الرائع


    تقبل مودتي

  3. #3
    كبآآر الشخصيآت

    تاريخ التسجيل
    Dec 2006
    المشاركات
    31,394
    معدل تقييم المستوى
    37

    افتراضي

    يعطيك العافيه سعد قصيده راقيه تحمل في طياتها الحكم




    بارك الله فيك




    شمـ انثى ـــــوخ

  4. #4
    ||.. مُـهَـاجِـرَة ..||


    تاريخ التسجيل
    Dec 2005
    الدولة
    حيث أكون
    المشاركات
    10,464
    معدل تقييم المستوى
    11

    افتراضي

    ومن طاوع النفس تشقيه بغرايزهـا
    ومن طاوع العقل يسلم من بلاويهـا




    كلمات تستقر في الأذهان

    ابدع الشاعر في نظمها

    وابدعت برقي اختيارك

    كل الشكر لجمال ذائقتك

  5. #5
    ... V I P...


    تاريخ التسجيل
    May 2005
    الدولة
    تَتّعَبْ الأرَضّ مآصِرّنْآ بَعَآد
    المشاركات
    8,609
    معدل تقييم المستوى
    9

    افتراضي

    /

    نقل رآئع

    تسلم يمناك وصح لسان شاعرها

    ::

صفحة 1 من 3 123 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52