صفحة 1 من 3 123 الأخيرةالأخيرة
النتائج 1 إلى 5 من 14

الموضوع: منتدى تركته لي اكثر من سنه واليوم دخلت شوفوا اش لقيت

  1. #1
    ... V I P...


    تاريخ التسجيل
    Nov 2006
    الدولة
    بين سهيل والجدي
    المشاركات
    4,307
    معدل تقييم المستوى
    5

    افتراضي منتدى تركته لي اكثر من سنه واليوم دخلت شوفوا اش لقيت

    السلام عليكم

    فيه منتدى كنت مشارك فيه زمان وصار فيه امور اجبرتني اني اتركه

    وصار لي اكثر من سنه ونص مارحت هناك

    واليوم جاء على بالي قلت خلني ارووح اشقر عليه

    المهم جلست اقلب الصفحات القديمه

    وطحت على هذي القصيده

    اللي دخلتني في عالم ثاني

    اللي كاتب الشاعر متعب الرشيد

    اخ وعزيز


    وياليتني مارحت

    سويت لها اقتباس كما هي المشاركه كامله



    اقتباس المشاركة الأصلية كتبت بواسطة متعب مشاهدة المشاركة
    العزيز والنشمي وعشير المناعير /
    اخوي العزيز البرواز أنا طلبتك وانت ماترد
    احد لاصديق ولاعدو وهذا فعلك من عرفتك
    وانت راعي العرف والشور ,, وان كان لي حشمه وتقدير
    لاتنسحب والا خذني معاك ,,
    وانا متأكد من طيبك ومعدنك الاصيل ,,,,,
    اخوي العزيز وتاج الراس اقبل مني الجاي ولايعبر الا عن قليل
    وهي طلبه من اخو لاخوه ويهقابك انك ماترده خايب :

    [poem=font="Simplified Arabic,6,,bold,normal" bkcolor="transparent" bkimage="" border="ridge,6,sandybrown" type=1 line=0 align=center use=ex num="0,black"]
    قال الذي ما ذاقت النوم عينه=حده عن المرقاد كثر التفاكير
    ياخالق المخلوق عالم كنينه=يا واحدن بيديه حل المعاسير
    اعطـاه ماتملـك خزايـن يدينـه=وخصه بوردن ماتقافـت مصاديـر
    كنه من الالمـاس ينـزف كنينـه=والدر في شعـره يصوغـه تعابيـر
    حقه من الجزلات سبـك الثمينـه=ولاعس في دوٍ وطـوه الشواعيـر
    حيالله البرواز نور المدينه=اعداد مادوت هبـوب الاعاصيـر
    واعداد مابلت من القطـر طينـه=وماشدوا البدوان وقت المصافيـر
    يتلـون بـراقن تلاظـى زفيـنـه=حقوق وسمـيِ بوقـت المباكيـر
    شدو قـدا نـوّه وهـم خابرينـه=في شف زلبـات البكـار المغاتيـر
    حييـت ياحـرٍ يـدك السمينـه=مايقنعه في الصيد كـود المذاييـر
    ننثـر مـن الامثـال وردن وزينـه=وإنصف جمهـور المثايـل طوابيـر
    تقدير من خاطر ولـك صافطينـه=من خاطرن صافط ولافيـه تكديـر
    وماجور من مثلك جفا النوم عينـه=وطوح بعالي الصوت فوق الشناظير
    وياراكبن من فوق صاف المكينه=جيبٍ جديد ومنوةٍ للمشاوير
    الفين وستة توّهم مشترينه=اللي على مثله تساق الدنانير
    هذا جوابن للوفي كاتبينه=عليه والله ما تضيق المعابير
    اهل الفعول وسلمهم حافظينه=متوارثين الطيب ناسٍ مشاهير
    دخيلهم وقت الطلب محتمينه=وحلالهم يرعى بظل البواتير
    طلبة صديقٍ بالوفاء خابرينه=عشيري البرواز إبن المناعير
    كني عنيت لمجلسٍ حاضرينه=في مجلسٍ فيه النشاما حواظير
    سلامن احلى من حقوق الغشينه=وانوج من الريحان عند العطاطير
    اعداد نجمن بالسماء مرقبينه=وعد النبات وزاهيات النواوير
    وقت الشدايد بروازنا ذاخرينه=ما ضاع من سنّد عليه التشاوير
    جيتك وابي ردك ووافي بحينه=رجال عِرف ومن كبار الشواعير
    اعرف ترى هالوقت بيّن سنينه=واشوف صلفات البلاوي مغاوير
    فرقاك تطعن بالسيـوف السنينـه=ولاظيِك مابيـن الخوافـي سواعيـر
    قد صاب برماحـه غلا خابرينه=واسرف على عنتر ومن قبلـه الزيـر
    حسناك زين وشينك الفل زينه=وفرقا مثيلك يالسنافي مخاسيـر
    ويابن الحمايل منزلك حافظينـه=وفي لازمك نبذل ولامـن معاذيـر
    امـر تدلـل يازبـون الظعيـنـه=امـر تدلـل ياسليـل المناعـيـر
    لو كان تطلب من شمـال الدفينـه=والا جنوب السيح غدف القعاميـر
    الجهد يالبرواز لـك باذلينـه=كله لجل نظفـر بودك ولاغير
    باهي وفاك اللـى تميـز بزينـه=وفرقاك خلت بي همـوم وتفاكيـر
    ولاباس لو خان الهـوى بالسفينـه=عقب العسر ياتيك ولـم وتياسيـر
    وجور الزمن ياصاحبـي خابرينـه=ومن حكمة المكتوب مامن محاذيـر
    اتشيب من فعلـه عقـولن فطينـه=وتحير من جوره كثيـر التباصيـر
    لزمٍ على البدوان سكـن المدينـه=وشيب الغوارب عند أهل القراقير
    واهل الشياه اللي تخـض الشنينـه=علو العقـار ويملكـون الدنانيـر
    واستبدلـوا لهجاتهـم بالرطينـه=وعن ظافي الملبوس لبسوا مقاصيـر
    والباتع الضرغـام مـات بعرينـه=تلفيق والصوره عليهـا تصاويـر
    لاتشمت الحاقد وراعـي الضغينـه=والوضع من سيء الى اسفل محادير
    وينكر بعض الاوباش م الخوف دينه=ولبّا وطاع وكنهـا لـه تباشيـر
    فرقاك ظـول اهمـومن اسرت بحينه=وهي وثقت بالجوف مثـل المساميـر
    تقبل وتقفـي مثـل ورد القطينـه=من فوق عدٍّ نصّبـو لـه نواعيـر
    عليك يا راعي الهـروج الرزينـه=واعرف ترانا في غيابـك تحاسيـر
    جيتك وانا هاقي بردك غنيمه=إن كان لي قدرن تراجع عن السير
    رحمـاك ياربـي وعبـدك تعينـه=وتبـدل الاثـام عفـو ومغافيـر
    والمعذره فـي القـول ياسامعينـه=والا انت يالضرغام حقك بتقدير
    وصلوا على المختـار يـا تابعينـه=عـد الدهـور المقبلـه والمغابيـر[/poem]

  2. #2
    ... عضو مـاسي ...


    تاريخ التسجيل
    Jan 2005
    المشاركات
    1,784
    معدل تقييم المستوى
    2

    افتراضي

    الــبـــروآآآز


    والله إنك تستاهل كل خير ....


    وقليل هذا إن كانه ينقال فيك !!!!


    صح الله لسان متعب الرشيد .......


    والله إنه ما قصر في هذي الـ ق ـصيده !!


    وأنا أعتقادي إن شـ خ ـص مثلك


    ما يرد طلآآبه :$ ..........


    الله يبقيه لك ويكثر من أمثالكم !!


    وعساكم على الـ ق ـوووه !!


    دمت بـ ووود

  3. #3

    ][ عــضــو الـتـمـيـز ][


    تاريخ التسجيل
    Dec 2004
    المشاركات
    10,097
    معدل تقييم المستوى
    11

    افتراضي


    ::

    البرواز

    قصيده ذوووق

    الله يعطيك العافيه ع النقل

    تسلم و عساك ع القوه

    ننتظر جديدك

    لك ودي

    ::

  4. #4
    ||.. مُـهَـاجِـرَة ..||


    تاريخ التسجيل
    Dec 2005
    الدولة
    حيث أكون
    المشاركات
    10,464
    معدل تقييم المستوى
    11

    افتراضي

    تستاهل كل الخير يا البرواز

    كل ما انقال في حقك قليل

    صح لسان الشاعر

    وسلمت وإياه من كل شر

    وكل عام وأنت بخير

  5. #5
    ... V I P...


    تاريخ التسجيل
    Nov 2006
    الدولة
    بين سهيل والجدي
    المشاركات
    4,307
    معدل تقييم المستوى
    5

    افتراضي

    اقتباس المشاركة الأصلية كتبت بواسطة وردة الشوووق مشاهدة المشاركة
    الــبـــروآآآز


    والله إنك تستاهل كل خير ....


    وقليل هذا إن كانه ينقال فيك !!!!


    صح الله لسان متعب الرشيد .......


    والله إنه ما قصر في هذي الـ ق ـصيده !!


    وأنا أعتقادي إن شـ خ ـص مثلك


    ما يرد طلآآبه :$ ..........


    الله يبقيه لك ويكثر من أمثالكم !!


    وعساكم على الـ ق ـوووه !!


    دمت بـ ووود
    يسلم قلب ياوووره

    شاكر لك مرورك وكلامك الجميل

    تقبلي تحياتي

    ودمتي بخير

صفحة 1 من 3 123 الأخيرةالأخيرة

المواضيع المتشابهه

  1. شوفوا الاطفال مسوين لهم منتدى
    بواسطة سنيوووورهـ في المنتدى الارشيف
    مشاركات: 5
    آخر مشاركة: 29-03-2010, 06:07 PM
  2. شوفوا الصغار مسوين لـهـمّ منتدى .... ههههههه
    بواسطة فقدت أبوي في المنتدى الارشيف
    مشاركات: 7
    آخر مشاركة: 18-09-2009, 08:15 AM
  3. تخيل أنك دخلت منتدى الزين بعد عشر سنوات
    بواسطة *شامخة رغم الجروح* في المنتدى الارشيف
    مشاركات: 15
    آخر مشاركة: 29-09-2007, 10:42 AM
  4. تري لقيت الباب مفتوح دخلت الله الله في الضيافه
    بواسطة الخنفسانه في المنتدى الارشيف
    مشاركات: 15
    آخر مشاركة: 19-08-2006, 05:18 PM
  5. خدمة Dsl الان 24ساعة 4ريال....والقادم اكثر
    بواسطة سعودي وايلي في المنتدى الارشيف
    مشاركات: 8
    آخر مشاركة: 03-08-2005, 03:03 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52