صفحة 1 من 20 12311 ... الأخيرةالأخيرة
النتائج 1 إلى 5 من 100

الموضوع: قصة بغاية الروعة الى هنا وبس

  1. #1
    ... عضو ذهبي ...


    تاريخ التسجيل
    Apr 2006
    المشاركات
    649
    معدل تقييم المستوى
    1

    Smile قصة بغاية الروعة الى هنا وبس

    لا تقولون مكرررة الانه متاكدة مية بالمية ما عندكم اياها
    هههههههههههههه جات لي عقدة من كثر ما اشوف كلمة مكرر

    ورااح اعرفكم باعضاء القصه
    اولا عائلة ابو حامد
    ابو حامد اسمه سعود
    اكبر عياله حامد عمره 26 طبيب بيروح يكمل برا استشاره <حلو خلوق وطويييييل>
    اصغر منه عبد الرحمن عمره 23 يدرس هندسه اخر سنه
    واللي بعده بنت اسمها عبير عمرها 20 سنه ثني سنه تدرس كيمياء<حلوة بس مغروره>
    ************************************************** ******************
    عائلة ابو متعب
    ولده الكبير متعب عمره 25 موظف في شركة العائلة معتمد على نفسه اسمر وحليو
    اللي بعده سندس عمرها 23 مخلصة كليه فاضيه مخطوبه لولد عمها عبد المحسن <حلوة بس دبدوبه>
    واللي بعدها فراس عمره 22 يدرس محاسبه يحب الشغل <له وظيفه بشركة العايله >لانه شااطر حيل
    يحب عبير بس مش معطيته وجه وراح تعرفون السالفه بالقصه مملوووووح بشكل
    اللي بعده (اسرار واصايل) عمرهم 19 سنه يدرسون علمي < تؤام > متعاكسات بكل شي ماعادا الدراسه
    مواصفات اسرار :رشيقه حلوه نعومه بس وجهها مليان عندها غميزات تاخذ العقل ضحكتها تاخذ العقل
    بيضاء عيونه بنيه شعرها بني على عنابي طبيعي طويل يوصل لاخر ظهرها تكره المطبخ والطبخ دلوعه
    متواضعه وتسمع كلام اهلها قنوعه طويله
    مواصفات اصايل : رشيقه بعد وحلوه وبيضاء فيها غميزه وحده بخدها اليسار بيضاء بعد
    شعرها اشقر طويل لحد نص فخوذها خلقه عيونها بنيه نفس اختها تموت على الطبخ عنيده وراسها يابس طولها عادي
    اللي اصغر منهم لؤي عمره17 سنه بثاني ثانوي علمي ابيض وحلو على خواته هو القعده
    ************************************************** ****************
    عائلة ابو عبد المحسن
    عبد المحسن عمره 27 يشتغل بالشركه خاطب سندس مؤدب وحبوب
    اخوه اللي اصغر منه ماهر عمره 23 يدرس هندسه كميايئيه حبوووووووب ماله شغل باحد
    وهم يتيمين الام
    ********************************
    اهل ام متعب
    ام خالد اختها
    عندها بنت مغروره حييييييييييييييل اسمها هيام عمرها24 حلوه
    عندها خالد عمره 23 يدرس هندسه حلو بشكل
    اخوه فيصل عمره 18 يدرس ثالث ثانوي
    بعده اخوه تركي عمره 15 سنه
    ************
    اختها ام خوله
    رنيم عمرها 19 بعد حلوه وتعرفونها من خلال القصه وصديقه هيام
    اروى عمرها 17 حبوبه تحب اسرار وصديقتها
    لميس عمرها 16 سنه وتحب لؤي ويحبها
    *************************
    والباقي تعرفونهم من خلال القصه
    **********************************
    بيت ابو متعب
    اصايل: يبه حرام عليك هذا مستقبلي وانا المفروض اللي اقرر مو انت وعماني
    ابو متعب: نعم وش قلتي وشو اللي حرام وعيب انك تتكلمي عن عمامك كذا
    اصايل: انا اسفه يبه بس هذا مستقبلي
    ابو متعب: ماعندنا بنات يدرسون طب هذا اللي كان ناقص وش يبقولون عنا الناس
    اصايل: وش يبقولون اصلا هالشي المفروض يفرحك ان عندك بنت بترفع راسك
    ابو متعب <رفعه صوته>:ان ماسكتي اللحين صدقيني بخليك تدخلين عربي ولا دين
    اصايل<تبكي>:يبه حرام عليك <وعلا صوتها>حرام حرام اجيب هالنسبه وتدفنوني باقسام مالها مستقبل
    ابو متعب:روووحي لغرفتك يله
    *****
    و دخل حامد الفيلا ووقف عند باب المجلس وسمع الحوار لما بدا يصرخ عمه
    طلع بوجهه لؤي :وش عندك
    حامد:انت ووجهك هذا استقبال تستقبل به ولد عمك
    لؤي: اخلص وش عندك
    حامد:كنت جاي اخذ متعب بنطلع تعرف مابقى شي على سفري كلها اسبوعين
    لؤي<يبي يقهره>:مدام عندك اسبوعين وش عندك جاينا من اللحين
    حامد:قاعد على قلبك روح ناد متعب
    لؤي:متعب نايم
    حامد <حب يستفسر>:وش عندك اللحين؟
    لؤي :ماعندي شي ليه
    حامد :بنطلع يله
    لؤي:بروح اخبر الوالد وجاي
    حامد: خلاص
    راح لؤي لابوه :يبه بطلع مع حامد
    ابو متعب :حامد هنا قلطه خل اسلم عليه
    لؤي:هو بالمجلس
    راحو لحامد
    ابو متعب: هلابك ياحامد
    حامد وهو يحب راس عمه :الله يسلمك وش اخبارك
    ابو متعب: بخير
    لؤي: يله يبه بنطلع مع السلامه
    حامد :فمان الله
    ابو متعب: فمان الله انتبهوا على ارواحكم
    العيال: ان شاء الله
    ************************
    في سيارة حامد
    حامد: وين تبي تروح
    لؤي: كيفك نروح اي كوفي
    دخلو كوفي راقي بدون ذكر اسماء
    بعد ماطلبوا
    حامد : لؤي بسالك سؤال بس لاتزعل
    لؤي : اسال اللي تبي ماعندي شي ازعل عليه
    حامد: انا لما دخلت سمعت وحدة تبكي وتقول حرام وكانت تكلم عمي منهي ووش سالفته
    لؤي يضحك:هذا سؤالك
    حامد في خاطره <وش فيه ذا انهبل>:ايه
    لؤي:هذي الله يسلمك اصايل وزعلانه لان ابوي وعماني مو موافقين على دخلوها الطب
    وتدري انها ودها تدخل طب وحنا ممنوع عندنا بنات يدخلون طب وهي معنده وراكبه راسه بعكس اسرار لما الوالد رفض
    قالت :خلاص بدخل احياء اما اصايل معنده وماتبي اي قسم ثاني تقول حرام اجيب هالنسبه ودخل اقسام مالها مستقبل
    حامد: كم جابت
    لؤي :اصيل جابت 97 واسرار جابت 95
    حامد :والله هالعائه متخلفين وش فيها اذا دخلت
    لؤي :فيها قبايل وفيها قص رقاب عند هالشياب
    خلصو وطلعو وراحو البيت
    **********************************************
    في بيت ابو متعب
    اسرار: اصايل الله يهديك وش هالكلام انتي تدرين بعناد ابوي عماني ادخلي اي قسم برضاك
    احسن مايدخلونك قسم ماتبينه
    اصايل : اوه انتي الثانيه مادامهم مش موافقين خلاص بقعد بالبيت
    اسرار: انتي اكيد انهبلتي وراحت لمس جبهت اختها
    اصايل: يوه انقلعي هناك
    اسرار <تفاجئت لان هذي اول مره تكلمها اصايل كذا>
    واصايل طلعت من الغرفه وراحت للحديقه وبهاللحظه كان لؤي رايح ينادي متعب
    وحامد في السياره اللي كان مدخلها جوى الفيلا
    حامد شاف اصايل ومنبهر بجمالها
    واصايل ماكانت تدري وكانت تبكي حييييييل
    حامد معقوله لهاالدرجه تبي تدخل طب ومااثره فيها السالفه
    ماشاء الله تاخد العقل ياحظ اللي بياخذها
    وانتبه على روحه وش جاب طاري الزواج
    فكره ليه مااخطبها
    وطلع هو متعب ورجعو وكل واحد راح بيته
    *******************************************
    اليوم الثاني
    بيت ابو حامد
    حامد :يبه انا نويت اكمل نص ديني
    ام حامد:هذي الساعه المباركه اخيرا بتحقق حلمي
    ابو حامد :الله يوفقك بس فيه وحدة معينه ببالك ولا اخلي امك تدور لك وحده من بنات عمك
    حامد :لايبه انا ابي اصايل
    ابو حامد :هذي الساعه المباركه واصايل والنعم فيها ولو ماكنت محدد وحده كان خليتك تاخذها
    حامد :زين اشوى متى بنخطبها
    ام حامد:الله يهديك وانا امك ليه مستعجل
    حامد :انا بسافر بعد اسبوعين وابييها على الاقل تكون لي
    ولما ارجع بعد شهرين نتزوج
    ابو حامد :خلاص اليوم نروح نخطبها رسمي
    حامد :خلاص اجل
    *****************
    الساعه 5 العصر في بيت ابو متعب
    ابو حامد :والله ياخلف <ابو متعب> حنا اليوم جايين نخطب اصايل لحامد
    ابو متعب: هذي الساعه المباركه والله يوفقهم وحنا مرح نلقى احسن من حامد لاصايل
    ابو حامد: خلاص شاروها ورد لنا خبر
    ابو متعب: وش اشاورها انت تدري ماعندنا بنات لهم راي بس بشوف امها
    حامد في خاطره <وش هالعقليات المتخلفه>
    متعب <يساسر حامد>:والله انك خاين امس انا معك ليه ماجبت لي طاري
    حامد :هههههههههههه خاين مره وحده بس ماتوقعت الموضوع يصير بهالسرعه
    ابو حامد :خلاص رد علينا بكره
    ***********
    بعد ماطلعو
    ابو متعب :ام متعب اليوم ترى اصايل خطبها حامد
    ام متعب: والله والنعم
    ابو متعب : روحي علمي بنتك واقنعيها توافق لانها اذا ماوافقت راح تاخذه غصب
    ام متعب: ابشر
    *********************
    راحت لبنتها
    ام متعب :اصايل انتي اللحين كبرتي وصرتي حرمه واليوم انخطبتي لحامد ولد عمك
    اصايل : نعم وشو اللي انخطبت انا بعدي صغيره
    ام متعب :وش صغيره انتي عمرك 19 سنه ووافقي يمه لان ابوك ان ماوافقتي بيزوجك غصب
    اصايل :بضحكه ساخره يعني مالي راي خلاص سوو اللي تسوونه
    ام متعب :يمه الله يووقفك ويهديك وينور دربك وباست بنتها على راسها وطلعت
    اصايل قعدت تبكي ودخلت عليها تؤامها اسرار
    اسرار: اصايل عيوني وش فيك
    اصيل راحت لاختها وضمتها وقعدت تبكي وهي حاطه راسه على كتف اختها وفرغت اللي فيها
    ولما هدت
    اسرار: وش السالفه
    اصايل: حامد
    اسرار : وش فيه حامد
    اصايل :اليوم خطبني
    اسرار :هالمفروض هالشي يفرحك واذا ماتبين ارفضيه
    اصايل بدت تبكي: هنا المشكله
    اسرار: وش مشكلته اذا مو موافقه محد يقدر يجبرك
    اصايل :الا ابوي بيغصبني
    اسرار: اللحين هدي وقومي صلي لك ركعتين ونامي ويصير خير
    *******************
    اليووووم اللي بعده
    في بيت ابو حامد
    الساعه 5 العصر
    حامد: يمه كلمي بيت عمي اساليهم ووافقو لا لا
    ام حامد :ليه مستعجل
    حامد :يمه ابي اتطمن قبل مااسافر
    ام حامد :خلا ص اسكت راح اكلم جيب التلفون
    عطى حامد امه التلفون
    ام متعب :الوووو
    ام حامد :الوو هلا والله بام متعب
    ام متعب: هلا بك يام حامد
    وقعدو يسولفون وحامد ياشر لامه تبدا بالموضوع
    ام حامد :الا يام متعب بسالك وش صار بموضوع اصايل وحامد
    ام متعب:هههههه وش فييييك مستعجله
    ام حامد :والله مو انا المستعجله الاحامد ابلشني يسال
    ام متعب: هههههههه الله يوفقهم
    ام حامد :اميييييييييين
    ام متعب: ماصار الا كل خير وحنا موافقين انا وابووها وهي شبه موافقه
    ام حامد :مبرووووووووووووووووووووك
    ام متعب :الله يبارك فييييك
    ام حامد :يله مع السلامه
    ام متعب: مع السلامه
    حامد :هاه يمه وش صار موافقين صح
    ام حامد :ايه صح رح علم ابوك
    ابشري وطلع غرفته يغير عشان يروح لابوه الشركه يعلمه
    ************************
    في الشركه
    ابو حامد : هاه وش صار بموضوع اصايل وحامد
    ابو عبد المحسن : وش صار صدق
    ابو متعب: مو صاير
    ودخل حامد فرحان: عمي صدق اللي سمعته
    ابو متعب : وش سمعت
    حامد:الوالدة سالت عمتي ام متعب وقالت انكم موافقين
    ابو متعب :مدام قالت لكم اجل موافقين
    حامد:متى الملكه
    الشياب يضحكون :لهاالدرجه مستعجل
    حامد:لا بس ابي اروح وانا متطمن
    ابو متعب :سافر وانت متطمن
    حامد :صدق عمي متى
    ابو متعب: وش رايك يابو عبد المحسن <يساله عشانه الكبير وهو اللي مربيهم>
    ابو عبد المحسن : خير البر عاجله الاربعاء ان شاء الله
    ابو متعب: مايصير خاطرك الاطييب
    ***************************************
    في بيت ابو متعب الساعه ثمان ونص بالليل
    ابو متعب : اسمعي يام متعب الاربعاء ملكت حامد واصايل
    ام متعب: مايمدينا نسوي شي وللحين مافحصو
    ابو متعب: بكره يروحون مستشفى خاص ويفحصون واما بالنسبه للملابس روحو اشرو اللحين
    ام متعب :بس مايمدينا نعزم احد
    ابو متعب :راح تكون عائليه وكلهم يدرون
    ام متعب: خلاص اجل
    راحت للشغاله تقولها خلي السواق يجهز السيارة
    وقالت للبنات يتجهزون عشان يطلعون السوق
    وراحت لاصايل :يمه اصايل خلصي عشان نشري فستان ملكتك
    اصايل: انا مو موافقه ومثل سويتو اللي تبونه اشرو اللي تبونه
    وطلعت من عندها امها لانه ماينفع معها الكلام
    ****************
    طلعو السوووق وشرو فساتين وشرو لها فستان وجزمه على الفستان
    وكلمت ام متعب اختها ام خالد وام خوله<خوله متزوجه> تخبرهم عن الملكه عشان يجوون
    ورجعو الساعه 11 ونص
    وناموا
    طبعا بعد عبير تجهزت
    *******************************************
    صباح الثلاثاء الساعه 9 صباحا
    ام متعب : يله يمه قومي ورانا روحه مستشفى
    اصايل : مابي دورو احد يروح انا مو موافقه
    ابو متعب دخل:يله خلصي يابنيتي
    اصايل<اللحين بنتك وانت اللي غاصبني>:زيييييييين
    وخلصت وطلعو ووصلو المستشفى
    ووصل حامد وحللوا
    وقالو تطلع النتايج بكره نفس هالوقت
    وطلعو
    مر اليوووووووووم
    واصايل تدعي انهم مايتوافقون تحليله وتحليلها
    وحامد يدعي ان الله يوفقه وقلقان
    ***************************************
    صبااح الاربعاء
    حامد في المستشفى جاي ياخذ التحاليل
    وطلعت وصار عادي يتزوجون
    علم عمانه وهو بيتشقق من الفرح
    الساعه السادسه والنصف المغرب
    غرفة اصايل
    الكوفيره :حبيبتي ممكن تهدين عشان اقدر اشتغل
    اصايل:اشتغلي وانتي ساكته
    الكوفيره:اوكي
    اسرار دخلت وكانت تقريبا قاضيه بس بقى الميك اب واللبس
    اسرار:ماخلصتي
    اصايل:لا بعدي تصدقين انا متوتره
    اسرار :عادي بس اخلصي ترى يمكن يشوفك
    اصايل:نعم نعم هذا اللي كان ناقص
    اسرار:اخلصي بس والله مادري وش لون بفارقك
    اصايل:لاتذكريني
    اسرار:اسمعي يمكن يشوفك الساعه 8مابقى شي
    يله استعجلي وخليها احلا وحدة<تكلم الكوفيره>
    الكوفيره :من عيوني اصلا هي مايحتاج بتحط شي هي قمر
    *********************************
    الساعه سبع ونص
    الشيخ :يله يابو متعب قول زوجتك.................
    ابو متعب:زوجتك.........................
    وانت ياحامد قول قبلت...........................
    حامد:قبلت......................
    يله يافراس ود الدفتر عند اختك وخلها توقع
    فراس: ابشر يبه
    ودا الدفتر لاصايل ودق باب الغرفه وفتحت الباب اسرار< وكانت لابسه فستان لونه تركواز حرير ونعوم حيييييييل ولابسه اكسسوار هندي لايق عليه ومستشوره شعرها على برا >
    فراس:اش اش اش وش هالزييييييييييييييين ماشاء الله كنك انتي العرووووووووس
    اسرار:الله يسلمك وبعدين اذا ماكشخت في ملكت تؤام روحي اكشخ بملكت من
    فراس: خلاص ماعاد هي تؤام روحك اللحين بتصير تؤام روح حامد<ماكان يدري انها مغصوبه>
    المهم عندها احد؟
    اسرار: لا وفتحت الباب
    دخل وانهبل على اخته <كانت لابسه فستان اخضر وفيه شك ذهبي ومستشوره شعرها ومسويه فيه حركه من قدام >
    وقال :لنا الله متى يجي يوم ويصير لنا ناس تكشخ ضحكو عليه خواته وهو كان متعمد لانه شاف باخته نظره حزينه
    وقال: يله وقعي
    اصايل:لا خايفه
    فراس: بسرعه برووووووح
    مسكت القلم وترتجف ووقعت
    وبارك لها وحبها على راسها وطلع
    وباركت لها اسرار
    ونزلت وشافت بنات خالاتها لميس واروى
    وراحو معها لاصايل وهم على الدرج نادت ام متعب اسرار وقالت:خلي اصايل تنزل
    اسرار: اوكي
    ورقوا فتحو الباب وشافو اصايل
    اصايل:وش فيكم كذا ههههههههه
    البنات :ياحظه فيك
    اسرار:اصايل امي تبيك تنزلين تحت
    اصايل:لا خايفه
    البنات:اخلصي بس
    ونزلن لميس قدام وبعدين اسرار واصايل وبعدين واروى
    وكان اشكالهم خيال
    لان لميس روارى لابسات فساتين عسليه نعومه ومن قدام قصيره وخيال
    ودخلو مجلس الحريم وسلمو على الحريم
    وكانو البنات قاعدين بطرف
    وهيام ورنيم قاعدين بطرف
    هيام لابسه فستان اسود قصير وعاري شوي
    ورنيم لابسه فستان اورنج نعوم فيه شك على الصدر
    وكانو يتساسرون < صدق انهم حلوات بس مغرورات>
    وتصدقين مشتاقه لمتعب ياليتي اشوفه
    رنيم :وع هو صدق حلو بس مغرور
    سندس جالسه مع عبير لانها تحبها وكانت سندس لابسه فستان احمر ولابسه عليه ذهب
    اما عبير لابسه فستان حرير مموج لونه تقريبا سماوي ببنفسجي ملون بس حلو

    ونادى ابومتعب :ام متعب تعالي
    ام متعب:نعم
    ابو متعب: خلي اصايل تجي بيشوفها حامد
    ام متعب:ابشر
    راحت نادت اصايل :وطلعت هي وياها
    وجا ابو متعب وسلم عليها وبارك لها وسلمو عليها عمامها وباركو لها
    *****************************************
    ودخلت اصايل المجلس وشافها حامد
    وسلم عليها وهي من داخلها ودها تصفقه
    ولبسها عقد الماس لايق على فستانها
    وقال: مبروك
    اصايل:الله يبارك فيك ومنزله راسه تحت مستحيه وكارهته
    حامد طالع فيها وقال :متى تبين الزواج
    اصايل<الحمد الله اول مره يشوفني يتكلم عن الزواج>:مالي راي اللي يقرره ابوي هواللي يمشي
    حامد :بس انا ابيك تقررين
    اصايل:انت سمعت اللي اقوله انا مالي قرار
    حامد عصب:انتي غبيه انا ابيك تقررين ترا هالشي في صالحك وانا مو متعود اغصب احد
    اصايل:لا ماني غبيه والشياب هم اللي يقررون مو انا
    حامد :اجل اسمعي ترا الزواج الاسبوع الجاي لالني بتزوج قبل ماسافر
    اصايل:هههه ضحكتني مو شي جديد اني انغصب
    حامد عصب وطلع
    راح لعمه:عمي انا ابي الزواج الاسبوع الجاي قبل السفر
    ابو متعب :ليه وانا بوك
    حامد:انا اخاف ماقدر اجي الا بعد سنه ومااقدر اصبر سنه
    ابو متعب:ان شاء الله
    *****************************
    بعد ماراحو الضيوف
    الساعه 12 بغرفة ابو متعب
    ابو متعب:اسمعي ترى الزواج الاسبوع الجاي
    ام متعب:اي زواج زواج سندس وعبد المحسن
    ابو متعب:لا حامد واصايل
    ام متعب:وشو مايمدي نسوي شي
    ابو متعب:وش مايمدي الكل يدري اما التجهيز فجهزو المهم والباقي هي ورجلها
    وانتم ماعليكم الا باللبس وانفسكم
    ام متعب:ابشر
    الجزء الثاني
    الفصل الاول
    اليوم الخميس الساعه 9 صباحا
    في بيت ابو متعب
    ابو متعب:هاه قلتي لبنتك
    ام متعب: لا اللحين بقولها بس
    ابو متعب :وشو اللي بس
    ام متعب:وش بتسوي بدراستها
    ابو متعب: تدخل اي قسم فيه انتساب
    ام متعب:الله يكتب اللي فيه خير
    ابو متعب:روحي علميها عشان تبدون تجهيز روحو السوق اللحين واسحبي فلوس من الصراف
    ام متعب:ان شاء الله طيب وين بتحطون العرس
    ابو متعب:ان قلت لك لاتفكرين بشي غير بنتك وجهازها بس راح اقول بنحطه بالبيت الكبير
    لانه بيصير عائلي ووالبيت كبير وزين وخلنا نغير شوي دايم نحطها بقصور وفنادق
    ام متعب:والله انها فكره زينه الله يخليك لنا بروح اقوم البنات تامر على شي
    ابو متعب:لا مشكوره

    وراحت ام متعب لاصايل تقعدها من النوم
    ام متعب:اصايل يمه قومي عشان نطلع السوق
    اصايل:مابي روحو انتم
    ام متعب:لازم تروحين هذا جهازك مو جهاز وحدة ثانيه واصلا لزم تقوسين الملابس
    اصايل:عادي خذو اسرار مقاسي نفس مقاسها
    ام متعب: ان ماقمتي رحت علمت ابوك

  2. #2
    ... V I P...


    تاريخ التسجيل
    May 2005
    المشاركات
    11,225
    معدل تقييم المستوى
    12

    افتراضي

    مشكووووووووووووووووره ياغلاي علي القصه

    شكلها حلووووه

    انا اتوقع ان حامد بخليها تدخل طب وبتقتنع في حامد

    ماتلاحظون شي دايم البطله حلوووه ماعمري قريت قصه البطله يعني مو حلووه

    <<<<<<<<اقرى وانتي ساكته

    ههههههههههههههههههههههه

  3. #3
    ... عضو مـاسي ...


    تاريخ التسجيل
    Feb 2006
    المشاركات
    1,608
    معدل تقييم المستوى
    2

    افتراضي

    مشكووووووووووووووووووووووووره حبيبتي

  4. #4
    ... V I P...


    تاريخ التسجيل
    Jun 2007
    المشاركات
    3,621
    معدل تقييم المستوى
    4

    افتراضي

    ههههه حتى انا مثلش يا الدنيا لحظة موبس كرهت كلمة امكررة كرهت اني احط مواضيع قمت بس ارد على الناس

    ومشكورة على القصة حلوة واكيد مومكررة بس لأنها من بنت حلوة وامورة

  5. #5
    ... عضو ذهبي ...


    تاريخ التسجيل
    Apr 2006
    المشاركات
    649
    معدل تقييم المستوى
    1

    Smile

    هلا
    اي والله كله يخلون البنت امورة ههههههه
    مشكوورين على المرور انشاءالله رح انزل لكم جزئين في الليل يعني بعد الفطور
    وابي تفاعل الانه القصه حلوة وتستاهل
    ميغسي بكو

صفحة 1 من 20 12311 ... الأخيرةالأخيرة

المواضيع المتشابهه

  1. قصة بغاية الروعة &quot;عشان الحب والي بيني وبينك&quot;
    بواسطة الدنيا لحظة في المنتدى قصائد وخواطر
    مشاركات: 191
    آخر مشاركة: 17-02-2008, 07:58 PM
  2. قصة بغاية الروعة غارقات في دوامة الحب
    بواسطة الدنيا لحظة في المنتدى الارشيف
    مشاركات: 1
    آخر مشاركة: 26-01-2008, 04:00 AM
  3. ديكور اسباني بغاية الروعة ..
    بواسطة سحر الانوثه في المنتدى عالم حواء
    مشاركات: 24
    آخر مشاركة: 10-12-2007, 08:41 PM
  4. قصة بغاية الروعة نوااف ودانة
    بواسطة الدنيا لحظة في المنتدى قصائد وخواطر
    مشاركات: 138
    آخر مشاركة: 29-11-2007, 08:43 PM
  5. قصة بغاية الروعة احلى ما خلق ربي
    بواسطة الدنيا لحظة في المنتدى الارشيف
    مشاركات: 3
    آخر مشاركة: 29-09-2007, 05:27 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52