صفحة 1 من 2 12 الأخيرةالأخيرة
النتائج 1 إلى 5 من 9

الموضوع: المطران..الدواسر..الزعوب..العنوز..العجمان.....الخ

  1. #1
    ... عضو نشيط ...


    تاريخ التسجيل
    Sep 2007
    المشاركات
    46
    معدل تقييم المستوى
    0

    افتراضي المطران..الدواسر..الزعوب..العنوز..العجمان.....الخ

    [align=center]بالله ياخالـق أراضين وابـحـار
    الواحـد المعـبـود رازق عبـيـده
    الخالـق الغفـار عـلام الأسرار
    وفرق شعوب الأرض فـي كـل يـده
    وابدي واسولف من عذيبات الأشعار
    أبيات شعـر والمعـانـي وكـيـده
    اشري وأبيع واعرف كيـف بختـار
    واختار من جـزل البيـوت الفريـده
    وذ كرتراث وعـز وامجـاد وافخـار
    قبائـل تومـن بـديـن وعقـيـده
    وصلت حضارتنا على سطح الاقمـار
    ابنـا الجزيـر والجزيـره مجـيـده
    في ظل حكـام لهـم فعـل واشـوار
    ال السعـود اللـي تفـك الضهيـده
    نسل الزعيم الحاكـم العـادل البـار
    مجـدد امجـاد الجـزيـره بجـيـده
    حتى اصبحت حره وحنا لـه انصـار
    في ظل اخو نـوره هنـوف سعيـده
    وصارت لابو تركي بطولـه وتذكـار
    والفخـر والامجـاد تبقـى شهيـده
    وخلف لنا املوك لهم فعـل واخبـار
    الشعـب واحـد والقيـاده رشـيـده
    والامن بانينه علـى سـاس وجـدار
    وقرو على العابـث عقوبـه شديـده
    وحنا حماة الـدار مـن كـل غـدار
    وما همنـا بطشـه وخبثـه وكيـده
    قبـائـل مالحقـنـاهـم اوعـــار
    وعشنا بهذي الدار عيشـه رغيـده
    والحمـد لله نحمـده سـر واجهـار
    شعب تكاتـف مـن سنيـن مديـده
    ودون الوطن جيش على كـل معبـار
    لارفـرف البيـرق ونـادى عقيـده
    بشرق البلاد وغربهـا دوم حضـار
    وارض الشمال اللـي نفـوده مديـده
    وارض الجنوب اللي تخيضر بالاشجار
    جزيـرة فيهـا القبـايـل عـديـده
    ارض بها قحطـان وافيـن الاشبـار
    وياعـز منهـم بالشدايـد بسـيـده
    واذكر عتيبـه يـوم للطيـب مغـوار
    لا ثـارت الهيجـا وقـرب ضديـده
    وشمر هل الطولات والجـود مقـدار
    اهل الكرم واهـل الفعـول الحميـده
    وقوم اعنزه مروين الاخصام الامرار
    اولاد وايـل مـن عصـور عهيـده
    ومطير قوم تكـرم الضيـف لا زرار
    وياويل خصم فـي حراهـم وعيـده
    واذكر قبيلة حـرب يانعـم الاخيـار
    وتاريخهـم يحكـي سطـور مجيـده
    وسبيع نعم القـوم ووجيـه الاسفـار
    زبن الدخيل ليا زبـن مـن طريـده
    واذكر قبيلـة يـام والطيـب ينـدار
    اهـل العلـوم الوافيـه والرشـيـده
    ثم الدواسر تجعـل الخصـم منهـار
    عيـال زايـد عـز منهـم سنـيـده
    ثم السهول اللي لها الطيـب مـدرار
    وعن منهج العـادات ماهـي محيـده
    ثم اذكـر العجمـان حمايـة الجـار
    والمرجلـه والجـاه فيهـم عتـيـده
    واذكر بني مـره طويليـن الاعمـار
    مـا ينقـد المـري ولا لـه نقيـده
    ثـم الهواجـر لابـة تقـدح النـار
    اهل الركـاب اللـي خطاهـا بعيـده
    واذكـر بنـي خالـد قبيلـة وامـار
    قوم لهم في المجـد قـول ورصيـده
    وبني تميم اللي لها الطيـب مصـدار
    بنـي تميـم وكـل فـعـل تجـيـده
    ثم الزعوب اللي بها الخصـم يحتـار
    شجعـان ماترضـى سـوا ماتريـده
    العازمي وافي وفـي الطيـب بيطـار
    روحه على كل المصاعـب صميـده
    ثم الظفيري فـي المصاعيـب جبـار
    والطيب والامـداح باصلـه وطيـده
    ثم اذكر الاشـراف بجـلال واكبـار
    اهل الحجـاز اللـي تفـك الزهيـده
    ثـم الهذيلـي لـه مواقـف ومنـدار
    راعي الفخر راعي العلـوم السديـده
    ثم البقوم اللي لهـم جيـش وامهـار
    ريف الضيـوف ليـا لفاهـم وليـده
    واذكر ثقيف اللي لهـم مجـد وآثـار
    ومهمـا حسبنـا مـن كـلام نعيـده
    وبلحارث اهل العز بشهـود واقـرار
    ا لحارثـي ياطيـب فعلـه وجـيـده
    والمالكي معروف لا صار مـا صـار
    في موقف اهل الطيب يبـذل جهيـده
    واثني تحياتي عـدد وبـل الامطـار
    علـى سليـم وكـل خصـم تكيـده
    واذكر جهينه هـل مواقيـف وادوار
    تلقى الجهيني راسـم الطيـب بيـده
    واذكر بلي والمجدلـه فعـل واظهـار
    وتاريخهـم يحكـي فعـول فـريـده
    وبني عطيه في المواجيـب حضـار
    قـوم بوقـت الجـد قـوم عنـيـده
    ثم الحويطي والكرامـه لـه اشعـار
    ثـم الشـراري لـه فعـول مفيـده
    ثم الرشيدي فـي الصعيبـات صبـار
    علـى علـوم الطيـب فعلـه يزيـده
    وباقي جنوب الـدار والقـاف مـادار
    باقـي علـى قلبـي كـلام واشيـده
    زهران نعم القوم في وقت الاضـرار
    والخصم عينه مـن لقاهـا سهيـده
    والغامدي معروف له عزم واصـرار
    راعـي المراجـل والعلـوم المفيـده
    وشمران قوم والجمايل لهـا اطـوار
    وبلقـرن سـم للقـلـوب النكـيـده
    والاكلبـي والمحلفـي مابعـد بــار
    والحارثـي طيبـه وفعلـه يشـيـده
    وبني شهر وبني عمر سيـف بتـار
    قـوم علـى الاخصـام نـار وقيـده
    والاسمري والاحمري صيتهـم سـار
    بيـن القبايـل والمواقـف شهيـده
    واذكر عسير الهول ذربيـن الاذكـار
    وابها احتموهـا فالسنيـن الشديـده
    وادهم والصيعر علـى حـد الاقطـار
    يحمون حد الدار مـن اللـي يريـده
    وامشي مع الساحل مع جملـه افكـار
    رسمتهـا والطـيـر زان اتغـريـده
    وانزل على جيـزان تاريـخ واديـار
    ورجـال فيفـا والقبـايـل عـديـده
    وارجوا العذر واهل المواجيب عـذار
    الي نسيتـه مانذكـر فـي القصيـده
    الواهبـي عـدد ابيوتـه بــالادوار
    مـن شاعـر ماشـل قلبـه حقيـده
    شهران ربعي هم هل المـدح والكـار
    واهل الكند واهل السيـوف الجديـده
    يـوم البلـد مايامـن الزنـد لاثـار
    زيزومنا ابـن مشيـط نعـم الوليـده
    فالجهل شجعان وفـي السلـم تجـار
    مـن بطـن بيشـه للتهـم لارفيـده
    حبيت ابيـن موقفـي بيـن شعـار
    وارجوا سموحتكم علـى ذا النشيـده
    ماحـب انافـق واتعنصـر تعنصـار
    ولا ني باطيع اهـل العقـول البليـده
    ما كل من طـب البحـر قيـل بحـار
    وما كل من شل الفشق جاب صيـده
    فالشعـر بستـان بـه ورد وازهـار
    واللـي تعـداهـا بيـوتـه فقـيـده
    واقولها في الشعـر تكـرار وامـرار
    ضرف بـلا عنـوان يلغـى بريـده
    وبعض السوالف له مواقف ومحضار
    وشعـر بـلا معنـى لـزوم نبيـده
    وصلوا على المرسول شفاع الابـرار
    محمـد الهـادي وقــدوة عبـيـده

    اتمنى تعجبكم .
    [/align]

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    ولـ الشرقيه ـد

    مع الشكر ننتقل بها لقسم القصائد المنقوله

    حسب قوانين القسم--

    نشكرك ونعم بجميع القبائل--- هلابك

  3. #3
    ... عضو نشيط ...


    تاريخ التسجيل
    Sep 2007
    المشاركات
    110
    معدل تقييم المستوى
    1

    افتراضي

    مشكور ولد الشرقيه على موضوعك ويعطيك العافيه

  4. #4
    ... V I P...


    تاريخ التسجيل
    Apr 2005
    المشاركات
    7,813
    معدل تقييم المستوى
    8

    افتراضي

    ارض بها قحطـان وافيـن الاشبـار
    وياعـز منهـم بالشدايـد بسـيـده

    يعطيك العافيه اخوي ولد

    ولاهنت

    وتسلم يدينك

    وتقبل مروري وتحياتي

  5. #5
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    Rose

    ولـ الشرقيه ـد


    لاهـنتـ

    على جـمـال إختــيارك

    والنـعـم بالجميع


    آشكرك

    على تواجـدك العطر

صفحة 1 من 2 12 الأخيرةالأخيرة

المواضيع المتشابهه

  1. ابي ترحيب يليق بعيال وايل العنوز
    بواسطة نصراوي عليل في المنتدى الارشيف
    مشاركات: 10
    آخر مشاركة: 11-11-2007, 11:14 PM
  2. من عادات الشعوب
    بواسطة مشغول من كثر الفضوة في المنتدى الارشيف
    مشاركات: 18
    آخر مشاركة: 30-09-2007, 12:25 AM
  3. شاعر وشيخ وفارس قبيلة العجمان!!!!!
    بواسطة نـNـواف في المنتدى قصائد وخواطر
    مشاركات: 10
    آخر مشاركة: 08-11-2006, 09:55 PM
  4. العجمان والهواجر .. يام وقحطان
    بواسطة ][ هـــذا انـــا . . . ][ في المنتدى الارشيف
    مشاركات: 21
    آخر مشاركة: 24-12-2005, 02:40 AM
  5. مشاركات: 19
    آخر مشاركة: 01-07-2005, 07:15 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52