النتائج 1 إلى 3 من 3

الموضوع: نصيحه لمن له قلب ويهتم

  1. #1
    ... عضو جديد ...


    تاريخ التسجيل
    Sep 2007
    المشاركات
    9
    معدل تقييم المستوى
    0

    Thumbs Up نصيحه لمن له قلب ويهتم

    [align=center]نصيحه لمن له قلب ويهتم


    يامل قلباً من قوافيه مهتم .. تهمه أخرته ودنياه ملهاه

    وده بعد سمع العلوم يتعلم .. واللي تهياله من العلم مكفاه

    الشوف قل والقلب معاد يفهم .. واللي منول فاهماً فيه ينساه

    والعبد ماله غير من الرب يقسم .. واللي ماهو مقسوم للعبد ماجاه

    مايامر المولى على العبد لازم .. أما يجيه الصبح واللآ قفياه

    مدامت الدنيا لحياً تقدم .. وكلاً يبا ينشد عن اللي تولاه

    تعلم العد القديم المكرم .. وين القطين اللي منول على ماه

    معاد أشوف لهم مداراً ولا رم .. واللي منول خابره مالقيناه

    معاد أشوف إلا الشياطين تلتم .. يارب زول الشياطين عن مآه

    يامنزل الماء من سحاباً تغيم .. ياوحداً ماغيرك أحداً ترجاه

    ياغافل أفهم للمقابر تولم .. القبر قدامك ومافيه تلقاه

    قبرك ينادي كل عصر يتكلم .. ويقول عجل راعي القبر مبطاه

    أيام معدودات وشهور تحطم .. واليا وصل حده وقف متعداه

    وأصبح حصيله من حلاله وما لم .. قطعة خلق تطوى إلى حد رجلاه

    عاين حصيلك يابن آدم متمم .. زادك وملبوسك وما راح لله

    واللي وراء ماهوب لك يابن آدم .. لو تجمع كبار الجبال المرساه

    وأن كان كاذب أسئل عني هل العلم .. واللي لقيته عندنا الصبح تلقاه

    وكم واحداً بأهل المساجد تقدم .. وأصبح يصلي واحداً في مصلاه

    وكم واحداً كب العشاير ترازم .. وكب العيال وزجةً تتبع أرضاه

    وكم واحداً يجمع رصيداً تراكم .. يبغاه له بعدين وبعدين ماجاه

    وكم واحداً يبناله البيت ويطم .. بالزل و اللا بالذهب مات ماجاه

    والمسعد اللي من هل الشر يسلم .. سليم فاخرته ويسلم في دنياه

    والمسعد اللي مطعمه مايحرم .. من حل حسناته تنظف خطاياه

    والمسعد اللي مات في النفس مانم .. مقال أبي أشكي ذاك واللا هذولاه

    والمسعد اللي ماجحد حق مسلم .. من نايد العربان والا دنياه

    والمسعد اللي طاف بالبيت وأحرم .. ثم ادمعت عين من خشية الله

    والمسعد اللي تجر ماتوثم .. يعطي حقوق الناس والحق مرضاه

    ومن طفف المكيال ذنبه تعظم .. في آخرته ماينفعه زود دنياه

    لو المدا لدنيا حطاماً تحطم .. تنبت كما وادياً نبت فيه مرعاه

    مير البلا قبراً طويلاً ومظلم .. واللي يخلى فيه ماقط أحد جاه

    ياليت أحد منهم يجينا يعلم .. وننشده عن ماحصله و ماجاه

    يقعد لحاله في الخلا عقب ما أنعم .. ولحوم خده زاد للدود يرعاه

    ياناس خافوا من حكيماً تحكم .. ليا جاء نهار العرض والأمر لله

    أثنين الجنة عليهم تحرم .. تراكة الصلاة ومعاق ولداه

    وأهل الزنا واللي لحاهم تجرم .. خطرين يقطعون من رحمة الله

    أمخالفين السنة اللي تقوم .. والرسل وأتباعهم ألحاهم معفاه

    ومن خالف السنه اللي تقوم .. يكود من ربه عفا عنه وأنجاه

    وشرابت التنباك والخمر والشم .. مكروه والمكروه مايقبل دعاه

    يقوله اللي في الامور يتفهم .. نصيحتاً لأهل القلوب المغطاه



    الشاعر >> مانع بن عمر الرحيمي المطيري(( رحمه الله ))


    تحياتي

    نمر بن عدوان[/align]

  2. #2
    ... V I P...


    تاريخ التسجيل
    Apr 2005
    المشاركات
    7,813
    معدل تقييم المستوى
    8

    افتراضي

    والعبد ماله غير من الرب يقسم .. واللي ماهو مقسوم للعبد ماجاه

    مايامر المولى على العبد لازم .. أما يجيه الصبح واللآ قفياه

    ....

    الله عليك اخوي عاشق

    صح لسانك ولسان من قالها

    ولاهنت

    وربي يعطيك العافيه

    وتقبل تحياتي ومروري

  3. #3
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    Rose

    والمسـعـد اللي من هل الشر .. يسلم
    .. .. .. .. .. .. .. .. .. .. .. .. .. .. .. .. .. .. سليم فـ آخـرته ويسلم في دنيـاه


    هلااابك

    عاشق الإبداع


    وإختــيار / يـعـانق الإبــداع

    نسأل الله الـعـفـو والـعـافيه


    لاهـنتـ / آخـوي

    نرحبـ بك

    وبـ مشاركـاتك الممـتـعـه


    تحيتي

المواضيع المتشابهه

  1. نصيحه 2
    بواسطة احلى عضوه في المنتدى الارشيف
    مشاركات: 3
    آخر مشاركة: 08-11-2007, 10:05 PM
  2. نصيحه قبل ان....
    بواسطة الوفاء للنصر في المنتدى قصائد وخواطر
    مشاركات: 3
    آخر مشاركة: 02-10-2007, 09:28 PM
  3. نصيحه.........................
    بواسطة الح-h-لوه في المنتدى قصائد وخواطر
    مشاركات: 3
    آخر مشاركة: 06-08-2007, 07:31 PM
  4. نصيحه ...
    بواسطة Banoootah في المنتدى الارشيف
    مشاركات: 10
    آخر مشاركة: 25-04-2006, 02:07 AM
  5. نصيحه قبل ان تحب ........
    بواسطة عاشق و ولهان في المنتدى الارشيف
    مشاركات: 13
    آخر مشاركة: 02-04-2006, 12:03 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52