صفحة 1 من 14 12311 ... الأخيرةالأخيرة
النتائج 1 إلى 5 من 70

الموضوع: آهے يا جود الحزنے ويايے وفيے الفرحهے شحوحے من اروع روايات الحب لا تفوتكم

  1. #1
    ... عضو نشيط ...


    تاريخ التسجيل
    Jan 2006
    المشاركات
    65
    معدل تقييم المستوى
    1

    Love آهے يا جود الحزنے ويايے وفيے الفرحهے شحوحے من اروع روايات الحب لا تفوتكم

    السلام عليكم ورحمة الله وبركاته
    اممم بدخل في الموضوع ع طول
    بصراحه هاي قصه قريتها في احد المنتديات وهي للكاتبه :•!°¨قِصےِـة ¤¦¦¤ عًَـِذآبے¨°!•
    واتمنى انكم تقرونها لانكم جد بتحبوها
    وان شاء الله اكون عضوه خفيفه عليكم

  2. #2
    ... عضو نشيط ...


    تاريخ التسجيل
    Jan 2006
    المشاركات
    65
    معدل تقييم المستوى
    1

    افتراضي

    الجـــــــــــزء آلاول من القصه
    آهے يا جود الحزنے ويايے وفيے الفرحهے شحوحے

    راح اعرفكم على الشخصيات الرئيسيه في القصه
    اما الثانويه بتقرونها تلقائيا


    :عائلة بو خالد :

    تتكون من بو خالد : ريال طيب ويحب عياله وايد بس بدون شخصيه
    مايقدر يرفض لزوجته أي طلب لأنه كل الخير اللي اهو فيه من خيرها
    فمسيطرة عليه ومخليتنه شرات الخااااتم في اصباعها


    أم خالد : مره حقووده وحاااسده تكره أتشوف البسمة على ويه أي إنسان حتى ولو واحد من عيالها
    بسبب قصه صارت لها في الماضي ودمرت لها حياتها وحلفت أنها أدمر كل إنسان أتكون قادرة على تدميره
    وهي راعية الكلمة في البيت واللي تباه يمشي واللي ما يعيبه كلامها تطرده ع طول من البيت
    يعني ماسكه الخيط والمخيط

    حصة: بنت بو خالد صف ثالث ثانوي مخلصه امتحانات الشهادة الثانوية من أسبوعين وتنطر النتيجة
    صفاتها: طيبه مرحه حتى لو كانت زعلانه البسمة ما تفارقها وضحكتها من الإذن للإذن الثانية
    واللسانها اطووويل وتموت فشي اسمه طلعه من البيت ..

    خالد عمره 23 سنه يشتغل ويا ابوه في شركة امهم وهو حنوون طيب رومنسي وايد ايحاتي خواته ومستقبله
    وهو صاير لهم الام والاب ويحاول ايعوضهم الحنان اللي افتقدوه من امهم

    الريم : بطلة قصتنا بنوته طيبه وايد ما اتحب اتسوء الضن اتحب الحياه ومتفائله وكل اللي تتمناه اتحاول اتحققه حتى ولو كان صعب وشعارها .. بالاراده نصل الى الغايه وهي ايه في الجمال وكل بنات جامعتها ايحسدونها عليه وهي سنه 3 تجاره في الجامعه يعني

    هذي عايلة بو خالد والحين بعرفكم على عايلة بو راشد وهو اخو بو خالد

    ~ ~ ~ ~ ~ ~ ~ ~

    بو راشد انسان متفهم وفاهم الحياه متواضع لابعد الحدود اغلى ما في هالكون عنده عياله وبس ويسوي المستحيل عشانهم .. وامهم طبعا متـــــوفيه من 5 سنين بسبب مرض السرطان

    راشد: بطل قصتنا عمره 22 سنه يشتغل ويا ابوه فشركة عمهم بوخالد وهو متين شوي وطويل واسمراني بس حليووو

    فيصل : عمره 19 سنه شاب خلووق مرح بس عيبه الوحيد كتوم وما ايحب يطلع من البيت منعزل عن الكل
    وهو في الجامعه يدرس اداب انجليزي وطول الوقت مجابل النت والمنتديااات

    خوله : عمرها 18 سنه تدرس ويا حصه جريئه لابعد الحدود اتموت فشي اسمه سينما لي دشت ما تبا تطلع
    ودومها مطيحه هناك . .

    ~ ~ ~ ~ ~ ~ ~ ~
    عايـــــــــــــــلة بو نوره

    نوره : اربيعة الريم الروح بالروح وصفاتها تقريبا شرات الريم بس الشكل غير
    ودايما ايرددن كلمه وحده انخلقنا من قطعة وحده عشان جي روحنا وحده
    يعني روح في جسدين

    خاطره : اخت نوره مغروره وايد عمرها 17 واترمس من طرف خشمها وكل ربعاتها ما يحبنها بسبب غرورها لانه هي اخر العنقود كل اللي تباه بس اتقول شبيك لبيك يعني ابوها عاطنها الحريه وايد

    بو نوره : رجال طيب الله ما رزقه اللا بخاطره ونوره وايموت فيهن مسمي نوره القلب وخاطره دلوعتي
    ام نوره : انسانه متووواضعه اتحب الخييييييييير وصبوره وايد فقدت اهلها كلهم فحادث قبل سنه كانوا رايحين ياخذون كشته نقلبت عليهم السياره وضربت في السياره الثانيه وشاحت وماتوا كلهم

    ~ ~ ~ ~ ~ ~ ~ ~

    " في بيت بو خالد"

    حصه وهي تصارخ : ريموه ..... ريمووووووه نشي وجع نشي
    الريم وهي مفتحه عين ومغمضه عين : وليه حصوه شفيج يعني محد يرتاح فهالبيت
    حصه: ابا اعرف وين شنطتي الورديه اللي خذيتيها اول امس يوم كنتي سايره ويا نوره
    الريم : احينه امصحيتني من الرقاد عسب بس شنطه حصوه فجي عني وخليني ارقد تعبانه حرام عليج
    حصه وهي معصبه ريموووووووه وصمخ نشي اقولج نشي
    الريم : حصوه والله ما اندلها شوفيها في الكبت مالي
    حصه: انتي والله مب كفو احد ايسوي فيج خير بالمره
    الريم : حصوه كلها شنطه تراج ذليتينا
    حصه : محد قالج تاخذين من عندي شي
    الريم : توبه والله توبه ما اعيدها يالعمه
    حصه : بطلي دلع واسلوب المراوغه هذا وقومي طلعي شنطتي
    الريم : اووووف بقوم غصب عني مب ابكيفي ادريبج لي حطيتي احد فراسج ما بيطلع منها
    حصه اونه ما عايبنها: ها ها ها ضحكتيني
    الريم : انزين حصه قبل ما انش دوريها انتي بعدج مره ثانيه
    حصه : لا حبيبتي قالبه المكان عليها فوق التحت وما حصلتها انتي وين مخليتنها
    الريم اووووف منج وهذا انا نشيت
    الريم اول ما فتحت الجبت حصلتها ع طول
    الريم : واونج قالبه البيت ادورينها هاذوه قدامج
    حصه بضحكة مكر : ادري بس كنت اباج اتبطلي هالكسل شوي
    الريم : يا شيخه أي كسل الساعه 8 الصبح
    حصه: هاتي الشنطه
    الريم : مابا اول اعترفي انج ما اتشوفي
    حصه: شو قالولج عني عميا
    الريم : امممم يمكن ما ادري عنج
    حصه : لا حول علمتها الثقل واتثيقلت علينا
    الريم : هههههههااي اعترفي وبعطيج
    حصه : ياربي خلاص العيله تعمي الابصار
    الريم: الابصار هههههههاااي يا شينج لي رمستين عربي
    حصه : هاهاها بايخه وانا شو ارمس بالله لا يكون هندي وانا ما عندي خبر
    الريم: لا لا رحتي بعييييييييييييييد بتاني وانتي الصاجه
    حصه فرت المخده ع الريم وشردت ونشت ريم تركض وراها
    الريم : تعالي تعالي وصادتها الريم
    حصه : ريموه حرام عليج انا صغيره لا تظربيني حتى طالعي وفتحت ثمها طالعي اسناني لبنيه يعني صغيره
    الريم : انتي وانا اكبيره وما حشمتيني تبيني انا اسوي فيج حشيمه لانج الصغيره لعبي غيرها اكفخج اكفخج
    حصه : ريموه حبيبتي كلها ضربة مخده وهذا ان دل على شي يدل على حبي لج يعني عربون محبه
    هنيه خالد يسمع صريخ حصه وريم تضربها وايدش عرض
    خالد : يالله بصباح خير شو مستوي هنيه


    ريم وحصه مع بعض هي اللي بدت
    خالد: شوفي انتي وياها اذا ما بطلتن دلع البنات بطلع فوق واعلم الحكومه
    ريم وحصه فتحن عيونهن من الصدمه الحكومه لا لا يا خالد عشان خاطرنا
    الريم : خالد توبه ما انعيدها
    حصه : المهم ما توُصل اخبارنا للحكومه

    أي حكومه اللي يقصدها خالد وليش الريم وحصه خافن ؟؟
    سؤال ينطر جواب منكم انتم


    خالد : ههههههههههههااي شو استوى فيكن حشا مب امي هاي الي اتخرع جي
    حصه : امك اتخرع بلاد كامله مو بس نحن

    الريم : حصه عيب جم مره قتلج لا ترمسين هالرمسه
    حصه : منج السموحه حبيبتي توبه ما بعيدها

    خالد : احين ليش ماتخافون من ابوي شرات اميه
    الريم: فديته ابووي طيب كلمه توديه وكلمه اتيبه
    حصه : ههههههههااي الا قولي بدون شخصيه
    هني عصبت الريم
    الريم : حصه لين متى بتمين اتقللين من مستوى ابوج
    خالد: يا حصه عيب ياقلبي ها ابوي وكل اللي يسويه لانه تحت ضغوط اميه
    حصه : محد بيدمرنا فهالبيت الا السيطره والتحكم يالله انا سايره باااي

    الاوتسمع صراخ من وراهم
    ام خالد : حووووووووووه انتي وين سايره
    حصه اونها منصدمه: منو تقصدين اميه
    ام خالد: ومنو اقصد غيرج يا مسودة الويه
    حصه : انا !!
    ام خالد : يعني منو لابس عباه وشيله ومتكشخ غيرج
    حصه : اها .. انا فكرت تقصدين خالد هو بعد لابس ومتكشخ
    ام خالد : حصوه ترى طولة اللسان ما تدخلي من راس
    حصه: انا ما قلت شي
    ام خالد : وتراددين بعد واتقوم تنزل لحصه تبا تضربها
    خالد : اميه اذكري الله حصل خير
    ام خالد : وخر انت لو فيك خير جان مروح من الصبح اتقابل خير امك
    خالد : امي انا احين ساير انزين توها 8
    ام خالد : انت متى بتصير ريال اتقدر المسؤليه الريال السنع فشغله من الساعه 7
    خالد : اميه يعني انا مب ريال فنظرج
    ام خالد : ولا ناوي اتصير ريال ابد
    خالد وهو مضايق والدمعه فعنيه : مشكوووووره اميه انا ساير غرفتي نسيت شي
    ام خالد : سير الله لا ردك ان شاء الله
    الريم وهي تصيح : اميه حرام عليج كافي تجريح ودعاوي ترى دعوة الام مستجابه
    ام خالد : جب انتي جب الله يلعن هالويه واشوفه يحترق ان شاء الله
    الريم ودموعها اربع اربع : متى بتحسسينا انج امنا من خاطر حرام والله حرام
    حصه وهي تصيح ومعصبه : هاي ما تحس حتى الحيوانات اتحس بعيالها
    وهنيه اتعصب ام خالد وتصفع حصه كف
    ام خالد : لا بارك لله فيج انا اتشبهيني بالحيوانات
    الريم : اميه حصه ما تقصد بس تباج اتحسي فينا
    ام خالد دزت ريم ابقوه وطرحتها ع الارض وضرب راسها على اخر درجه فالدري
    ام خالد : متى الله يفكني منكم وآرتآآآح وسارت صوب المطبخ
    حصه ربعت صوب الريم
    ريموه حبيبتي فيج شي
    الريم : لا ياحصه خلينا انروح غرفتنا تعبانه حيل
    حصه : الريم راسج ينزل منه دم حرام عليج لازم انوديج المستشفى
    الريم : قتلج بس عوار بسيط بحط له شاش قومي انروح فوق
    حصه : ان شاء الله نشي بساعدج

    واول ما وقفت الريم طااااااحت ع الارض

    ~ ~ ~ ~ ~ ~ ~ ~

    في بيت بو راشد"

    خوله : لا حول ولا قوة الا بالله هذي وينها احينه
    فيصل : بل بل بل شفيهم الحلوين معصبين شوي وبيطق فيهم عرق
    خوله : انطر حصوووه قايله لها وموصيتنها امس ما تاخر 8 يعني 8 والحين صارت 8 ونص
    فيصل : يمكن انشغلت شوي بس لا تحرقين اعصابج انتي
    خوله بقهر : اووووووووف شكل الفلم بيروح علي اليوووم
    راشد وهو داااااااش عرض
    راشد : ههههههههههههااي أي سينما فاتحه احين
    خوله : وهي حاطه ايدها ع قلبها بسم الله من وين طلع لنا هذا
    راشد: من بيتنا يعني من وين نازل من المريخ
    خوله : ادري بس أي بيت فيهم الاول او الثاني
    فيصل بهباله: ووووووووووووووووووووووااااااااااااااااااااااا ااااا ااااااااوووووووووووو عندنا بيتين
    راشد: هههههههههااي عند خوله يمكن يوصلن 3 بيووووووت
    خوله وهي معصبه : تطنزون انت وييييييياه
    فيصل: انا اموت واعرف هي وحصه من أي كوكب نااازلين
    خوله : وليش حصه يعني ليش ؟؟ ليش ما اتكون الريم ولا لانه حصه احب وحده لقلبي
    راشد بصوت واطئ : فديت الريم والله
    فيصل بنذاله : هههههههههههااي سمعتك
    راشد وهو منصدم : هاه شو سمعت حشا مب اذوون عليك
    فيصل : خمسه وخميسه بعيون الريم اقصد الحاسد
    راشد وهو معصب اونه : أي انت وياها خبر يوصلكم ويتعداكم الا الريم محد يغلط عليها
    خوله : لا لا انا كنت شاكه بس احين تاكدت في إنٌ بالموضوع
    راشد: هاي انتي شفيج بنت عمي ولها الاحترام والتقدير ولازم ادافع عنها
    يعني انتي دافعتي عن حصه وانا نصرت الريم عشان يتعادلون وبس
    خوله : يا شين التصريف بس
    فيصل وهو يدز خوله بمزح: بعدين انتي تعالي شو يخصج ها سوالف شباب
    خوله : رشود خل اخوك يوخر عني بليز يعني
    راشد: مب اخوج يعني ؟!
    خوله: اخوي بس من ابو وام ثانيين
    فيصل : حشا حشا عدال على عمرج شكلج اتحبيني وانا ما ادري
    خوله : وهي تمسح ويه فيصل اموت فيك مو بس احبك
    راشد: خوله صارت الساعه 9 لحقي
    خوله وهي منصدمه : هاه صج الساعه تسع !!
    فيصل: طالعي الساعه صارت عشر مب تسع
    خوله : اووف تقصون علي انتم الاثنين وبدت اتصارخ يبه يبه
    بو راشد : السلام عليكم ورحمة الله صبحكم الله بالخير يا اولاد
    راشد: الله يصبحك بالخير يبه
    وسارو كلهم وباسوا راس ابوهم
    بو راشد : شفيج تزاعجين يابنيتي
    خوله : من الصبح وهمه يهاوشوني
    بو راشد: لا لا ها خوله محد يغلط عليها من ريحة الغاليه
    خوله :فديت ابوي والله فديييييته
    راشد: حشا يبه ونحن من ريحة منو بالله عيال الييران
    بو راشد: لا لا خوله غير
    هنيه خوله بدت تدلع
    خوله : تسمعون ابويه شو ايقول خوله غير وهالغير خلوا تحتها شخطين حمر
    راشد: خوله تعرفين شو يعني غير
    فيصل: اكيد اتعرف ها مايفوتها شي
    خوله: خمسه وخميسه فعين العدو وشاورت ع فيصل
    فيصل : توج اتقولين اتحبيني مسرعج ما تنسي ارمسه واتخليني عدو
    خوله: لا تيلسون اتصرفون الرمسه رشود شو يعني غير اتعرفني احب المعلومات وايد
    راشد : تحبينهم عيل ها معلومه اغريقيه افغانيه هنديه
    خوله: رشود عن لطنازه عاد
    راشد: خلاص بخبرج بس لا تعصبين انتي خوله
    فيصل يدش عرض ويقاطعهم: انتي غير
    راشد وفيصل : ههههههههههههههههههههههههااااي
    خوله: يبه شوف عيالك ما ينعطوون ويه
    بو راشد: احقريهم يابنتي ترى الحقران يقطع المصران
    فيصل: يبه اتشيشها علينا شو
    خوله : اللي ع راسه بطحه يتحسس عليها
    راشد: سمعي يا خوله المعلومه ترى تعبت ابا اقولج
    خوله: ههههههااي قول شناطر
    راشد : غير = بعير = نعير= ثقيلة دم
    خوله هني اتعصب: يييييييييبه طالع هذا احينه انا صرت بعير ((بعير = بوش)) لا ونعير وثجيلة دم يبه عيالك بيذبحوني
    بو راشد: اسم الله على بنيتي يالله احينه سيروا اتريقوا ورانا شركه مافيني ع هذرة بو خالد
    خوله : انا مابا باتصل بحصه اشوفها شو فيها والله لو جانت عدالي جان ذبحتها
    راشد: حشا مصاص دما انتي مب خوله
    فيصل: ترى من الخبال اللي فيها بتشوف وايد
    خوله: انا اترخص بسير ارمسها ابرك من مقابله وجيهكم
    بو راشد: يا بنيتي تعالي اكلي لقمه عسب بطنج
    خوله: مابا يبه مابا حلال عليكم
    راشد: يبه خلها بكيفها هي الخسرانه
    فيصل: عبالها ما بنعرف نتريق بلاها
    خوله: ههههههههههااي تعال دغدني صج انك سخيف
    بو راشد : بسكم هواش وطوفوا جدامي بنتريق
    فيصل وراشد: ان شاء الله يبه


    خوله راحت فووق عشان اتشوف حصه شو فيها وليش متاخره عليها



    ~ ~ ~ ~ ~ ~ ~ ~

    حصه ربعت فوق صوب حيرة خالد وهو توه طالع من الغرفه
    خالد : حصه اسم الله عليج شو بلاج
    حصه: وهي اتنافخ وميته من الصياح رري.... ري... ري.. وبدت اتلعثم بالكلام
    خالد: حصه شفيج رمسي قوووولي شفيج لا تلعثممين
    حصه:: خالللد ريم ريم امي دزتها وضرب راسها على الدري وراسها كله دم
    خالد بخوف: هي وينها احين
    حصه: تحت اغمي ا عليها الحق عليها يا خالد
    وسار خالد يربع صوب ريم

    خالد بضيج : الريم شفيج ردي علي ريموووه شفيج
    بس الريم ما كانت اترد عليه


    شووووووو تتوقعون بيصير لريــــــــــــم خصوصا انه نزفت وايد دم شوفونا بالجزء الثاني من القصه

  3. #3
    ... عضو نشيط ...


    تاريخ التسجيل
    Jan 2006
    المشاركات
    65
    معدل تقييم المستوى
    1

    افتراضي

    اذا حسيت في تفاعل بنزل لكم الاجزاء الباقيه
    ربي يحفظكم من كل شر

  4. #4
    ... عضو ذهبي ...


    تاريخ التسجيل
    Apr 2006
    المشاركات
    649
    معدل تقييم المستوى
    1

    Smile

    رح اكووون من متابعين القصة
    مارح اتوقع الا بعد كم جزء
    شكلها روعة على الي كاتبتها وناقلتها
    سلمت يداك

  5. #5
    ... عضو مـاسي ...


    تاريخ التسجيل
    Mar 2007
    المشاركات
    1,909
    معدل تقييم المستوى
    2

    افتراضي

    مشكوووره

    يعطيك العافيه

    ننتظر التكمله

صفحة 1 من 14 12311 ... الأخيرةالأخيرة

المواضيع المتشابهه

  1. روايات أجنبية
    بواسطة أميـ الورد ـرة في المنتدى الارشيف
    مشاركات: 10
    آخر مشاركة: 05-04-2009, 11:43 PM
  2. صعوبات الحب ……….لا تفوتكم
    بواسطة لهفة الخاطر في المنتدى الارشيف
    مشاركات: 7
    آخر مشاركة: 25-12-2007, 01:12 AM
  3. روايات عالمية لا تفوتكم
    بواسطة @أميرة@الحب@ في المنتدى قصائد وخواطر
    مشاركات: 3
    آخر مشاركة: 26-11-2006, 01:28 PM
  4. روايات عــاشــــق
    بواسطة جار الحرف في المنتدى قصائد وخواطر
    مشاركات: 13
    آخر مشاركة: 12-04-2006, 01:51 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52