النتائج 1 إلى 2 من 2

الموضوع: من اعتـرافات الـمجلـس مع mr.black.tnt

  1. #1
    ... عضو مـاسي ...


    تاريخ التسجيل
    Oct 2007
    المشاركات
    1,074
    معدل تقييم المستوى
    2

    Wink من اعتـرافات الـمجلـس مع mr.black.tnt


    السلام عليكم ورحمه الله في ليلة شتوية شديدة البرودة من ليالي المربعانية وفي قهوة الوالدة في جلسة احمدية وامام المشب والضو ما عندك احسن منها حصلت بعض الاعترافات الخطيرة والتي ربما نتجت عن كثرت شرب شاهي الزنجبيل بالحليب ( شاهي + زنجبيل + حليب ) والتلحف بالفروة والواحد ودك ما يتحرك او يفتح الفروة لا تهب علينا السموم من الفروة ما لكم بالطويلة في هذه الجلسة المخملية حصلت بعض الاعترافات من بعض الزملاء انهم سبق ان انجلدوا يعني اندبغوا وهذا شيء غير عادي والسبب ان الناس دايم تستعرض بطولاتهم ، يجيك الواحد مالي بطنه تسذب وبطولات ياما دبغ خمسة بالعجرى والسادس بغى يموت والله لو الناس ما فكوهم كان موديهم سرداب الشيعة والا يجيك واحد ليخ وعصاقيله كنها مساويك ويتغنى بدبغه لعشر افغانية وغيره من الاساطير المصاطيلية .


    الاجواء في قهوتنا كانت غير فالاعترافات كانت حاضرة واتركم مع اول قصة وهي حقيقة والبهارات والحبكة مني


    يقول خوينا


    كنت طالع من الدوام والنفس شينة مره وزحمات وغثى تعرفون الرياض اكيد ويجيك ذاك الليموزين يمشي طبلونه ويحدني ذيك الحده اللي يحبها قلبك يوم جاني الشيطان الله لا يعيده ويلعب علي ويقول الحقه تراه ليموزين وره الشغل المهم صدقت ولحقته وخذ يا تكبيس وبوراي يوم الليموزين شخط وانا الحقه واحده يوم لف ودخل حي جديد – ناويني الوسخ - يوم صرت اباريه بالموتر واثاريه باكستاني – بلاه ابيض ما هوب ادغم- وقصير على طول جا الشيطان وقال تراه ضعيف وقفه والزخه وعلى طول احده والزه على الرصيف وانزل بسرعة لمه والعن واسب واتفل وناوي شر اني ابلعن خامسه


    يوم ينزل ذاك الباكستاني الطويل عريض المنكبين كنه الرجل الاخضر مدري شلون متسفط في الكامري وانا افكر بسرعة انحاش والا اتضارب معه بس حسبي الله على التفكير الغجري المداري الاستوائي قلت خل اجزم يمكن يذل واجيك اركض واطمر عليه يوم لقفني ومسكني من تحت آباطي ورفعني كني بزر وانا ادودل رجليني ثم نزلني على مستوى وجهه وجلس يطالعني والله تشم ريحه السويكه مع وشو الخياس حقهم من اثمه ثم عصرني ذيك العصره يوم شهقت ذيك الشهقة وابي انفس والنفس جالس في صدري عيى يطلع ويعصني ثانية يوم طلع شريط حياتي قدامي والظاهر اني ارتخيت من تحت ثم جدعني على الارض واحس اني في منطقة انعدام الوزن والجاذبية والدنيا مضلمه مره قلت اكيد بس القبر ما دريت الا هو كامشني من صدري ورافعني مره ثانية ثم تفل بوجهي الله يلعنه وبس اشوى صحصحت شوي وقربني لوجهه وقال والشرر يتطاير من عيونه مره ثاني ياهمار – حمار- انا افرم لهم – لحم- انتااا ثم جدعني على الارض وركب موتره ومشى طبعا الوسخ يوم يدخل حي جديد توه قايم ناويني علشان ما احد يفكه مني قصدي يفكني منه الوسخ بس خيره والا كان صرت مقطع بلوتوث .

    قمت ما بين مصدق ومكذب واطقق ثوبي واجمع اغراضي وامشي للموتر تقل سكران واروح للبيت طبعا الوالده يوم شافتني تروعت وقالت عسى ما شر وجهك متغير قلت ابد تعبان وبغيت اصدم وهي تقوم الله يجزاها الجنة وتصلح لي عصفر – العصفر شراب ذو لون اصفر فاتح لا يمت للنصر بصلة- واورح ابنام ماش مقهور ووجه الكلب يطلع قدامي على طول واحسن اني عايش حلم وردي بريحة الفل والياسمين طبعا احتجت كم يوم علشان ارجع طبيعي وذاك الشارع حرمت اطبه



    ويالله ياحلوين الي تصطر وتفقع وجهه يسدحلنا سالفته فيذا :boy02_5:

  2. #2
    كبآآر الشخصيآت

    تاريخ التسجيل
    Feb 2006
    المشاركات
    15,991
    معدل تقييم المستوى
    16

    افتراضي

    يفتح الفروة لا تهب علينا السموم من الفروة
    ههههههههههههاي

    اما سموم والله انك صادز

    ههههههههههههاي




    ويالله ياحلوين الي تصطر وتفقع وجهه يسدحلنا سالفته فيذا

    <<<<<<<<ماله بالمشاكل

    الله من الصدز؟؟؟؟


    مستر بلاك

    يعطيك الف عافيه

    موضوع كذا <<<<<يعني قووووود

    تحيتي لك,,,

المواضيع المتشابهه

  1. BLack LisT
    بواسطة !.همسة العسكرٍي.! في المنتدى الارشيف
    مشاركات: 17
    آخر مشاركة: 11-10-2010, 03:06 AM
  2. Call of Duty Black Ops !!!
    بواسطة DES-BRHOM||~ في المنتدى الارشيف
    مشاركات: 10
    آخر مشاركة: 30-09-2010, 05:45 PM
  3. الحق ياولد شوف Mr.black.tnt
    بواسطة MR.BLACK.TNT في المنتدى سيارات
    مشاركات: 18
    آخر مشاركة: 26-03-2008, 07:47 AM
  4. mr.black.tnt محتاج لدعائكم
    بواسطة MR.BLACK.TNT في المنتدى الارشيف
    مشاركات: 6
    آخر مشاركة: 12-12-2007, 01:54 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52