السلام عليكم ورحمة الله وبركاته
صباحكم زهر
و مساؤكم عطر
أحبتــــي ..
نصادف في حياتنا مواقف و ذكريات تجبرنا على التوقف عندها
و لكن عندما تكون تلك الذكرى مؤلمة وراسخة في الوجدان ماذا عسانا نفعل !!
هنا قصيدة لطالما رددتها على مسامعي وبكل شجن صديقتي الراحلة قبل رحيلها
لأعود أنا الآن لسماعها مراراً وتكراراً و دموعي تتساءل هي و نفسي
ترى ما الذي سيحدث بعد رحيلي أنا أيضاً ؟!!
أخوتي أبناء عائلتي الثانية ( الزين ) أعذروني ..
ولكني أحببت أن تشاركوني ما التمسته في هذه القصيدة ..
(( مرثـيــــــــة شاعـر ))
تفضل هنـــا لسماع القصيدة بصوت الشاعر
[poem=font="MS Dialog,6,white,bold,italic" bkcolor="transparent" bkimage="backgrounds/21.gif" border="ridge,4,gray" type=2 line=0 align=center use=ex num="0,black"]
ودِّي أمُوتْ .. اليُوم ... وأعيش باكر =وأشوفْ مِنْهو .. بعد مُوتي فقدني ..!
ومِنْهو حَمَلْني لِين .. ذِيكْ .. " المقابر " =وأشْكرْ أنا .. كِل مِنْ كَرَمْني ودِفنِّي
وبشُوفْ .. يرثيني أنا كَمْ [ شاعر ] ..؟ =ومِنْهو تركْني .. وما كِتَب شَي عنِّي
شِخصٍ تعنَّى لي .. مع إنه .. مسافر =وشِخصٍ قِريبٍ .. وآنا مَيِّت / طعنِّي
وشِخصٍ يمثِّل دمعِتَه .. ما هو قادر ! =وشِخصٍ تِطيح دموعه كِلْ ما ذكرني
ومِنْهو مِنْ أهلي فـ العَزا كان حاضر =ومِنْهو دعى لي في " صلاته " ورحمني
ومِنْهو بنى [ بإسمي ] سبيل ومنابر =ومِنْهو يفز قلبـه .. إلا مِنْ لمحني
ومِنْهو عشاني : طُول الأيام ساهر ..! =ومِنْهو ثلاث أيَّام .. راح وتركني ..؟
ومِنْهو يرتِّب .. غرفتي .. / والدفاتر =وإن شاف ( صورهـ ) لي ماتْ وحضنِّي
يالله عسى .. ما تغفى كل المشاعر =ويالله عسى .. ما ينصِدِم يُوم ظنِّي
خايف يروح العُمْر .. وأكُونْ خاسر =وإن طار طيري .. ما يفيد / التمنِّي
وخايف يجيني وقت : أكْسِر خواطر =إن دارت الدنيا .. وزماني كسرني
ومدام هذي الدنيا .. صارت مظاهر =وكِلْ مَنْ على كيفه .. وجَوَّه يغني
[ صحيح مُسلم .. لكن : الهَم كافر =كل ما بغيت أضحك يهددني حزني ]
الضيق وافـي .. والحزن حيل وافر =والجرح أكثر شي .. شفتـه يحبني
عايش وميِّت بين .. ماضي وحاضر =والصبر [ مفتاح الفرج ] ضاع منِّي
قل وش تبي وتتركني يا حزني آمر =مسكين فرحي / تصدِّق إنَّ وحشني !!
( شاعر ) ولكنِّي .. ماني بـ شاعر =ودِّي أموت اليوم .... وأرتاح منِّي !![/poem]
الشاعر / أحمد الصانع .
اعتذر لكل من أثرت عروق شجنه بنقلي ..
أختكم .. دمع الزهر
مواقع النشر (المفضلة)