النتائج 1 إلى 2 من 2

الموضوع: البنات يسون باصاحي صرقعات

  1. #1
    ... عضو مميز...


    تاريخ التسجيل
    Jun 2005
    المشاركات
    211
    معدل تقييم المستوى
    1

    البنات يسون باصاحي صرقعات

    [align=center]ابعترف اعتراف تراي ما اعرف اكتب مقدمه لكن ابتمليح والشكوى لله ماحد قالكم تدخلون موضوعي لا ومن زود التميلح ابكتب بلون بناتي خخخخخخخ

    هاذي الكلمات تعبر عن حقبه من حقبات الزمن الغابر الذي عشت فيه

    كنت يومي صغير مملوح مررره ودايم ملابسي نظيفة ولافيها بقع صفرا وبنيه اذا تازمت الاوضاع

    ولا البس فنيله علاق حقت اخوي ابد كنت البس فنيله نص كم ماركة ابو صره ولا احط اصبعي في خشمي ولا في سري لاني كنت مؤدب مره تصدقون كنت اكح في منديل ---- ايه هيين ----

    وكانت كل صراويلي ماهيب مشققه من عند الركبه لاني ما اطيح على خشتي ابد ولا اتزحلق في الحوش بعد كل حلقه من كبتن ماجد

    الا وش رايكم في بسام هو وفنايله المزلطه مسوي قوي هو خشته اشوى اني شايفه ذاك اليوم يصيح يوم تذكر ان ابوه مات ولازم يشتغل ويكد على امه واخواته

    بس خل عنك رعد يوسع الصدر هو وحركات المطامر على الجدران مع اني حاولت اقلده وطحت على خشتي وانكسر نابي --- اما نابي الي يسمعك يحسبك اسد يا الدبشه ---

    نرجع لموضوعنا

    المهم انا كنت ولد محترم واول ما اطلع من المدرسه ارجع للبيت على طول ولا اذب شنطتي من فوق السور واروح ارجم شجرة العبري حقت جارنا ابو سعد ولا مره طاحت علي بلكه كان واحد تفخ يبي يرجم شجرة العبري علشان تتطيح بعضاً من ثمارها وطاحت على جبهتي ولا سموني ابو فلقه عقب الموضوع


    وكنت ما اسرق موتر ابوي الصبح ايام الاجازات ابد لاني ماكنت احب السواقه ولا اوزي فلوس فسحتي علشان ارشي الشغاله بقوطي ببسي وحلاو بلك علشان ما تعلم علي

    وكنت دايم احل واجباتي اول باول ولا قد مره حط مدرس الفقه مفتاح موتر بين اصابعي ولا مره قد طقني الوكيل فلكه لاني كنت طالب مثالي ولا عمري كتبت ذكرياتي على جدران الحوش حق المدرسه

    وتصدقون ما اذكر ابوي قد مد يده علي ولا واحد من اخواني لاني القعده ومدلع مررره ولا قد جلدوني اخواني علشانهم اكبر مني لاننا في البيت عندنا سياسه اعطف على الصغير واحترم الكبير

    وتصدقون ماعمري حبيت احد من البنات لاني مانيب داشر ولاعمري حبيت هايدي هي وسروال السنه الابيض والشلحه حقتها الحمرا ولاقد حقدت على بيتر خويها ابو نمش ---كنت احسب ان فيه جدري وطاب منه من سنة الصخونه الين تعرفت على فراس الطالب السوري الي في مدرستنا وكان فيه نمش وقلت له وش ذا وعلمني اسمه ---

    وكنت احترم سالي ولاعمري فكرت فيها افكار خبيثه بالعكس كنت ارحمها مسكينه انسه منشن لاعبه في حسبتها

    ولاعمري جربت التتن ولاكنت الاحق السيارات الي يتتنون سواقينها ولا يذبون الزقاره مع الشباك يطفونها في الطفايه واقعد العن فيهم

    ولا عمري رقيت فوق سطح الملحق واوزي العلوك والاسي كولا وككاو علشان ماحد يجيه من اخواني الكبار

    ولاعمري تاجرت في الشروخ والصواريخ ولاكنت ابيع دستت الشروخ باربعين ريال ليلة العيد --- ماكنت استغلالي ابد --- ولاكنت افقع شروخ عند البزران علشان يغارون مني ويخلون اهلهم يشترون مني


    وكنت اخذ عيديتي خمسين ريال ولا اشخص بها عند العيال بعدين ارجعها لابوي يوم العيد في الليل

    تصدقون ماكنت اعرف من القروش الا ريال الملك عبدالعزيز الاحمر وبعد التطور ريال الملك فهد الابيض والخمسين الخضرا اذا عطانيها ابوي في يوم العيد الصباح

    ولاعمري سرقت مصاقيل من اخواني ولاعمري حطيت طامس على مصاقيلي وقلت هاذي مصاقيل كويتيه


    كانت طفولتي طفوله بريئه جدا تصدقون مافي راسي ولا فلقه اذا حلقت صفر لاني ولد محترم ولاكنت سربوت ابد ابد



    هاذي بعض من مذكراتي اتمنى انها تحوز على رضاكم وتجوز لكم

    ترى تحوز غير تجوز انتبهوا [/align]

  2. #2
    ... عضو ذهبي ...


    تاريخ التسجيل
    Apr 2005
    الدولة
    يمكن قصر _ يمكن جحر
    المشاركات
    715
    معدل تقييم المستوى
    1

    افتراضي

    هذي كلها مذكراتك




    ولاعمري تاجرت في الشروخ والصواريخ ولاكنت ابيع دستت الشروخ باربعين ريال ليلة العيد --- ماكنت استغلالي ابد -


    ذكرتني باللي مضى يوم كان عمري 11 كنت ابيع شروخه في العيد دبل السعر واذا جت وحده من البنات حلوه اعطيها شروخه ببلاش ان شرت بعشره ريال


    لا واذكر كنت احد الشروخه في شنطه سنسونايت حقت ابوي




    مشكور مواصل على الموضوع

المواضيع المتشابهه

  1. ليفــوتكم البنات اذا زعلو وش يسون ..؟؟ هههههه
    بواسطة ...][دمع الغيم][... في المنتدى الارشيف
    مشاركات: 21
    آخر مشاركة: 04-10-2008, 05:21 AM
  2. اصحو يابنات اكاذيب الشباب على البنات دشوو !!!
    بواسطة درة الزين في المنتدى الارشيف
    مشاركات: 3
    آخر مشاركة: 27-10-2007, 09:03 AM
  3. تعالو نشوف وش يسون البنات والشباب بالفسحه
    بواسطة الفرحه اليتيمه في المنتدى الارشيف
    مشاركات: 21
    آخر مشاركة: 22-08-2007, 09:14 AM
  4. مشاركات: 9
    آخر مشاركة: 14-02-2007, 01:23 PM
  5. شوفو وش يسوو البنات وهمه راجعين من العرس !!!
    بواسطة البـــــحر الغامـــض في المنتدى الارشيف
    مشاركات: 12
    آخر مشاركة: 16-05-2006, 09:34 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52