صفحة 1 من 4 123 ... الأخيرةالأخيرة
النتائج 1 إلى 5 من 17

الموضوع: غربان همي \توالي العقابيس

  1. #1
    ][ ..شــاعــر متمـكـن.. ][


    تاريخ التسجيل
    Sep 2007
    المشاركات
    146
    معدل تقييم المستوى
    1

    افتراضي غربان همي \توالي العقابيس

    ما أحقر الحياة عندما تختل القوانين والنواميس

    ما اصعب استلال الانفاس من الهواء الملوث بانفاس الجبابرة الطغاة

    ما اقبح الحياة عندما يسخر ((الشيطان)) من النسّاك والعباد



    لن اطيل عليكم فالحياة تبداء بصرخه وتنتهي بصمت

    اترككم لحين بلوغ ساعة صمتي في هذا النص

    [rams]http://maged04.googlepages.com/3qabis.rm[/rams]


    [poem=font="Simplified Arabic,6,chocolate,normal,normal" bkcolor="black" bkimage="" border="double,4,chocolate" type=0 line=0 align=center use=ex num="0,black"]
    تجمعن حولي صفوف(ن) كراديس=بنات فكري خضعن للقصيده
    طرقتها تجري كما سابح العيس=متحدراتن من نوازن بعيده
    دعيتهن والكل منهن خراميس=ووردتهن فوق الخشوم العنيده
    جبري وقافي فوق روس المفاليس=رمحن ركازه فالكبود اللهيده
    طقّولي دمام الحروب المشاريس=نويتها غاره لعين البديده
    لاجيت حرب(ن)يضربون النواقيس=وان جيت حبّن واهني من نريده
    صوّت علي رجلن سلاسة عتاريس=من نسل خالد جاوب الصوت ميده
    ابشر بعزك ويل كل الاباليس=الخالدي ربّط بليسن بقيده
    ان كان للشيطان كرّه وتخميس=حنا جيوش الفتح حنّا نشيده
    حنا سلالة من يدك المتاريس=قايد جيوش الفتح خالد عميده1
    لاغار بالعيّار فابليس دلعيس=ذليل خاوي يفر مثل الشريده
    كان الفخر منسب فحنّا المقابيس=فريد مكّه جدنا وهو عقيده2
    خير البشر من قيّس الحق تقييس=بن عمّنا وش بعدها ويش ازيده
    وكان الفخر تاريخ معجم قواميس=شف الكتب ماهي سوالف جريده
    صلنا وجلنا من عمانن لجرجيس=حكّمن على شرعن وسنّة عتيده
    بن زامل الجبري عذاب المناحيس=تسعين عامن مالقى من يكيده
    الحق مايخفى ولا يجيه تدميس=الله فرق مابين جملة عبيده
    عيال خالد كاسبين النواميس=يوم انها بالسيف يشهد جليده
    ياما روينا ظاميات العبابيس=البرتغالي غيرنا من يبيده
    بيض الحبارى دونها بالاناسيس=ياكم قطعنا كف من مد ايده
    ون كانها رفّت فروخ القرانيس=تخمر الا من كاملن رام صيده
    الكل يفخر في ربوعه ونا اقيس=فخر(ن)بلا توثيق ماني بجيده
    حنّا حكمناها جميع التضاريس=موج البحر شاهد وبالبر حيده
    ياكم قفرن قبلنا يوم ماديس=تلقى به رسوم الخوالد شهيده
    ياما ضربنا من جبالن مخاريس=لين اخضعت تحت الخوالد رعيده
    حنّأ سلالات الرجال الاشاويس=غرّة قريش الخالديه مجيده
    والخير في كل البدايد تقاييس=كل(ن) خذى من الطيب وافي رصيده
    ولّا الفخر عند الذي يعرف ايقيس=تقوى الفتى ربّه وخوفه وعيده
    وإذا الفتى مرباه غشّ(ن)وتدليس=ماينفعه عرقه ولاهو يزيده
    ومن كبرت عظامه بسوق النخاسيس=ماذاق طعم العز والذل عيده
    اعمى البصر ماينفعنّه فوانيس=عينه سوى متعافيه او رميده
    والّي همومه فوق راسه عراميس=ماهو سواة الّي يغني نشيده
    اليوم صارت للرخوم الهتاريس=لاقبر(ن) الا صاح ينعى حفيده
    ونا تزايدبي فزوع الكوابيس=اصحى وانام بذكر ذاك الفقيده
    ياقبر مقرن جاك مني هناديس=غربان همّي فوق قبرك وحيده 3
    فوق القبر فلّن همومي من الكيس=القبر مشكى بالسنين البليده
    مقرن وسال الدمع فوق القراطيس=لاتلومني ياعمّ نفسي زهيده
    قمت اتذكر ماضين للفواريس=والربع من فوق الصحاصح ضديده
    مقرن يصوت والخوالد مخاميس=والبرتغالي واقعن في هبيده
    مقرن وسم القلب زود الهواجيس=ماهي هواجيس الهوى بالخريده
    ماني بعاشق للعيون النواعيس=عشقي تواريخن تطاول فريده
    القلب حامت به توالي العقابيس=سدّن شرايينه وسدن وريده
    والكبد تحمسها لياليّ تحميس=تقلبت فوق السنين الوقيده
    عروق قلبي يبسن فيه تيبيس=عيدان راكن فرعن في صعيده
    الورق ناح وجاوبت نوحه ام قيس=حيف الحبارى ذكريات(ن)مديده
    وقتن تبوعتنا غدوبه غطاريس=سقط البشر متغطرسين(ن)بسيده
    الوقت لاكبر عيال الهداريس=ماعاد ياصل للاشاوس بريده
    واليوم اشوف الوقت كلّه دهاليس=كبّر صغير وكم ذبح من وليده
    العز عيونه ذابلاتن معاميس=اعطوله الدلّه لعلها تفيده
    حافن عليه وحوش غدر(ن)مضاريس=يراقبنه لين ينفذ رصيده
    اضرب على خمسه بضرب السواديس=واهزّ راسي ووسط جوفي صديده
    واشرب من الدخان شربي عماريس=اطفي واولع كل بيت(ن)جديده
    ماهمني كثر الوجيه الدواسيس=الي ذبحني قل وجيهن حميده
    ولاهمني روس الكفر زمرة ابليس=الراس شامخ والخطاوي سديده
    اسستلي فوق النوايف تئاسيس=ماهدهن صلفات ريح(ن)شديده
    ولا العيون الي بروس الجواسيس=عجزت وهي ترقب تدوّر نقيده
    والداب لو جلده مملس تماليس=سمّه بنابه والله يرد كيده
    متحينن قرصة خطاوي الدواويس=الي ورى كل الغوانم جهيده
    نمشي وحنّا من بعاد المراميس=ومجد(ن)تليد(ن)مالقى من يعيده
    مريتلي مرقب لطيف النسانيس=متبعدن عن كل هم ونكيده
    مالي بقعدات الطرب والمجاليس=ماعاينت همّي النفوس السعيده
    ياوين انا وياوينهن التوانيس=همّي معلق في ضلوعي قديده
    ماني مطولها ولوهي اماريس=والله لو طالت تذّوب حديده
    الا ان قلبي فوق حمر الطعاميس=يسحب له بقوس الربابه قصيده[/poem]

  2. #2
    ... V I P...


    تاريخ التسجيل
    Apr 2007
    الدولة
    مع زوجي :)
    المشاركات
    5,523
    معدل تقييم المستوى
    6

    افتراضي

    صـح لسـآنـك مليـون يـاولد الـ ع ـم ..,

    لآهنـت .. ولآتبـطـي عنا بجمال أبياتـك ..,

    باقـة أوركيـدا لـك ..,

  3. #3
    ][ ..شــاعــروإعلامي.. ][
    تاريخ التسجيل
    Dec 2006
    الدولة
    في صدر كل طيب
    المشاركات
    3,085
    معدل تقييم المستوى
    4

    افتراضي

    ابوحمد



    شاعر مُبدع ,,

    وصعب,,وترويض الصعاب’’

    صح لسانك ودمت بهذه ِ الجزاله

  4. #4
    ... عضو ذهبي ...


    تاريخ التسجيل
    Feb 2007
    الدولة
    فلسطين
    المشاركات
    722
    معدل تقييم المستوى
    1

    افتراضي

    بسم الله الرحمن الرحيم






    صوّت علي رجلن سلاسة عتاريـس
    من نسل خالد جاوب الصـوت ميـده
    ابشر بعـزك ويـل كـل الاباليـس
    الخالـدي ربّـط بليـسـن بقـيـده
    ياما ضربنا مـن جبالـن مخاريـس
    لين اخضعت تحت الخوالـد رعيـده
    حنّـأ سـلالات الرجـال الاشاويـس
    غـرّة قريـش الخالـديـه مجـيـده
    والخير فـي كـل البدايـد تقاييـس
    كل(ن) خذى من الطيب وافي رصيده
    عـروق قلبـي يبسـن فيـه تيبيـس
    عيدان راكن فرعـن فـي صعيـده
    الورق ناح وجاوبت نوحـه ام قيـس
    حيـف الحبـارى ذكريات(ن)مديـده
    وقتـن تبوعتنـا غدوبـه غطاريـسس
    قـط البشـر متغطرسين(ن)بسيـده

    واشرب من الدخان شربي عماريـس
    اطفـي واولـع كـل بيت(ن)جديـده
    ماهمنـي كثـر الوجيـه الدواسيـس
    الي ذبحنـي قـل وجيهـن حميـده

    ياويـن انـا وياوينهـن التوانـيـس
    همّي معلـق فـي ضلوعـي قديـده
    مانـي مطولهـا ولوهـي اماريـس
    والله لـو طالـت تـذّوب حـديـده
    الا ان قلبي فوق حمـر الطعاميـس
    يسحب له بقـوس الربابـه قصيـده



    ماجد الخالدي


    صح الله السانك ياولد العم


    سلامي مع نسيم الهوى ان شاء الله ياصل

  5. #5
    ||.. مُـهَـاجِـرَة ..||


    تاريخ التسجيل
    Dec 2005
    الدولة
    حيث أكون
    المشاركات
    10,464
    معدل تقييم المستوى
    11

    افتراضي

    ابشر بعـزك ويـل كـل الاباليـس
    الخالـدي ربّـط بليـسـن بقـيـده


    والنعم فيك يا الخالدي


    الشاعر / ماجد

    شاعر امتلك الحرف و اجاد صنعه

    ليأسر ذائقة من حوله

    تنحني حروفي إعجاباً أمام شامختك

    صح لسانك وسلم نبض احساسك

صفحة 1 من 4 123 ... الأخيرةالأخيرة

المواضيع المتشابهه

  1. لا تنامي أبداً مع العدسات اللاصقة
    بواسطة محمد العلي في المنتدى عالم حواء
    مشاركات: 9
    آخر مشاركة: 08-07-2006, 01:24 PM
  2. الفنــان الذي شتـم بنامج الوادي >> مقطع صوتي
    بواسطة لــــولــــوه في المنتدى الارشيف
    مشاركات: 8
    آخر مشاركة: 25-09-2005, 10:25 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52