صفحة 1 من 9 123 ... الأخيرةالأخيرة
النتائج 1 إلى 5 من 41

الموضوع: @قصه قالوا مصيرج ضحية صمت@

  1. #1
    ... عضو نشيط ...


    تاريخ التسجيل
    Dec 2007
    المشاركات
    37
    معدل تقييم المستوى
    0

    افتراضي @قصه قالوا مصيرج ضحية صمت@

    @قصه قالوا مصيرج ضحية صمت@

    الكاتبه:غـــ آل خالدي ـــلآ..



    عائلة أبوفهد <صالح>:أم فهد<منيره>,,,أماعيالهم,,,
    فهد أبوخالد,,عبدالعزيز أبو نايف،، ساره أم عبدالملك ،،محمد أبوطلال،، روابي26،،سلمان24>>


    الجــــــــــزءالاول،،،،،،،،،،،،،،،،،

    )()()()أكبر قهر لاضاع عمرك ورى أنسان تبي غلاه وهو يبي أنسان ثاني()()()(


    أول يوم في العام الدراسي الجديد,,,,
    في بيت أبوطلال...
    أم طلال(ظبيه):يالله طلول قوم تاخرت على الجامعه..
    طلال:شوي أمايه..
    أم طلال:أبسير لرولا وأبردلك يالله أجوف..
    وسارت لغرفة رولا ولاحصلتها بالغرفه،،وين سارت هاي أكيد راقده عند التلفزيون..���ورولا تظهر من دورة المياه أعزكم الله..
    رولا:صباح الخير ياأحلى أم بالدنيا وتبوسهاعلى راسها..
    أم طلال:صباح النور وأنتي مين وعاج مب من عوايدج تنشين بدري..
    رولا:أتصلت ريما ووعتني وقالت مريني ماعندي حد يوصلني للمدرسه..
    أم طلال:الدريول يقول أبوج لاتظهرون وياه لان بعده مايدل وبيوديج طلول ومريها عادي..
    وأبسير أجوف طلال نش ولابعده وتدخل عليه وتصارخ عليه قوووم..
    طلال:أماياااا خرعتيني شو فيج..
    أم طلال:بسم الله عليك قوم أبويا تاخرت..
    طلال:شو فيج أمايه ماعندي الاسبوع شي خليني أرقد..
    أم طلال:قوم وصل أختك ورفيجتها لان السايق بعده مايدل شي..
    طلال:طيب بوصلهم كله من السايق الغبي..

    (محمد أبوطلال,,ظبيه أم طلال:عائله صغيره مره وهي عائله عايشه بعز ودلع للجميع
    >طلال وعمره23سنه ويدرس بالجامعه
    >رولا عمرها18وتدرس بثالث ثانوي
    >غلا عمرها سنتين وهي دلوعه البيت)..


    في بيت أبوخالد...
    دلع طلعت من غرفتها وفي نفس الوقت خالد طالع من غرفته>>>
    خالد وهو يقرب من عند دلع ويصرخ:بووووووو
    دلع نقزت وصرخت:يمااااااااه وتلف وشافت خالد يضحك عليه وتضربه بشنطتها:يالخايس الناس يقولون صباح الخير كل عام وأنتم بخير..
    فيصل في هالوقت طلع من غرفته ومتخرع:بسم الله إيش شفيكم على الصبح..
    دلع:اسأل أخوك اللي مايمر يوم واحد إلا مخرعني..
    ام خالد وهي جايه مسرعه:وش فيها حبيبتي دلع..
    دلع وهي تضم أمها:أمي خالد بس يخرعني فيه احد يصارخ على الصبح..
    ام خالد:بسم الله عليك خالد ايش فيك على اختك..
    خالد:انا ماسويت شي بس هي دلوعه بزياده..
    فيصل:لاوالله مقومني من النوم وتقول ماسويت شي..
    مشاري طلع من غرفته وباس راس امه:صباح الورد خير ان شاء الله ايش صاير يمه..
    ام خالد:هلاوالله بولدي ماصار شي كالعاده خالد ودلع
    يالله ياعيالي مابقى شي على الدوام..
    دلع:انايمه مابي اروح مع خالد اليوم اخاف مااوصل المدرسه بسلااااااام >وتطالع خالد بنظرات دلع..
    فيصل:خلاص انا بوديك بس خلونا نفطر..
    نزلوا كلهم وسلموا على ابوهم وفطروا وراح كل واحد لدوامه.. >>>فهد أبوخالد,,فاطمه أم خالد,,,,,,,
    >خالد عمره25مدرس المرحله المتوسطه رياضيات راعي مقالب.
    >فيصل عمره23موظف في الاتصالات وسيم وحنون.
    >مشاري عمره18آخرسنه في الثانويه.
    >دلع عمرها17في ثاني ثانوي علمي دلوعة البيت>>>>


    وسارت رولا ومرت ريما وساروا للمدرسه وكان أول يوم بثالث ثانوي..
    ريما:كان قلتيلي أن أخوك مو السايق كان قلت لأخوي يوصلني والله فشله من اخوك مصحينه ومخلينه يوصلنا بعد..
    رولا:ماعليج منه اللحينه بيرد وبيرقد مب شراتنا..
    وسارو ودشوا الفصل وأختاروا مكان بجنب بعض وبأخر شي ويو البنات ويلسوا يتمشون ويسولفون وين سافروا وشو استوا بالاجازه من مواقف..
    رولا وريما:السلام عليكم..
    البنات:وعليكم السلام ..
    ساره:الله وش الكشخه هاذي يارولا والله أنك رايقه على أول يوم..
    رولا:اللحينه أناكاشخه بالعكس أحس شكلي حوسه لان طلال عصب عليا موعيته من النوم عسب ييبني..
    هاجر:أيوه على طاري أخوك طلال شفته بالفيصليه قبل فتره وأستغربت مارحتوا الأمارات السنه..
    رولا:سرنا بس هو ماسار يلس هو وخالي سلطان كبره و أكيد جفتيه يرقم بنات..
    هاجر:دايم ظالمته..
    رولا:هذا الولد طالع على عمومته ورى البنات أماخالي سلطان ثقل..
    سوسن(سوسو):أنتي وش سالفت خوالك ليش عايشين بالرياض..
    رولا:أنا أمياا إماراتيه بس خوالي عايشين بالسعوديه قبل ماتزوج أمايه وكل خالاتي تزوجوا إمارتين إلا أمايه أخذت سعودي وخالتيه فاطمه عايشه بالسعوديه بالدمام وخالتيه لطيفه عايشه بالأمارات وخالتيه مناربجامعه وكل أجازه نسير نحن وخوالي نقضي الأجازه بدبي ولنا فلا بدبي..
    سوسن:طيب غريبه أمك أخذت سعودي من بين خالاتك..
    رولا:لان يدي أبو أمايا كان له شركه وكان هو ويدي أبو أبوي مره أصدقاء والعايله كلهاأصدقاء ومع بعض فقال عسب تكبر العلاقه بينهم تقدموا لأمايه ووأفقت..
    ساره:يعني زواج مصلحه..
    رولا:لا كان أبويا يتمنى إمارتيه فحب أمايا وتزوجوا..
    سوسن:وناسه زوجيني إماراتي زوجيني خالك الثقيل..
    البنات:هههههههههه..
    (<شخصيةرولا> دائمآ على نياتها وتحب تساعد الناس وتونسهم وتقدم لهم المستحيل والكل يحبها بس تنسى نفسها وحياتها وهي كتومه ماتحب تفضفض لأحد إلا لصديقتها ريما و بنت خالتها <خوله> بس بعيده عنها بالامارات ورولا بالرياض وهي قمه بالاخلاق والطيبه وشكلها حلو بيضا وشعرهاأسود وطويل وعيونهاعسلي وفيهاغمازه على اليمين)..


    في الإتصالات السعوديه>
    دق جوال فيصل>>>
    رد فيصل
    ماجد:اهلين..
    فيصل:هلاوالله بماجد..
    ماجد:هلافيك اقول فيصل مااطول عليك بس بغيت خدمه..
    فيصل:خير ان شاءالله آمر..
    ماجد:مايامر عليك ظالم بغيت أعطيك رقم وشوف لي تفاصيل الرقم..
    فيصل:الله يهديك ياماجد خل البنات بحالهم..
    ماجد:تستاهل محد قالها ترقمني ماتستحي صاروا البنات يرقمون..
    فيصل:ماجد كماتدين تدان..
    ماجد:ادري حفظتها بس اذا كانوا أهلها ماربوها أنا بربيها..
    فيصل:يعني وقفت عليها خلها استر عليها المره ولا ابزعل..
    ماجد: ..........>>لاتعليق<
    فيصل:هاه ايش قلت..
    ماجد:لا خلاص لاتزعل لكن اذا طولتها والله ماأخليها لو أروح لعند بيتهم وأدبها..
    فيصل:خلاص بس توعدني ماترد عليها..
    ماجد:خلاص وعد يالله تآمرعلى شي..
    فيصل:سلامتك اخوي مع السلامه..
    ماجد:مع السلامه..


    عند المدرسه الثانويه للبنات,,,

    الظهر<<<
    طلعت دلع تدور على سيارة خالد وهي ماشيه وشايله كتبها وفجأه طاحت عند سياره وتناثرت كتبها
    دلع ومعصبه:أف وقته الحين أطيح .. وسمعت احد يضحك ويقرب منها وكان صوت رجل وأخذ كتبها من الأرض
    ---:سلامات.....اااختي..
    دلع منحرجه ماقدرت ترفع راسها: .............>لاتعليق..
    ---:تبين أوصل الكتب لسيارتج..
    دلع وهي بتاخذ كتبها:مشكورأخوي..
    ---:لحظه >وطلع ورقه وحطاها في وسط كتاب..
    دلع استغربت <<<
    ---:أتمنى تتصلين في أقرب وقت لأني متشوق أتعرف عليج..
    دلع وهي تسحب الكتب:بأي صفه تتصرف التصرف هذاياقليل الأدب وترفع راسها
    وتنصدم يوم شافته:ااانت طلال..
    طلال رمى الكتب وراح مسرع لسيارته..
    دلع ضحكت وقالت بنفسها يستاهل أكثر اذا مافضحته مااكون انادلع ومشت لسيارة خالد..
    ركبت السياره
    دلع وتضحك:السلام عليكم..
    خالد:وعليكم السلام متأخره وتضحك بعد..
    دلع باستهزاء:آسفه أستاذخالد..
    خالد:ممكن أعرف ليه تضحكين..
    دلع بعدها تضحك:طلال.. وتذكرت موقفه يرمي الكتب وضحكت..
    خالد باستغراب:وش فيه طلال..
    دلع تذكرت اذا عرف خالد ماراح يسكت عن الموضوع حتى لوكان طلال مايدري انها دلع
    دلع:لامافيه شي..
    خالد:شلون تقولين طلال بعدين مافيه شي أبي افهم..
    دلع:وحده من صديقاتي تقول شافته في السوق معه غلا..
    خالد:وايش اللي يضحك..
    دلع:تذكرت موقف وضحكت..
    خالد:الحمدلله والله أنتم البنات يجيكم حالات بس تضحكون..
    دلع:والله كيفنا عاد..

    >>>طلع خالد جواله وفتح على مقطع فيديو وعطاه دلع..
    خالد:شوفي أشكال أول متوسط في أول يوم..
    دلع تطالع وميته من الضحك عليهم كانت أشكالهم تحفه اللي نايم واللي داخل الفصل ومعه كتب ثقيله وطاح تذكرت موقفها وضحكت بقوه..
    خالد:مو لهاالدرجه يضحك..
    دلع:مسكين شكله اللي طاح فشله أناكان كذا شكلي..
    خالد:وأنتي وش دخلك..
    دلع تلخبطت:لاا أاءاانا أنا اليوم صار لي نفس الموقف..
    ضحك خالد:وانااقول اول ماركبتي ليه تضحكين..
    ضحكت دلع..
    خالد:شكلك ماودك تنزلين تبين أرجعك للمدرسه..
    دلع:لا لا لا خلاص أبنزل بس تصدق ماحسيت بالطريق..
    ونزلوا للبيت>>>

    .................
    رجع طلال على الساعه 1ونص الظهر وكانت رولا توها جايه من المدرسه وأبوطلال جاي من الشركه ويلسوا يتغدون عسب يريحون بعد الدوامات أماطلال فظهر للأستراحه وكان فيه تركي جاي ينام رايح على الدوام مواصل ودايخ وجلس يسولف معه شوي وظهر طلال عنه عسب ينام..
    ظهر طلال ودق على واحد من اخوياه..
    هشام:الوووووووو..
    طلال:مرحباااا الساااااع ولايسدهم..
    هشام:مرحبتين هلاوالله بطلال وينك مالك شوفه ولاتدق..
    طلال:أسال نفسك عن هالقطاعه..
    هشام:المهم اخبارك متى اشوفك..
    طلال:شو عندك اللحينه..
    هشام:ماعندي شي جالس بالبيت انت وينك..
    طلال:تعال للاستراحه..
    وسار له وجلسوا الى المغرب ويوم أذن قام تركي وسار الكل يصلي وبعد الصلاة ردو
    تركي:على وين ياابوالشباب..
    طلال:ابسير اتقهوا مع الاهل..
    هشام:متى بترجع طلال..
    طلال:الساعه تسع وبييب لكم عشا..
    تركي:تكفى جب معك غلا من يوم مايروحون اهلك الامارات واناماشفتها..
    طلال:اجوف بس لاتتعشون باااااااااااااااااي..
    تركي:بااااي لاتتاخر علينا جوعانين..

    __________
    أم طلال:رولا نشييي سار الوقت ماصليتي العصر والمغرب أستغفر الله..
    رولا:طيب جم الساعه اللحينه..
    أم طلال:سته ونص المغرب يالله نشي..
    رولا:خلاص أنزلي بصلي وأييج..
    أم طلال:أترياج..
    بعد ماظهر طلال دق جواله رقم غريب ويفكرأرد أخاف يكون ناصر وأنامتفيج ومالي خلق أعصب على واحد مايستاهل..
    ناصر كان صديق طلال بالثانوي وسوى له مشاكل مع المدرسين وكان يورطه مع بنات..
    طلال:ألووووو..
    المتصله:مرحبااا..
    كانت بنت بس طلال مايعرفها
    طلال:منووو..
    المتصله:أناروان ممكن أتعرف؟
    (طلال شاب طايش وبايع الدنيا يكلم بنات بس مايحب اللي يتلصقن ويدقن يكلم اللي هويرقمهن بس_وهودلوع أبوه وأمه آمر وأنا حاضر ولايرفض له أبوه أي طلب لانه ولد وحيد
    وهو مملوح طويل وعيونه بني نعسانه) ..
    طلال:لامش ممكن ولاعمرج تدقين فاهمه وإلا لا..
    روان:بدق وغصبن عليك بترد وبتحبني بعد..
    طلال:أقلبي ويهج ياللي ماتربيتي ولج ويه ترمسين وقولي لناصر يترك حركات البزاره وإلاراح يجوف شي ماعمره جافه أنتي وياه وسكر السماعه بويهها..
    ودش البيت وحصل أمه ورولا يالسين عند التلفزيون ويتقهون وغلا جالسه تلعب بألعابها..
    طلال:السلام عليكم..
    أمه ورولا:وعليكم السلام..
    وسارت له غلا تركض ولوت عليه وباسته وتراويه لعبتها اليديده..
    غلا:سوف هاي من بابا مالتي..
    طلال:الله ياحضج تينن أقلج رولا سيري لبسيها أبشيلها للاستراحه تركي طالبني أييبها..
    أم طلال:مانساها خلاص البنت أكبرت..
    رولا:أمايه شو ألبسها..
    أم طلال:الفوشي بس خلي الخدامه تسبحها عقب لبسيها..
    سارت رولا وقالت للخدامه تسبحها ولبستها تنوره قصيره فوشي وفيها ورد أحمر وأصفر وبرتقالي وبدي أصفر وربطه ملونه وكان شكلها يجنن <<<
    وغلآ أخذه الغلاكله وهي قمه بالجمال بيضا وشعرها بني وناعم ومن النوع اللي أخره يتلفلف وطويل على نص ظهرها وعيونهاكبار وبني فاتح واللي محليها فيهاغمازات..
    ..
    رولا:خلاص خلصت لابسه..
    طلال:يالله غلا بسير لعند تركي.
    غلا:بتيبلي واااوه..
    طلال:أكيد بخلي تركي يوديج لسوبرماركت التميمي.
    رولا:ياحضج ياغلا كلن يغليج..
    طلال وأمه:هههههه..

    وطلع طلال ودق على تركي.. تركي:هلاطلال وينك..
    طلال:أناظهرت شو رايك نتعشا برع..
    تركي:بكيفك بس وين..
    طلال:أظهروا أنابمركم اللحينه..
    تركي:يالله بااااي..
    وسكر منه وهو يناظر غلا وجهها متغير<<
    طلال:غلا شو فيج..
    غلا خلاص بتصيح:أباا واااوه..
    وهو يوقف عند الاستراحه اللي كانوا العيال وأقفين ينتظرونه..
    وتركي يركب:هلا بغلا أخبارك عطيني بوسه..
    غلا:أباا واااوه..
    تركي:بس يالله على أقرب سوبرماركت بس عطيني بوسه..
    وقامت وجلسه بحضنه وباسته على خده وهويموت عليها وهي ماشاءالله أي واحد يشوفها وده يقطع أخدودها ويحبهامن جمالها...
    وسار وشرى لهاحلاو وبعدين ساروا للفيصليه ولعبوها بالألعاب بعدين ساروا للمطاعم وطلبوا عشاء ويلسوا بيتعشون ونشت غلا ماعيبها الوضع تبااا أيس كريم..
    طلال:وين بتسيرين غلا حبيبتي..
    غلا سارت ولاردت عليه..
    تركي:خلها بترجع لاتضايقها..
    وتعشوا وهم يسولفون ونسوا غلا وبعد ماخلصوا طلال وهو ينقز من مكانه:غلا نسيتها..

    أن شاءالله تعجبكم القصه وأعذروني الجزء قليل........
    وش تتوقعون وين راحت غلا الله يستر؟؟؟؟؟
    أي الشخصيات عجبتكم؟؟؟؟؟

  2. #2
    ... عضو مـاسي ...


    تاريخ التسجيل
    Mar 2007
    المشاركات
    1,909
    معدل تقييم المستوى
    2

    افتراضي

    قصه رووعه

    يعطيك العافيه يارب

    ننتظر التكمله

  3. #3
    ... عضو نشيط ...


    تاريخ التسجيل
    Dec 2007
    المشاركات
    37
    معدل تقييم المستوى
    0

    افتراضي

    هذا الجــــــــزء بس علشااانك ياأختي **غزالة نجد** وابي ردوووود علشان اتحمس وانزل,,,,,,ok,,,,,,أختكم,,,,,,,,غــــ آل خالدي ـــلآ,,,,,,,,,,,,,,



    الجــــــــــــــــزءالثاني،،،،،،،،



    )()()()ألاقي بس *مثلك*وين؟؟وكل"الحـــــــــب بعيونك"أنا لو كان لي قلبين بخليهم >يحبونك<()()()(


    طلال:وين بتسيرين غلاحبيبتي..
    غلا سارت ولاردت عليه..
    تركي:خلها بترجع لاتضايقها..
    وتعشوا وهم يسولفون ونسوا غلا وبعد ماخلصوا طلال وهو ينقز من مكانه:غلا نسيتها..
    تركي يلحقه:وين راحت ياويلي..
    وقام هشام ويلحقهم وساروا يدورونها..
    أماغلا فراحت تدورآيس كريم ولقت شلة بنات يتمشون فأعجبتهم وأسالوها وين ماما قالت لهم ماما بالبيت وديت مع تلال وتوتو وأبي أكليم(آيس كريم)واشترولها وجلسوها تأكل ويسألونها مع أنهم مايفهمون كل الكلام..

    هشام:شباب مالقيتوها..
    طلال:أناوصلت معاي سير هشام أرمس للامن يدورون عليها..
    هشام:السلام عليكم..
    رجل الأمن:وعليكم السلام آمر اخوي..
    هشام:ماشفت بنت صغير ضايعه..
    الأمن:لاماشفته بس أببلغ عنه.. ولقاءطلال تركي بالدور الثاني..
    تركي:هاه طلال وش صار..
    طلال:بلغنا الأمن ولعل وعسى..
    تركي:أناالسبب ياطلال أناالسبب..
    طلال:لا تركي إن شاءالله بنحصلها..
    تركي:طلال شوف شلة البنات غلا معهم..
    وراح طلال وتركي عند البنات..
    طلال:غلا حبيبتي تعالي..
    غلا فكت يدها من وحده من البنات:تلال وسارت تركض عنده..
    طلال:مشكوره أختي بس المفروض تبلغين الامن..
    مرام:معليش أخوي ماكنت أدري أنك تدور عليها..
    طلال:استوا خير أختيه..
    وأرسل غلا وعطاها ورقه فيها الرقم وسار عنها وقال لغلا توديهاوتلحقه..
    أبتسمت مرام لغلا وحبتها وأشرت على طلال وقالت لها مين هذا..
    غلا:أبيبي تلال<حبيبي طلال>.
    مرام:أخوك طلال..
    غلا:هيه..
    مرام:خلاص روحي لايعصب عليك..
    رجع طلال للبيت على حدود12 ولاقال لأمه شي يخاف تعصب ولاتخليه يأخذها مره ثانيه..
    أم طلال:هلا امايه غلاشحالج فقدناج أنتي وحشرج..
    وسارت غلا لحضن أمه..
    غلا:ماما ملام<مرام>حبيبتي.
    أم طلال:منو مرام؟؟
    طلال:هيه بنتج تعرفت على شله بنات..
    أبو طلال:هي وإلا أنتااا..
    طلام:حرام دوم مظلوم..
    وسار الكل يرقد عندهم باجر دراسه إلاطلال ظهر للاستراحه.
    يوم ظهر ويوصله مسج على تليفونه من رقم غريب..
    {مرحبااا حبيبي،، ممكن أتعرف؟!}
    وعلى طول دق علي الرقم لان عارف أنها مرام وردت..
    مرام:ألوووو..
    طلال:قبل كل شي انتي منوو بسرعه...
    مرام:وش دعوه نسيتني اللي بالفيصليه ميامي.
    طلال:الله على الدلع..
    مرام:لاهذا أسمي ميامي حلو..
    طلال:حلو بس أسمج الحقيقي أحلى مرام..
    مرام عصبت:مين قالك لا أناميامي خطا مو مرام..
    طلال:علينا يابنت الناس أعرف حركاتكم يالبنات أسمي روان أوشوق أورهف وبالنهايه منى ساره نوال..
    وأسكتت مرام منصدمه حوالي 3دقايق وتفكر كيف عرف بأسمها لايكون يعرفني.
    طلال:أدري شو فيج أناوالله ماأعرفج وأصلآ ماأحب أكلم أحد اعرفه بس غلا من يوم ردينا وهي تمدح فيج ملام وملام فضحتني عند أمايا..
    مرام بعد ماأرتاحت:ههه ياحبيلها أشتقت لها..
    طلال:هيه جذيه أضحكي مب شرات قبل شوي وإذا يبت طاري غلا بتفرحين عيل موبس طاريها أبخليج ترمسينها عقب..
    مرام:لامو بس طاريها جبها عندي وماشاءالله على مين طالعه..
    طلال:هي وأختي طالعين على أماياأماراتيه بس الزين من أبويه..
    مرام:ليش عاد قل هنود..
    طلال:لان خوالي أصلهم إمارتيين..
    مرام:الله كذا عندناوحده بالمدرسه معي بثالث بعد كذا أسمها رولا محمد ال....وتشبه غلا أختك..
    طلال:صج تقربلي من بعيد..
    مرام:معليش طولت عليك بسكر..
    تبي تقفل الخط علشان تشبك مع صديقتها تقولها السالفه..
    طلال:خلاص بااي أبسير أرقد..
    مرام:تصبح على خير وسكر وهو ماسمعها ودقت على رحاب: ألووو..
    مرام وبعد ماقالت لها كل السالفه:وش رايك بكرى أروح أسلم على رولا..
    رحاب:حلوه حتى أنا أبروح معك وباي روحي نامي وسكرت منهارحاب..
    ومن بكرى قام الكل الساعه 6الصبح علشان المدارس.
    وفي المدرسه..
    مرام:رولا رولا..
    وتلتفت عليها رولا وهي رايحه أتجاه مرام ورحاب ورولا تقول في قلبها شو تبي هاي مابقى إلا أنا ماخربتني شو الطاري أمس أول يوم ولاسلمت علي وقابلتني بصخريه واليوم مبتسمه وتناديني ياربي يكون خير وش خيرمن ورى البنت..
    رولا:السلام عليكم..
    مرام:وعليكم السلام أخبارك رولا وش مسويه..
    رولا:الحمدلله أشحالج رحاب..
    رحاب:الحمدلله بخير<رحاب بنت طيبه وأخلاق بس من يوم تعرفت على مرام أخربت وتغيرت حاولوا صديقاتها والمدرسات يمنعونها بس رفضت>..
    مرام:أمس شفت وحده بالفيصليه تشبهلك أسمها غلا وهي تقربلك صح..
    رولا:شو المطلوب يعني..
    مرام:أسألك وش تقربلك..
    رولا:أختي بغيتي شي..
    رحاب:لاهي أعجبتها وورتني صورتها بالجوال تجنن ماشاءالله..
    مرام:صدق أختك طيب كم عندك خوات..
    رولا:أولا من سمحلج تصورينها وثانيآ يبيها من دون لف ودوران اللي معها أخوي ياجليلت الأدب..
    مرام أنقهرت وعصبت على رولاوقالت أبخبر طلال عليها.. ماتدري أن طلال راح يقلبها على مرام وأصلآ طلال كله ولاخواته..
    سارت رولاوخبرت ريما كل السالفه وعصبت ريما تتوقعون ليش؟؟معقوله تحب طلال!!وهي تعرف بلعبه مع البنات..
    أمامرام أول مارجعت للبيت بدلت ملابسها ودقت على طلال..ألووو
    مرام:مرحباحبيبي.
    طلال:حبيبي مره وحده أبذوب أنا..
    مرام:لاتحرجني عاد..
    طلال:أموت على اللي يستحون..
    مرام:أقول طلال اليوم شفت اللي تقربلك رولا وسلمت عليها وزفتني مدري ليش فرق أنت طيب عكسها..
    طلال:من سمحلج تسيرين عندها لاعمرج تسلمين عليها ولاترمسينها..
    مرام:وش فيك أصلاعارفه أنها أختك وقالت لي<قالت له كل السالفه>..
    طلال:طيب لاعمرج تدقين علي أناماأحب الحركات هاي..
    مرام:حرام عليك أناماقلت شي..وسكرالسماعه بوجها وتدق عليه ولايرد..
    _:_:_:_:_::::_:_:_:_:_
    رولا من يوم ماردت من المدرسه وهي ضايق صدرها ودق الجوال وتناظر رقم خالتها الأمارات <لطيفه متزوجه إماراتي وساكنه بالإمارات وعندها<أحمد23-خوله18-ريم10-حمدان5>.
    رولا:ألووو
    خوله:مرحبا حبيبتي أشحالج..
    رولا:الحمد لله ماأشكي باس..
    خوله:صوتج موضح فيج شي.. رولا:ضايج صدري..
    خوله:ليش شو صايرلج..
    رولا:مافيني شي بس جذا.. خوله:أقلج خبر بتطيرين من الفرحه..
    رولا ببرود:شوو..
    خوله:ماترمسين أنج تحبين ولاشي إنفضحتي..
    رولاعصبت:من قالج أني أحب أناماأحب أنتي داقه عسب تضيجين صدري..
    خوله:شو فيج أسمعي السالفه بعدين أحكمي أخوي أحمد يحبج..
    رولا هدت شوي:من قالج ياحليله فايج للسوالف..
    خوله:أشوفج أستانستي..
    رولا:ماأستانست ولاشي بس شلون عرفتي..
    خوله:قبل ماأقولج بنيي أن شاءالله للسعوديه في رمضان وبنيلس إلى بعد العيد وإذا ييت أعلمج كيف عرفت..
    رولا:والله وناسه بس ماراح أتحمل أبغى أعرف بس يالله باااي خسرت خالتي.
    خوله:ههه الناس مشتاقين للحبيب باااي..
    وسكرت قبل ماتزفها رولا على الكلام ...


    ومر الاسبوع الأول من الدراسه بسرعه وجاء الأربعاء..
    ورولاتدخل جايه من المدرسه. رولا:السلام عليكم.
    الجميع:وعليكم السلام.
    رولا:ماشاءالله خاليه سلطان عندنا..وتوايهه..
    سلطان:أيه أنتي وأمج من بدت الدراسه وماتنجافون..
    أم طلال:مفروض أنت اللي تيي وتسلم..
    سلطان:عيل اليوم بتباتون عندنا..
    أم طلال:أناماأقدر جان البنات بكيفهم..
    رولا:لا إذا يت خالتي من الأمارات أرقد عسب خوله..
    سلطان:الله المستعان بالعيد..
    رولا:لابييون بنصف رمضان..
    أم طلال:منوو قالج؟؟..
    رولا:خوله كلمتني يوم الأحد وخبرتني..
    سلطان:ماقالوا لنا شي إلا طلال وينه..
    أم طلال:أكيد راقد بغرفته سيري رولا بدلي ووعيه..
    رولا:إن شاءالله..
    وظهرت وبدلت وجلست تفكر من يوم سالفت مرام وطلال يتهرب مني ليش أبسير أوعيه وأبجوف ردت فعله ودشت الغرفه وكانت ظلام وبارده وجوال طلال يأشر لأنه على السايلنت فقربت من الجوال وكان أسم المتصل<ميامي> فعرفت أنها مرام أكيد هذي ماعندها كرامه...
    رولا:طلال يكفي خيست رقاد سلطان يترياك تحت..
    طلال كان صاحي من فتح الباب وجاف رولا تطالع الجوال وعصب زياده على مرام..
    رولا:يااااالله طلول..
    طلال تدلعني أكيد راضيه:طيب بس أببدل وأنزل..
    ويأشر الجوال مره ثانيه..
    طلال:مين لاتكون الحقيره <يقصدمرام>..
    رولا:لا مسج ومين تقصد ميامي..
    طلال يبي يزين العلاقه مع أخته:أقلج بطلي المسج جوفي منو اللي مطرشه لي..
    رولا:لامب لازم أنت بطله..
    طلال:والله تبطلينه..
    رولا بطلته وقرته ويلست الجوال وبتظهر..
    طلال:وين رايحه أقريه علي..
    رولا:نازله أقراه بروحك..
    طلال عرف أنه من مرام وقام وبدل وتحمم عسب مابقي شي ويقيم لصلاة الظهر وسار وبطل المسج وكان من مرام{مرحبا حبيبي!!
    أنا آسفه وأعترف أني غلطانه بس رد علي وأوعدك ماأعيدها مره ثانيه والصور والله مسحتها ولاأتكلم على رولا ولاحتى أسلم عليها،، أنتظر الرد على أحرمن الجمر حرام عليك حالتي النفسيه تعبانه علشانك}.
    وأغلق التليفون وحط الرقم الثاني اللي مايعرفها ولابنت وسار تحت..
    سلطان:صحى النوم يالله أقاموا الصلاة..
    طلال:هلاوالله وينك ماجفناك..
    سلطان:جفت هشام قبل أمس وقال أنك من الأستراحه للبيت ماتعرف تمر علينا بالبيت بس ماعلي اليوم العشاءعندنا..
    طلال:لاماأقدر مواعد عمي سلمان اليوم..
    رولا:لاعمومتي باجر بنظهر الاستراحه العزيمه على عميه عبدالعزيز..
    طلال:عيل حصل خير بنسير نصلي وتراي يوعان لا أرد إلاالغدا مزهب..
    وبعد الصلاة ردوا وتغدوا وسلطان وطلال أظهروا للاستراحه ورولا سارت تريح بعد الدارسه وأبوطلال توه جاي من الشركه وكان تعبان..
    أبوطلال<محمد:السلام عليكم..
    أم طلال<ظبيه:وعليكم السلام شكلك تعبان..
    محمد:والله اليوم كرفنا بالشركه..
    ظبيه:أييب لك الغداء هني مب لازم تنزل..
    وظهرت ويابت له الغدا بجناحهم<كان الجناح كبير فيه غرفه نوم وغرفه صغيره للملابس وصاله فيها كنبين وطاوله صغيره ومكتبه فيها تلفزيون ودوره مياه أعزكم الله وكان مره فخم ولون الجناح كله طيني بعنابي>
    ظبيه:تفضل تغدا سكر الاب توب ماأمداك بعد ياي من الدوام كل حياتك شغل..
    محمد:طيب سكرته بس الله يعافيك جهزي لي ثوب وغتره أبروح لشرقيه وأبرجع في الليل..
    ظبيه:ليش عندك شغل..
    محمد:لابس أبجيب واحد من عمال المزرعه وأبخلص لي كم شغله..
    ظبيه:خله الاسبوع الياي عسب نسير وياك نجوف أختيه ونوسع صدورنا..
    محمد:لا أوديكم أن شاءالله الاسبوع الثاني علشان فيه السبت اليوم الوطني..
    ظبيه:خلاص عسب أرمس لأهلي يسيرون ويانا نجوف فاطمه قبل رمضان..
    محمد:خلاص مع السلامه توصين شي..
    ظبيه:لاسلامتك..


    خالد جاي من الدوام وعلى طريقه جاب دلع من المدرسه وتوهم داخلين البيت...
    دلع+خالد:السلام عليكم..
    ام خالد:وعليكم السلام..
    دلع:مامي تعبانه أبي انااام ولاتصحوني الاالمغرب..
    خالد يطالع ساعته:باقي ساعتين على العصر أول مايأذن قبل أروح المسجد أبصحيك..
    دلع:جرب ماراح أصحى لو ايش ماتسوي..
    خالد:اوووكي بنشوووف..
    ودخل فيصل:السلام عليكم..
    الكل:وعليكم السلام..
    دلع:هلاوغلا بأحلي وأجمل وأعز أخ بالكوووون..
    فيصل سوى نفسه يستحي ونزل راسه:تسلمين أختي..
    خالد:الله لنا..
    دلع:لوسمحت لاتقارن نفسك بفيصل حبيبي..
    فيصل:احم احم..
    خالد عصب:مالت عليك انتي واخوك..
    ام خالد:دلع عيب عليك هذا أخوك العود..
    دلع:والله محد قاله يدخل بيني أنا وحبيبي..
    خالد تضايق:خليها يمه أخذها على قد عقلها أنـاالغبـــي اللي دلعتها...يمه انا رايح أنام..
    ،،،وراح خالد لغرفته
    ام خالد معصبه:زين سويتي راح ينام وهو ماتغدى صـــدق أخوك دلعك وماقصر معك ولاتحترمينه ولاشي لكن الشرهه موعليك علينا احنا اللي دلعناك...وقامت ام خالد لغرفتها دلع واقفه منصدمه هذي امي اللي تتكلم لالالااااا أكـــيد انابحلم..
    فيصل:داااالـــع..
    دلع:ايش فيك تصارخ..
    فيصل:وين وصلتي..
    دلع:فيصل امي زعلت مني امي...؟ وقامت تبكي..
    فيصل:دلع معليش انتي طولتيها مع خالد..
    دلع وهي تبكي:لكن ماتوقعت لهذي الدرجه بيتضايق..
    فيصل:خالد صح انه يمزح ويضحك لكنه حســـاس على طول ينجرح..
    دلع قعدت تبكي وندمت على اللي سوته ماتوقعت ان الموضوع بيوصل لهذي الدرجه
    فيصل يحضن دلع:خلاص دلع يكفي ترا دموعك غاليه علي ولابصيح معك..
    دلع وهي تمسح دموعها:لاخلاص..
    ابتسم فيصل:أجل يالله روحي لخالد اعتذري له..
    دلع:اوكي،،،وراحت دلع لغرفة خالد وطقت الباب
    خالد:مين..
    دلع:انـــادلع..........

    دلع ودلعها من بيتحملها؟؟؟؟؟؟؟؟
    تتوقعون رولا تبادله نفس الشعور وتحب ولدخالتها أحمد؟؟؟؟.
    ومرام ورحاب الى إيش بيوصلون له مع الشباب؟؟؟؟

  4. #4
    ... عضو نشيط ...


    تاريخ التسجيل
    Dec 2007
    الدولة
    الريآإض
    المشاركات
    189
    معدل تقييم المستوى
    1

    افتراضي

    يعطيك العااافيه ننتظررر الباقي بفاارغ الصبرر

  5. #5
    ... عضو نشيط ...


    تاريخ التسجيل
    Dec 2007
    المشاركات
    37
    معدل تقييم المستوى
    0

    افتراضي

    الجـــــــــــزءالثالث،،،،،،،


    ()()()(أنـــا لوحطو الدنيـــــــا بكف بس أنـــاأخليك ,,,رميت الكف والدنيا وجيتـــــــــك بايع شاري)()()()


    فيصل يضم دلع:خلاص دلع يكفي ترا دموعك غاليه علي ولابصيح معك..
    دلع وهي تمسح دموعها:لاخلاص..
    ابتسم فيصل:أجل يالله روحي لخالد اعتذري له..
    دلع:اوكي،،،وراحت دلع لغرفة خالد وطقت الباب
    خالد:مين..
    دلع:انـــادلع..
    خالد:بغيتي شي ياآنـــسه دلع..
    دخلت دلع:خالد اناآسفه..
    خالد:اقول دلع اطلعي وسكري الباب ..
    دلع قامت تبكي:خالد انامو قصدي اجرحك..
    خالد بصراخ:اقول برا..
    طلعت دلع وضرب خالد بالباب بقوه لأنه كان متضايق اليوم من الدوام وجت دلع وزادت عليه..
    مشاري رجع من المدرسه توه بيدخل غرفته شاف دلع تبكي
    مشاري:دلع شفيك..
    دلع ماتكلمت وراحت غرفتها
    اما مشاري راح ورا دلع
    مشاري:دلع شفيك خرعتيني
    دلع:......
    مشاري:دلع الله يخليك ردي علي..
    مشاري رفع فراشها عن وجهها
    دلع تبكي:مشاري خالد مايحبني!!
    مشاري:ومين قالك؟!..
    دلع:هو طردني من غرفته..
    وصاحت زياده<<<
    مشاري:يمكن متضايق او شي
    دلع:لاأنا خليته يتنرفز..
    ---:مشاري روح غرفتك..
    مشاري:ان شاء الله..
    طلع مشاري ودلع ماانتبهت للي دخل وطاحت على فراشها
    دلع:ليه ياخالد تسوي لي كذا أنا أحبك مثل فيصل والله اني أغليكم كلكم..
    خالد اللي كان واقف رفع دلع وضمها ..
    دلع:خالد سامحني..
    خالد:اووووش يالله قومي غسلي وجهك وامشي نتغدى..
    ونزلوا دلع وخالد لأمهم عشان يتغدون...



    وأذن العصر وسارت ظبيه<أم طلال>توعي رولا عسب يسيرون لخوالهم ودقت على طلال..
    أم طلال:هلا طلال أبويه تعال وصلنا لخوالك..
    طلال:طيب مسافه الطريج تزهبوا ومعي تركي باي..
    وقالت لرولا تستعيل لان فشله يتاخرون ومعه تركي وإلاطلال عادي متعود..
    غلا:ماما يالله..
    أم طلال:قولي لواتي ورولا يالله.<واتي هذي البشكاره>
    وظهروا وركبوا وكانت سياره طلال لكزس سودا..
    أم طلال:السلام عليكم..
    تركي وطلال:وعليكم السلام..
    أم طلال:أشحالك وشو حال أهلك..
    تركي مستحي:الحمدلله بخير أخبارك أنتي ياخاله..
    أم طلال:الحمدلله ماأشكي باس وسلملي على أمك وخبرها تسير علينا..
    تركي:يبلغ أن شاءالله..
    طلال:أمايه ترى تركي حاشرني يقول خواتي يقولن ييب غلا واليوم بعد..
    تركي:أيه خالتي ساعه وأجيبها لكم..
    أم طلال:خلاص إذا مارفضت شلها وأنت ياطلال مافيه اليوم في الليل أستراحه..
    طلال:ليه يالغاليه..
    أم طلال:أبوك مسافر للشرقيه وبيرد الفير وأبيك ترقد عندنا في البيت..
    طلال:طيب أرقدوا عند خوالي لان اليوم الاربعاء ولازم فيه أستراحه..
    أم طلال:رولا شو رايج..
    رولا ومستحيه:خلاص بس مايبنا تغيره لغلا..
    أم طلال:واتي يبتي ملابس لغلا.
    واتي:أيوا جيب مدام..
    أم طلال:عيل أول ماتصحى تيي تشلنا لان فيه أستراحه باجر..
    طلال:خلاص بس أنزلوا أخرتوني وأنتي غلا أيلسي بتسيرين مع تركي..
    غلا:أباا واوه..
    طلال:الله يفشلج كل ما جافت تركي أباا واوه كاننا بمياعه..
    وسار طلال ونزل غلا وتركي بالبيت وسار للاستراحه..
    (أماعايله أهل تركي فهم ثلاث بنات أسماءمتزوجه وعنده ولد واحد وتغريد بثالث كليه والبتول بثاني ثانوي<علمي>وخمسه عيال سامي مدرس وتركي موظف وماجد بالجامعه وفهد بثالث ثانوي ومحمد بثاني أبتدائي)..
    ودخل تركي ومعه غلا وكان الكل بالبيت مجتمعين وعندهم خالتهم (منيره<أم حمد>حمد_خلود_عبدالله_عبير_أماني) وكانت أم سامي وبناتها وخالتهم وبناتها بالمجلس والعيال بالملحق..
    تركي:السلام عليكم..
    الشباب:وعليكم السلام..
    سامي:مين هالحلوه..
    تركي:زوجتي قولي له ايش أسمك..<كانت غلاخايفه ومتعلقه بثوب تركي وكان شكلها يجنن لابسه بدي تركواز فيه فراش بني وبرموده بني وشعرها فالته ولابسه بندانه بني فيها فراشه ونعال تركواز>..
    ماجد:تستحي تعالي بوسيني..
    تركي:لا أنا أغار..
    الشباب:هههههه..
    حمد ولد خالتهم:أقول ترووك عندها خوات إذا عندها وبهالجمال تراها لي..
    تركي:عندها وحده بس من ناحيت الجمال ماأدري بس أكيد لان حتي أخوها مزيون..
    سامي:على طاري أخوها هي من بنته..
    تركي:هذي غلا أخت طلال صديقي..
    ماجد:لا وبعد أسمها جنان..
    سامي:تعالي سلمي..
    وهنا خافت غلا وجلست تصيح.
    ماجد:بس يالثور خوفتها..
    وأخذها تركي ودخل بالبيت.
    تغريد:هذي غلا..
    تركي:أيوه قولي للبنات يتغطون أبدخل..
    تغريد:طيب بس جبها ببوسها..
    تركي:لاتكفين توها صايحه هبلوبها العيال..
    تغريد:بس أبوسها..
    تركي:غلا حبيبتي سلمي..
    راحت غلا وسلمت على تغريد..
    وراحت تغريد وقالت لبنات خالتها يتغطون علشان بيدخل تركي يسلم على خالته..
    تغريد:خلاص أدخل..
    تركي:السلام عليكم.. وراح وحب خالته على راسها.
    أم حمد:وينك مانشوفك..
    تركي:والله بهالدنيا..
    أم حمد:أجلس تقهوى معنا..
    أم سامي:جبها ياأبوي أسلم عليها..
    تركي:تعرفينها يمه..
    أم سامي:لابس تغريد قالت أنك جايب غلا..
    تركي:ماشاءالله نشرت أخبار..
    وضحكوا البنات على تغريد.
    أسماء:تعالي سلمي حبيبتي علشان أخطبك لولدي..
    تركي:لا لي غلا مو لولدك..
    أسماء:صغيره عليك خذ أختها.
    تركي:أختها حجزها حمد..
    وضحك الكل عليهم..
    وأما غلا أخذوها البنات وراحوا للصاله وأعجبتهم جالسه تسولف مايفهمون بس حلو كلامها تخربط..
    البتول:وناسه أمهم أماراتيه ..
    خلود:أموت على الأماراتين هذي أخت رولا..
    تغريد:آيوه..
    عبير:رولا عندنا بالمدرسه مره طيبه كان خاطري أصادقها..
    تغريد:كم مره أم طلال تقول لتركي قل لأهلك يزورونا بس نستحي ماقد شفناهم..
    خلود:طيب أنتم أعزموهم بعدين روحوا لهم..
    تغريد:صدق وبنقولكم علشان تتعرفين على رولا..
    عبير:ماشاءالله تجنن..
    تركي:تغريد جيبيها أبرجعها..
    تغريد:خلها عندنا..
    تركي:لا أناقلت لأمهابس ساعه..
    تغريد:ماأمداها تكمل ساعه..
    تركي:لاأبمشيها شوي وأبشتري لهاألعاب وأرجعها..
    وراح وأخر شي رجعها لأمها..
    _:_:_:_:_:_:_:_:_:_:_:_
    أمافي بيت أبوسلطان..
    كانت رولا جالسه مع خالتها منار..(أبوسلطان حمدان_أم سلطان عفرا_فاطمه_لطيفه_ظبيه_سلطان_منار)..
    رولا:عندي لج مفاجأه!
    منار:شو..
    رولا:خالتيه لطيفه بييون بنصف رمضان..
    منار:صج أراويها خوله ماخبرتني..
    رولا:وبعد الأسبوع الياي بنسير نحن الشرقيه عسب اليوم الوطني سيروا ويانا..
    منار:ياليت وناخذ شاليه ونسوي فيه حفله للوطن..
    رولا:ويظهرون معناخالوه فاطمه والله ونااااسه بس ناقص خالوه لطيفه ياحرااااااام..
    منار:خلينا نسيرتحت نجوف منو فيه.....ونزلوا...في الصاله...
    أم سلطان:تعالي غلا بوسيني..
    أم طلال:بوسي يديه على راسها ياحبيبتي..
    غلا راحت عند جدتها:يديه أنا توتو..
    أم طلال:تخبرج أنهاظهرت مع تركي..
    أم سلطان:كل الهدايا من توتو..
    غلا وتعطي جدتهاحلاوه:أبين يديه..
    مناروهي نازله مع الدري:غلا حبيبتي تعالي أبوسج..
    رولا:من متى ردت..
    أم طلال:من قبل شوي..
    أم سلطان:اخيرآ ظهرتن سيري ارمسي للخدامه تييب العشاء..
    رولا:إن شاء الله يدتيه..
    وبعد ما تعشوا الجده وأم طلال وغلا ساروا يرقدون ورولا ومنار بالملحق عند التلفزيون..
    ===============

    الساعه 11صباحآ..
    في الاستراحه..
    هشام:يالله شباب قوموا..
    تركي:تونا يأخي بدري..
    هشام:قوم هذاجزاي رايح أجيب لكم فطور..
    تركي:قوم طلال بعدين أقوم..
    هشام يقرب لطلال ويقلد صوت البنات:طلول حبيبي قووم
    ومايدري هشام إلاوهو بآخر الغرفه من الرجفه..
    هشام:قدها أناأوريك..ويقوم هشام ويطب على طلال ويبدون المصارعات ويطب معهم تركي..

    في بيت أبو نايف..

    أم نايف:نوف قومي تجهزي للعزيمه وسوي حلا وصحي خواتك..
    نوف:خلاص يمه صحيت بس قولي لنوال تسوي الحلى..
    أم نايف:أنتي وياها..
    نوف:خلاص أبشري يالغاليه من عيوني..
    فواز:يمـــــــــه..
    ام نايف:بسم الله وش فيك..
    فواز:أبوي يقول حطي الغداء بسرعه علشان بيطلع يحجز العشاء..
    أم نايف:أن شاءالله..
    فرح:مامااا..
    نوف تضحك:وش فيهم عيالك اليوم مو صاحين..
    أم نايف:وش تبين بعد أنتي..
    فرح تسوي نفسها تستحي ماتبي شي بس بتقلد فواز...
    نوف:هههههه مين حبيب فروحتي؟
    فرح:نوفاااحبيبتي..
    نوف وتضمها وهي تحب الصغار بقووووووووووه...

    (عبدالعزيز أبونايف_منيره أم نايف..
    >نايف عمره 26وهو موظف.
    >نوال 24مدرسه أول سنه.
    >نواف 22ويدرس طب..
    >نوف19تدرس بأول جامعه.
    >فواز 10طالب بالابتدائي.
    >فرح 3سنوات..

    ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،
    في بيت أبوسلطان..

    أم سلطان:تغدوا عندنا بعدين سيري لبيتج..
    ظبيه:معليش امايه مايمدينا نتزهب للعزيمه ومحمد بالطريج اللحينه..
    أبوسلطان:لايابنيتي أجلسوا مامليت منكم..
    ظبيه:الله يهداك ياأبوي أنت اللي كل وقتك بالشركه مثل محمد مانجوفكم وتعاتبوني..
    ويدق جوال ظبيه..
    ظبيه:هذا طلول أكيد عندالباب..
    وساروا البيت يتزهبون للعزيمه..


    في الآستراحه وكانت العزيمه الكبيره اللي تكون بالدور بعدكل سنه على واحد
    والسنه كانت على أبونايف..
    عند الرجال بالدكه..
    أبونايف:حياالله الضيوف..
    الكل:الله يحييك..
    أبوفهد:وين محمد ماجاء..
    أبوخالد:ماأدري والله حتى طلال ماأشوفه..
    أبونايف:بيجي إن شاءالله..
    عند الحريم برى بالثيل:..
    أدخلت أم طلال ورولا وغلا..
    أم فهد:هلا بالقطوعين ولاتتصلون ولاشي..
    أم طلال:أعذرينا عمتي الدراسه أشغلتنا..
    أم فهد:مسموحه يابنيتي بس أشتقت لكم..
    وسلموا على بعض وجلسوا سوالف..
    أماعند البنات كانوا بمجلس الرجال...
    رولا:السلام عليكم..
    الكل:وعليكم السلام..
    رولا:كيفكم ياصبايا والله وحشتوني..
    دلع:وأنت أكثر ياحبيبتي..
    نوف:أخيرآ تجمعنا من بعد العطله ماشفنا بعض..
    روابي:نسيت أقولكم عبدالرحمن يسلم عليكم..
    الكل:الله يسلمك ويسلمه..
    <عبدالرحمن رجل روابي وهوملتزم مثل روابي ومره طيب ونوكتي>.
    رولا:أقول شو أخبارالدراسه معكم والله يعيني على ثالث..
    دلع:لاتخوفوني خلوني أخلص ثاني..
    نوف:لاتخافين والله عادي بس الناس مكبرين الموضوع..
    رولا:صادقه العام كانوا ثالث يقولون لنا الله يعينكم بس اللحينه مره عادي..
    عندالشباب..
    كانوا جالسين بالملعب..
    نواف:وش رايكم ندخل للمجلس..
    فيصل:صدق ملينا..
    طلال:خشمك..
    ويقرب له نواف ويطقه..
    نواف:طيب ليش..
    طلال:لاني كنت بقولكم نسير داخل..
    فيصل:طيب قل ندخل مو نسير..
    طلال:أحترت فيكم خالي يقول أرمس امارتي وانتم سعودي..
    نواف:ههههههه أرمس هاه..
    طلال:خشمك خشمك ههههه..
    الكل:هههههه..
    وراحوا الشباب بيدخلون وكانوا نواف وطلال وفيصل ومشاري..
    أماخالد ونايف وسليمان كانوا عند الرجال..
    فتح نواف باب المجلس ودخل ودخلوا بعده العيال..


    تتوقعون شو يصير مع البنات إذا دخلوووووا؟؟؟
    هل تكمل فرحت رولا ومنار ويسيرون للشرقيه؟؟؟

صفحة 1 من 9 123 ... الأخيرةالأخيرة

المواضيع المتشابهه

  1. مُجرد قلم
    بواسطة سعووووووووووود في المنتدى الرياضة
    مشاركات: 4
    آخر مشاركة: 20-01-2011, 10:53 PM
  2. .:|[ مَدري بآكـِـر هالـَمدينه / وشْ تكــوون !!]|:.
    بواسطة ‏إحسآإس الانوثه في المنتدى الارشيف
    مشاركات: 16
    آخر مشاركة: 19-01-2008, 05:20 AM
  3. حبك مصيري
    بواسطة عذوق الغلا في المنتدى قصائد وخواطر
    مشاركات: 7
    آخر مشاركة: 02-12-2007, 12:44 AM
  4. ][ الصفاقسي والاهلي في لقاء مصيري على الكاس ][
    بواسطة المســـافـــر في المنتدى الرياضة
    مشاركات: 2
    آخر مشاركة: 11-11-2006, 03:03 AM
  5. مصيرى
    بواسطة الاسد العجوز في المنتدى قصائد وخواطر
    مشاركات: 0
    آخر مشاركة: 09-09-2005, 05:00 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52