صفحة 1 من 44 12311 ... الأخيرةالأخيرة
النتائج 1 إلى 5 من 217

الموضوع: أحبك و القمر يشهد

  1. #1
    ... V I P...


    تاريخ التسجيل
    Apr 2005
    الدولة
    قلبـــ غــــــــلاي
    المشاركات
    2,692
    معدل تقييم المستوى
    3

    افتراضي أحبك و القمر يشهد

    السلام عليكم شخباركم يا حلوين
    عندي لكم قصه راح أحط لكم أول جزء إذا عجبكم
    راح أشوف الردود طبعا و إذا ما عجبكم ما أبي أشوف ولا رد أوكي
    ..........
    نبذه عن العائله الكريمه ..
    * عائلة عبدالله الفرلاني *
    عبدالله رجال شايب على قولة عياله بس هذا كله كلام يعني إلي يشوفه ما يقول إن هذا عمره ( 50 ) سنه عنده خير ونعمه ( الحمدلله ) عنده 4 شركات وكل شركه مسميها بإسم واحد من عياله طبعا الناس ما ينادونه إلا بأبو خالد لأنه طبعا أكبر عياله المهم عبدالله عنده 3 أولاد و 3 بنات الله يخليهم له و يخليه لهم .
    نجي لعياله :
    خالد إلي هو أكبرهم عمره ( 25 ) سنه ماصار له إسبوع راجع لديرته إلي كان متغرب عنها 4 سنين ما يشوفها إلا في الإجازات ، خالد شاب وسيم طويل أبيض شعره ناااااااعم أسود وغليض عيونه كبار مكحله ( يعني إلي يشوفه يقول إنه حاط كحل ) خالد إلي يشوفه يقول إنه مغرور وشايف حاله بس إلي يقعد معاه ويعرفه ويعرف طيبت قلبه أكيد راح يغير رايه فيه و يشكر ربه إنه قعد مع هذا الإنسان .
    ساره أصغر من خالد بسنه يعني عمرها (24 ) سنه
    هي أقرب وحده لخالد معنهم تفارقوا لمدة 4 سنين بس ما زالت القريبه له وتعرفه زين ( خبز إيدها ) حتى لو كان متضايق ، ساره بنت مافي أحلى منها شعرها أسود ناعم غليض صاك لين الركب ...........( قولوا ماشاء الله )
    وعيون يا محلاتها من عيون و الخشم سلة سيف و الفم حبة فرولايه و الأخلاق زادتها حلاوه ، ساره أخر سنه لها بالجامعه و ناويه تاخذها بمرتبة الشرف .
    فيصل وهذا إلي داخل هندسه معماريه مشتط و يفكر في تصميم طلباه الدكتور منهم،فيصل شاب ذكي عمره( 22 ) سنه وخطييييييييييييييير مررررررررررررررره ......... ( يعني بالمختصر المفيد يجنن)
    كل البنات إلي يشوفونه يتخبلون و يتجننون صج إنه ما فيه ذاك الحلا إلي عند خالد ولكن عنده شيء يجذب إلي قدامه ، هو إنسان يحب الفرفشه و الوناسه و ما يحب يكون البيت هادي طبعا إلا هذي الأيام لأنه مشغول بالتصميم.
    تركي أول سنه جامعه وعمره ( 20 ) سنه متوهق شنو يدخل و أخيرا بعد التفكير و التعب و العناء دخل إدارة أعمال ، تركي عكس فيصل تماما يحب الهدوء و الروقان و رووووووومنسي أكثر عن اللازم بس مع كل هذا هو قريييييييب لفيصل مره تقولون روحين في جسد .
    بدور أخر سنه ثانوي وخايفه من هذي السنه لأن الأسئله مب المدرسات إلي راح يحطونها وشايله هم الدنيا كله فوق راسها ، بدور جمالها ما يفوق جمال أختها ساره نفس الجمال و الحلى بس بشخصيات مختلفه وسن مختلف .
    أما الجازي و يازينها من الجازي أخر العنقود أصغر وحده توها داخله الثانوي ولسه وراها سنتين لين ما تستوي مثل إختها و شيل هم يعني حاطه في بطنها بطيخه صيفي وبما إنها أخر العنقود توقعوا منها كل شيء ساعه تقلب ولد بحركاتها وساعه ترجع على طبيعتها ........ ( البنت ربشه )
    كنت راح أنسا أم العياااااااااال ( أم خالد ) إسمها مريم تزوجت عبدالله عن طريق الحب هي تصير بنت عمته
    يعني فهموها إنتوا المهم الحمدلله إني ما نسيها ولا كان فضحني بو خالد .
    * عائلة محمد الفلاني *
    محمد : الأخ الأوسط وهو بعد عبدالله عنده 4 أولاد و بنتين عنده 4 شركات مثل أخوه عبدالله وكل شركه بإسم ولد من أولاده ، محمد عمره (46 ) سنه مزوج ولده الكبير و إلي هو سلطان .
    سلطان عنده بنت عمرها سنتين إسمها العنود و زوجته ما في أحلى منها بياض و عيون كبار وشعرها أسود حرير و إسمها على شكلها ( قمر ) و هي قمر في عين أهلها و زوجها ونحنا القراء بعد بس ما أخبي عليكم سلطان هم بعد حلو شعره حرير طبعا و عيونه كبار و عسليه و مسوي عوارض إلي مخليته يجنن أكثر و أكثر وتذوب فيه قمر .
    المهم سلطان ماسك شركته إلي أبوه مخليها له و الله يعينه يقوم الفجر وما يرجع إلا المغرب شنو يسوي بعد حلاله ولازم يداريه وعمره (26) سنه
    عبد الله وهذا إلي إسمه مثل عمه ... ( يعني سميه )
    عمره (25 ) سنه كبر خالد بس هو مسافر إيطاليا عشان يكمل دراسته وياخذ الماجستير و الدكتوراه في الطب
    يعني بعدين يصير دكتور ........ ( أحلى شيء دكتور )
    تغريد عمرها ( 24 ) سنه كبر ساره وهذي أخر سنه لها وتتخرج من الجامعه تغريد بنت ولا كل البنات جمالها جمال بدوي شعر أسود حرير لين الكتوف وهي بعد قاصته مدرج ( طبقات ) صااااااااير خطييييييييييييييير يجنن عليها و عيونها أكيد كبار و بالنسبه للون بيضه بس مب مثل أختها رغد .
    سعود وعمره ( 16 سنه ) ما همه شيء يحب الوناسه بس الله يهديه يحب اللف و الدوران يعني زي الشباب إلي في سنه قليل الدراسه بس مادري شلون ينجح و بإمتياز بعد المهم كيفه بعدين هو إلي راح يتحسف .
    رغد ( 16 سنه ) توأم سعود بنت تجنن من كل شيء أخلاق ولا أحلى و شكل هم بعد ولا أحلى بيضه مثل القشطه شعرها كستنائي ( بني فاتح ) وعيونها عسليه الصراحه تجنن الله يحفظها و يخليها لأهلها .
    فهد أخر العنقود عمره ( 10 ) سنين بس خطير يفهمها و هي طايره .... ( الصراحه هذي العيله كلها على بعضها تجنن )
    و أخيرا فاطمه زوجة محمد هالمره ما نسيتها بس تعمدت أحطها في الأخير .
    فاطمه أخت مريم زوجة عبدالله بس هالمره محمد تقدم لها رسمي يعني ما صار قصة حب مثل عبد الله و مريم
    بس شكلها فاطمه كانت تحبه وهو ما يدري لأنها
    بسرعه وافقت عليه حتى ما أخذت سبوع تفكر
    أكيد السالفه فيها سر ............ ( أقول شرايج تروحين تكملين الشخصيات )

    * عائلة جاسم الفلاني *
    جاسم أصغر أخوانه ماتت أمه بحادث وكان عمره ساعتها (3 سنين )وهذا خلاه يتعلق كثير بأخوه عبدالله صح إن إبوه كان موجود بس ما كان يطلب شيء إلا من عبدالله و بما أنه كان كذا فجاسم كتاب مفتوح قدام أخوه ، جاسم كبر و تزوج بنت خالته وجاب منها ولدين و بنت
    ( طلال و وليــــــــــــــد و الريم )
    الهنوف زوجة جاسم إلي يموت فيها و هي بعد تموت فيه
    جاسم عمره( 39 ) سنه هو غير ن أخوانه عنده شركه وحده بس و كاتب عليها( شركة جاسم الفلاني و أبنائه ) المهم نجي لعياله :
    طلال شاب وسيم أبيض البشره كحيل العينين شعره أسود كالليل ناعم كالحرير هو مسويله عوارض ( زي اللحيه بس قصيره ) ، طلال عمره (22 سنه ) يدرس طب أسنان وبعد 3 سنين راح يتخرج ....... ( إدعوله يخلصهم بسرعه ) .
    وليد أصغر من طلال بسنتين و أول سنه جامعه حظرته داخل علم حيوان و شكله راح يغيره ، وليد شاب يحب الإزعاج و الفرفشه كل ما يروح مكان لازم يخليه ملاهي من كثر ماهو مربوش بس لمن يطلع الكل يتمناه يرجع ، وليد يشبه أخوه مرررررررررررره تقولون مسوين له إستنساخ بس اللهم الشعر هو شعره فاتح مب أسود مثل أخوه .
    الريم أخر العنقود سكر معقود عمرها ( 16 سنه ) كبر بنات عمها رغد و الجازي ، الريم بنت حبوبه تحب الغشمره و الفرفشه و دلوعه حبتين ، الريم ما راح أوصفها لكم عشان ما تحسدونها أوكي ..

    أدري الشخصيات مبالغ في حلاتهم بس شنو أسوي
    الله خلقهم حلوين .
    ... الجزء الأول ...
    مثل كل سنه وفي هذا الوقت بوخالد يسوي عزيمة غدا للناجحين وطبعا الكل فرحان و مستانس ما عدا وحده .. أكيد عرفتوها . بدور إلي ما رتاحت وهي تفكر في النتيجه وتدعي ربها إنها تنجح وتجيب نسبه حلوه ...( الله يستر)
    بدور: بدلع وضيقه بنفس الوقت : يبااااااا
    بوخالد : نعم يا عيون يبا
    بدور : يعني لازم تسوي الغدا اليوم إصبر لين ما تطلع نتيجتي.
    بوخالد : ياحياتي يا بدوره لا تخافين إن شاءالله ناجحه، متى راح تطلع النتايج ؟؟
    بدور : بعد إسبوع .
    بوخالد : خلاص بعد إسبوع راح أسويلج حفله ما صارت ولا ستوت ، كم بدور عندنا .
    بدور : مشكور ما يحتاج يكفي اليوم ، إلا أقول يبه اليوم شنو ؟ ..
    بو خالد : الخميس ... ليه ؟
    بدور: صج .. أكيد نزلو النتايج على النت .. عن إذنك يبه بروح أشوف .
    بوخالد ك روحي و بشريني .
    قامت بدور وراحت ركض على النت بدت تدور ودخلت ساره عليها ووراها الجازي وهم قاعدين يدورون على صفحة النتايج .... يدق جرس البيت ويقوم خالد يفتح الباب ..
    خالد بكل فرح : هلا هلا وغلا والله تو ما نور البيت تفضلو حياكم .
    عمه محمد ( بو سلطان ) : هلا فيك ياولدي شخبارك إن شاء الله بخير .
    خالد وعيونه تدور على شخص مشتاقله مره : بخير مدام إني شفت هالوجه الله يخليك لنا تفضل .. تفضل أبوي داخل.












    صح قبل لا أنسا يمكن القصه ما تتكمل ما تصجوني و تقولون كمليها لأن صاحب القصه ما كملها إلى الأن
    و كل شوي يقول راح أكملها ولا يكملها فإذا كملها راح أكملها لكم لا تسووولي سالفه ..................................ز ( ماتقول حق نفسها صجت العالم من كثر ما تصبر )

    أوكي



    يلا أستنا ردودكم إذا عجبتكم القصه :22_f:

  2. #2
    ... V I P...


    تاريخ التسجيل
    Apr 2005
    الدولة
    قلبـــ غــــــــلاي
    المشاركات
    2,692
    معدل تقييم المستوى
    3

    افتراضي

    مشكور أخوي جهوري على وجودك
    بس راح أصبر لين بكره أوكي وراح أنزلها بكره إنشالله
    أخاف أحطها و ما تعجبهم ...





    بس حتى لو ما عجبتهم يكفي إنك راح تكون متتبعها
    صح .




    و لا تخاف إن شاء اله بإذن الله تعالى راح أحطها بكره

  3. #3
    ... V I P...


    تاريخ التسجيل
    Apr 2005
    الدولة
    قلبـــ غــــــــلاي
    المشاركات
    2,692
    معدل تقييم المستوى
    3

    افتراضي

    ... الجزء الثاني ...
    دخل أبو سلطان وبعده دخلت زوجته فاطمه : شخبارك يا خالد والله ولك وحشه.
    خالد : ......................................
    فاطمه ( أم سلطان ) : خالد ..... خالد
    ضربته على كتفه بشويش وقالت : خاااااااااااااااالد
    خالد وهو ينقز من سرحانه إلي كان في عالم ثاني عالم كله شوق لحبيبة قلبه إلي شافها من قبل شوي : هاه .. هلا هـ .. هلا خالتي شخبارج ( وحبها على راسها ) سامحيني ما إنتبهت .
    أم سلطان وهي تغمزله : إيه إلي ما خذ عقلك يتهنا به .
    خالد و بإرتباك واضح بان على وجهه إلي قلب ألوان ما توقع خالته منتبه عليه : الله يهداج خالتي مين يعني ما خذ عقلي غيرج .
    أم سلطان : لا تبرر مبين من عيونك بس إنت أشر و أنا في الخدمه .
    خالد إبتسم لها وقال : قريب إن شاء الله قريب بس لا تقولين للوالده مب وقته .
    أم سلطان : ليش يمه عاد فرح أمك من متى تستنا ترجع عشان تزوجك .
    خالد وهو يقول في خاطره ( أنا شنو سويت فتحت لي باب ماراح يتسكر ) : أنا راح أقولها بس مب اليوم توني جاي واليوم مشغوله بالعزيمه و لمن يجي الوقت المناسب أنا راح أقولها بس إنت لا تقولين شيء .
    أم سلطان : براحتك ياوليدي بس قولي مين هي .
    خالد وهو يبتسم : خالتي تفضلي أمي داخل تنتظرج .
    أم سلطان : زاد فضلك بس ماراح أخليك وراح أعرف منو هذي إلي راح تاخذك مني بس مب الحين .
    خالد وهو يقول في خاطره بنتج يا خالتي بنتج ولف على خالته : محد راح ياخذني منج .
    ( خالد يحب أم سلطان يعتبرها أمه الثانيه وكل شيء يتوهق فيه يجي على طول عندها أم سلطان ربت خالد مثل ما ربت عبدالله فأكيد هي الحين تعرف خالد من نظرته إذا كان فيه شيء )
    ومثل العاده دخلت عليه بكل دفاشه :هاااااااااااااي خالد .. شخبارك ؟ وشخبار السفر معاك ؟ وينك ما تسأل ولا شيء .. طيب قول عندي بنات عم . إسأل شوي ما تبغى تتصل عشان ما تخسر لا تتصل دق دقه و أنا راح أتصل بس إسل و الله صلة الرحم زينه .
    خالد وفاج عيونه منها ويقول هذي رغد ما تجوز عن طبعها : هههههههههههههههههههه ....
    شوي شوي علي حشى أكلتيني بقشوري .
    أولا : أنا تمام و الحمد لله .
    ثانيا : أخبار السفر الحمد لله وكاني رجعت لديرتي .
    ثالثا : مبروووووووك على النجاح و هديتج هذي هي .
    ( عطاها ساعه رولكس تجنن )
    رابعا : أطلب السموحه لأني ما اتصلت ما كان عندي وقت يوم كنت مسافر و الحين توني جاي ما صار لي ثلث أيام فأرجو من صاحبة السمو بأن تتكرم علينا بالعفو و الغفران .
    رغد بكل كبرياء و غرور : خلاص خلاص سامحناك بس مب عشانك عشان خاطر الهديه .
    وشوي ما تحس إلا بضربه على كتفها خلتها تشهق شهقه الله يستر منها وكانت بطيح على خالد بس مسكت نفسها و صدت صوبها: هيييييييييييييييييي إنتي وين جالسه لو طحت على الريال الحين .
    تغريد و هي تطالع رغد بنظره ... ( الله يستر منها) : مب أحسن تذلفين و تروحين تسلمين على إلي داخل فبل لا يجيج شيء ما شفتيه ، ما تستحين تكلمين الريال جذي .
    وهني رغد صج تخرعت من إختها وقالت في نفسها ( لا هذي ما راح تخليني اليوم الله يستر عليج يا رغوده ) ولفت عليها وقالت : مالج خص أنا وولد عمي ليش داخله عرض ... وشوي قالت أحسن لي أدخل أسلم باي خالد و الحمد لله على السلامه.
    خالد طالعها وهو يبي يضحك من موقفها : باي .
    قربت منه وقلبها بدا يدق يدق يدق و تزيد سرعته و شوي راح يطلع من مكانه وهو نفس الشيء وحل الصمت و الهدوء بينهم لثواني وبعدها بادرت بالسلام طبعا كان الوجه مصبوغ باللون الأحمر تقولون كا بين عليها قوطي صلصل : السلام عليكم شخبارك خالد الحمدلله على السلامه تو ما نورت البلاد .
    خالد وهو متسند على الباب : منوره بوجودج و بوجود أهلها . الحمد لله تمام مدام إني رجعت لأهلي و أحبابي .
    ورجع الأخ لسرحانه و تفكيره بالي قدامه وعم الهدوء مره ثانيه.
    تغريد وهي تكلم نفسها أنا راح يصير فيني شيء إذا ماتحركت من هنا ... آآآآآآآآآآآه يا خالد يازينك و يا محلاك والله اشتقت لك موت : عن إذنك خالد بروح أسلم على عمي و خالتي و البنات .
    خالد فاق من سرحانه و بإرتباك : حياج حياج تفضلي .. أسف ما دخلتج السموحه .
    تغريد : لالالا عادي لا تشيل هم مسموح .
    سألها خالد قبل لا تدخل تسلم : أجل وين الشباب
    تغريد :الحين جايين ما تعرفهم كل واحد بيجي بسيارته ما يتنزلون يركبون معانا .
    خالد ويقاطعها : أفا ..... أنا أراويج فيهم إذا جاو أجل يركبون في سيايرهم و يخلون القمر لالالالالالالا أوعدج راح أخليهم يندمون .
    طبعا تغريد وجها قلب ألوان وقالت في خاطرها أنا شسويت و بسرعه قالت : لالالالا مشكور ترابي أمزح .. و راحت بسرعه عند البنات.
    طلع خالد وجلس في الحوش ينتظر عيال عمه و عمه إلي ما جا إلى الحين ، وشوي طبو عليه فيصل و تركي من وراه و بصوت واحد : بووووووووو
    هذا الصوت إلي خرع خالد من صج و صارت دقات قلبه مب طبيعيه و صار يتصبب عرق وحاله .. وشوي لف عليهم و قالهم بصوت عالى خلاهم يتجمدون في مكانهم : لو مت الحين أنا شنو راح تستفيدون ها .... ما تردون .
    فيصل و هو ما سك الضحكه : بسم الله عليك لا تقول كذا.
    تركي : إي و الله لا تقول كذا ماأقدر أتخيل الدنيا بدونك .. لاتجيب طاري الموت على لسانك مره ثانيه إن شاءالله أنا ولا أنت .يا أخي ما صدقنا إنك رجعت تبي تروح عنا .

  4. #4
    ... عضو مـاسي ...


    تاريخ التسجيل
    May 2005
    الدولة
    رأس الخيمة الحبيبة
    المشاركات
    1,721
    معدل تقييم المستوى
    2

    افتراضي

    [align=center]اتصدقين


    والله توني انتبهت انج منزله قصة



    ومن باجر انشالله راح اقراها.......ولا تزعلين مني يا عصفورة لاني ما كنت ادري والله


    والسموووووووووووووووووووووووووووحة






    اخوج العينــــــــــ 2005 ــــــــــاوي[/align]

  5. #5
    ... V I P...


    تاريخ التسجيل
    Apr 2005
    الدولة
    قلبـــ غــــــــلاي
    المشاركات
    2,692
    معدل تقييم المستوى
    3

    افتراضي

    وشو توك تنتبه


    و أنا أقول الحين أخوي العزيز عيناوي راح يقراها و يعطيني رايه فيها
    و مسويا سالفه في البيت و صاجتهم
    و الحين تقول لي توني أنتبه
    إلي ماخذ عقلك يتهنابه .
    ما علينا مشكور أخوي على مرورك
    بس عطيني رايك بسرعه
    عشان أكملها إذا حلو و أطنشها و تطنشونها معاي
    أوكي






    ولا تحط في بالك مسموووح
    إختك عصفوره الدلوعه

صفحة 1 من 44 12311 ... الأخيرةالأخيرة

المواضيع المتشابهه

  1. والله أحبك يشهد الله علي..~مجهودي
    بواسطة لهفة الخاطر في المنتدى الارشيف
    مشاركات: 5
    آخر مشاركة: 12-03-2011, 07:04 PM
  2. أحبك يا صاحبة العباءة المخصرة .. أحبك موت يا عارية ..
    بواسطة حنـوُن بجنـونْ في المنتدى عالم حواء
    مشاركات: 24
    آخر مشاركة: 22-02-2008, 07:56 PM
  3. حوار مع القمر!!!اين انت ايها القمر ؟؟؟
    بواسطة صديقة القمر في المنتدى الارشيف
    مشاركات: 1
    آخر مشاركة: 24-10-2006, 11:55 PM
  4. مشاركات: 1
    آخر مشاركة: 23-09-2006, 02:17 PM
  5. صورة القمر وهو منشق( وانشق القمر)
    بواسطة القلب الحزين في المنتدى الارشيف
    مشاركات: 10
    آخر مشاركة: 03-04-2005, 12:23 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52