صفحة 1 من 5 123 ... الأخيرةالأخيرة
النتائج 1 إلى 5 من 23

الموضوع: ... {سبع ساعاااااااات اسولف واتكلم واستخف دمي} ...

  1. #1
    ... عضو مميز...


    تاريخ التسجيل
    Nov 2007
    المشاركات
    261
    معدل تقييم المستوى
    1

    افتراضي ... {سبع ساعاااااااات اسولف واتكلم واستخف دمي} ...

    [align=center]السلام عليكم ورحمة الله وبركاته
    ... مساء الخير ...
    هذي قصيده اعجبتني وحبيت انقلها لكم ...


    سبع ساعات أسولف وأتكلم وأستخف دمي
    وهي تسمعني وتضحك ومبسوطه على الأخر

    ::

    سبع ساعات اعلمها عن أحزاني وعن همي
    واسولف عن حكايا الطفل كان وصار هالشاعر

    ::


    سبع ساعات تتساقط حروف الصدق من فمّي
    على صحرا مسامعها سحاب العشق متناثر

    ::

    سبع ساعات وتحلف لي براس العشق وتسمي
    تقول أنت الوحيد اللي ملكني حبك الساحر

    ::

    سبع ساعات ونادتني بأسمه ما هو بأسمي
    تناديني فهد واسمي انا ياللأسف جابر

    ::

    تشنج كل شيٍ كان حولي ومسمعي يدمي
    ركز خنجر فهد في مسمعي من صوتها الخادر

    ::

    تخدّر فكري وجسمي وذاب بداخلي عظمي
    وصرت اسمع صدى صوتٍ يردد غلطة الشاطر

    ::

    يردد غلطة الشاطر بعشرة واقعي وحلمي
    وترددها زوايا غرفتي والواقع الغادر

    ::

    كثير اصوات شقت جلدي اللي يحتضن عظمي
    وصراخ الباب والدولاب والشباك والساتر

    ::

    وونات القلم والدفتر اللي يلتفت يمي
    وخايف وش ابي اكتب بوسطه من هنا لـ باكر

    ::

    وكانت ساكته وصوت النفس من خشمها و خشمي
    ربع ساعه وبحة صوت قالت: خير وش صاير

    ::

    وطرا في بالي عبدالله وخالد واحمد ونشمي
    ولآخرهم فهد تسعه وانا مدموغه العاشر

    ::

    وقلت ابداً مغير الخير ولكن امسحي رقمي
    اكيد انه فهد جالس سبع ساعات وهو ناطر

    ::


    وقالت لي: رجاءً أو أقولك .. طير ياعمي
    مسوي حضرتك في هالزمان العاشق الطاهر

    ::

    وقالت لي:أقول! وقلت: أنا بقول وذا علمي
    عجب هالناس وش هالناس تخطي وبالخطى تكابر

    ::

    انا يابنت بنثر لك حياتي واجمعي لمّي
    بعضه بنثره في مسمعك هالحين ومن خاطر

    ::

    ترا عمري انا تسعه وعشرين وكذا رسمي
    ولكن عشت أيامي دبلها مقبل وعابر

    ::

    أصيل وكل أصيلٍ مايبي مدحي ولا ذمي
    وسبع انعام في هالناس اخص الحامد الشاكر

    ::

    انا من نجد وربعي هم عتيبه وخالي الدحمي
    وبرقا لحمي ودمي وانا من روق ومع ناصر

    ::

    انا جابر ولد هايف وسلم الطيب هو سلمي
    ابو الي مربيني على الجزلات واتفاخر

    ::

    انا راعي مجاهيمٍ يشع بفخذها وسمي
    وراعي خيل وراعي بير وبيتٍ مبغضه كافر

    ::

    على الرمضى ابت رجلي بأرضٍ عاشقه ضمي
    وشمسٍ تشرق وتوقف على راسي وانا صابر

    ::

    عرق وجهي يصب وامسحه بشماغي وكمي
    وألد عيوني عن ناسٍ سرقني يمها الناظر

    ::

    وانا شاعر ولو اكتب عجز كل فكر في نظمي
    ولاني بالغرور احكي ولكن واثق وقادر

    ::

    وانا رجال هاوي للقمم ويقودني عزمي
    وابي ارقى على راس الجبل وانتي مع الحادر

    ::

    عرفتي ليه انا طاهر؟ لأنك همي وغمي
    ولأن الدنيا في عيني جبل نرقاه ونغامر

    ::

    يابنت الناس شفتي كيف بليّا سلاح مانرمي
    ولانوقف بوجه البندق المليان ونخاطر

    ::

    خلقنا الله بشر بعقول وذا واقع وذا وهمي
    وكلٍ يتبع مراده وفينا رابح وخاسر

    ::

    وقالت لي فمان الله شعلت النار في جسمي
    فمان الله يالطاهر ومثلك قله ونادر

    ::

    ورحت آخذ كتاب الله واحلف بالكتاب:" امي
    لو ان اسمي فهد بالله ماكان احلى من جابر..؟!!




    ****

    للشاعر جابر بن هايف العتيبي
    [/align]

  2. #2
    ( بروحـــــــها شيهــــانه )


    تاريخ التسجيل
    Jun 2007
    المشاركات
    933
    معدل تقييم المستوى
    1

    افتراضي

    انا من نجد وربعي هم عتيبه وخالي الدحمي
    وبرقا لحمي ودمي وانا من روق ومع ناصر....



    وسبعة انعام بعتيبه !!! وين هنوفه تشوف قصيده ولد هايف
    سلمتي دفنت نقل اكثر من رووووووعه لايحرمنا منك يالغلا
    والشاعر جابر وش اقوول ابدع ماشالله عليه
    لاخلا ولاعدم



    مشاعل***

  3. #3
    ... V I P...


    تاريخ التسجيل
    Sep 2007
    الدولة
    ..+..غـُربَـتِـ-ـ-ــي..+..
    المشاركات
    4,919
    معدل تقييم المستوى
    5

    افتراضي

    \

    قصيـدهـ أكثر من رائعـه ..

    يعطيك العافيـه غلاتــي
    \

  4. #4
    كبآآر الشخصيآت

    تاريخ التسجيل
    Dec 2006
    المشاركات
    31,394
    معدل تقييم المستوى
    37

    افتراضي

    عرق وجهي يصب وامسحه بشماغي وكمي
    وألد عيوني عن ناسٍ سرقني يمها الناظر

    ::

    وانا شاعر ولو اكتب عجز كل فكر في نظمي
    ولاني بالغرور احكي ولكن واثق وقادر

    ::

    وانا رجال هاوي للقمم ويقودني عزمي
    وابي ارقى على راس الجبل وانتي مع الحادر

    ::

    عرفتي ليه انا طاهر؟ لأنك همي وغمي
    ولأن الدنيا في عيني جبل نرقاه ونغامر

    ::

    روووووووووووووعه ... مفاخره لأصحاب الأشناب .. عز الله رجال والنعم


    دفنت قلبي ... مشكوره يالغلا .. قصيده قليل في حقها ابداع

  5. #5
    §™][خآدمٍه تحت أقدامٍ أميٍ][™§


    تاريخ التسجيل
    Oct 2007
    المشاركات
    1,488
    معدل تقييم المستوى
    2

    افتراضي

    انا جابر ولد هايف وسلم الطيب هو سلمي
    ابو الي مربيني على الجزلات واتفاخر



    الله الله عليك ياجابر


    قليله فيها روووعه


    دفنت قلبي



    اهنيك ع هالذووق


    دمتي بكل خير

صفحة 1 من 5 123 ... الأخيرةالأخيرة

المواضيع المتشابهه

  1. سولف وانا اسولف
    بواسطة اعفيني في المنتدى قصائد وخواطر
    مشاركات: 4
    آخر مشاركة: 11-06-2008, 03:23 PM
  2. اسولف مع قلبي ....(( كيفي!!!!)))
    بواسطة صقر سبيع في المنتدى قصائد وخواطر
    مشاركات: 6
    آخر مشاركة: 05-05-2007, 07:21 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52