النتائج 1 إلى 5 من 5

الموضوع: قصيدة شاب فقير خطب بنت عمه المليونير.....؟

  1. #1
    ... عضو مـاسي ...


    تاريخ التسجيل
    Jul 2006
    الدولة
    بيتنا
    المشاركات
    1,896
    معدل تقييم المستوى
    2

    Unlove قصيدة شاب فقير خطب بنت عمه المليونير.....؟

    شاب فقير خطب بنت عمه المليونير

    وزود عمه طلباته عليه فقال قصيدة


    وانا انقل لكم القصيده

    سبحان من يرزق بتوع الملاييـن *** الرازق اللي ما يخيب الرجـا بـه-

    لي عم عنده معـرضٍ للصولييــن *** أموت واعرف بس من وين جابـه -

    وإذا سألته قـال بعـت الدكاكيـن *** ما يدري إني ما هضمت الإجابـه -

    الشاهد إني رحت له قبـل يوميـن *** في قصره العامـر ودقيـت بابـه -

    قال ارحب ارحب عدّ ورد البساتين *** يا مرحبا باللـي لفـا يـا هلابـه -

    قلت البقا عـدّ النفـل والرياحيـن *** يا شيخ شمل اهل الكرم والذرابـه-

    قال اسلم الله يحفظك لي من العين *** وآمر أوامر حضرتـك مستجابـه -

    قلت الصراحة طالبٍ قرب غاليـن *** ودي تزوجنـي كريمتـك يـابـه-

    ثنّى وقال اهليـن والله وسهليـن *** والكون ترخص لجل عينك رقابـه -

    لكن ترا عندي شـروط وقوانيـن *** قلت اشرط اشرط يا حبيب الغلابـه

    قال أولاً مهر العروسـة ثمانيـن *** غير الرسوم وغير حق العصابـه -

    والثانية عمك يبي منـك سبعيـن *** رسم الأبـوّة والنسـب والقرابـه-

    وام العروسة حقها منـك ستيـــن *** عشانها ست الحسـن والمهابـه -

    واخوانها كلن يبي منـك خمسيـن *** عداً ونقـداً تنـدرج فـي حسابـه-

    وخواتها الخمس اعطهن من ثلاثين *** عشان تتوثـق عـروق النسابـه -

    وتجيب طقم عيار واحد وعشريـن *** وخاتم من الماس المصفى ترابـه-

    واكياس متروسة كعوب وفساتيـن *** ألوانهـا واشكالهـا مـا تشابـه -

    وموتر بسواقـه وفيـلا بدوريـن *** أثاثهـا مـن بطرتـه ينحكـابـه -

    واحجز لنا قاعة بقصر السلاطيـن *** واحجز بهـا رقاصتيـن وربابـه -

    وامنع دخول اهل اللحى والبزارين *** واعزم أميـر المنطقـة بالنيابـه -

    هذي الشروط اللي على بالي الحين *** وذكرني اللي ما حسبنـا حسابـه -

    قلت اذكر الله يا عـدو المساكيـن *** واستغفـره لا يبتلـيـك بعـذابـه -

    الظاهر إنك منت عارف أنا ميـن *** أنا لو ارقا فـوق متـن السحابـه -

    ما جبت حتى نص درزن مواعيـن *** واضحك بكيفك واعتبرهـا دعابـه-

    شروطكم هذي شـروط المجانيـن *** شروطكم شغـل ابتـزاز ونهابـه -

    شروطكم تقصم ظهـور البعاريـن *** شروطكـم همّـن وغـم وكآبـه -

    شروطكم والله سيوف وسكاكيـن *** تذبح بنات المجتمع مـع شبابـه -

    وين الرضا والعطف واليسر واللين *** اللي ذكرهـا الله بمحكـم كتابـه-

    وين الصفات اللي أمرنا بها الديـن *** وين اختفى نهج النبي والصحابـه -

    يا عم جعل اللي خلقنا من الطيـن *** يرد عقلك مـن خطـاه لصوابـه -

    ويجعل نصيبي عند غيرك قل آمين *** ويحسن عزا الصابر ويجزل ثوابه -

    قال انت لو فكرت تفكير صاحيـن *** ما شفت في مجمل شروطي غرابه -

    حنا بعصـر العولمـة والمزاييـن *** ماهوب عصر الفلسفة والخطابـه -

    الناس تسعى للرتـب والنياشيـن *** وانت اهتمامك بالشعـر والكتابـه-

    والشعر ما ينفعك لو هو دواويـن *** ما دام جيبك مثـل بيـت الخرابـه -

    يا بوك لا تسمع كلام المصاخيـن *** واسأل مجرب عاش في وسط غابه -

    قلت الله اكبر يا محـرر فلسطيـن *** من يسمعك يحسبك ذيـب الذيابـه-

    تراك شايب راس مالـك رياليــــن *** والبنت ما تسوى جنـاح الذبابـه -

    قال انقلع مالت على وجهك الشين *** لا عاد اشوفـك عندنـا يالزلابـه -

    قلت ابشر ابشر لكن الباب من وين *** واقفيت من عنده على صوت بابـه

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    دلوعة نجد

    اختيار رائع ومعبر-

    اشكر لك هذا الحضور

  3. #3
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    افتراضي

    دلوعة نجد

    تسلمين غلاي

    على هذا الإختيار الرائع

    بـ روعة ذائقتك


    كل الشكر

    لك / لـ تواجدك العذب

  4. #4
    ... V I P...


    تاريخ التسجيل
    Apr 2005
    المشاركات
    7,813
    معدل تقييم المستوى
    8

    افتراضي

    يعطيك العافيه اختي دلوعه

    ولاهنتي على النقل وكلك ذوق

    وتسلم يمناك .. وصح لسانك ولسان من قالها

    وتقبلي مروري وتحياتي

  5. #5
    ↓..Hr..↓


    تاريخ التسجيل
    Mar 2008
    المشاركات
    1,796
    معدل تقييم المستوى
    2

    افتراضي



    كش عليه من عم الدبي قهرن


    لاهنتي عنوني ع القصيده

المواضيع المتشابهه

  1. Fw: ๏̯͡๏★۩ 【 قصيدة لشاب فقير خطب بنت عمه المليونير】۩★๏̯͡๏
    بواسطة çяγzǝ нïlɑlγ في المنتدى قصائد وخواطر
    مشاركات: 6
    آخر مشاركة: 14-06-2010, 04:21 AM
  2. قصيدة لشاب فقير خطب بنت عمه المليونير‎....
    بواسطة *الكــاديــ* في المنتدى قصائد وخواطر
    مشاركات: 7
    آخر مشاركة: 06-05-2010, 10:13 PM
  3. شاب فقيير يخطب بنت عمه المليونير
    بواسطة آعماق آلــشمري في المنتدى الارشيف
    مشاركات: 1
    آخر مشاركة: 13-08-2008, 03:09 AM
  4. المليونير السعودي الراجحي بحاجة الى الدعاء ..... صور
    بواسطة لايفووووووتك في المنتدى الارشيف
    مشاركات: 50
    آخر مشاركة: 15-11-2006, 07:28 AM
  5. قصة المليونير الذي اصبح يكنس الحرم!!
    بواسطة آهات الحب في المنتدى قصائد وخواطر
    مشاركات: 67
    آخر مشاركة: 24-05-2006, 03:18 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52