صفحة 1 من 3 123 الأخيرةالأخيرة
النتائج 1 إلى 5 من 12

الموضوع: هنـــــوفٍ طوّعت رجّالها مسّكـــــــــة مخالبها !!!

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Asl هنـــــوفٍ طوّعت رجّالها مسّكـــــــــة مخالبها !!!

    سلامي ياسلام الله سلامٍ ياصل الشعار
    ومن يسمع من الجمهور حاظرها وغايبها

    اقوله وأثني بقولي هلا والفين بالحضار
    هلا بالّي علوم الطيب فازت في مناصبها

    أعم أعم منهو بالقصيده مر لو مرّار
    وأخص الي حروف الرّد سارة لي مواكبها

    أخص أخص من سجل حضوره ياعرب تذكار
    وأعم الي عجز يثبت مروره في مكاتبها

    أخص الي ليامن أكترب موج البحر بحّار
    يغوص بحورها لا ماتذير من مصايبها

    أخص الّي قرى قولي عدوٍ أو صديق وجار
    أخصك انت يامتصفح الصفحه وحاسبها

    أخص اللي جعل له من الزين ياسامعيني دار
    أخص أخص منهم في الزين تقطن مظاربها


    اليامنك لفيته رحبة وأهلين بالزوار
    اتبادر بالسلام لمن لفى بالعز مطلبّها

    هنوفٍ حاليه ربي لها وصفٍ كمى الجمّار
    عشيقة للعذارى والرجاجيل بشواربها

    هنوفٍ دارها بالعز ماضني تحرى أشوار
    علت فوق الجميع بطيبها اللي حيل معجبها

    بهاالصادق بهاالوافي بهاالفارس بهاالمغوار
    تعلّى مشرقه بالطيب عدّا فوق مغربها

    بهاالشاعربهاالكاتب بهاالدارس بهاالاخبار
    بهاالفاهم بهاالعالم بهاالناس بمذاهبها

    بهاكل البهاء مزنٍ حدر سيله مع المحّدار
    سرى ليل البهاء معجب على الطرّيا يلاعبها

    ========
    وأبيكم وان سمحتولي بيوتٍ تحمل الاذكار
    لكم عدل البيوت وجنّبو عن درب عايبها

    يقولون العرب أن السمّاد مخلّفات النار
    ولاضنيت تطفي نار من للنار يشعبها

    لقيت اليوم لي عودٍ مضى فيه الزمان وجار
    كفيفٍ مقعدٍ ويصيح للبكره ويندبها

    تعدى عمره التسعين حكمة واحدٍ جبّار
    غدى جسمه كمى حال الجراده يوم تقضبها

    طريحٍ في فراش الموت مايدري وش اللي صار
    مع السّستر صياح العود للخلفات متعبها

    ندهّته قلت ياسستر بي العقل الرزين احتار
    عطيني عن علوم العود مايكشف غرايبها

    وقامت لي تبسم في سنونٍ كنها المنشار
    تغنج تحسبني قاصدٍ بالهرج أداعبها

    ويوم انه لقت فيني على ذاك السؤال اصّرار
    علي زاد الحمار بعينها بانت مشاهبها

    وقالت لي ( ولد هذا خرامي سيم سيم خمار
    مضى سبعه شهر مافي يجي يشوف شايبها)

    وقلت اكيد وموكّد حداه عن السؤال اعذار
    لزوم اعرف مصايب عودنا وشّي سبايبها

    تحريت وتقصيت ولقيت السّر ساس العار
    ومنهو عاش بالدنيا يبي يكشف غرايبها

    لقيت ان الولد يتبع لها في ضّربة المشوار
    هنوفٍ طوّعت رجّالها مسّكة مخالبها

    غدى بيدينها مثل الذبيحه عند أكالجزّار
    ولو حتى رفع راسه يصير الذّيخ مغضبها

    غدة له مصّيده مثل الطحين بجذّبته للفار
    بكلمة طال عمرك منحني وان جاء يخاطبها

    وحكمه مابه استئناف نافذ بالردي اجّبار
    تأّمر وش تبي ذيخه يحقق له مطالبها

    وحتى العود منها ماسلم طوّح به الاعصار
    الا ياحيف يارجّلٍ حياة الذل راغبها

    لعبك من على راسك يدق الطبل والمزمار
    وبعة اقرب قريبٍ لك لجل سفلتّك تكسبها

    الا يالعنبو وقتٍ عنيدٍ جايرٍ غدار
    به الزلات كم رجلٍ تلولس في نشايبها

    به الذّله به العله به الطايح لقى معبار
    على لحم الفطيس طيوره الطايح مدربها

    الا يالعنبو رجلٍ يبدل صحوها بغبار
    شرى ذل العلوم وباع يالحضّار طيبها

    يقولون العرب من دون ساسٍ مابنيت جدار
    وخاب اللي عياله بالنسب لامايعربها

    ============
    هلا باللي قرى قولي هلا والفين بالشطار
    وابنشدكم عن اللي باع صافيها بغثربها

    ابنشد منهو لدرب المراجل ساريٍ دوار
    مع اللي في ظلام الليل ماتعقد حواجبها

    رفاقه والرفاقه ماتبي تاجر ولا سمسار
    يبيها في ريالها ماقدر فعله يناسبها

    يبون الطيب يوم الطيب له عند العرب سمّار
    رجالٍ ميزت صافي طلبها عن شوايبها

    وش اسباب القطاعه والفرس ماتقطع المضمار
    هو العيب بفرسها أو بمنهو كان راكبها

    الا ياربعي اللي للقصيده فندوها امرار
    ابي منكم جوابٍ ناري يطفي لواهبها



    اتمنى ان تنال على اعجابكم دمتم بخير
    وتقبلو الف تحية وتحية من الشمالي

  2. #2
    مؤسس موقع الزين

    تاريخ التسجيل
    Oct 2004
    الدولة
    هنـــاك
    المشاركات
    4,245
    معدل تقييم المستوى
    5

    افتراضي

    الشمـــالي



    الله لا يشدهلك ... بال



    اثـــراء .. وثـــراء .. وراء .. تواجــدك العــذب



    تسلم والله لا يهينك .. وجعلك دوم سالم



    سسسلامــي

  3. #3
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    Thumbs Up


    يبون الطيب يوم الطيب له عند العرب سمّار
    رجـالٍ ميزت صـافي طلـبها عـن شـوايبـها



    الشمــالي

    قصيده / معلقه / حـوَت الكثير

    من المعاني / والحكم / والصفات

    آبـدعت وآمتعت

    وليس بغريب على ذائقتك هذا الجمال


    تسلم يدينك ولاهنت

    على هذا الإختيار الجزل / الراقي


    دمت بكل الخير

  4. #4
    مشرف سابق

    تاريخ التسجيل
    Mar 2008
    الدولة
    { بين الوعي واللاوعي }
    المشاركات
    6,435
    معدل تقييم المستوى
    9

    افتراضي

    [align=center]الا يالعنبو وقتٍ عنيدٍ جايرٍ غدار
    به الزلات كم رجلٍ تلولس في نشايبها

    به الذّله به العله به الطايح لقى معبار
    على لحم الفطيس طيوره الطايح مدربها

    الا يالعنبو رجلٍ يبدل صحوها بغبار
    شرى ذل العلوم وباع يالحضّار طيبها

    يقولون العرب من دون ساسٍ مابنيت جدار
    وخاب اللي عياله بالنسب لامايعربها



    الشمالي

    قصيده في منتهى الرووعه والإبداع
    لك مني كل الشكر والتقدير
    يعطــيـــك العافـيــــه
    تحياتي لكــ ,,,
    [/align]

  5. #5
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Rose مساااااااء الخير

    اقتباس المشاركة الأصلية كتبت بواسطة الإنسكاب مشاهدة المشاركة
    الشمـــالي



    الله لا يشدهلك ... بال



    اثـــراء .. وثـــراء .. وراء .. تواجــدك العــذب



    تسلم والله لا يهينك .. وجعلك دوم سالم



    سسسلامــي
    هلا والله وغلا

    با استاذي الانسكاب

    حضورك طاغي كما عهدته ,
    و ذكاؤك آسر كما عرفته!

    يشرفني مرورك و تعليقك العذب
    وياعل الله يسلمك ويسعدك

    محبتي واحترامي لك

صفحة 1 من 3 123 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52