صفحة 1 من 37 12311 ... الأخيرةالأخيرة
النتائج 1 إلى 5 من 183

الموضوع: الصدف خلتني أحبك من تأليفي

  1. #1
    ... عضو ذهبي ...


    تاريخ التسجيل
    Apr 2006
    المشاركات
    649
    معدل تقييم المستوى
    1

    Love الصدف خلتني أحبك من تأليفي

    بسم الله الرحمن الرحيم
    الصدف خلتني احبك
    طبعا هذي أول قصة لي انزلها أتمنى أن تنال إعجابكم وسامحوني على القصور.


    الجزء الاول:

    عائلة بو ناصر :

    1."راشد" بوناصر: عمره 52سنة عنده شركة اهو مع اخوه الي اكبر منه بونواف ، مرح مع الكل بس اذا قال ما يحب يثنيها والوحيدة الي تقدر عليه بنته دلال
    2. "بدرية" ام ناصر: عمرها 48سنه حنونة قلبها طيب عندها صالون خاص فيها .
    3. ناصر: 23 سنه مملوح بشرته حنطاوية مايلة للبياض ابتسامته تذوب البنات وقلبه مفتوح للكل واكره شي فيه انه سريع الانفعال بعض الاحيان.
    4. دلال :17 سنه دلوعة البيت طولها زين مو قصيرة ولا طويلة ملامحها مثل ملامح اليهال ناعمة وتتمتع بنظرة البرائة شعرها ناعم لونه من سواد الليل بشرتها بيضة وتتميز بصوتها الحلو .


    عائلة بو نواف:

    1."عصام" بونواف: 54 سنه طيب الى ابعد درجة زوجته متوفية من8 سنين واهو الابو والام صاير الى 2.عياله .2. نواف : 23 سنه ياخذ شبه من ولد عمه الفرق بأنه حساس ورومنسي الى ابعد درجة .
    2نور : 17 سنه مملوحة سمراء لون شعرها بني فاتح وتتميز بعيونها النعسانة تجذب الواحد وتخليه يسرح فيها وتحب تكتب الخواطر.



    وباقي الشخصيات رح اتطرق لهم من خلال القصة




    كعادتها دلال من الصبح مشغلة موسيقى هادئة واهي تاخذ لها شاور وشوي واهي في الحمام " الله يعزكم " سمعت دلال احد يطق باب غرفتها بقوة ....

    دلال : منو ؟
    .... : دلول انا ناصر فتحي الباب .. عندي لج خبر
    دلال بصوت عالي : قوله اسمعك .
    ناصر : لا لا لا فيس تو فيس بيبي .
    دلال تضحك : هههههه دقايق بس وطالعة لك

    ظل ناصر ينتظر على الباب 5 دقايق وسمع صوت الباب واهو ينفتح ...
    دلال تطلع اله في الممر : هلا قول شنو الخبر ؟
    ناصر يطالعها بخبث: يا نظر عيني الخبر اممممم والله اقول ابي اسمع اول أغنية الجسمي المفضلة عندي قلبو .

    ضحكت دلال ووردوا خدودها : اوكو نغني وأمرنه الى الله ..احم احم " غمضت عيونها وخذت نفس " والله ما يسوى أعيش الدنيا دونك لا ولا تسوى حياتي بهالوجود دامك أنت إلي رحلت وكيف أبصبر علبعاد وكيف بنثر هالورود ناصر قاطعها بتصفيقه فتحت عينها وسكتت : بس بس غناتي انتي جذي " اشر لها على انه اوكي بيده"
    دلال: احرجت تواضعنه يالله قول شنو الخبر ؟
    ناصريعدل وقفته : بما انه دخلنه اجازة الربيع قرر ابوي وعمي العزيز انه نروح نقعد في صخير 3 ايام وعلى فكرة ترى صديق ابوي ابو هشام معانا ما أقول الا الله يساعد نواف بتكون غلا معانه يالله نزلي ننتظرج .

    نزل ناصر ودقايق نزلت دلال بعده شافت امها باست راسها وراحت الى ابوها الي كان قاعد يقرأ الجريدة وباست راسه بعدها التمو على الطاولة عشان يتريقون.



    فاصل
    عائلة بوهشام

    1."كاظم " : 53 سنه عنده شركة خاصة فيه أب بمعنى الكلمة طيب حنون يعشق مغني عراقي اسمه ناظم الغزالي انجان تعرفونه .
    2. "سارة" ام هشام : 48 سنه مديرة في احد مدارس الثانوية" الي فيها بناتها ودلال ونور " حنونة ومتسامحة.
    3. هشام : 23سنه حنطاوي شعره اسود ناعم لون عيونه بنية فاتحه يتميز بصوته العذب خصوصا اذا قال موال حزين يخلي الي معاه دمعته تنزل غصب .
    4.غلا : 17 سنه شعرها طويل لونه بني فاتح بشرتها بيضة عيونها عسلية رومنسية وتحب الخواطر تقراها وتكتبها .
    5. شيرين : 15 سنه بشرتها بيضة بس اذا انحرجت او عصبت يصير وجهها مثل الطماط شعرها اشقر لين الكتف ولون عيونها بني فاتح ورومنسية لأبعد الحدود عندها القدرة على تقليد الاصوات خصوصا المغنين.


    على طاولة الاكل الكل ياكل واهو ساكت بوناصر واهو يرفع كوب الحليب التفت الى دلال : يبى اتوقع قالج ناصر عن التخييم ومع منو منروح .
    دلال تبتسم : أي يبى وابي اروح الى نور بنت عمي اذا سمحت
    بوناصر : خلي ناصر يوديج العصر .
    ناصر يبتسم لها ويغمز : من عيوني كم دلال عندنه ؟


    في بيت ابو نواف :

    نور : نواف بعد قلبي انت.
    فهم لها نواف: ههههههه قولي يالعيارة شتبين أعرفج مصلحجية .
    نور والي على بالها عمها الي بيجيب دلال: نواق اليوم دلال بتجي وابيك تودينه مناخذ لنه اغراض لتخييم "تسوي روحها تكسر الخاطر" تقدر.
    نواف ما حب يكسر خاطرها : اوكو غناتي بس اهم شي لا تنسيني في الاكل.
    نور تضحك : ههه من عيوني
    طلع نواف وعلى طول راحت نور تتصل الى دلال.....أغنية بحبك وحشتيني شافت دلال " نور قلبي يتصل بك"
    دلال: هلا وغلا.
    نور :هلا فيج حبيبتي ، أقول الساعة كم بتجين ؟
    دلال : العصر الساعة4.
    نور : اوكو بخلي نواف اخوي يودينا ناخذ اغراض للتخييم ما أصدق يجي يوم الخميس
    دلال : اوكيك

    تموا يسولفون نص ساعة بعدين سكروا الخط .

    في بيت بو هشام :

    ابو هشام ينادي مرته : ام هشام يا سارة وينج ؟
    ام هشام طالعة من المطبخ : ياية ياية "وقفت قباله " هلا امر.
    ابو هشام :ما يامر عليج عدو بس رفيجي بو ناصر بيروح يخيم مع اخوه وعياله في صخير وعازمنه، ها شقلتي ؟
    ام هشام تبتسم : أي والله العيال من زمان ما راحوا تخييم اسألهم اذا يبون يروحون نروح ما عندي مانع " وراحت المطبخ"

    هشام وشيرين نازلين من على الدرج سمعوا آخر جملة راحوا الى ابوهم .
    هشام : يبى شنو تسألنه؟
    ابتسم ابوه ورد عليه : تعرف بوناصر وابو نواف رفجاني ؟
    هشام: أي عيالهم رفجاني
    ابو هشام : عازمينه وياهم لتخييم ها شقلتوا ؟
    شيرين والابتسامه على وجهها : أي دادي أكيد "نطت" ايوة وناسة.
    ام هشام طالعة من المطبخ : يمه شيرين روحي خبري غلا .
    هشام : اوه الوالده هنيه منور البيت "بدأ يغني" قولي يا حلو منين الله جابك "ابوه يكمل واهو يأشر على قلبه " خزن جرح قلبي من عذابك.
    ام هشام تطالعهم وتضحك : الحمدالله والشكر على نعمة العقل
    التفت هشام الى ابوه : يبى تامر على شي انا طالع
    ابو هشام يطالع الساعة 10 : لا بس لا تتأخر على الغذا
    هشام : اوكو
    ابو هشام : قول انشاءالله مو اوكو احنه وين قاعدين
    هشام باس راس ابوه : اوكو " ضرب على جبهته " انشاءالله يبى وطلع.

    فوق عند غلا شيرين تفتح باب غرفة غلا : غلوي منروح نخيم مع عائلة بو ناصر رفيج ابوي وكأنه اخوه بونواف معانه .
    غلا بحسرة : يعني مو اكيد يروحون عائلة بونواف
    شيرين تغمز لها : أها حبيب القلب والله مدري
    غلا تضحك : هههههه اوكو لكن متى منروح أي يوم؟
    شيرين :الخميس
    غلا : اها بعد يومين يعني.
    شيرين : أي صج اذا تبين تعرفين اتصلي الى وحدة من ربعج دلال لو نور واسأليهم اذا بتجي نور مع حبيب القلب.
    غلا تضحك : هههههه ما قلتي شي جديد رح اتصل الى نور العصر.



    العصر الساعة اربع ناصر ينادي دلال عشان يوديها : دلول .. دلال يالله وراي مشاوير غيرج.
    دلال على الدرج : هذاني ياية يالله مشينا يا حلو
    ناصر : يالله يا قمر

    في السيارة ناصر مشغل أغنية الجسمي يا خفيف الروح يرقص واهو يسوق ودلال تضحك على هباله .

    في بيت بو نواف نور تجهز نفسها عشان اذا وصلت دلال على طول يمشون واهي تعدل شكلها قبل لا تلبس الشيلة سمعت تلفونها يرن شافت غلاي يتصل بك ردت عليها ...
    هلا غلوية .
    غلا : هلا عمري شخبارج؟
    نور : الحمدالله اسأل عنج .
    غلا واهي مو عارفة شلون تسأل بعد لحظة صمت : أقول نواره بعد قلبي صج الي سمعته ؟
    نور وعلانات الاستفهام على وجهها : شنو ؟
    غلا تدعي انه الجواب يكون بالايجاب : صج منروح نخيم في صخير بعد يومين معاكم ؟
    نور تبتسم : أي ههههههههه خوفتيني انشاءالله
    غلا تحمد ربها وتضحك وتقول بصوت مسموع من غير لا تحس : بعد قلبي نوفو بشوفه
    نور : شنو ؟
    غلا حمرت وجناتها وقعدت ترقع : ههههههههه اقول بعد قلبي نورو
    نور ضحكت : بعد قلبي والله غلوية اخليج اسمع صوت الجرس
    غلا : اوكو باي .

    نور رايحة ركيض للباب واهي بدون شيله على راسها فتحت الباب وتوها بتتكلم وتنصدم بالي قبالها وحست قلبها يدق بطرقة جنونية .




    1.منو الي جنب الباب؟ وليش دقات قلبها تدق بهالطريقة ؟
    2.شنو بين نواف وغلا ؟

  2. #2
    ... عضو مـاسي ...


    تاريخ التسجيل
    Feb 2006
    المشاركات
    1,608
    معدل تقييم المستوى
    2

    افتراضي

    لااااااااااااااااااااااااا الجزء حددددددددددده قصيييييييييييييييييييييييييييير
    بس القصه كبداايه حلوه
    يعطيييج العافيه

    بايوووو & ثانكسوو

  3. #3
    ... عضو جديد ...


    تاريخ التسجيل
    Mar 2008
    المشاركات
    8
    معدل تقييم المستوى
    0

    Love

    [align=center] حدها ناااااااايس
    ييلا متى الجزء الثاني
    توقعاتييييي انه يكوون نصوور هو اللي جنب الباب [/align]

  4. #4
    ... عضو مميز...


    تاريخ التسجيل
    Jan 2008
    المشاركات
    262
    معدل تقييم المستوى
    1

    افتراضي

    روعه الباااااارت مع انه قصير :(


    توقعاتي

    غلا ونواف بينهم حب بينولد من ناحية نواف

    اممم اتوقع اللي كان عند الباب امم مادري بس اتوقع شخص تحبه نور

    يالله عاد الدنيا لحظه شدي حيلج نزلي الباجي بسرعه ...ننتظرج بشوق :)

  5. #5
    ... عضو جديد ...


    تاريخ التسجيل
    Mar 2008
    المشاركات
    1
    معدل تقييم المستوى
    0

    افتراضي

    [align=center]:45ar:حلوووووووووووة
    شكلها القصة
    حلووووووووووووووة
    اصلاً انا مسجله بس علشانها
    اتوقع انه ......
    مادري :p
    [/align]

صفحة 1 من 37 12311 ... الأخيرةالأخيرة

المواضيع المتشابهه

  1. أنآ وش جآبني لِـدربك Mmś .. لأحمد الصآنع ~
    بواسطة أبعـــاد في المنتدى الارشيف
    مشاركات: 20
    آخر مشاركة: 28-12-2009, 11:45 PM
  2. بما ان موسم الصيف قد حل فأليكم صيدة الصيف وطبخته
    بواسطة اميرالقلوب في المنتدى الارشيف
    مشاركات: 10
    آخر مشاركة: 05-04-2008, 09:05 PM
  3. صحيح أحبك بس مريت بظروف خلتني أهتز وأخاف من الكل
    بواسطة حبيبتي حطمتني في المنتدى الارشيف
    مشاركات: 14
    آخر مشاركة: 09-08-2007, 05:41 AM
  4. بكل هدوء أحبك ((قصه من تأليفي )) انشاء الله تعجبكم
    بواسطة فراشة الزهور في المنتدى قصائد وخواطر
    مشاركات: 10
    آخر مشاركة: 25-10-2006, 05:06 AM
  5. خلتني تلك الفتاة ....
    بواسطة روح الموده في المنتدى قصائد وخواطر
    مشاركات: 6
    آخر مشاركة: 03-02-2005, 01:49 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52