صفحة 1 من 2 12 الأخيرةالأخيرة
النتائج 1 إلى 5 من 8

الموضوع: {..فِي لِيْلَة عِرٍسَـهـَـآ تَبْكِيّ..} قصه وقصيده..

  1. #1
    ... عضو نشيط ...


    تاريخ التسجيل
    Sep 2007
    الدولة
    Alriyadh
    المشاركات
    193
    معدل تقييم المستوى
    1

    Sad {..فِي لِيْلَة عِرٍسَـهـَـآ تَبْكِيّ..} قصه وقصيده..

    في ليلة عرسها تبكي ..
    حزينه وقلبها يحكي ..
    يقول الحمد لك ربي على كل حال ..
    على الصحه .. على النعمه ..
    على قلبٍ شكى همه ..
    وصبرٍ طال ..

    تجيها أمها وتقول ..
    خلاص يا بنيّـتي إنسي ..
    قوّي قلبك الحاني وإقسي ..
    نصيبك هو نصيبك ..
    ما بيدينا شي ..
    ولو كان الله كاتب لك حبيبك ..
    ما وقف في دربكم شي ..

    تجاوبها ..
    أبي أعرف ..
    أبوي شلّي استفاده الحين .. ؟!
    لو ذابحني كان ابرك ..
    وزوجي .. اش ذنبه المسكين ؟
    يعيش باقي العمر .. مع جثه تتحرك !
    عليك الله يا يمّه .. قوليلي اشلون اضمّه .. ؟!
    واذا ودّه يكلمني .. وشاف دموعي فـ عيوني ..
    قولي اشلون اكلمه .. ؟!
    واذا ناداني بإسمي ..
    وانا أخطيت في إسمه ..
    يا ترى وش موقفه مني ..
    وهو يسمع اسم غيره ؟!!

    تجيها أمها وتقول ..
    خلاص فضيها من سيره ..
    خلاص يا بنيّـتي إنسي ..
    قوّي قلبك الحاني وإقسي ..
    نصيبك هو نصيبك ...
    ما بيدينا شي ..
    ولو كان الله كاتب لك حبيبك ..
    ما وقف في دربكم شي ..

    بقولك شي يا يمّه .. وخليها من الأسرار ..
    أبكتب له رسالة شوق ..
    بشاكيه الألم والعوق ..
    عقب ما أنتهي منها ..
    بكل الحرص أرسليها ..
    وخبيها عن الأنظار ..
    وابي منّك وعد صادق ..
    توصليها لذاك المغرم العاشق ..
    وبعد ما يوصلك ردّه ..
    على طول بلغيني بآخر الأخبار ..

    ربع ساعه يا يمّه ..
    عطيني بس ربع ساعه ..
    أبكتب له عن اللي طفّى ما في القلب ولاعه ..
    أبكتب له الين دمع القلم ما يجف ..
    تعالي بعدها واستلمي ما في الظرف ..
    وكتبت من حزنها ابيات ..

    تقول فيها ..



    سلاماتي .. تحياتي .. وأشـواقـي الشديده
    .................. على اللي روحه قبالي .. وأنفـاسـه بعيده

    على اللي افترقنا غصب عن عينـي وعينه
    .................. بعد ما كنت انا وهو نحلم بلحـظـه سعيده

    بعيش بغربتي لحـالـي .. وهـو الله يعينه
    .................. يكمّل نصفه الثاني .. ويلـقـى مـن تريده

    مثل ما قالت امـي .. مـا لـنـا إلا قدرنا
    .................. والا مـن زمـان المفتـرض إيـدي بإيده

    يسامحك الله يالوالـد .. علـى عمـرٍ قتلته
    .................. بعد ما ماتت ابنيتـك وش اللـي بتستفيده ؟

    أنا آسفه على اعذاري .. وربي غصب عني
    .................. نعم بتزوّج فلان .. بس بعيش عمري وحيده

    محّد ممكـن انّـه يملا عيـونـي بدونك
    .................. تذكّر كلمتي هـذي .. أنـا فـ حبّـك شهيده

    تذكّر كلمتي أرجـوك .. لأنهـا مـن فؤادي
    .................. فؤادي اللي ذبحوه اليوم.. وطعنوه فـ وريده

    تذكّر كلمةٍ فيهـا شـعوري ومـا طـرى لي
    .................. أنا فـ حبك شهيده .. وذي ترى آخر قصيده

    وجتها الوالده عندها ..
    وهي تحاول تغض الطرف ..
    وتسألها ..
    وش اللي بداخله هالظرف ؟!
    أبيات ..
    هي أبيات .. لحبٍ من حياتي فات ..
    لحبٍ من حياتي طار ...
    بسرعه ارجوك أرسليها ...
    وهي تذرف .. دموعٍ نار ..

    على هونك يا يمّه ..
    على هونك ..
    خلاص اطّمني انتي ..
    برسل ما كتبتي ..
    واستعدّي ..
    بعد شوي بيزفونك ..
    يزفوني ؟!!
    وربي كان أهون لو يكفنوني .. !!

    بعد ايّام ..
    تسافر لاجل تقضي في فرنسا .. شهر العسل ..
    والمكتوب للعاشق وصل ..!
    وهي مع زوجها تضحك ..
    وهو من فرحته يضحك ..
    يقول افديك انا بروحي ..
    وبيتي .. ومالي .. والأهل ..
    وهي تقول اشكرك بالحيل ..
    لأنك من جديد .. رجّعت في قلبي الأمل ..
    وساعه بعد ساعه ..
    فرحتهم تزيد ..
    في الصبح يتجولون من باريس .. لحتى ليل ..
    وفي الفندق .. يشربون قهوه بالهيل ..
    بعدها يسهرون .. كل الليل ..

    وحانت ساعة الردة ..
    بعد ما طالت المدة ..
    وموعدهم بعد ساعات ..
    لاجل ما توصل الرحله على أرض الدمام ..
    وأول ما وطوا أرض المطار ..
    من الفرحه بكوا ..
    واستقبلوهم أهلهم باحضانهم ..
    سلامات .. سلامات .. عساكم بس تهنيتوا ..
    يجاوبهم ... الله يسلمكم ..
    والحمد لله الهنا في حجرنا بات ..

    تطير البنت ناحية أمّها ..
    اشتقت لك حيل يمّه ..
    وهاتي حضنك الدافي ..
    ترى مشتاقه أضمّه ..
    وعلميني عن احوالك ..
    عن اخبارك .. عساك بخير ؟
    بخير يا بنيّـتي .. دامك بخير ..
    بس ما سألتيني .. ؟!
    خير يا يمّه .. خير ؟!
    نسيتي إنك ارسلتي رساله ..
    قبل ما ترحلين بخير وسهاله .. ؟!
    صحيح ... توني تذكّرت !!!


    أرسل لك جواب ..؟

    بعد ما ارسلتها ..
    صرت انتظر منّه خطاب ..
    ومرّت ايام وليالي وساعات ..
    بعد مدّه .. شهر أو يمكن شويه يزيد ..
    لقيت نفس الرساله .. عند صندوق البريد ..
    تقول : لم يقرأها أحد .. !!
    قلت بنفسي اتأكّد ..
    وصلت لباب منزلهم ..
    وكلّمني اخوه محمد ..
    عرفتي ليش ما في حد .. قرا الابيات .. ؟!
    في نفس اليوم لي إنتي تزوجتي ..
    وكنتي حيل مغتمّه ..
    حبيبك ما قدر يتحمّل الصدمه ..





    مع كل الأسف ... مـــات

  2. #2
    ... عضو نشيط ...


    تاريخ التسجيل
    Mar 2008
    المشاركات
    36
    معدل تقييم المستوى
    0

    افتراضي

    ././.مـووج./././.

    نعم صحيح ففي هذي القصه مؤثره فمن الصعب على الأنسان ان يفترق عن انسان احبه ..

    ولكن ماذنبه اذا كان ليس هو السبب في ذلك فلماذا لاتتركه وحدياً يسير في عالمه ويبحث عن فارسه احلامه

    واعجبتني القصه كثيـره

    بتشكرك من جوات البي

    البنوته الحبوبه سابقاً

  3. #3
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي



    قصه وقصيده مؤثره

    قد تكون خيال ولكن الواقع به الكثير

    من القصص والتي تبقى ذكرى في هذا

    العالم الفاني-

    اشكر لك اختيارك

  4. #4
    ... عضو مـاسي ...


    تاريخ التسجيل
    Mar 2007
    المشاركات
    1,909
    معدل تقييم المستوى
    2

    افتراضي

    قصه مؤثره

    يعطيك الف عافيه

    ننتظر جديدك

  5. #5
    ... عضو نشيط ...


    تاريخ التسجيل
    Feb 2008
    الدولة
    دنيا الاحزان
    المشاركات
    191
    معدل تقييم المستوى
    1

    افتراضي

    [grade="00008B FF6347 008000 4B0082"]قصه موثره

    الله يعطيك العافيه

    تحياااااااااااتي لك[/grade]

صفحة 1 من 2 12 الأخيرةالأخيرة

المواضيع المتشابهه

  1. قصه وقصيده
    بواسطة قطري حزين في المنتدى الارشيف
    مشاركات: 1
    آخر مشاركة: 18-01-2008, 07:11 PM
  2. قصه وقصيده نادره
    بواسطة ذرب المعاني في المنتدى الارشيف
    مشاركات: 11
    آخر مشاركة: 08-05-2006, 12:18 AM
  3. قصه وقصيده
    بواسطة عجيب عنيد في المنتدى قصائد وخواطر
    مشاركات: 4
    آخر مشاركة: 23-10-2005, 01:11 AM
  4. قصه وقصيده
    بواسطة فارس مطير في المنتدى قصائد وخواطر
    مشاركات: 1
    آخر مشاركة: 29-08-2005, 01:50 PM
  5. قصه وقصيده
    بواسطة !SeMoOo! في المنتدى قصائد وخواطر
    مشاركات: 2
    آخر مشاركة: 17-08-2005, 10:02 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52