صفحة 1 من 5 123 ... الأخيرةالأخيرة
النتائج 1 إلى 5 من 21

الموضوع: اعطيك عيوني..كلمه تنقال فقط لكن بهالقصه صارت حقيقه..تعالو شوفوا

  1. #1
    ... عضو نشيط ...


    تاريخ التسجيل
    Jul 2005
    الدولة
    بيت أهلي !!!!
    المشاركات
    54
    معدل تقييم المستوى
    1

    اعطيك عيوني..كلمه تنقال فقط لكن بهالقصه صارت حقيقه..تعالو شوفوا

    السلام ... :209:
    كيفكم عساكم بخير
    ياحلويييين انا جايبه لكم قصه واقعيه صارت في احد مدن اوربا وبالتحديد على ما اعتقد في المانيا :9: مو متاكدة ايييييييييييه المهم سلمكم ربي هاذا واحد ووحدة يشتغلون في محل تصوير فوتوغرافي استديو يعني ومع الايام تعرف عليها واستلطفها وصارت من اعز صديقاته وتقريبا المفضله عنده وهي نفس الشئ كانوا طول النهار مع بعض يشتغلون ومع الايام شكل اخينا بالله خق وحبها :110: وخلاص قرب يخطبها <<عشان ما تستنكرون الزغروووووطه

    وفي يوم من الايام تاخروا شوي في المحل كان عندهم شغل اضافي والبنت كانت مستعجله شوي بالشغل لان اهلها ماتعودوا ولا تقبلوا فكرة انها تشتغل طول الوقت شافها الولد وحس انها ضاغطه على نفسها شوي جاء سوا نفسه راعي فزعات ومره فدائي ماشاء الله :kaso3: دق صدره وقال روحي وانا اكمل عنك شغلك سوت نفسها مستحيه وقالت لا واخزياه<<<طبعا مو بالحرف بس فيما معناه : مع الضغط والاحراج وافقت بس شرطت شرط انه اذا صعب عليه شئ او ماقدر يفهمه يدق عليها واتفقوا وتفرقوا على اساس ذا الاتفاق

    راحت هي البيت وهو بدا يخبص جوا المحل لحد ماخلص من كل شئ وكل شئ كان زي ما اتفقوا عليه وقفل المحل وطلع طبعا بهاذي الاثناء كانت البنت عند اهلها وكانت مستعده لنوم وقبل ماتنام تذكرت :9: انه فيه شغله ضرووووووريه ماخلصتها والمشكله انها ماقالت لصديقها عنها ولازم تسلم الشغله ذي الصبااااح فاضطرت انها تطلع الفجر تخلصها بسرررعه وعساه يمديها بعد

    طلعت طبعا مع كم تهزيئه من اهلها بس كان ضروروي تطلع واخذت اختها معهاوراحت وصلت المحل وكان معها نسخه من المفتاح حق المحل دخلت ولقت كل شئ مرتب ومضبط زي ماقالت لصديقها وراحت هي تسوي شغلها وكانت خاااايفه انها ماتخلصه بالوقت المحدد وبعد جهد جهيد اخيرا خلصت كل شئ كانت بتطييييييير من الفرحه لانها ماصدقت تخلص بهالوقت المثالي ورتبت المحل وصار ما كأن احد دخله بعد الولد وكانت تبي تطلع بس شالت شئ زي الحوض الصغير فيه مادة تدخل في تحميض الافلام والماده ذي ضاره شوي جت هي من زود القرامه رفعت الحوض فوق الرف حق الدولاب وماحطته زين فطاح عليها وانكب المحلول كله على وجهها وصرخت صرخه جتها اختها تركض وماكانت تعرف ليش تصارخ لان ماكان مبين عليها شئ بعدين فهمت واخذتها بسرعه لسياره بس من زود الحرص قالت البنت روحي قفلي المحل اول مارح اترك المحل مفتوح راحت بسرعه اختها قفلت المحل وعلى طول على الطؤاري واهلها جو هناك ..

    وطلع الصباح وجاء الولد يداوم كالعاده بالمحل وتاخر الوقت وكل شوي يطالع بالساعه ويطالع الباب ينتظرها تدخل استغرب انها تاخرت بس توقع انها امس تاخرت بالليل وما قدرت تصحى بدري<<انا على غفله .... المهم انتظر وانتظر ولاجت وجاء وقت تسليم الشغله المهمه اللي عندها وتفاجئ انها برضوا ما جت وسلمها هو بنفسه انتهى وقت الدوام وطلع يرررررررركض لبيت اهلها مالقى احد وسأل عنهم وعرف انهم بالمستشفى وراح المستشفى وسال ودلوه على مكانها وشاف ابوها واختها واقفين مع الدكتور واختها تصارخ وابوها يصقع يدينه بالجدار مقهور وامها طبعا ماسمعت شئ لانها كانت عندها الولد كثر ماهو مشتاق يسمع السالفه ويعرف وش فيها كثر ماهو خايف يسمع شئ مايسره بس هو عرف انه بالاخير عارف عارف وراح لابوها ومسكه سال تكفى وش فيها؟؟؟ لاتقول اننا فقدناها!!! طمنه الابو من هالناحيه وقال انها حيه بس صار لها شئ ماكنا متوقعينه ابد ؟؟؟ وش تتوقعون؟؟؟!!!!! اقولكم بعدين خلاص فيني نوم هههههه كككككخخخخخخخ

    امزززح امزززح لا تخافوووووون اناحرص منكم اني اكملها متحمسه :user: نعنبوا داري كني اول مره اسمعها ههههههههههه المهم وين وصلللت انا ؟؟؟؟ ايه نوع الاصابه اللي جتها الاصابه انها فقدت عيونها الثنتين المحلول كان مفعوله قوي على عيونها واعماها الولد منصددددددم مو مستوعب وش صار سال كيف هي طالعه قبلي؟؟؟ وعرف كل شئ وراح للغرفه يشوفها طبعا الام مو عارفه وش صار والبنت كانت منومه عشان ماتعرف انها انعمت لحد مايلقون لها حل!! الام عرفت قالها الولد وجلست تبكي وتلوم الولد انه ماخلص شغلها كله كان مارجعت للمحل ثانيه والولد ماتحمل الضغط من الام لان هو اصلا متضايق وصرخ عليها وتهاوشوا ومع الاصوات الناعمه صحت البنت وصارت تصيح لانها مو قادره تشوف شئ وصاروا اهلها يقنعونها ان اصابتها خفيفه ومؤقته طبعا يكذبون عليها البنت فقدت عيونها خلاص البنت تصارخ وتخبص بالاغراض اللي حولها تحاول تقوم وابوها يمسكها وامها واختها يبكوووون الولد ما قدر يتحمل الموقف طلع يرررركض برا المستشفى

    وبعد ثلاث ايام من الحادثه دخل الدكتور على الاهل اليائسين من شفاء بنتهم وكان الدكتور مبتسم مسك يد البنت وقال: استعدي عمليتك الصباح !!!!! الاهل استغربوا لانهم عارفين مافيه امل من شفاء البنت لكن الدكتور فاجئهم بان" فيه امل " الاهل طاااااارو من الفرح والبنت كانت مو مستوعبه ولا مصدقه انها رح ترجع تشوف الدنيا والناس
    جاء الصباح ودخلت البنت غرفة العمليات والاهل برا على نااار واستغرقت عمليتها 9 ساعات وكان الولد موجود ينتظر برضوا لكن كان بعيد شوي عن اهلها لانه مو ناقص توتر يقعدون اهلها يلومونه ويحومون كبده<<طبعا ذي من عندي الزبده طلعت البنت واهلها لحقوها للغرفه والدكتور بشرهم اول ما طلع ان العمليه نجحت وسمع الولد هالشئ وكان هذا الشئ اللي يبي يسمعه وطلع على طول قبل ينتبهله احد ..صحت البنت واهلها والدكتور عندها سالها اذا هي مستعده تشوف الدنيا مره ثانيه بعد ما كانت غايبه عنها فتره فترددت هي وخافت انها تنصدم بعد كل هالتعب وما تشوف بس مع تشجيع اهلها وافقت وشال الدكتور الغطاء اللي كان على عيونها واهلها مررره متحمسين وهي متحمسه والدكتور متحمس وانا تحمست وانتم بعد بتتحمسون فتحت عيونها ...اهلها ينتظرون ردة فعلها وقعدت تطالع بالغرفه وصرخت فجأه اهلها خاااافو قالت انا اشوف انا رجعت لدنيا انا اشوف كل شئ حولي!! اهلها كان ودهم يسمعون طاير من الفرحه طاير بس ماعندهم الشريط خخخخ المهم رجعت البيت وجلست كم يوم راحه بعد كذا رجعت تداوم بس كانت تسال طول الفتره عن صديقها واستغربت انه مازارها وحست انه تخلى عنها بعد ما حس انه رح تنعمي وحقدت عليه راحت المحل واستغربت انه مقفل فتحت الباب وشافت المحل شبه فاضي استغربت دقت على صاحب المحل قالت اعتقد ان المحل انسرق!!! ضحك صاحب المحل وقال اصلا بعته خلاص وانا قاعد افضيه اللحين سالت عن السبب قال من بعد ماصارلك الحادث محد داوم منكم قالت ليش وسالت عن صديقها ليش ما كان يداوم قال مدري قدم استقاله وقال انه مسااافر انصدمت هي وقفلت ورجعت للبيت حزينه لكن كانت تحاول تنساه لانها كانت معتقده انه باعها ومع الايام نست وانشغلت بحياتها الجديده وكانت مره راجعه من السوبر ماركت وفضلت انها تمشي على رجولها وهي بالطريق تمشي لمحت واحد جالس يشبه صديقها بالضبط راحت تركض هي ما قدرت تمسك نفسها كان في بالها اسئله كثيرررره تدور لها اجوبه وقربت له وتاكدت انه هو بس ولو كان فيها شك قالت بمر من عنده اذا عرفني معناته انه هو مرت من عنده ما عطاها وجه حقدددددت قالت اللحين تاكدت انه يتجاهلني وراحت وخلته وهي ماشيه ماقدرت تمسك نفسها رجعتله مره ثانيه بتهزأه<<براسها حرررش وهي راجعه كانت تركض وتبي تعطيه كف لكن تفاجئت انه ماحاول يقاومها وقفت وتأشر بيدها وبرضوا مايرد جا يقوم من الكرسي لبس نظارته السوداء وطلع عصاه من ورى الكرسي وقام هي انصدددددددددددددددددددددمت تخيلو طلع هو اعمى هي تصيح وهو حس فيها وعرف صوتها مسكته وقامت تصيح تقوله وش صاير وش فيك وقالها اني بعد ماعرفت عن اللي صارلك رحت المحل وانا متوتر وصارلي نفس الشئ اللي صارلك انكب المحلول علي مامشت عليها القصه وساعدته ودته بيته ورجعت وهي بالطريق للبيت راحت للمستشفى اللي سوت عمليتها فيه ودخلت على مكتب الدكتور قالت من اللي تبرع لي بعيونه قال الدكتور هاذي اسئله خاصه مارح اقول شئ خاص بيني وبين المتبرع بس وضغطت عليه وجلست تبكي واخيرا وافق انه يطلعها على الملف وهنا كانت الصدمه المتبرع كان صديقهااااااااااااااااااااااااااااااااااااااااااااا اااااااااااااا هي طااار عقلها طلعت تركض وراحت بيته ودقت الجرس بطريقه مزعجه وكانت تسمع صوته جاي ويخبط بالجدار فتح وقال مين؟؟؟ عطته كف وقامت تبكي ليش سويت كذا؟ليش تبرعت بعيونك لي؟وانهارت ضمها هو وكان يحاول يهديها قال انا ولد مايهم الشئ هذا بالنسبه لي زيك انتي بنت وصغيرة لسا الحياة قدامك وبعدين انا حاس بتأنيب الضمير احس اني السبب باللي صارلك وهي تصيييح قالها اسمعي..انـــــا احــــبك وهذا اقل شئ اقدمه لك وماكنت قادر اتحمل شكلك وانتي تبكين بالمستشفى ورحت لدكتور وسالته اذا فيه امكانيه لشئ هذا وبعد ماحاولت اقنعه وافق وسواها لي واختفيت بعد كذا عشان محد يعرف اللي صار ويقولك قالت ياغبي انا كنت كارهتك وحسيتك تخليت عني يعني لو ماشفتك صدفه بالشارع كان عشت حياتي اكره ما اشوف انت والمشكله انت سبب شوفي!!!!

    وبعد كذا اقنعها بوجة نظره وقدر يخليها تتقبل انها تشوف وهو اعمى واستمرت حياتهم مع بعض وما تخلت عنه ابد ابد وكانت تساعده طول الوقت وفتحوا استديوا كبيييير واشتهر بكل اوربا ...

    افتحوا النور عاد خلوني اشوف وش رايكم<<<ماتدخل جو بالقصص الا بالظلااااااام

    هااااااه وش رايكم تكفون ابي اشوف من كل واحد يقراها رد وابي رايكم بكل صراااحه عااادي بتقبل بس عاد لا تدفون مره
    بس يبقى السؤال ...هل كل من قال كلمة: اعطيك عيوني ..يكون فعلا قدها ومستعد لهالتضحيه الكبييييره؟؟؟ ولا مجرد كلمة يطمن فيها الواحد الشخص اللي قدامه؟؟؟؟

  2. #2
    ... عضو نشيط ...


    تاريخ التسجيل
    Jun 2005
    المشاركات
    137
    معدل تقييم المستوى
    1

    افتراضي السلام عليكم ورحمة الله وبركاته

    الله يعطيكي العافيه اختي رورو الحلوة

  3. #3
    ... عضو مـاسي ...


    تاريخ التسجيل
    May 2005
    الدولة
    رأس الخيمة الحبيبة
    المشاركات
    1,721
    معدل تقييم المستوى
    2

    افتراضي

    [align=center]يعطيج العافية اختي[/align]

  4. #4
    ... عضو نشيط ...


    تاريخ التسجيل
    Jul 2005
    الدولة
    بيت أهلي !!!!
    المشاركات
    54
    معدل تقييم المستوى
    1

    افتراضي

    هلا :209:

    يسلمووووو اخوي اليوبي والعيناوي على المرور :4:

  5. #5
    ... عضو نشيط ...


    تاريخ التسجيل
    Jul 2005
    المشاركات
    144
    معدل تقييم المستوى
    1

    افتراضي

    القصه رووووووووووووعه انا لو احب واحد وصار له كذا حتى لو مو منى بتبرع له بعين وحده وكذا نصيد عصفورين بحجره هو يشوف وانا اشوف واذا زعلنى بقول له عطنى عينى لو سمحت ههههههههههههههههههههههههههههههههاالحين من جد فيه احد يقدر يتبر ع بعيونه والا القصه خيال ؟؟؟؟؟

صفحة 1 من 5 123 ... الأخيرةالأخيرة

المواضيع المتشابهه

  1. مشاركات: 3
    آخر مشاركة: 13-03-2007, 07:07 PM
  2. كاتم ولا عيوني حزينه تعالو احذفو الموضوع
    بواسطة ][خجووول][ في المنتدى الارشيف
    مشاركات: 14
    آخر مشاركة: 19-11-2006, 11:10 AM
  3. تعالو تعلمو كم كلمه من الفرنسي
    بواسطة حنين العمر في المنتدى الارشيف
    مشاركات: 9
    آخر مشاركة: 10-05-2006, 01:40 PM
  4. حصل ليي حادث وتعالوا شوفوا كيف صارت
    بواسطة اليـــائـــس2008 في المنتدى الارشيف
    مشاركات: 10
    آخر مشاركة: 11-10-2005, 11:37 PM
  5. كلمه حقيقه !!
    بواسطة مصيول في المنتدى قصائد وخواطر
    مشاركات: 12
    آخر مشاركة: 30-07-2005, 03:48 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52