النتائج 1 إلى 5 من 5

الموضوع: لم عاندتهم الظروف

  1. #1
    مشرف سابق

    تاريخ التسجيل
    Apr 2007
    الدولة
    في قلبـــــــه
    المشاركات
    12,035
    معدل تقييم المستوى
    13

    افتراضي لم عاندتهم الظروف

    في ليلة عرسها تبكي ..
    حزينه وقلبها يحكي ..
    يقول الحمد لك ربي على كل حال ..
    على الصحه .. على النعمه ..
    على قلبٍ شكى همه ..
    وصبرٍ طال ..



    تجيها أمها وتقول ..
    خلاص يا بنيّـتي إنسي ..
    قوّي قلبك الحاني وإقسي ..
    نصيبك هو نصيبك ..
    ما بيدينا شي ..
    ولو كان الله كاتب لك حبيبك ..
    ما وقف في دربكم شي ..



    تجاوبها ..
    أبي أعرف ..
    أبوي شلّي استفاده الحين .. ؟
    لو ذابحني كان ابرك ..
    وزوجي .. اش ذنبه المسكين ؟
    يعيش باقي العمر .. مع جثه تتحرك
    عليك الله يا يمّه .. قوليلي اشلون اضمّه .. ؟
    واذا ودّه يكلمني .. وشاف دموعي فـ عيوني ..
    قولي اشلون اكلمه .. ؟
    واذا ناداني بإسمي ..
    وانا أخطيت في إسمه ..
    يا ترى وش موقفه مني ..
    وهو يسمع اسم غيره ؟



    تجيها أمها وتقول ..
    خلاص فضيها من سيره ..
    خلاص يا بنيّـتي إنسي ..
    قوّي قلبك الحاني وإقسي ..
    نصيبك هو نصيبك ..
    ما بيدينا شي ..
    ولو كان الله كاتب لك حبيبك ..
    ما وقف في دربكم شي ..



    بقولك شي يا يمّه .. وخليها من الأسرار ..
    أبكتب له رسالة شوق ..
    بشاكيه الألم والعوق ..
    عقب ما أنتهي منها ..
    بكل الحرص أرسليها ..
    وخبيها عن الأنظار ..
    وابي منّك وعد صادق ..
    توصليها لذاك المغرم العاشق ..
    وبعد ما يوصلك ردّه ..
    على طول بلغيني بآخر الأخبار ..




    ربع ساعه يا يمّه ..
    عطيني بس ربع ساعه ..
    أبكتب له عن اللي طفّى ما في القلب ولاعه ..
    أبكتب له الين دمع القلم ما يجف ..
    تعالي بعدها واستلمي ما في الظرف ..
    وكتبت من حزنها ابيات ..


    تقول فيها ..






    سلاماتي .. تحياتي .. وأشـواقـي الشديده
    .................. على اللي روحه قبالي .. وأنفـاسـه بعيده


    على اللي افترقنا غصب عن عينـي وعينه
    .................. بعد ما كنت انا وهو نحلم بلحـظـه سعيده


    بعيش بغربتي لحـالـي .. وهـو الله يعينه
    .................. يكمّل نصفه الثاني .. ويلـقـى مـن تريده


    مثل ما قالت امـي .. مـا لـنـا إلا قدرنا
    .................. والا مـن زمـان المفتـرض إيـدي بإيده


    يسامحك الله يالوالـد .. علـى عمـرٍ قتلته
    .................. بعد ما ماتت ابنيتـك وش اللـي بتستفيده ؟


    أنا آسفه على اعذاري .. وربي غصب عني
    .................. نعم بتزوّج فلان .. بس بعيش عمري وحيده


    محّد ممكـن انّـه يملا عيـونـي بدونك
    .................. تذكّر كلمتي هـذي .. أنـا فـ حبّـك شهيده


    تذكّر كلمتي أرجـوك .. لأنهـا مـن فؤادي
    .................. فؤادي اللي ذبحوه اليوم.. وطعنوه فـ وريده


    تذكّر كلمةٍ فيهـا شـعوري ومـا طـرى لي
    .................. أنا فـ حبك شهيده .. وذي ترى آخر قصيده





    وجتها الوالده عندها ..



    وهي تحاول تغض الطرف ..

    وتسألها ..
    وش اللي بداخله هالظرف ؟
    أبيات ..
    هي أبيات .. لحبٍ من حياتي فات ..
    لحبٍ من حياتي طار ...
    بسرعه ارجوك أرسليها ..
    وهي تذرف .. دموعٍ نار ..



    على هونك يا يمّه ..
    على هونك ..
    خلاص اطّمني انتي ..
    برسل ما كتبتي ..
    واستعدّي ..
    بعد شوي بيزفونك ..
    يزفوني ؟
    وربي كان أهون لو يكفنوني ..



    بعد ايّام ..
    تسافر لاجل تقضي في فرنسا .. شهر العسل ..
    والمكتوب للعاشق وصل ..
    وهي مع زوجها تضحك ..
    وهو من فرحته يضحك ..
    يقول افديك انا بروحي ..
    وبيتي .. ومالي .. والأهل ..
    وهي تقول اشكرك بالحيل ..
    لأنك من جديد .. رجّعت في قلبي الأمل ..
    وساعه بعد ساعه ..
    فرحتهم تزيد ..
    في الصبح يتجولون من باريس .. لحتى ليل ..
    وفي الفندق .. يشربون قهوه بالهيل ..
    بعدها يسهرون .. كل الليل ..



    وحانت ساعة الردة ..
    بعد ما طالت المدة ..
    وموعدهم بعد ساعات ..
    لاجل ما توصل الرحله على أرض الدمام ..
    وأول ما وطوا أرض المطار ..
    من الفرحه بكوا ..
    واستقبلوهم أهلهم باحضانهم ..
    سلامات .. سلامات .. عساكم بس تهنيتوا ..
    يجاوبهم ... الله يسلمكم ..
    والحمــد لله الهنا في حجرنا بات ..



    تطير البنت ناحية أمّها ..
    اشتقت لك حيل يمّه ..
    وهاتي حضنك الدافي ..
    ترى مشتاقه أضمّه ..
    وعلميني عن احوالك ..
    عن اخبارك .. عساك بخير ؟
    بخير يا بنيّـتي .. دامك بخير ..
    بس ما سألتيني .. ؟
    خير يا يمّه .. خير ؟
    نسيتي إنك ارسلتي رساله ..
    قبل ما ترحلين بخير وسهاله .. ؟
    صحيح ... توني تذكّرت
    أرسل لك جواب ..؟




    بعد ما ارسلتها ..
    صرت انتظر منّه خطاب ..
    ومرّت ايام وليالي وساعات ..
    بعد مدّه .. شهر أو يمكن شويه يزيد ..
    لقيت نفس الرساله .. عند صندوق البريد ..
    تقول : لم يقرأها أحد ..
    قلت بنفسي اتأكّد ..
    وصلت لباب منزلهم ..
    وكلّمني اخوه محمد ..
    عرفتي ليش ما في حد .. قرا الابيات .. ؟
    في نفس اليوم لي إنتي تزوجتي ..
    وكنتي حيل مغتمّه ..
    حبيبك ما قدر يتحمّل الصدمه ..
    مع كل الأسف
    !
    !
    !
    !
    !
    !
    !
    !
    !
    !
    !
    !
    !
    !
    !
    !
    !
    !
    !
    ... مــــــــــــــــــــــــــــــــــــــــــات





    منقووووووووووووووووووووووووووول

  2. #2
    Banned
    تاريخ التسجيل
    Feb 2008
    الدولة
    فوٍوٍق السحــآآآبـــ
    المشاركات
    206
    معدل تقييم المستوى
    0

    افتراضي

    اقول مافي احد من المشرفين هنيا ؟؟





    سلامى

  3. #3
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    أميـ الورد ـرة

    رائع هذا الأختيار\ كلك ذوق لحضورك

    وتميز اختيارك-

    مع الشكر ننتقل لقسم القصائد المنقوله

    هناك مكانه المناسب\

    حياك الله يا أميـ الورد ـرة

  4. #4
    ... V I P...


    تاريخ التسجيل
    Apr 2005
    المشاركات
    7,813
    معدل تقييم المستوى
    8

    افتراضي

    اختي اميرة ..

    روعه روعه روعه

    مانقلتي ..

    بجد كلمات رغم الالم الي فيها والحزن ..

    بس عانقها الجماااال ..


    تسلم يمناك اختي وربي يعطيك العافيه ..

    وكلك ذوق ولاهنتي ..

    وتقبلي مروري وتحياتي ..

  5. #5
    ... V I P...


    تاريخ التسجيل
    May 2005
    المشاركات
    11,225
    معدل تقييم المستوى
    12

    افتراضي

    اختياررر رااائع

    اميرة ياخطيرررره

    يعطيك العااافيه

المواضيع المتشابهه

  1. +!+ عشق في مهب الظروف +!+
    بواسطة !..أنفاس الفجر..~ في المنتدى قصائد وخواطر
    مشاركات: 24
    آخر مشاركة: 11-02-2008, 04:26 AM
  2. ]§[الظروف]§[تصميم]§[
    بواسطة DES-BRHOM||~ في المنتدى الارشيف
    مشاركات: 46
    آخر مشاركة: 11-06-2007, 11:30 PM
  3. هل نحن من يصنع الظروف ام هي من تصنعنا ؟؟
    بواسطة الطموح في المنتدى الارشيف
    مشاركات: 10
    آخر مشاركة: 11-03-2007, 07:24 PM
  4. رغما تلك الظروف ...سأبتسم؟؟
    بواسطة الضوء الخافت في المنتدى الارشيف
    مشاركات: 9
    آخر مشاركة: 30-11-2006, 05:47 PM
  5. عشق في مهب الظروف)
    بواسطة الحزيـ 1نه في المنتدى قصائد وخواطر
    مشاركات: 7
    آخر مشاركة: 19-05-2006, 04:34 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52