صفحة 1 من 3 123 الأخيرةالأخيرة
النتائج 1 إلى 5 من 13

الموضوع: نجوم الليل ماتهدي دماغ الضايع المنجوم !!!

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Asl نجوم الليل ماتهدي دماغ الضايع المنجوم !!!



    نجوم الليل ماتهدي دمـاغ الضايـع المنجـوم
    وعفن الناس مايفهم شـروح ايـآت الانفالـي
    ومن يرضى هوان النفس يبقى دايمـن مذمـوم
    ولايقدر بوقـت الضيـق ينقـل زود الاحمالـي
    وموقف من يريد الطيب بعظام العـرب مفهـوم
    يشادي فايـز ابـن هذيـل مايلبـد ويحتالـي
    ولا تشكي على غيرك ولو تفقـد لذيـذ النـوم
    مضى الجيل الذي يفزع وراك ويرحـم الحالـي
    الا ياكثر من يشكـي ويرجـع بالنـدم ملطـوم
    وطيب اللي مضو يخلف هقاوي جيلنـا التالـي
    وليت اللي عجز يفزع يفك القلـب كثـر اللـوم
    مدامه مافزع فزعـة عزيـزن تشـرح البالـي
    فلا تلقى من الشكوى رفيقن ينصـر المظلـوم
    ولا انته كاتمن جرح الخريـف لشهـر شوالـي
    واثاري طبعنا الماضي بعيدن عن طبوع اليـوم
    ومن ينخى عيال اليوم يصرخ بالخـلا الخالـي
    بيوت اهل الصخى والمجد والنخوه نعاها البـوم
    وكان اللـي يقـول القـول يثبتهـا بالافعالـي
    واخبر الفرق مابين النشامـا وامهـات وشـوم
    بفزعات الرجال اللي تخوض بحـور الاهوالـي
    ونسل اهل الصخى تشمت بحال الضايق المهموم
    ولا تفزع لمن يشكـي همـوم الوقـت بريالـي
    ظهر تسكين حرفن كنت اظنـه دايمـا مجـزوم
    وجزم الفعل مايثبـت ويرسـي كـود برجالـي
    نسيت ان الخبر دايم لطولات العـرب مضمـوم
    ومن يهمل خبر كانا خـذى بالطيـب منزالـي
    وانا ماني مع التشديد مع بابن غـدى مـردوم
    وكسر الباب مايفتـح قلوبـن فيهـا الاقفالـي
    خطاي اني جمعت اللي غدى عند العرب مقسوم
    وطيب الجاه من عفـن المراجـل ماتهيـا لـي
    لقيت الطيب في بعض الصيارم للاسف معـدوم
    وتاريخ العرب صعبن يوافق بعـض الاجيالـي
    وانا ماني بطبع اهل المهونه والـردى ملـزوم
    فلا طبع الـردى طبعـي ولا المنـوال منوالـي
    ولا ناخذ بفزعـات المراجـل للغنـاة رسـوم
    وفعل الطيب ماتوخذ عليـه صنـوف الاموالـي
    الا لا بارك المولـى بقرشـن كاسبـه مرحـوم
    فلا ذاقـه ولا ساقـه ثقيـل بـوزن الاعمالـي
    ولا ادري ليش صار القلب بطبوع الجشع مختوم
    ويخلف هقوة اللي جـاه يبـي النـوم بظلالـي
    مثل سدر الشعيب اللي سقاه من السحاب وسوم
    ولا احدن ذاق في ظله منـام وزيـن مقيالـي
    ولا تشره على من عاف مجلاسه بوسط القـوم
    ويجلس في ظلام الليل ينظـم زيـن الامثالـي
    بدل مجلاسهم عديـت راس النايـف المزمـوم
    واخبر اهل الهوى ترقى براس المرقب العالـي
    مدام الجرح من فرقى الحبايب للحشى محتـوم
    لقيته خير مـن دار المهونـه عنـد الانذالـي
    سقاك الغيث ياروضن شعيبه فـاض لام رجـوم
    سحابن بارقه يوضي عليـه ويشعـل اشعالـي
    الا يا كثر ماجيتـه بقلبـن ضايقـن مضيـوم
    اعلل خافقـن يغلـي فياضـن مابهـا ازوالـي
    والا لا عدت يايومن وقعت من الهوى مصـدوم
    اناجي في ظلام الليـل نجمـن ضايحـه مالـي
    تبعت اهل الهوى ثالث ليالي عيد شهر الصـوم
    غريرن جيت نار العشق وابوابـه علـى فالـي
    غديت لعينهـا خـادم وقلبـي قبلهـا مخـدوم
    وذقت اللي كوى مهدي وماجـد وابـن هذالـي
    رحل خلي كما طيرن ضحى الهده خذاه الحـوم
    على اللي تقطـع الوديـان درهـام وزرفالـي
    ادير الفكر والخافق يذوق من الغـرام سهـوم
    ومن ناره غديت ازبن واطاول نايـف الجالـي
    عنودن نظرة عيونه خطر عسكر جيوش الـروم
    ورمشن ناعسن يرجف بقلبي رجـف زلزالـي
    عبرت بحور طرد الريم قبل ادرس فنون العـوم
    لما شفت الحشى الضايع لنار الغيـظ مدهالـي
    الا ياعزوتي روفي بقلـب العاشـق المحـروم
    حياته من فقـد عينـك وهـو حـل وترحالـي
    صبرت ايام والخافق يصالي رمحـك المسمـوم
    وضـاع العمـر ماشفتـك ولادقيـت جوالـي
    عرفت ان الامل عندي بوصلك طايحن مهـدوم
    وذقت النار في قلبـن جريحـن قبلكـم سالـي
    عجزت انساك ياعين المهاة بسحرهـا المعلـوم
    وجسم المهـرة اللـي ماركبهـا كـل خيالـي
    وداعة خير يازولن رمى قلبي رخيـص السـوم
    حزينن يشتكي جرح الزمـان ولا لقـى والـي
    الا ياقلب لا تشكي غرامـن بالحشـى مكتـوم
    ومن جرح العشير اللي مكانه بالحشـى غالـي


    ابيات اعجبتني لجزالتها وروعتها
    وهي للشاعر / فواز الغسلان

  2. #2
    ||.. مُـهَـاجِـرَة ..||


    تاريخ التسجيل
    Dec 2005
    الدولة
    حيث أكون
    المشاركات
    10,464
    معدل تقييم المستوى
    11

    افتراضي


    وذقت النار في قلبـن جريحـن قبلكـم سالـي
    عجزت انساك ياعين المهاة بسحرهـا المعلـوم

    الشمالي

    لرقي ذائقتك أديمها
    قصيدة رائعة امتعتنا بقراءتها
    صح لسان شاعرها وسلم نبض احساسك

    دمت بكل الخير


  3. #3
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Rose

    اقتباس المشاركة الأصلية كتبت بواسطة دمع الزهر مشاهدة المشاركة

    وذقت النار في قلبـن جريحـن قبلكـم سالـي
    عجزت انساك ياعين المهاة بسحرهـا المعلـوم

    الشمالي

    لرقي ذائقتك أديمها
    قصيدة رائعة امتعتنا بقراءتها
    صح لسان شاعرها وسلم نبض احساسك

    دمت بكل الخير



    الرااااايعه دمع الزهر

    سررت بشوفك بمتصفحي المتواضع
    والروعه اكتملت بحضورك الراقـــي

    وصح ابدنك طال عمرك
    ولاهنتي على ردك الذوق

    ودمتي بكل سعاده
    كوني بخير لاكون

  4. #4
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي



    الشمالي

    اشكر لك هذا الاختيار العذب

    فأنت متذوق ترتقي بهمس البوح

    وبكل عذوبه-

    حياك الله يالشمالي

  5. #5
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    Rose

    آبيات آكثر من رائعه

    تواجد مميز بـ تميز الإختيار


    الشمالي كما هو آنت

    مبدع ومتألق


    كل الود

صفحة 1 من 3 123 الأخيرةالأخيرة

المواضيع المتشابهه

  1. وآغزلك نجوم الليل وآخلي لونها وردي ..!!
    بواسطة deelo في المنتدى مدونات الذات
    مشاركات: 6
    آخر مشاركة: 23-07-2011, 10:53 AM
  2. مشاركات: 4
    آخر مشاركة: 06-05-2008, 12:30 AM
  3. نجوم الليل تتلألأ فخرا بملامح وجهك
    بواسطة حبيبتي حطمتني في المنتدى الارشيف
    مشاركات: 10
    آخر مشاركة: 01-11-2007, 04:08 PM
  4. ((أكاديمية الدجه للشباب الضايع))
    بواسطة المصرقعه في المنتدى الارشيف
    مشاركات: 15
    آخر مشاركة: 07-03-2005, 03:35 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52