صفحة 1 من 5 123 ... الأخيرةالأخيرة
النتائج 1 إلى 5 من 23

الموضوع: قصيدهـ تمدح قبايل السعوديــــــــــــه

  1. #1
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,288
    معدل تقييم المستوى
    16

    Rose قصيدهـ تمدح قبايل السعوديــــــــــــه



    السلام عليكم ورحمة الله وبركاته


    قصيدة مدح لكل القبايل

    وان شاءلله تحوز على اعجابكم




    يالله ياخالـق اراضيـن وابحـار
    الواحـد المعـبـود رازق عبـيـده

    الخالق الغفار علام الاسرار
    وفرق شعـوب الارض فـي كـل يـده

    وابدي واسولف من عذيبات الاشعار
    ابيات شعـر والمعانـي وكيـده

    اشري وابيع واعرف كيف بختار
    واختار من جزل البيـوت الفريـده

    وذكرى تراث وعز وامجـاد وافخـار
    قبائـل تومـن بديـن وعقيـده

    وصلت حضارتنا على سطح الاقمار
    ابنـا الجزيـر والجزيـره مجيـده

    في ظل حكام لهم فعل واشوار
    ال السعـود اللـي تفـك الضهيـده

    نسل الزعيم الحاكم العـادل البـار
    مجـدد امجـاد الجزيـره بجيـده

    حتى اصبحت حره وحنا له انصار
    في ظل اخو نوره هنـوف سعيـده

    وصارت لابو تركي بطوله وتذكار
    والفخر والامجـاد تبقـى شهيـده

    وخلف لنا املوك لهم فعل واخبار
    الشعب واحـد والقيـاده رشيـده

    والامن بانينه على ساس وجدار
    وقرو على العابـث عقوبـه شديـده

    وحنا حماة الدار من كل غدار
    ومـا همنـا بطشـه وخبثـه وكيـده

    قبائل مالحقناهـم اوعـار
    وعشنـا بهـذي الـدار عيشـه رغيـده

    والحمد لله نحمده سر واجهار
    شعـب تكاتـف مـن سنيـن مديـده

    ودون الوطن جيش على كل معبار
    . لارفرف البيـرق ونـادى عقيـده

    بشرق البلاد وغربها دوم حضار
    وارض الشمال اللي نفـوده مديـده

    وارض الجنوب اللي تخيضر بالاشجار
    جزيرة فيهـا القبايـل عديـده

    ارض بها قحطان وافين الاشبـار
    وياعـز منهـم بالشدايـد بسيـده

    واذكر عتيبه يوم للطيب مغوار
    لا ثـارت الهيجـا وقـرب ضديـده

    وشمر هل الطولات والجود مقدار
    اهل الكرم واهل الفعول الحميـده

    وقوم اعنزه مروين الاخصام الامرار
    اولاد وايل من عصـور عهيـده

    ومطير قوم تكرم الضيف لا زرار
    وياويل خصم في حراهـم وعيـده

    واذكر قبيلة حرب يانعم الاخيار
    وتاريخهـم يحكـي سطـور مجيـده

    وسبيع نعم القوم ووجيه الاسفار
    زبن الدخيل ليا زبـن مـن طريـده

    واذكر قبيلة يام والطيب ينـدار
    اهـل العلـوم الوافيـه والرشيـده

    ثم الدواسر تجعل الخصم منهـار
    عيـال زايـد عـز منهـم سنيـده

    ثم السهول اللي لها الطيب مدرار
    وعن منهج العادات ماهـي محيـده

    ثم اذكر العجمان حمايـة الجـار
    والمرجلـه والجـاه فيهـم عتيـده

    واذكر بني مره طويلين الاعمـار
    مـا ينقـد المـري ولا لـه نقيـده

    ثم الهواجر لابة تقدح النار
    اهـل الركـاب اللـي خطاهـا بعيـده

    واذكر بني خالد قبيلة وامار
    قوم لهـم فـي المجـد قـول ورصيـده

    وبني تميم اللي لها الطيب مصـدار
    بنـي تميـم وكـل فعـل تجيـده

    ثم الزعوب اللي بها الخصم يحتار
    شجعـان ماترضـى سـوا ماتريـده

    العازمي وافي وفي الطيب بيطار
    روحه على كـل المصاعـب صميـده

    ثم الظفيري في المصاعيب جبار
    والطيب والامـداح باصلـه وطيـده

    ثم اذكر الاشراف بجلال واكبار
    اهل الحجاز اللـي تفـك الزهيـده

    ثم الهذيلي له مواقف ومندار
    راعي الفخر راعـي العلـوم السديـده

    ثم البقوم اللي لهم جيش وامهار
    ريف الضيـوف ليـا لفاهـم وليـده

    واذكر ثقيف اللي لهم مجد وآثار
    ومهما حسبنـا مـن كـلام نعيـده

    وبلحارث اهل العز بشهود واقرار
    ا لحارثي ياطيـب فعلـه وجيـده

    والمالكي معروف لا صار ما صار
    في موقف اهل الطيب يبذل جهيـده

    واثني تحياتي عدد وبل الامطار
    علـى سليـم وكـل خصـم تكيـده

    واذكر جهينه هل مواقيف وادوار
    تلقى الجهيني راسم الطيـب بيـده

    واذكر بلي والمجدله فعل واظهار
    وتاريخهـم يحكـي فعـول فريـده

    وبني عطيه في المواجيب حضـار
    قـوم بوقـت الجـد قـوم عنيـده

    ثم الحويطي والكرامه له اشعار
    ثـم الشـراري لـه فعـول مفيـده

    ثم الرشيدي في الصعيبات صبار
    على علـوم الطيـب فعلـه يزيـده

    وباقي جنوب الدار والقاف مادار
    باقي على قلبـي كـلام واشيـده

    زهران نعم القوم في وقت الاضرار
    والخصم عينه من لقاهـا سهيـده

    والغامدي معروف له عزم واصرار
    راعي المراجـل والعلـوم المفيـده

    وشمران قوم والجمايل لها اطوار
    وبلقـرن سـم للقلـوب النكيـده

    والا***ي والمحلفـي مابعـد بـار
    والحارثـي طيبـه وفعلـه يشيـده

    وبني شهر وبني عمر سيف بتار
    قـوم علـى الاخصـام نـار وقيـده

    والاسمري والاحمري صيتهم سار
    بيـن القبايـل والمواقـف شهيـده

    واذكر عسير الهول ذربين الاذكار
    وابها احتموها فالسنيـن الشديـده

    وادهم والصيعر على حد الاقطار
    يحمون حد الدار من اللـي يريـده

    وامشي مع الساحل مع جمله افكـار
    رسمتهـا والطيـر زان اتغريـده

    وانزل على جيزان تاريخ واديار
    ورجـال فيفـا والقبايـل عديـده

    وارجوا العذر واهل المواجيب عذار
    الي نسيته مانذكر فـي القصيـده

    الواهبي عدد ابيوته بـالادوار
    مـن شاعـر ماشـل قلبـه حقيـده

    شهران ربعي هم هل المدح والكار
    واهل الكند واهل السيوف الجديده

    يوم البلد مايامن الزند لاثار
    زيزومنـا ابـن مشيـط نعـم الوليـده

    فالجهل شجعان وفي السلم تجار
    مـن بطـن بيشـه للتهـم لارفيـده

    حبيت ابين موقفي بين شعار
    وارجوا سموحتكـم علـى ذا النشيـده

    ماحب انافق واتعنصر تعنصار
    ولا ني باطيع اهـل العقـول البليـده

    ما كل من طب البحر قيل بحار
    وما كل من شل الفشق جاب صيـده

    فالشعر بستـان بـه ورد وازهـار
    واللـي تعداهـا بيوتـه فقيـده

    واقولها في الشعر تكرار وامرار
    ضرف بـلا عنـوان يلغـى بريـده

    وبعض السوالف له مواقف ومحضار
    وشعر بـلا معنـى لـزوم نبيـده

    وصلوا على المرسول شفاع الابرار
    محمـد الهـادي وقـدوة عبيـده



    وسلامتكم


    م / ن



    حــــــــــــــــيران

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي



    اللهم صلي وسلم على رسولنا الكريم

    شكرآ لأختيارك وجميع القبائل كفووو

    لهم صفحات مشرفه-

    شكرآ لك ياحيران للنقل والاختيار

  3. #3
    مشرف سابق

    تاريخ التسجيل
    Oct 2007
    الدولة
    حــلم رومنسـيه
    المشاركات
    5,830
    معدل تقييم المستوى
    6

    افتراضي

    وعليكم السلام ورحمة الله وبركاته

    قصيده في قمة الروعه اخوي

    حيران في عالم النسيان

    سلمت يداك على النقل الرائع

    دمت بووووووود

  4. #4
    ||.. مُـهَـاجِـرَة ..||


    تاريخ التسجيل
    Dec 2005
    الدولة
    حيث أكون
    المشاركات
    10,464
    معدل تقييم المستوى
    11

    افتراضي


    حيران
    و النعم والله بجميع القبايل

    صح لسان الشاعر
    و ألف شكر لنقلك لها
    دمت بسعادة


  5. #5
    ... عضو نشيط ...


    تاريخ التسجيل
    Oct 2007
    المشاركات
    85
    معدل تقييم المستوى
    1

    افتراضي

    شكرا لك على هالقصيده وصح لسانك

    والنعم في كل القبايل ......,,,..

صفحة 1 من 5 123 ... الأخيرةالأخيرة

المواضيع المتشابهه

  1. **قصيده في جميع قبايل السعوديهـ**
    بواسطة وليفة الروح في المنتدى الارشيف
    مشاركات: 1
    آخر مشاركة: 30-11-2007, 11:03 AM
  2. شعر مدح كل قبايل السعوديه,,,
    بواسطة غـزالـة نـجـد في المنتدى قصائد وخواطر
    مشاركات: 20
    آخر مشاركة: 23-07-2007, 01:10 AM
  3. قصيدهـ شاب يئس من الترقيم..!!
    بواسطة دحومــvipــي في المنتدى قصائد وخواطر
    مشاركات: 8
    آخر مشاركة: 20-06-2006, 11:53 PM
  4. قصه @ قصيدهـ ..!!
    بواسطة دحومــvipــي في المنتدى قصائد وخواطر
    مشاركات: 2
    آخر مشاركة: 01-06-2006, 02:17 AM
  5. قصيده في جميع قبايل المملكه
    بواسطة فوق هام السحب في المنتدى قصائد وخواطر
    مشاركات: 12
    آخر مشاركة: 05-05-2006, 09:22 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52