صفحة 1 من 4 123 ... الأخيرةالأخيرة
النتائج 1 إلى 5 من 17

الموضوع: النــــــــــــاي

  1. #1
    ][ ..شــاعــر متمـكـن.. ][


    تاريخ التسجيل
    Sep 2007
    المشاركات
    146
    معدل تقييم المستوى
    1

    افتراضي النــــــــــــاي

    اعتذر عن الغياب مسبقاً
    ولعل عزف النّاي يروق لمسامعكم
    علّها تعود وهو ما يزال يعزف لها

    [rams]http://up.ftahilah.com/up//uploads/d317834203..rm[/rams]

    [poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    هاض قلبي من سمعت الناي تالي ليل غنّا=لعنبوا صوته يهيّض من تحشرج فيه ونّه
    يعزفه عودن وسط صدري وله بالقلب حَنّا=يسمعه من كان له قلب شهيد(ن)او مظنّه
    ترتعد منّه ضلوعي كن يضربها مجنّا=والزلازل رجرجت في وسط قاع القلب منّه
    ذكر القلب العنا ياويل من بالحب تعنّا=عقب عزّه بالعرب متطوّين له خلف عنّه
    الذي سوى سواتي عقبها ماقد تهنّا=كم فتى مطرف عيونه من يدينه قد عمنّه
    الّليالي حاربنا ووالله انهن ماقونّا=كم تعاركنا سويّه يوم نار ويوم جنّه
    ماهزمني غير من حطّت على الكفين حنّا=لعنبوا من جاب ماجد صوب اراضيها يقنّه
    شفتها وشفت الجمال وشفت خصرن لاتثنّا=يسلب الرجال عقله والعيون وجنْننّه
    لا تحسبون انفرادي عنكم مسن وجنّا=مابقلبي الا شياطين الهوى تلعب بجنّه
    قلبي من شوقه تعنّا ينصفق منّا ومنّا=والهوى شرقي ولا لي عن هوى الشرقي ظنّه
    ليت قلبي لا تمنّى نال كل ماهو تمنّا= كان لاطبّت ركونه والليالي مــهْدمنّه
    ويل قلبي يوم قفّت والدّموع تهل منّا=دمعها بحظني ودمعي بين نهديها تكنّه
    وجد حالي وجد قرم ٍ بين ضلعيه المسنّا=ورمح صعلوك ٍ بظهره والمنايا الحمر جنّه
    ول ونّه يوم قفّت والدموع تهل كنّا=كن قلبي براس رمح وقلبها بروس الأسنّه
    أو عريس ٍ يوم عرسه صاح صايح قد كُمِنّا=العرب قد طوقونا وانت خيال الاعنّه
    قال لبيه ابشروا والبيض لاجله غطرفنّا=فرّعن يوم إستشاط وقارض الشفّه بسنّه
    داحم ٍ بالخيل ليث ٍ والدمغ يتْطايرنّا=عن يمين وعن شمال ٍ والنّخاوي هيّجنّه
    صاح هبّاس ٍ وهبس ٍ ثم جنّا مستجنّا=قال انا خيال حيزا وانفلت شيطان كنّه
    تسعة أسياف ٍ بكفّه بالجماجم كسْرنّا=داس بالكردوس دوس ٍ والمنايا دوّسنّه
    ونْطلق سهم ٍ تروّى من سموم ٍ يذبحنّا=إرْتكز في وسط نحره قاتله خسّّه ودنّه
    حين شاف النبل صاح بحسرت ٍ ثم ون ونّا =السّهم تثقيف ايدينه قبل عامين ٍ برنّه
    انتبه ولا المصوِّب من بني عمّه تجنّا=علمه رمي السهام. ويوم صابن.. جن رّمنّه
    وتْركوه وحوش تنهش في كتوفه ينهشنّا=منقتل في صحصح ٍ وضباعة البيدا كلنّه
    ردّوا الانذال قالوا باننا كنّا وكنّا =جولة ٍ صلنا عليهم.. والفتى اسبابه خذنّه
    صاحت ارملته وناحت يوم هي طاحت تدنّا=واحبيبي .. فارس الخيل الاصايل يندبنّه
    تسعة شهور ٍ وجابت طفل ٍ يْتيْم ٍ يغنّا=ثم خذاها الغادر الّي . نجوم ليله يلعننه
    واللعين الي خذاها صار ابو طفل مْتبنّا=ذابح ٍ بيّه وثاره .عند من ربّاه سنّه
    يوم شب الطفل نشّد ميمته عن مستكنّا=من ذبح بيي وحق الله للْعن بو مطنّه
    قالت امّه سهْم طايش غزوة ٍ بأوّل زمنّا= لاخصيم ٍ لك تراه .الا المنايا وشْلعنّه
    قال بنت ٍ شفتها ياميمتي ماهيب منّا=آية ٍ ربّي خلقها تدْفي عن لاهوب كنّه
    والله إن البيض تحرم غيرها حنّا ورنّا=حبّها وهي حبته واوصافها الي يسهرنّه
    قال عمّه: ثارك الّي تطلبه وإياك عنّا=بيّها ذبّاح ابوك سهامه الّي صوبنّه
    قال ارخْوا بوي والله لذْبحه وآلا تدنّا=انْطلق بحصان جنْ جول القطا مايلحقنّه
    جاء لابوها وغز رمحه في وسط قلبه وتنّا=قال ابوي ارتاح قبره يوم رمحي فيك زنّه
    وصرخت حصّه وطاحت قال ثار السن. سنّا=قالت ام حصّه مهو بآبوك ياحصّه لأنّه
    فارس ٍ من قبل عشرين ٍ بطعْناته زبنّا=فاقد الماضي وعقله ماتذكّر من ربنّه
    قال وسمه قالت اسمه داهم وحامي وطنّا=مامعه الا حسامه والسهام الّي ردنّه
    يوم هو شاف السّهام بدار ربعه يصْنعنّا=ماخذ ٍ سيف القتيل و رايح ٍ يرتاد عنّه
    قالت امّه الحسام حسام ابوك وجن جنّا=قال انا ذبّاح ابوي ودنّ سيفه يوم دنّه
    ثم ضرب عمّه بضربه والبنات يْصارخنّا=مزّعه بالسيف ضربات ٍ بقلبه مزّعنّه
    رد يم حصّه ولاهي واقعه حزن ٍ تونّا=امها ماتت وابوه الي رباها مات منّه
    اركز السيف بفؤاده وانتحر ذاك المعنّا=شافته حصّه وماتت يوم يدْيه اذبحنّه
    واوجودي من فراق الريم وذا نايي وغنّا=وجد المعنّا وعنّي .. ماذبحني غير ونّه[/poem]

  2. #2
    كبآآر الشخصيآت

    تاريخ التسجيل
    Oct 2006
    المشاركات
    13,510
    معدل تقييم المستوى
    17

    افتراضي

    ملك الفرايد


    قصيدة جميلة ورائعة




    قصيدة من وحي الناي ...الحزين كانت شجية

    صح لسانك دائما



    تحية

    ظميان غدير

  3. #3
    ][ ..شــاعــر متمـكـن.. ][


    تاريخ التسجيل
    Jan 2008
    المشاركات
    738
    معدل تقييم المستوى
    1

    افتراضي

    صح لسانك :)



    قصيدتك على نمط قصيدة الفراعنه وخالد الدوسري في التوجد المشهوره

    وهي قريبه منها لدرجه معقوله جدا :)







    صح لسانك مره ثانيه

  4. #4
    ||.. مُـهَـاجِـرَة ..||


    تاريخ التسجيل
    Dec 2005
    الدولة
    حيث أكون
    المشاركات
    10,464
    معدل تقييم المستوى
    11

    افتراضي


    الشاعر / ملك الفرايد
    و رائعة بعزف الناي الحزين
    عزفتها بأبيات الإبداع
    ليهتف بوقعها الإحساس
    صح لسانك و سلم حرف بنانك

    لك من دمع زهري أعطره
    دمع الزهر

  5. #5
    ... عضو جديد ...


    تاريخ التسجيل
    Nov 2006
    المشاركات
    20
    معدل تقييم المستوى
    0

    افتراضي

    صح لساااااااانك


    عزف منفرد



    دمت بكل ود

صفحة 1 من 4 123 ... الأخيرةالأخيرة

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52