النتائج 1 إلى 3 من 3

الموضوع: شاركوني بحل لهالقصه تقطع القلب

  1. #1
    ... عضو جديد ...


    تاريخ التسجيل
    Jul 2008
    المشاركات
    21
    معدل تقييم المستوى
    0

    Cry شاركوني بحل لهالقصه تقطع القلب

    فيه وحده غاااااااااااليه علي حيييل ودايم تشكيلي همومها..

    وحبيت عترفوا قصتها لأن القصه مرررررررره تقهر

    وقررت ما أسكت وأنشر هالقصه بس طبعا بعد أذن

    صاحبتها..

    وبعد إلحاح مني لها وافقت..

    ولكم القصه.. الي كتبتها بأسلوبي..

    ومن كلامها لي..

    ____________________________________

    من زمان كان فيه خلاف بين أبوي وعمامي..
    تبغون تعرفون السبب؟؟
    الفلوووووس... إيه الفلوس...
    <<ياهي قويه..
    بس هذي الحقيقه..
    يوم كنت صغيره ماكنت أحس انوا ماعندي أهل من ناحيت أبوي.. لأنهم يكرهوننا..
    لأنوا السالفه بدت من يوم كنت صغيييييييره ما اوعي بشي أو يمكن ماطلعت لهالنور..
    وراح أسوي للسالفه رجيم قاسي عشان ما اطول عليكم..
    المهم من جهت أمي كل الي كبري 3 أولاد.. وبنت..
    ومن جهت أبوي 5 بنات..
    وكبرت وأنا ما أجتمع مع أهل أبوي..
    وتغطيت عن الأولااد يعني غصب راح اتغطا عن عيال خوالي وخلاتي...
    والحين مع مين اجتمع؟؟..... مع مين اجلس؟؟..... مع مين أستانس؟؟
    أسمع صديقاتي يتكلمون عن أهلهم.. وبنات عمامهم..
    أسمع صديقتي :أنا راح أسافر يوم الأربعا عند بنات عمتي ... أو راح نروح السوق بكرا .. أو راح نجتمع في
    بيت عمي وكل عماتي وخالاتي راح يجون
    وأنا فكرت فيها.. بس مافكرت من جهت ابوي..
    فكرت في مين أقدر أتمشا معاه وأجتمع معاه... فكرت بس في بنت خالتي..
    وفكرت أكثر من مره أنوا حتى أنا عندي بنات عم شلون نسيتهم؟؟.. بس 4 من عمامي مو في نفس المنطقه الي أنا فيها..
    واحد معنا وثاني في الدمام وثالث في الجبيل ورابع في الخبر.. كل واحد عنده بنات..
    ودايم يجتمعون.. بس أحنا ماندري.. مع بعد المسافه... بس قلوبهم ماتبتعد عن بعض... قريبه وكل قلب يحس بالثاني...
    أخذت إيميلاتهم.. بس.. صاروا لي زيادت عدد مانكلم بعض...
    مجرد السلام عليكم.. وخلاص...
    وإذا ناديتهم مكان ما يجون... لأنهم متجمعين... أو طالعين...
    وكان دايم أبوي يتكلم لنا عن عمامي... ولا يمدحهم بس يذكر مساوئهم.. وكل مانلتقي معهم لازم أبوي يتناقر معاهم..
    وكرهتهم...
    إيه كرهتهم...
    مره جات بنت عمي الي بالجبيل...
    لبيت عمي بدون ماندري 3 أسابيع ورا بعض... ولا فكروا ينادوني..
    أو حتى يخبروني.. مع أنهم دايم في المسنجر وأنا دايم متواجده.. بس... ما أقول غير لاحول ولا قوه إلى بالله..
    ومره بنت عمي الي في الخبر وبنت عمي الي في الجبيل... جاو عندنا بالمنطقه بس ماجاو بيتنا... كان يوم ثلاثاء...
    وراحو على بيت عمي...
    ويوم الجمعه رحت بيت جدي... وأنصدمت يوم شفتهم... أنا أعرف أنو بنات عمي ماجاو منطقتنا... وبعدسن عرفت
    أنو بنات عمامي أتفقوا ينامون بيت جدي... واحنا ؟؟؟ ماعندنا أي خبر...
    حاولت أتقرب منهم... بس مافي أي تقدم...
    زاد كرهي لهم وأشوفهم في عيوني مغروورات...
    مع أنو كل الي يعرفونهم يقولون لي يجننون ... ولاكلمه قلتها عنهم صح...
    كانوا صادقين... لأني أنا ألتقي فيهم بس بالمناسبات... وينعزلون مع بعض...ما ألومهم تعودو على بعض.. اسرارهم مو أسرار بينهم..
    وجاء يوم وهذا الي ضنيته أحلا يوووم... وفعلا اوله احلا يوم...
    كنت في المركز... جانا اتصال... أختي الكبيره المتزوجه...
    أختي: يالله طلعوو...من المركز... معي بنات عمامي...
    أنا: وينكم؟؟ أنا في المركز..
    أختي: أدري.. وألحين رايحين المزرعه وقالو خلونا نمر عليكم...<<وأخيرا تذكروا أنو عندهم عيال عم...
    أنا كنت تعبانه وأبغا اناااااام بس من الفرحه راح التعب وراح النوووم..
    اول مره راح أطلع مع بنات عمي بدون ما تكون عزايم كبيره.. وأشاركهم طلعاتهم الي ماعمري رحتها...
    أنا: جد والله؟؟ لاتلعبين علي..
    أختي: والله تعالي أحنا في سيارت عمي.. الجديده...وراح نمر البيت وتاخذون لكم ملابس وتجيبون لابتوبكم مع السماعات عشان إذا بغيتو برقصون..
    وراح نطلب من مطعم بعد المزرعه..
    أنا ماكنت أفكر في شي غير أني وأخيرا راح اجتمع معاهم وهم الي يبغوني..
    أنا: اوكيه أنحنا طالعين ألحين؟؟
    وفي هاللحظه..
    ونسيت كل الكره الي حملته علييهم..
    ونسيت كل الي صار بيننا..
    ونسيت كلام أبوي عليهم...
    وحبيت أنسا ولا عاد أتذكر...
    نسيييييييت... نسييييييييييييت... نسيييييييييييييت...
    وكان همي أني أستانس معاهم... أجتمع معاهم..
    وفعلا كانو فرحانين...
    وأحنا بالطريق...
    جاني إتصال..
    كان ........
    أبوي..
    أبوي: ألووو.
    أنا: يبااه؟؟ آمر؟؟
    أبوي: وينكم؟؟
    أنا:أحنا في الطريق لمزرعت جدي...
    أبوي وهو يصارخ : شلووووووووووووووووووون؟؟؟ ولييييييييييييه؟؟ مييييييييييين سمح لكم؟؟
    <<وطلع صوته من السماعه والكل سمع لأنو السياره هاديه.. ضنيته راح يفرح لأننا مع بنات عمي... مع أهلي...
    أنا:يبااه هذولا بنات عمي...شنو فيها؟؟ رايحين نسبح معاهم... مو ناس غرب...
    أبوي: مييين هذاااا اليي ماولدته أمه يشيلكم ؟؟ وينه؟؟ مين؟؟
    أناوأخفض صوتي خايفه: أحنا مع اختي ورجلها.. <<هو ولد عمي.. ورجل أختي نفس الوقت..
    أبوي: أنا الحين جايكم...
    انا وعيني تدمع : يباااه تكفاا أبغا أجلس..
    أبوي:لاتناقشوني... أنا جايكم...
    انا أحاول أني أقنعه : يباه أنا أعرف أنك طيب وراح ترضا لنا...
    بنت عمي: ريم؟؟ شنو صاير؟؟عمي ليه راح يجي؟؟
    أنا: أبوي موراضي نجلس معاكم... راح ياخذنا..
    بنت عمي:جيبي أقنعه..
    أنا:جد؟؟ والله؟؟
    بنت عمي: إيه أنا بحاول فيه...
    أنا لأبوي:يباه دقيقه..خذ..
    بنت عمي: ألوو عمي...
    أبوي:.........
    بنت عمي:عمي تكفا خليهم معانا نبغا نستانس..بس اليوم..
    أبوي فصل الخط..
    وأتصل ثانيه ..
    بنت عمي: خذي..
    أنا:الووو يباه..
    أبوي: ألووووو يااااحمااااااااره جعلكم الطاعون... جعلكم ماترجعون البيت سالمين؟؟شغلكم عندي... يعني تعطوني
    بنت عمكم وأنا توني متهاوش مع أبوها ؟؟لا والله ماتجلسون...ولا دقيقه مع بنت هالخسيس هالكلب...
    عورني قلبي... ليه يقول عن اخوه كذا... والله أنو عمي مررررررررره طيب... ولا شفت منه غير كل خير..
    ماعمره ضربني ولاعمره هاوشني ولا عمره قال كلمه تزعلني... دايم مبتسم لنا ويحبنا ويحاول فينا نجي عنده كم يوم...
    وأبوي يقول كذا؟؟ والله قهر...
    أنا: يباااه.؟؟ أنت جاي؟؟
    ابوي : إيه وإن دخلتوا المزرعه ياويلكم..وانت إتصلتو علي عشان تحاولون فيني والله لآلين بدنكم بالعصا..
    وقفل الخط بوجهي..
    وصلنا المزرعه.. بنات عمي دخلوا.. يبغوننا نجلس... يبغون يجتمعون فينا والله هذي أول مره ينادوننا...
    وهم فرحانين بجيتنا... واحنا فرحتنا أكثر...
    بس ما أقول غير.. لاحول ولاقوه إلى بالله..
    جا أبوي...
    أختي الكبيره جات تقنع في أبوي...مع انها مو وضطره..
    وبنات عمي قدام باب المزرعه خايفون من ابوي لأنو صوته مرررررره عالي وباين عليه جاي يرتكب جريمه..
    أبوي بصرااخ: ووووووووووووووووووووجع في بدنكم... جعلكم ماتتوفقون... ليه تجون عند هالمزرعه ؟؟ما أبغا أحد يدخل في حلال هالنجس..
    <<لأنو نص المزرعه بأسم عمي..
    أختي: يباه تكفا والي يخليك خليهم يستانسون... أنا جبتهم يروحون عن نفسهم شويه...
    أبوي: أنتي الي وديتيهم... وجعل يودونج من هالمزرعه على المقبره... جعلج الطاعون الي يطعن كبدج... جعل العما يعمي عيونج...
    جعلج ماتتوفقين... مين خلاج تنقلين بناتي معاج؟؟
    أختي: ريم.. مها.. سامحوني لو ماقلت لكم إذا أجتمعنا... داام هذا أبوكم...
    هنا أنا ويا أختي بكيييينا... خلاص معاد نصبر... ألحين ماخسرنا بس بنات عماامي.. إلى خسرنا حتى أختي...
    وربي قويه في حقنا... ليه ننحرم من أهلنا والحين فقدنا ثقت أختنا...
    مها: اوكي مو مشكله...
    انا: خلاص مو مشكله... خذو راحتكم... يارب تستانسون...
    أختي : وربي أني أبغاكم تستانسون معاهم... وهم يبغون يستانسون معاكم... بس أعتقد انهم الحين مايفكرون ينادونكم...
    أبوي بصراخ: أححححححححححسن جعلكم مالتقيتو فيهم طوول عمركم...أنا عطيت عمكم فلان مبلغ 18000ريال يبني بيته..
    أنا: والله حفظنا هالسالفه... طيب أحنا شنو ذنبنا؟؟ أحنا شنو سوينا؟؟
    ابويب صراخ: مو عنه... حتى أخوي فلان يوم بغا يسافر عطيته 5000 ريال... يوم بغا يسافر مكه... وهو مافكر فيني...
    أنا: شنو مافكر فيك؟؟ شنو تبغا يسوي؟؟ يرجع الفلوس وانت الي عطيته؟؟ وهو ماطلب منك؟؟
    ابوي بصراخ: شششششششششششششششششب خليني أكمل...
    أنا: هذي مشاكلكم... انتو يالكبار... شنو ذنبنا؟؟ الهواش مع عمي من سنين هذا الشي... قبل لا أنولد...
    أبوي: أنا ما أبغا احد يذلكم... أنا أبغا آخذ حقكم... لاتقطون وجهكم... لاتروحون معاهم...
    أنا:يباه هم الي نادونا... وهم الي مرونا... وإذا غلطو علينا نقدر نرد عليهم... مع أني عارفه أنهم مراح يغلطون...
    ابوي: لاااااااااااااااااا كلهم مثل بعض... وإذا قالو لكم شي أنا راح أهد البيت فوق روسهم...
    وعصب ابوي ليه أدافع عن عمامي...
    خلاص كرهته ... وكرهت هالتصرف الي سوااه...
    هذي الفرصه ماتجي غير مره في العمر...
    وحبي له مجرد إحترام بين بنت لبوها..
    أكيد انهم ماعاد ينادوننا... ماعاد يتذكرونناا... بعد الي سواه أبوي... ما أستغرب منه أي شي ثاني...
    حتى أهنا حرمنا منهم... وصديقاتي ما أزورهم كثير لأنهم صديقات مو اهل...
    واصلاً من متى صاير عندي أهل؟؟ أنا بعد كل هذا ما أعتقد انوا راح يصير عندي اهل...
    خلااااااااااااص مليت من هالحال...
    وكل شي له حدود...
    الفرح والحزن وغيره له حدوووود..
    الصبر له حدود...
    بس نفذ صبري...
    أكتب هذي القصه ودموعي تشاركني...


    _____________________________


    ها أبغا رايكم في أسلوب هذا الأب..

    وشنو الحل مع هذي المشكله..

    هي تبغا ترجع العلاقات مع أهلها أوكيه..

    حبتهم..

    أشتاقت لهم..

    تحس بشي ناقصها..

    وهم الأهل...



    يسلمو

    دمتو بود..

  2. #2
    ... عضو مـاسي ...


    تاريخ التسجيل
    Nov 2007
    المشاركات
    1,413
    معدل تقييم المستوى
    2

    افتراضي

    اختي بنت فزعه


    ما اتوقع في اخ يسوي كذا باخوانه وبناته يعني شي ما يدخل العقل وهو يقول



    أنا ما أبغا احد يذلكم...

    هو اجل شيسوي مو فشلهم قدام بنات عمامهم

    بعدين اخوانه مو ذالين بنات اخوهم





    أنا أبغا آخذ حقكم


    اي حق هم سوو لبناته شي عشان ياخذ خقهم











    ... لاتقطون وجهكم


    وش دعوه هم رايحين عند اعمامهم مو حد غريب ع شان يقطون الوجه

    بعدين عادي

    لو قطوو وجه عند اعمامهم ايش بيصير
















    صرااااااااااااااااحه


    الله يعينهم ع ابوهم



    اتوقع الموضوع كبيييييييييير مو شي هين




    بعدين شلون اخت صديقتك تزوجت ولد عمها وبينهم خلاف ؟!؟!؟!؟!





    ما اقووول الا

    اللــــــــــــــــه يعين صديقتك ما ادري كيف متحمله

  3. #3
    ... عضو جديد ...


    تاريخ التسجيل
    Jul 2008
    المشاركات
    21
    معدل تقييم المستوى
    0

    افتراضي

    مشكور أخوي فيفي..

    بس وربي هذا الواقع..

    وكلامك عين العقل..

    وعن أختها شلون تزوجت..

    لآنوا هو ماقال لأبوه يتقدم لأختها..

    خطبها بنفسه وسوا كل شي بدون أبوه لآنو أبوه مسافر..

    والحين زوجها بطالي ماعندوا مدخول يساعده على إعانة عيلته ولا لا الله ثم أم البنت كان الحين هو ينامون بالشوارع..

    ع العموم

    يسلمو ع هيك مرور..

    ماقصرت..

    دمت بود...

المواضيع المتشابهه

  1. شي بقطع القلب
    بواسطة تاما2000 في المنتدى الارشيف
    مشاركات: 5
    آخر مشاركة: 13-06-2006, 01:48 PM
  2. >>> قصيده تقطع القلب <<<
    بواسطة مناير الشـووق في المنتدى قصائد وخواطر
    مشاركات: 10
    آخر مشاركة: 24-03-2006, 03:46 PM
  3. قصه تقطع القلب حدثت في القصيم
    بواسطة Lo0o0oLo في المنتدى الارشيف
    مشاركات: 1
    آخر مشاركة: 11-02-2006, 09:54 PM
  4. قصيده تقطع القلب
    بواسطة حنين العمر في المنتدى قصائد وخواطر
    مشاركات: 3
    آخر مشاركة: 30-12-2004, 07:28 AM
  5. قصه حب تقطع القلب
    بواسطة medomedo في المنتدى الارشيف
    مشاركات: 4
    آخر مشاركة: 31-10-2004, 02:00 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52