صفحة 1 من 2 12 الأخيرةالأخيرة
النتائج 1 إلى 5 من 6

الموضوع: ارفع راسك انت اماراتي

  1. #1
    ... عضو جديد ...


    تاريخ التسجيل
    Jul 2005
    الدولة
    وحــيد فـي همـــي
    المشاركات
    24
    معدل تقييم المستوى
    0

    افتراضي ارفع راسك انت اماراتي

    ][ بســم الله الــرحمــن الــرحيـمـ ][

    الســـلام عليكمـ ورحمهـ الله وبركـــاتهـ


    احيكم باحلى تحيه واتمنى من كل ربي انكم اتكونون بخير وعافيه ويا ريت لو تقرون هالموضوع ..


    في دوله في افريقيا يطلق عليها حاليا جمهوريه الكونجو الديمقراطيه . طبعا الكثيرين ما عندهم فكره عنها . بس حبيت اقولكم انه في هذه الدوله الافريقيه يقع اغنى اقليم الماس في العالم كله . وعاصمتها كينشاسا .طبعا هذا اسم الجمهوريه الجديد لانه صار فيها حرب اهليه بسبب المعارضه والى ما ذلك . ولكن ليس هذا بيت القصيد .

    كان رئيسهم واعتقد انه اسمه جوزيف كابيلا . وطبعا غني بشكل فظيع وعنده ارصده في كل الدول الاوربيه . وفي يوم من الايام تمت دعوه وفد من وزاره الخارجيه بالامارات لزيارتهم . المهم الجماعه ما قصروا وراحوا اهناك . وكمعظم الدول الافريقيه بلادهم تسودها الغابات . يعني اول ما نزل الوفد من الطياره وطول المسافه ما يشوفون اللا غابات !!!! ويشوفون اكواخ من بعيييييييد صغيره . المهم في نهايه الشارع الجميل شافوا قصر عظيم وسيارات كاديلاك وفخامه فظيعه لانه هذا قصر رئيسهم طبعا .
    وكالعاده عزموهم وراواهم القصر الى اخره !!

    وبعدين انتهت الزياره وكل واحد انشغل باشياء ثانيه .
    وفي السنه التاليه .

    ايضا تمت دعوتهم من جديد الى هذه الجمهوريه . وقال صاحبنا . : اكيد بتكون نفس الزياره الماضيه . ولكن يوم
    دخل وفدنا القصر في المره الثانيه شافوا شي غريب !!

    شافوا من بعيد قصر توه ينبني .( تحت الانشاء)
    فقاله صاحبنا : من صاحب القصر وليش بنيتوه .
    قالوله : والله رئيسهم طفر ومل من منظر الغابات وحب يشوف ينيان جدامه عشان جي ينى القصر !!!!!

    طبعا في ناس ما فهموا قصدي من القصه .
    انا حبيت اقولكم انه جمهوريه غنيه مثل هذه ليش شعبها فقير وصارت فيها مشاكل والخ ؟؟؟
    احنا عندنا نفط. بس موب اي دوله عندها نفط مثل دوله الامارات العربيه المتحده .
    كل اللي انشوفه ما كان بيصير لولا تعب ومجهود صاحب السمو رئيس الدوله حفظه الله . بعد ما كانت الامارات مناطق بسيطه اصبحت و الحمد لله
    بفضل الله سبحانه وتعالى دوله حضاريه وجميله جدا .واحب اقولكم معلومه بسيطه . عدد الامارات بوافديها حوالي مليونين ونص حسب اخر احصاء . ولكن اتعرفون مدينه دبي لوحدها كم سائح استقبلت ؟. اكثر من ثلاث ملاين ونصف سائح .

    وصدقوني والله . ترا هالشي ما كان بيستوي لولا انه الله عطانا رئيس مثل الشيخ زايد .
    البعض بيقول يا اخي انت اتقارن دوله من العالم الثاني (الامارات) مع دوله من العالم الثالث (الكونجو) .

    ok

    في عائله انجليزيه سكنت الامارات من ايام الاستعمار الانجيلزي . يعني قبل الاتحاد . والانجليزي هذا كان عسكري في الجيش الانجليزي . المهم كاان عايش في وسط اهل الامارات . ولكن عقب ما انتهت خدمته رجع بريطانيا . ولكن والله انه ما قدر يستحمل العيشه في بريطانيا وعلى طول شل مرته ورجع الامارات . وقال انا بعيش الامارات وفي وسط اهلها .
    وكتب وصيته : انه لمما يموت . يدفن في دوله الامارات .!

    يقول رئيسهم طيب ولما يصافح اي واحد من الامارات يشعر انه فعلا يصافح واحد ذا اخلاق ونشمي موب مثلهم كله مجاملات . ومثلا لاما يخلي سيارته مشتغله بابها مفتوح . ما احد يجاربها لانه دارنا دار امان .بعكس الانجليز اللي من كثر خوفهم . والله انهم لما ينزلون من السياره (هذه اذا كان عندهم سياره ) ما يخلون اي شيء فيها . والله انا شايفه بعيوني حتى مسجل السياره يشلونه وياهم يوم ينزلون .!!

    وانا هالايام اشوف شباب بنات وايد يتشبهون باللبس الاجنبي ! يعني اللي امسوي قصه واللي امركب خواتم وشغاب في اذنه ! ,واللي قاصه شعرها, واللي لابسه ضيق ! ليش انزين !.

    والله اعتقد انكم محتكين مع اجانب محترمين نوعا ما . يعني المدرس اللي في الكليه او المدرسه اللي في الكليه . عمركم شفتوا مدرس امسوي قصه . و محطي حديده في لسانه وسره ! . او مسوي عقص في شعره .؟ .
    طبعا مستحيييييل .

    اصلا في المجتع الاوربي وغيره ما احد يسوي هالسوالف اللا الناس التافهين منهم واللي تربيه شوارع .
    واحنا مجتمع غني بعاداته وتقاليده والكل يشهد . والله ما في داعي نركض ورا بنيه لابسه ضيق او مسويه اغراء للناس ! على قولت المثل :

    لا تتعب ورا الرخيص ترا الكايد احلى .

    اللي يعاشر اهله وايد ويقعد ويا الشياب بيعرف النعمه اللي هو عايش فيها .
    وكل اللي انشوفه بالامارات ترا بفضل الله سبحانه تعالى لانه عطانه واحد مثل بوخليفه . والشيخ زايد تعب وسهر الليالي بس عشان يرضي ضميره جدام رب العالمين . وينقل مجتمع اممي الى مجتمع قاعد يقرا هالاميل الحين !

    ولكن هل سالت عمرك سؤال :

    لاننا اماراتين . لازم علينا انه انكمل المسيره اللي حكومتنا وشيوخنا بدؤوا فيها . وعلينا مسؤوليات كبيره عشان نرفع اسم الامارات فوووق .

    ونصيحه اخويه .

    هالشي ما بيستوي اللا اذا درسنا واتعلمنا من الخاطر .
    واعتقد الكل يعرف امين عام الامم المتحده . من وين ؟
    من افريقيا !!! كوفي عنان !!
    فيها فساد وفقر بس هالريال اثبت للعالم كله انه كفو ويستاهل هالمنصب بالرغم انه من القاره السوداء . وكل هذا لانه انسان متعلم ومثقف .

    وعشان انرد الجميل للشيخ زايد وحكومتنا واهلنا . لازم انخليهم يفتخرون بعيالهم جدام العالم كله .
    شدواااا حييييييلكم يا عيال زايد . والله يوقفكم ويجعلكم ذخر لامتنا .

    واللي ما يعرف الامارات وما يعرف الشيخ زايد ....الحقيقة بتتكلم عنه وعن انجازاته


    منقووووول

    _ _ _ _ _ _ _ __


    و اللــه بقول لكم شــي بس ما اعرف اذا بتصدقوني ولا لا

    انــا هـالسنــه و بـالتحديد من عقب ما اتوفي الشيخ زاايد حسيت انه صدق فقدت شي غاااااالي عليه صح ماا شفته صح ماااا سلمت علييه و لا يعرفني بس كان انسان غالي عليناا كلنـــــــــاااااااا

    انزين انا حسيت انه لازم اقدم شـي حق هالانسان اللي حااول يقدم لناا ويوفر لناا كل شي كل شي كـــــــــــــــــــــــــــــــل شي و لاا قصر فـي يووم فـ حقنا ولا حق الشعوب الاخرى

    حطيــت صورته حذال شبريتـــي و قلت فـ خاطري انا لازم اقدم شــي حق هالدوله و حق هالانســان حتى لو كان بسييييط و كل ما كاان عندانا امتحان او اي شي او اي يوم احس بكسل و ما ابااا افتح شنطتي اشووف الصووره و اتذكر الكلاام اللي قلته و افتح الشنطه و احااااااااااول ابذل اقصى جهدي و اذاكر

    و انا بصراحه مب من النووع اللي يهتم واايد بـمذاكرته و لا دراسته بس يهمنى انجح و بس

  2. #2
    ... عضو ذهبي ...


    تاريخ التسجيل
    Jun 2005
    الدولة
    من أرض الحب جيتكم بشوية ورد
    المشاركات
    485
    معدل تقييم المستوى
    1

    افتراضي

    اهنيك على روحك الوطنية و عساها دايم
    بس ترى الأمارات معروفة ما يحتاج احد يتكلم عنها او يقارنها بدولة ثانية
    الله يباركلكم فيها و يبارك بكم انتو تعمرونها و تنمونها
    و ارفع راسك انت امراتي
    :heart::heart::heart:

  3. #3
    ... عضو جديد ...


    تاريخ التسجيل
    Jun 2005
    المشاركات
    10
    معدل تقييم المستوى
    0

    افتراضي


    السلام عليكم

    لا زالت احبار أقلامنا تكتب لزايد الغائب
    ولكن شمسه ستبقى مشرقـه ..

    لان زايد قائد تاريخي ومن اولئك الذين صنعوا
    الاوطان والشعوب اضافه الى انه استطاع ان يظهر
    الامارات الى حيز الوجود ..

    ولانه منهج علمنا كيف نجتمع بعد فرقه ووحد
    كلمتنا بعد تشتت وجعلنا نكد دون ملل وان نوفق بين
    العلم والعمل وجعلنا نحكم ضمائرنا في اعمالنا وتصرفاتنا
    علمنا ايضا مفهوم العمل الجماعي وجعلنا نمد يد العون لكل المحتاجين


    ما ذكرته لا يعد سوى بعض يسير من عناوين منهج زايد
    رحمه الله والتي تستحق ان نقف عندها ونمشي على هديها

    ارفع راسك انت ولد زايـــــــد (( اماراتي ))


    اخي الكريم

    شاكرة لك كلماتك التي تدفقت هنـا وموضوعك المميز
    لك ارق التحايا وأعطرها ..


    بنت دار زايــــــــــد

  4. #4
    ㄨ ¦ .. مِسَآٍفْرٍَهـٍْ لِلْجِ ـًٍـًٍفَـٍآٍ .. ¦ ㄨ


    تاريخ التسجيل
    Apr 2005
    الدولة
    الله اعلـم
    المشاركات
    3,989
    معدل تقييم المستوى
    4

    افتراضي

    السلام عليكم ورحمة الله وبركاته

    احيي الروح الوطنيه الرائعه فيك اخي الكريم كاتم الجروح

    والله يبارك لكم في الامارات ويجعلكم ذحر لها يارب

    والامارات غنيه عن التعريف والله يرحم زايد الخير ويغمد روحه الجنه

    واموات المسلمين جميعا .. اللهم آمـين



    إحترامي

  5. #5
    ... عضو نشيط ...


    تاريخ التسجيل
    Jun 2005
    المشاركات
    121
    معدل تقييم المستوى
    1

    افتراضي

    أخوي كاتم الجروح

    ونعم والله فيـــــــك وفي اهل الامارات

    والمعروف لايعرّف ياخــــــــــوي ..

    والله يرحم الشيخ زايد قدم الكثير الكثير للدولــــــه - رحمه الله -

    ويحق لك الفخر .......

    اختك الجوري

صفحة 1 من 2 12 الأخيرةالأخيرة

المواضيع المتشابهه

  1. ارفع راسك انت صيني,,,,,,,,,,!!!!
    بواسطة درة الزين في المنتدى الارشيف
    مشاركات: 10
    آخر مشاركة: 09-07-2008, 12:25 AM
  2. ارفع راسك انت صيني‎
    بواسطة ابعـاد الجفـا في المنتدى الارشيف
    مشاركات: 14
    آخر مشاركة: 02-07-2008, 12:28 AM
  3. ارفع راسك أنت ســـــــعــــــــــودي ...
    بواسطة انشودة المطر في المنتدى الارشيف
    مشاركات: 5
    آخر مشاركة: 11-05-2007, 04:28 PM
  4. أرفع رأسك أنت سعودي __ أيه ارفع راسك وسطر اللي تبيه.........
    بواسطة *يكفي عتب* في المنتدى الارشيف
    مشاركات: 3
    آخر مشاركة: 16-01-2007, 02:19 AM
  5. ارفع راسك انت سعودي
    بواسطة ح ب ك 101 في المنتدى الارشيف
    مشاركات: 24
    آخر مشاركة: 04-04-2006, 07:09 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52