النتائج 1 إلى 3 من 3

الموضوع: (اقري القصه هاذي خيال)

  1. #1
    ... عضو مميز...


    تاريخ التسجيل
    May 2007
    الدولة
    قلب عاشقي
    المشاركات
    332
    معدل تقييم المستوى
    1

    افتراضي (اقري القصه هاذي خيال)

    (اقري القصه هاذي خيال)
    قــصة:ريــم








    انــا [لــك حيــاة و مــمااااات] (مؤثرة جدا جدا)

    بأول ايام العمــر التقيت فيهـا
    من يوم ماشفتها قلبي اهديته لها
    كنت اقرى واشوف عبارات وامثال عربيه عن الحب والرومنسيه
    والحب من اول نظره
    وكنت اضحك واضحك لاسمعتها
    واقول في داخلي معقول حب ويدوم سنين ويكون من اول نظره؟!!!

    والحين احكي لكم روايتي مع بنت أخذت روحـي معها
    في يوم من ايام العمـر

    ناداني الوالد من داخـل الدار وصلت عنده لحد باب مجلسـه
    قلت له: سم يابو محمد
    قال: سم الله عدوك ياولدي محمد
    انت كبرت واصبحت تفهم الحال وتفهم كلامي اللي بقولـه لك يا ولدي
    لا تقاطعني واتركني انهي حديثي
    وارجوك لاتلومني على شي فات
    أنا من كلام الوالد خفت وتوقف الدم بعروقي
    رفعت له نظري وقلت له:لبيه يابوي أسمعك
    -الوالد: انت لك عم وانا مقاطعه من سنين بسبب
    مشاكل دارت بيني وبينه
    واحس أن ايامي بدت تودعني
    وإن نبضاتي في يوم بتعلن رحيلي

    حاولت انطق واقول 'ياجعل يومي قبل يومك'
    رفع يده وقال: ارجوك لاتنطقها
    لو اهديك ثواني عمري الباقي
    ولا اشوفك قبلي تموت..
    الدمع من عيني نزل
    وانا مابعمري بكيت..
    قلت له: يبه
    آمرني باللي تبيه؟!..
    قال: آبي أشوف اخوي عمك قبل مماتي !
    قلت: غالي والطلب رخيص.

    اتفقنا على ان في يوم نسافر لديار عمي المجهول...
    ووصلنا للخبر مكـان مايسكن بديت اتبع وصف ابوي وأنا متعجب من وين يعرف عنوانه
    فضولي زاد وسألته ؟!
    جاوبني وقال: اخباره اتابعها يوم بيوم ولانسيته دايم الدوم

    قال ابوي: هنا وقف يامحمد
    قلت هنا! أنا قدام قصر كبير؟!
    وصلني الرد: عمك تاجر .

    دقينا الباب اقصد بوابة القصر العظيم
    بعد ثواني كنا في داخل بهو واسع جلسنا بمجلسه
    جلس ابوي وألمح بعيونه نظرات الخوف والتردد..
    انتظرنا ووصل السيد صاحب القصر
    وبعد الترحيب والتحيه
    لاحظت عمي يكلم ابوي في برود
    وسأله عني!
    قال ابوي: هذا ولدي محمد ..وإنت وش اخبار بنتك ياخوي؟
    تعجب عمي وقال: ومن وين تعرف أن عندي بنت؟
    رد عليه بنفس الجواب القديم
    مرت دقايق يتحاورون ويتكلمون
    وشوي شوي الصوت تجاوز جدران البهو الوسيع
    ابوي كان هادي لكن عمي صار غاضب ويتوعد
    نطق بكلمه وقال: لايمكن أنسى اللي سويته فيني!

    قال ابوي: هذا شي قديم ماضي ماله معنى هالحين
    ..وانا ياخوي احس مماتي قريب ..
    لاتحرمني منك باقي عمري
    ..حاولت اتكلم لكن نظره من أبوي تركتني أتراجع عن قراري ...
    و'بصوت حاد' و'بقسوة قلب'
    نطق عمي وقال:
    اطلع برى القصر أنت و ولدك ولا تحلم أنى اغفرلك ..
    ترجيت الوالد وقلت: مكان انهنت فيه يابو محمد مانجلس به ثواني ..
    وبلا موعد مع القدر
    حوريه او ملاك
    دخلت المجلس بجنون
    ودمعها على الخد يسري
    وصوت نوحها يسمعه القاصي قبل الداني
    إرتمت بحضن أبوي
    وبكت
    وقالت: عمي لاتتركنا سامح ابوي
    مالي احد غيركم لاتتركني
    ..ومن خلفها صرخه تردد صداها:
    ..ريم اطلعي
    ماهو عمك
    مالك بها الدنيا احد غيري أنا
    ..الملاك رفعت الراس وضمت كف ابوي وقبلتها
    ونطقت سامحني ومشت!!مترددة تطالعنا بعيون كلها حيره ..
    عمي قال: المقابله انتهت
    وقتي ما يسمح .

    بعد 8 ساعات كنا في بيتنا بوسط الرياض
    ابوي اخذ الصمت له عنوان
    وانا احترمت صمته ..
    قال ابوي: هذا عمك مهما صار
    قلت: يبه الشي اللي مضى اكيد قوي وخطير عمي ماهو ناسيه عايش معه لوقته الحاضر ؟
    قال: امك المرحومه هي اللي عمك ماهو ناسيها !

    فهمت قصده من دون مايتكلم اكثر ! أبوي تزوج من امي
    وعمي كان رايدها
    ، قصه ولا في الخيال ،

    مرت سنه وأنا طيف ريم ودمعها مافارق خيالي ثواني
    ..كأني ما فارقتها يوم
    ..ياما حلمت ورسمت ايام عمري معاها
    لبستها ثوب العروسه و وقفت معها
    يديني تحضن إيدها
    جبت الولد من ريم وسميته
    كانت كل حياتي بعد اللي صار 'ريم
    اعترفت لنفسي اني حبيت هالملاك


    ..وفي ليله من الليالي
    <ودعني الغالي>
    دفنته وبكيت حالي من دونه
    ..إعتزلت العالم من بعده
    سجنت نفسي
    ..نسيت دنيتي واشغالي

    مر أسبوع من وفاته
    وانا داخل اسواري
    دق جوالي
    قمت متثاقل اشوفه
    رقم غريب يالله ازعاج هالعالم
    رميته
    ..سمعت النغمه من ثاني
    قلت مالك إلا ترد
    ولو كان غلطان وإلا لعاب ياويله
    -الو من معي؟
    -هلا محمد
    كان اللي يتكلم بنت
    صوتها كان خيالي
    -قلت: نعم من انتي ؟
    -قالت: ماعرفتني ؟
    -قلت: لا من معاي !
    -ردت: أنا ريم !
    تردد اسمها بداخل صدري جوى قلبي
    سمعت بصوتها انكسار وحزن
    وهي -تقول: لاتقول نسيتني
    -قلت: ماعاش من ينساك
    ..عظم الله اجرك واعذرني على التأخير
    -قلت: عاذرك والله يجزاك كل خير
    -قالت: محمد انت تعبان.؟
    -قلت: لا لكن مانمت إلا ساعات
    -قالت: اتركك تنام وترتاح فمان الله
    -قلت: ريم.......
    -قالت: عيونها!!!
    -قلت: تسلم عيون الريم
    ..لاتتركيني ومن التعب ماحسيت بروحـي
    ..نمت وكأني من دهر مجافيني النوم
    ماصحيت إلا على نغمة الجوال
    رديت عليه
    -قلت: نعم
    سمعت صوتها وهي -تقول: خوفتني عليك ..
    ..اخذت واعطيت معها بالكلام
    وتكررت المكالمات بيني وبينها

    ضمتني فيها ريم بحب وحنان
    ..عوضتني عن سنين حرماني
    اصبحت تعرف وقت نومي وقت مايدخل الزاد جوفي

    اصبحت حياة 'محمد 'ريـم
    وحياة 'ريم 'محمـد
    وفي يوم اعترفت لها بحبي المكتوم
    ..ريم النفس ضاقت من الأنتظار
    والقلب تعب مثل الجسد وهو يحاول يصبر ويجاهد الروح

    سمعت همسها وهي تنطق:محمد يا'دفا قلبي وضماه' أسمعك..
    -قلت لها: ريم.....أنا...احبك
    د
    اببحب صدى صوتك وضحتك
    مدشتاق لك ابيك

    ريم...علمتيني معنى العشق

    من اول ماشفتك ابتدت اول ايام عمري..
    -قالت: محمد
    -قلت: سمي
    -ردت: وأنا بعد...احبك

    ااااآه واخيرا ياقلبي ترجم حروف الغلا
    وانثر الوردك على جبل الوفا
    وغرد مع الطير
    وسابق الريح
    واعزف الحان الشوق
    تصالح مع امواج البحر
    وتغنى مع شمس الأصيل
    وانسى كل الهموم
    واذكر كلمة 'احبك' يوم غادرت من شفاه "ريمـي
    وسكنت بقلبي المغرم
    -قلت: "ريمتي أنا اوعدك اني
    [لك حياة وممات] اوعدك أنا بكره مسافر
    ..سمعت شهقه من صدرها الحنون ...وين ناوي تتركني وتروح؟
    -قلت: مسافر للخبر ابي احقق الحلم واترجمـه للواقع
    ..أنا جاي اخطبك من عمي

    ردت علي خايفه: كل شي ينتهي لوماصار اللي نبي؟
    -قلت: انا 'وعدتك' اني
    [لك حياة وممات] ومابيبعدني عنك غير موتي..

    ودعتها وجهزت نفسي للسفر
    ..ماقدرت اصبر قررت اني للخبر اسري بليلتي

    ومرت الساعات وانا في البهو الوسيع
    دخل عمي وهو يطالعني بنظرات غريبه
    وقال: انت؟!!
    أيه أنا محمد
    ولد <اخوك المدفون> تحت التربه من شهور..
    : ماعندي اخو كم مره أنا كررتها...وإن مات الله يرحمه..
    في البدايه لمحت بعيونه نظرة حزينه لكن تراجعت هالنظره وحلت مكانها نظره بلا معنى.

    حسيت انه في لحظـه تأثر

    : عمي أنا ابيك في طلب
    : قول اللي عندك وقتي انا ثمين
    ..ناقصك مال
    سياره جديده
    بيت
    وظيفه
    قول انا احب اتصدق واعمل الخير ..

    بعد هالكلام تمنيت اني اصرخ بوجهه واقول
    "إنسان بلا مشاعر
    "جبل من القسوه والجمود...

    : أنا بخير ونعمه وماناقصني شي!!
    طالع فيني بإستغراب اجل طلبك وش يكون؟
    قلت: ريم هذا هو طلبي
    ابي اتزوجها بعد اذنك ياعمي؟

    ..شفت بعيونه استحقار العالم كله
    : ومن تكون لجل تطلب ريم!

    جرحني
    ذلني
    اهانني
    وفي النهايه طردني
    رجعت للرياض كيف وشلون ماأدري؟!..
    جوالي طـــول الطريق تتردد نغماته
    ..اه ياريم انكتب علي اعيش بدونك
    دخلت البيت وانا منهار ضايع بين عبراتي وبحور آلامي
    استمريت على هالحال يومين يمكن اسبوع او شهر
    وصلتني رساله من ريم
    نصها يقول: ((وين العهد ياخاين الوعد
    انا بدونك دنياي بلا مرسى ولا امل))
    بداخلي قلت وانا اتنهد:
    يابعد دنياي كيف قسيت عليك!
    دقيت على جوالها
    ردت علي وهي تبكي وتردد: وينك عني !
    محمد ليه تجافيني !
    وين الوعد !

    بكيت معها واختلط دمعي بدمعها
    ريــــــــــم احرموني منك
    ابعدوني عنك
    ريــــــــــم ذبحوا قلبي
    حفروا قبري
    آه ياريم
    ~أبكـــــــــــــــي
    ولا أكتم بصدري آهاتي
    ~أشكـــــــــــــــي
    ولا أعالج شكواي بصمتي
    انا هويتك والشاهد خالقي
    لكن حكم علينا ابوك بحكمه الظالم ..
    لكني عند الوعد ياربيع القلب ماتركك ..

    حاولنا ننسى همنا الكبير واعيش معها مثل اول
    ..اعيش على صوتها وحبها
    حاولت مع عمي وكررت محاولاتي
    وارسلت من يتوسط لي عند السيد العظيم
    لكن كان "جدار مايهتز وعنيد
    مثل الصخر مايهزه ريح
    تناسينا هالأبو الظالم ورجعنا نعيش حياتنا
    وفي يوم كلمتني ريم ونوحها يسابق كلامها
    : ريم يانور العين وش فيك؟
    : أنا يامحمد ربي استجاب لدعاي..
    : ريم وش تقولين عمي وافق يزوجني لك!!!
    : لاااايامحمد
    انت تعرفه مستحيل يغير رايه
    : اجل <ياريم القلب> وش الشي الجديد؟
    قالت: اليوم هو عندي العيد
    ريم: محمد تماسك واسمع الخبر
    ..كنت اليوم بالمستشفى اصلح تحاليل
    من تعب كنت اشكيه من ايام
    وطلعت النتيجه
    أنا يامحمد......
    .... .. .
    : ريم انطقي تكلمي يكفيني مافيني
    : أنا مريضة بــــــالسرطان¤

    والطبيب المداوي يقول:
    حالتي صعبه و وصلت للشي الحرج ...
    "
    "
    "جمود وصمت وذهول كسا ملامحي
    ..حسيت بعمري كبر100سنه
    وانا احاول اسمعها
    واللي قاهرني إنها تردد وتقول: ربي استجاب لدعاي
    : يامحمد لاتحزن افرح
    هذا اللشي اللي انا ابيه واتمناه
    ..محمد دنياي من غيرك مابيها الموت اهون علي ولا اعيش مع إنسان غيرك..

    انا ابكي وابكي ودمعي
    ٠ فاضحني

    قفلت الخط وجلست في مكاني وانا اتذكر كلمات ريم
    ..افرح يامحمد ولاتحزن..
    ..غبيه..
    ٠كيف افرح وهي من حياتي تروح؟!
    ٠كيف الهنا والسعاده اعرف دربها وهي بعيد؟!
    ياكثر الأهآت اللي بقلبي تلوع
    والهموم اللي بصدري تنوح
    .
    .
    بعد أيام وصلني خبر سفر ريم للخارج لجل العلاج مع العم المبجل الكريم
    انا انتظر والأنتظار يحرق قلبي
    ...فكرت اجمع كل ما املك واسبافر لعمري وحياتي
    هناك اقضي معها ايام العلاج
    ..وكبرت الفكره في راسي
    ..وفعلا ماكملت الشهر إلا وانا هناك عند ريم
    .. حلمي الأول والأخير ..

    وصلت باب غرفتها
    ترددت كان ودي ادخل بكل لهفه وشوق
    واضمها وابكي بأحضانها

    لكن خفت من العم يحاسب طهر الكون..

    طرقت باب غرفتها
    انفتح الباب وظهر عمي
    شفته منكسر وحالته عجيبه
    شفته والدمع بعيوني يكتم على انفاسه
    ومع هذا عيوني ترجته اشوف ريم من دون ماتنطق شفاي
    قال: تفضل ياولدي
    .
    ماكنت مصدق
    المهم وااافق
    دخلت لملاكي وانا اجر خطواتي

    هناك على السرير الأبيض ترقد اماني عمري
    والتعب انهكها
    بانت ملامحه عليها

    ضميت يدها بيدي وكررت الوعد والعهد على سمعها
    ورفعت راسي لعمي وقلت له زوجني ريم..طلبتك ياعم..
    هز براسه وقال: اللي تبون يصير..

    تبسمت ريم بوهن
    تبسمت لها وحسيت بأول افراح حياتي
    تم كل شي بسرعة البرق تزوجتها وهي على فراش المرض
    احتفلت بيوم عيدي معها باالمستشفى الكبير
    aالممرضات والأطباء الأجانب سمحنا لهم يحتفلون معانا
    الجميع هناك يحب ريم
    ..بقيت معها وانا اصبرها على المرض واحلم انا وهي
    في بيتنا
    في سعادتنا وقت ماتطلع
    ..عشت اجمل ثواني عمري

    اصبح المستشفى الكبير يردد حب... مــحــمــد و ريــــــم


    وفي منتصف ليله من الليالي وانا بجنب ريم سهران
    سمعتها تصرخ بصراخ عالي
    وهي تتقلب على فراش المرض من الألم
    انينها قطع قلبي وروحي
    ..طلعت من الغرفه مثل المجنون انادي على الدكتور
    الكل من حولي يركض ويدخل للغرفه
    وصراخ ريم يتردد صداه بأذاني

    جلست ابكي في زوايه مثل طفل صغير فاقد امه بظلمة لليل
    وشوي شوي اسمع صراخها يهدى
    رفعت راسي والطبيب يطالع في عيوني
    ويقول: ادخل لريم تحتاجك
    دخلت وانا كلي تعب، منهك، قواي منهاره،
    وقفت جنبها والأطباء حولي
    إبتسمت لي
    وقالت: تعال ياحبي
    وقفت...
    : لاتبكـي امسح دموعك
    قلت: ببكاي ارتاحي يابعد عمري
    ريم: محمد تدري ندمت ياربيع القلب على دعواي ورجواي
    ماكنت ادري اني بضمك ويتحقق حلمي ومنأي
    قاطعتها: ريم لاتتكلمين نامي وانا جنبك بسامر الليل لراحتك
    قالت: محمد أنا
    اشوف الموت
    اشوفه يناديني

    : شهقت...يومي وعمري قبلك
    انتي بتطلعين
    نسيتي حلمنا!
    بنعيش بالبيت!
    وراح نجيب ولد ونسميه مــشـاري بعد!
    مثل ماتمنين بعيش معك العمر كله ..
    : محمد أنا احبك وانتبه لنفسك وعيش دنياك بلاي لكن لاتنسى ذكراي
    سمعتها تنطق بالشهاده وترددها وبعدها انفاسها ماسمعتها......
    ..... .. .
    حركتها تركت إيدها
    انسحبت بسلام وسكنت بجوارها
    ٠٠ صرخت صرخه الجريح المحروـوـوـوـوم وناديت
    لكن حكم القدر اخذ مني روحي
    رددت الوعد ريم انا
    [لك حياة وممات]

    وهذا أنا 'عايش اداوي بعدي وحرماني عن ريم.
    <<هذه قصة حقيقيه

    منقووول

  2. #2
    ... عضو مـاسي ...


    تاريخ التسجيل
    Nov 2007
    المشاركات
    1,413
    معدل تقييم المستوى
    2

    افتراضي

    مـــآ آدري ليـــهـ مآنــي مصدقــه






    يعـ ن ـــي مستحيـل يصير شــي مثـل كذآ







    حبـهآ وحبتــهـ بـ مجرد نظـرهـ مآ خـذتـ غيــر ثوآنــي






    ع آلعموم تسلمــي ع آلنقل





    دمتـٍ بـ ود
    $222


    ^

  3. #3
    ... عضو مميز...


    تاريخ التسجيل
    May 2007
    الدولة
    قلب عاشقي
    المشاركات
    332
    معدل تقييم المستوى
    1

    افتراضي

    vivi
    الله مدري بس هي جايتني على الجواال

    وبس حبيت انزلهاا لكم ترى حتى انا اقول زيك بس مدري يمكن صدق

المواضيع المتشابهه

  1. اعلانات خيال في خيال
    بواسطة فز الخفوق في المنتدى الارشيف
    مشاركات: 8
    آخر مشاركة: 09-09-2010, 04:57 AM
  2. هاذي هي جت يالرياض ..
    بواسطة معانقـ الص ـمت في المنتدى قصائد وخواطر
    مشاركات: 5
    آخر مشاركة: 12-04-2010, 12:29 PM
  3. مشاركات: 7
    آخر مشاركة: 10-09-2008, 12:58 PM
  4. اذا ماعندك صديق اقرى هالموضوع وبتعرف قيمة ومعنى الصداقه
    بواسطة حبيبة اهلها في المنتدى الارشيف
    مشاركات: 5
    آخر مشاركة: 22-04-2005, 04:12 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52