النتائج 1 إلى 5 من 5

الموضوع: اشعاااار الامير عبد الرحمن بن مساعد

  1. #1
    ... عضو جديد ...


    تاريخ التسجيل
    Sep 2008
    المشاركات
    4
    معدل تقييم المستوى
    0

    Pizza اشعاااار الامير عبد الرحمن بن مساعد

    بنفترق





    بنفترق

    تدرين وادري

    تدرين وادري بنفترق

    وتدرين قلبي بيحترق

    حنا أتفقنا بكل شي .. اٍلا الزمن

    عيا الزمن لانتفق

    ولاتزعلين .. لو نفترق

    قلبكِ خلي .. وقلبي أنا اٍللي بيحترق


    ياوردة في كل الفصول .. يافرح عيا لا يطول

    قولي واقول

    اٍن كان عندكِ لي حلول

    يافرحة القلب الحزين .. الوقت يمر

    ومالك عذر

    كانكِ تبين .. ننسى العمر .. ننسى السنين

    ونذوب في حب وحنين

    تدرين وش سر الحكايه؟ الوقت يمر

    ولكل شي لابد نهايه

    وحنا قربنا من النهايه

    ومالكِ عذر .. يابسمه الثغر الخجول

    اٍن كان عندكِ لي حلول

    واٍن كان ودكِ نتفق

    والا ترانا بنفترق

    ولا تزعلي لو نفترق

    قلبكِ خلي .. وقلبي أنا اٍللي بيحترق



    ياحب يادنيا جديدة

    يااحلى ابيات القصيدة

    اٍن كان جرحي ماكفى .. أنزف لكِ جروح جديده

    واٍن كان شعري ماوفى .. أنسى الحكي وأنسى القصيدة

    يااحلى أيام العمر .. كثر الحكي وش بيفيد

    مابقى عندي صبر .. والجرح في قلبي يزيد

    مالكِ,,,, عـــذر



    يابسمة الثغر الخجول

    ماظن عندكِ لي حلول

    وماظن ودكِ نتفق

    واحنا ترانا بنفترق

    ولا تزعلي لو نفترق

    قلبكِ خلي .. وقلبي أنا اٍللي بيحترق
    .................................................. .......
    شهر




    ياللي تحبيني شهر

    ثم تجافيني شهر

    ثم تحنيلي شهر

    وتفكري كيف الرجوع كذا شهر

    وترجعيلي في شهر

    ماقد خطر في خاطرك

    ان السنة اثنعشر شهر

    وقتي معك نصفه هموم

    ونصفه الباقي اسى..ولو طبعك القاسي نسى

    وبالصدفه جاء مره صباح..وكلمه منك فرحتني

    لابد ما همس الجراح ..تسمعيني في المسا

    ولو تعتب اجروحي عليك..وتشتكي منك اليك

    بترجعي تحبي شهر..ثم تجافيني شهر

    ثم تحنيلي في شهر

    تفكري كيف الرجوع كذا شهر

    وترجعيلي في شهر

    ولا يجي في خاطرك ان السنة اثنعشر شهر

    اعذريني لو اقول ..حبك نسى معنى الفرح

    اعذريني لو اقول ..وشلون يذكرنا الفـــرح

    مادام اذا كنتي قريبه..كل تفكيري يكون

    بعدك متى

    والى بعتي ابلا سبب

    الاكيد بترجعي

    بس الاكيد هذا متى؟

    ولو تعب مني الصبر..ومل من صبري العذول

    وقلت ياناس اسألوها ..الحب هو كله هجر

    ردك يجيني في شهر

    قالوا تقول "ماينتظر ..بس يشتكي

    يصبر علي..ترى السنة اثنعشر شهر
    .................................................. ...............
    سيد جروحي



    سيد جروحي شمس عمري وظلي
    البعد طول والخطأ منك واضح

    اذا غرورك يمنعك تعتذرلي
    تعال جنبي وابتسم لي واسامح

    تدري احبك لكن الموت ذلي
    ادوس انا قلبي لو الشوق جامح

    الله عطاك الحظ واصبحت خلي
    والله عطاني اياك طاغى ملامح

    سألتني يا ياسميني وفلــــــي
    ياكيف يشفى الورد..والشوك جارح

    مثل العيون اللي لها كل كلي
    زايد حلاها لكن الدمع مالح

    وش تنتظر يكفي دلال وتغلي
    الوقت ماهو للوصل دوم سانح

    مادمت ترحالك ومادمت حلي
    ان صرت انا خسران ماصرت رابح

    لا تعطي الفرصة لعذالنا اللي
    لكل ماهو يهدم الحب طامح

    مالك صبر عني ومالي تسلي
    والوقت خيل صوب الاجال رامح

    سيد جروحي شمس عمري وظلي
    الحب بعد وقرب ..مخطي وصافح

    اذا غرورك يمنعك تعتذرلي
    لاتعتذرلي قول اسمي واسامح
    .................................................. ....
    قالو ترى



    قالوا ترى مالك امل في قربها لو يوم
    ابعد وجنب دربها ..هذا هو المقسوم

    قلت اتركوني واسكتوا..خلو العتب واللوم
    قدني غرقت في بحرها..ولاعاد يفيد العوم

    قالوا ترى في حبها ويل ..واسى..واهموم
    قلت ان قتلني حبها ..حسبي تقول مرحوم

    قالوا انسى ذكرها..منتب بها ملزوم
    قلت ابشروا ياعذلين..بنسى لذيذ النوم

    قالوا بتلقى غيرها..واترك هواها اليوم
    قلت العفو ياحاسدين ..ما ابدل القمر بنجوم

    قالوا لغيرك حبها..قلت الجواب مفهوم
    دام انها متهنيه..وشلون اصير محروم

    بقضي الليالي انتظر..صابر على المقسوم
    متعلق بطرف الأمل .. يمكن يجيني نوم

    قالوا ترى مالك امل ..في حبها لو يوم
    ابعد وجنب دربها..وهذا هو المقسوم
    .................................................. .........
    دخون



    هو فيه مثلك..ياللي الحسن ظلك

    ليه العطر

    وانتي انفاسك دخون

    وليه الكحل

    وانتي ماغيرك عيون

    وليه تفكيرك يكون

    انك تكوني دايم اجمل

    انتي اجمل

    من جمالك

    من دلالك

    من خيالك

    ياللي كل افراح قلبي والحزن

    في المسافة بين فرقاك ووصالك

    وليه يالقلب الحنون

    تاخذك فيني الظنون

    ضيعتي عدلك..هو فيه مثلك..انتي ماغيرك عيون

    وانا احبك .. وانتي انفاسك دخون

    ياللي احبك..ليه احبك؟

    او ليه ماحبك..وانتي علمتيني ان الحب كله اسئله ما تنتهي

    ليه ما احبك وانتي علمتيني ان الحب لا غدا لمثلك ابد ماينتهي

    ياللي علمتك عذابي والهجر..ليه ما احبك

    ياللي علمتك تكوني..في ضعف ضعفك..اقوى مني

    يا انتي ضحكاتك تغني..وابتساماتك شعر

    يانتي ضحكاتك تغني..وكل ما شفتك اصر

    انك اجمل من جمالك..من خيالك..من دلالك

    على حبك انا..بقفل ابوابي

    وبطيوفك انا..باسقي اهدابي

    يا انتي..يا انتي احبابي

    تصدقين..تصدقين..صدقي

    قلبي لكي وحدك..صدقي

    ماقوى على بعدك دقايق..بس دقايق

    ياظلي .. يا داري

    يا اجمل..افكاري..تظلمني لوتقولي اني عاشق..بس عاشق

    ياللي وحدك تسمعي صمتي وكلامي

    ياللي ضيك..اتعب همومي وظلامي..صدقي اللي في قلبي لكي

    اكبر افكار من القصيد والحكي

    تصدقي انك اجمل في عيوني من جمالك من خيالك من دلالك

    لا يالقلب الحنون لا تاخذك فيني الظنون
    .................................................. .........................
    الحرامي




    احترامي.. للحرامي
    صاحب المجد العصامي
    صبر مع حنكة وحيطة
    وابتدا بسرقة بسيطة
    وبعدها سرقة بسيطة
    وبعدها تَعدى محيطه
    وصار في الصف الأمامي
    احترامي.. للحرامي
    احترامي.. للحرامي
    صاحب المجد العصامي
    صاحب النفس العفيفة
    صاحب اليد النظيفة
    جاب هالثروة المخيفة
    من معاشه في الوظيفة
    وصار في الصف الأمامي
    احترامي.. للحرامي
    احترامي.. للحرامي
    صاحب المجد العصامي
    يولي تطبيق النظام
    أولوية واهتمام
    ما يقرب للحرام
    إلا في جنح الظلام
    صار في الصف الأمامي
    احترامي.. للحرامي
    احترامي.. للحرامي
    صاحب المجد العصامي
    يسرق بهمة دؤوبة
    يكدح ويملي جيوبه
    يعرق ويرجي المثوبة
    ما يخاف من العقوبة
    صار في الصف الأمامي
    احترامي.. للحرامي
    احترامي.. للحرامي
    صاحب المجد العصامي
    صار يحكي في الفضا
    عن نزاهة ما مضى
    وكيف آمن بالقضا
    وغير حقه ما ارتضى
    صار في الصف الأمامي
    احترامي.. للحرامي
    احترامي للنكوص
    عن قوانين ونصوص
    احترامي للفساد
    وأكل أموال العباد
    والجشع والازدياد
    والتحول في البلاد
    من عمومي للخصوص
    احترامي
    للصوص
    .................................................. ...
    وانشالله تعجبكم

  2. #2
    ||.. مُـهَـاجِـرَة ..||


    تاريخ التسجيل
    Dec 2005
    الدولة
    حيث أكون
    المشاركات
    10,464
    معدل تقييم المستوى
    11

    افتراضي



    كلمات رائعة
    لـ الأمير عبدالرحمن بن مساعد
    تغنت بها النبضات
    و عزفت على ألحانها الدمعات

    كل الشكر لرقي ذائقتك

    ينقل للقصائد المنقولة بدلاً من همس القوافي
    احترامي للجميع

  3. #3
    ... V I P...


    تاريخ التسجيل
    Jul 2008
    الدولة
    بعيــداً عن الواقـع
    المشاركات
    4,322
    معدل تقييم المستوى
    6

    افتراضي

    مشكوووور حيل يالغلا..

    قصائد جدا رائعه للمبدع عبد الرحمن بن مساعد..

    يعطيكِ الف عافيه..


    أعذب التحايا,,

  4. #4
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    shooklet

    انتقاء رائع- صح لسان الشاعر

    اشكر لك رقي حضورك

  5. #5
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي

    shooklet

    صح نقلك والف شكر لك

    قصائد جميله جداً

    للشاعر الامير عبدالرحمن بن مساعد

    دمتِ بخير

المواضيع المتشابهه

  1. $%$ الحرامي $%$ الامير عبد الرحمن بن مساعد
    بواسطة » ريم آلولهانة « في المنتدى قصائد وخواطر
    مشاركات: 6
    آخر مشاركة: 09-04-2008, 08:43 PM
  2. لكل محبين ..عبد الرحمن بن مساعد
    بواسطة بـــــ احلىـــنوته في المنتدى الارشيف
    مشاركات: 5
    آخر مشاركة: 16-07-2006, 12:27 PM
  3. عبد الرحمن بن مساعد
    بواسطة angel eyes في المنتدى قصائد وخواطر
    مشاركات: 4
    آخر مشاركة: 14-05-2006, 11:14 PM
  4. تعبت انزف جراحي حبر...( عبد الرحمن بن مساعد)
    بواسطة !. مــايــهــابـ .! في المنتدى قصائد وخواطر
    مشاركات: 5
    آخر مشاركة: 01-12-2005, 12:12 AM
  5. من روائع الامير عبدالرحمن بن مساعد
    بواسطة المشاكس الرومنسي في المنتدى قصائد وخواطر
    مشاركات: 4
    آخر مشاركة: 04-03-2005, 12:54 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52