صفحة 1 من 2 12 الأخيرةالأخيرة
النتائج 1 إلى 5 من 7

الموضوع: حسآفه مآيدوم الزين لكن عندي أمل للحين في رجوعك

  1. #1
    ... V I P...


    تاريخ التسجيل
    Sep 2007
    الدولة
    آلزِين..-}
    المشاركات
    2,607
    معدل تقييم المستوى
    3

    افتراضي حسآفه مآيدوم الزين لكن عندي أمل للحين في رجوعك

    يـُبــَـهْ شُــلـُوْنـِــكْ؟!



    يبـه شلـونك ؟!..



    يبه شلونك . . . ملل هالــكــون من دونك . .



    يبه شلونك ؟!..



    وتمضي رحلة الدنيا. .



    بليا طلة عيونك. . .؟؟!!





    يبه شلونك ؟؟



    وشلون المرض وياك ؟؟



    بعد ماهدك بدنياك . . عساها تغمض جفونك ؟؟




    تبي تدري عن احبابك ؟؟





    عن عيون تغنا بك ؟؟



    عن قلوب دفنها الشوق . .



    واذا جاها الغفا جابك ؟؟





    يبه . . أمي تخيّلْك دوم. . .



    تغنّي لك مع القمرآآ . .



    يبه . . و اللي خذاك بـ يــوم . . . خذا بــنــيــّـتـــك بــٌـكرآ . .



    خـذآ . . و يـامــا خــذآ . . و يــامــا . . خـذآ نـــآس. . يـحـبـونـك . .





    يبه حنا صرنا كـبــــآر . .



    توفــقـنـــا و تــخـرجــنــا . .



    يبه . . مــا عــاد فيه صـغــار . .



    يموج بهالزمن كل شي . .



    وحنا ماتــمــوجــنـا . .



    على ذاك العهد نسري. .



    نبيع العمر و الدنـيـا . . ولا تخلف بنا ظنونك





    يبه شلونك ؟؟



    تبي تدري عن أخــبـــآري ؟؟



    عن أفكاري و تذكاري ؟؟



    أشيلك بـ داخلي / جمره . .!



    و بـعيون الحزن / عـ.ـ.بـ.ره . . تـ..ـغـ..ـرقـ..ـني .. و تـ.ـ.ـحرقـ..ـني..



    أشوفك نجمة تـجـبـر مراعيها . . يراعيها . .



    و أشوفك للرجوله إسم . .



    اذا شد الزمن تقسى. .



    و أحلم من معاني الحلم . .



    أحسك مقبل بكرى..وعيا لايجي بكرى !!!!






    يبه تذكر زمان مر ؟؟



    يبه تذكر مجالسنا ؟



    مقلطنا ومجلسنا ؟



    و حارتنا ومسجدنا ؟



    يبه تذكر هدايا العيد ؟



    صلاة العيد ؟



    وبشت العيد ؟



    يبه تذكر سوالفنا ؟



    لـجل هذا . .



    و كل هذا . .



    أقول اليوم يايبــه ..



    ملــــــــــــــل هالكون من دونك !!






    يبه وينك ؟؟ . . . . ولهت لـ نظره من عينك . . . .



    يبه وينك ؟؟



    أشوفه طوّل غيابك !! ... و من ودّاك .... ما جابك !!



    قالوا ما يدوم الزين !! ... و أنــا عندي أمل للحين ..



    و لكني أعرفك وين !!



    يبه وينك ؟؟



    عسى الداعي يبه بس خير ؟!! عساك بخير .... مداين تكرم لعينك ...



    بس أرجوك علمني ...



    علمني .. يبه وينك ؟؟




    سألت أمي عن رجوعك . . . ولا كني أعرفك وين !!



    و قالت : ما يدوم الزين !! ...



    و أنا .. عندي أمل للحين . . .في رجوعك !! ....



    يبه بس تكفى علمني ....



    متى رجوعك ؟؟ ....



    يبه بس تكفى علمني . .



    وش أحلى من طلوع اثنين ؟؟



    طلوع الشمس .... و طلوعك



    يبه وييينك ؟؟



    سألت أمي ...... غيابك طال ؟؟



    ولا كنّي اعرفك وين !!



    و قالت مثل ما قالت . . . حســــــــآفه ...



    ما يدوم الزين ... مع كل هذا صدقني ..



    أنا عندي امل للحين !!









    سؤالي عنك يالوالد . . صار كما الموال . .



    و أشوفه طال ... والله طـــآااال ..



    حزين .. بـ لحنه و حروفه ... يخاف .. يموت من خوفه ...



    و قلبٍ " كان " أقوى قلب ... ضعف .. من قسوة ظروفه ..



    يبه ..



    أرجوك علمني ...



    تشوف اللي أنا اشوفه ؟؟



    أنا اشوفك نهار و ليل ...



    في وسط المجلس تصلي .. و تدعي الرب ييسر لي ..



    يبه ..



    ما عاد بي من حيل .. وين الحيل ؟؟



    و انا اشوفك نهار و ليل .. مع اني أدري ما ترجع !!




    غريبه .. بعدها تدمع .. عيوني من هموم البين !! ....



    و أدريبه مكانك وين !! ... مع َ هذا .. ارد و اسأل !!



    يبه .... وينك ؟؟



    و لا كني اعرفك وين !!



    شبكت العشر في غيابك ...



    على راس ٍ كساه الشيب .. و من وداك ... ما جابك ..



    و لا ادري وش يخبي الغيب !! ... و جرحٍ عذّب أحبابك ....



    يبه ..عيّا يخف و يطيب !!



    يبه.. كل جرح في الدنيا .. مصيره بالدوا يلتم ... و لكن البلا من جرح ..



    نزف فرقاك ... بليّا دم !! ...



    و هذا الفرق في جرحي ...



    عجز يلقا الدوا دكتور .. انا جرحي غريب الطور !!!



    ينزف ... بس بليّا دم .. و زاد الهم فوق الهم ... و دام انك يبه غايب ...



    جروح الغيبه ماتـلتم ..



    بس عندي امل للحين !! ... و لا كنّي اعرفك وين !!





    يبه .. ذكراك تفرحني ....



    في نفس الوقت تجرحني !! ... لا من جبت في طاريك ... دموعي غصب تفضحني ....



    يبه .. تذكر ليالي الصيف ؟؟



    عرس الحي .. و رقص السيف ؟؟



    و كرم قلبك معَ هـالناس .. كلٍ كان في بيتك ضيف ..



    ألا يا حيف .... ألا يا حيف ..



    زمن قاسي .. زمن قاسي ...



    أخذ مني بلا رحمه ... أخذ مني أعز ناسي !!



    و خلاّ لي سهر هالليل .. في عيني ضيف .. الا يا حيف !!




    يبه وينك ؟؟ تعال و شوف ...



    كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..



    يبه وينك ؟؟



    تعال و شوف .. صحيح الدنيا ما ترحم ..



    تجرعنا التعب انواع ... و لكن الأمل ما ضاع ..



    و انا عندي امل للحين !! ... و لا كني اعرفك وين !!



    يبه تذكر شطانـتـنا ؟؟



    انا و اخواني و اخواتي ... معانا عيال حارتنا ..



    نلعب في زوايا البيت .. يبه ... والله انا حنيت ..



    لذاك الوقت في وجودك ... الا يا ريت ... الا يا ريت ... ترجع .. !!



    يا يبه حنيت ..



    حسافه الدنيا ما ترحم ...



    خذت منا سعادتنا ... خذتك بعيد .. و خلتنا !!!


    يبه أمي تذّكرنا ... بأيامك قبل ما تروح ...



    تناديها.. يا روح الروح ..



    تغازلها و تنظر لك .. مثل طفله ... ملامحها عشق مفضوح ...



    في ذاك الوقت .. كنا صغار ... معَ هذا ... كنا نغار ..



    عليها .. او بعد منها ... كنا نغار !



    نحبك يا يبه ... ارجع .. !



    مثل شمس الفجر .. اطلع !



    حزينه الشمس في غيابك .. و نفس الحزن في أحبابك ..



    واخاف الشمس من حزني .. تغيب و ما بعد تطلع !! ..



    يبه ارجع !! ... اذا لي خاطر فـ قلبك ..



    تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. !



    لكن قلّت الحيله ... و يمكن مـع البطا ضاعت ..



    و قلنا يوم !!




    يبه سامحني بترخّص . . . قبل ينشف حبر الأقلام . . كلامي بعده ما خلّص . .



    و لكن موعد الأحلام .. حان ..



    ولازم اوفي له .. بعد ما ضاعت الحيله .. اشوفك والوعد باكر !!



    اذا فكّر يجي باكر ..!! .. و برجع اسألك وينك !!



    بس لازم تجاوبني .. ترى عندي امل للحين !! .. و لا كني اعرفك وين ..!!



    يبه شلونك ؟



    ملل هالكون من دونك



    يبه شلونك ؟



    وتمضي رحلة الدنيا ... بليا طلة عيونك



    لاجل هذا ... وكل هذا ... اقول اليوم يايبه..



    ملل هالكون من دونك..

  2. #2
    كبآآر الشخصيآت

    تاريخ التسجيل
    Oct 2006
    المشاركات
    13,510
    معدل تقييم المستوى
    17

    افتراضي

    الله الله

    جميلة وشجية ومؤثرة

    تحيةلك

    ظميان غدير

  3. #3
    ... V I P...


    تاريخ التسجيل
    Sep 2007
    الدولة
    آلزِين..-}
    المشاركات
    2,607
    معدل تقييم المستوى
    3

    افتراضي

    اقتباس المشاركة الأصلية كتبت بواسطة ظميان غدير مشاهدة المشاركة
    الله الله

    جميلة وشجية ومؤثرة

    تحيةلك

    ظميان غدير





    يعطيك العافيه على تواجدك يالغلاا

  4. #4
    ... عضو نشيط ...


    تاريخ التسجيل
    Sep 2008
    المشاركات
    43
    معدل تقييم المستوى
    0

    Smile

    [align=center]موضوعك كان في غاية الروعة وكان نابع من صميم القلب هذا واضح من أسلوب السرد
    تحياتي لك اختي وأنا بانتظار جديدك بفارغ الصبر [/align]

    موجة حزن

  5. #5
    كبآآر الشخصيآت

    تاريخ التسجيل
    Jul 2007
    الدولة
    بين يدي رحمته سبحانه
    المشاركات
    12,416
    معدل تقييم المستوى
    17

    افتراضي



    خاطرة مليئة بالدموع والآسى

    شكراً لكِ عزيزتي على هذا النص الرائع



    همسة

    أود أن ألفت إنتباهكِ عزيزتي إلى

    ضرورة كتابة إسمك تحت الخاطرة

    إن كانت من كتاباتك

    أوالإشارة إلى المنقول في حال كانت منقولة

    أعذب تحايا الود لقلبك


صفحة 1 من 2 12 الأخيرةالأخيرة

المواضيع المتشابهه

  1. كلن يقول الزين عندي وانا عندي الزين خخخخخخ
    بواسطة شموخ أنثى في المنتدى الارشيف
    مشاركات: 20
    آخر مشاركة: 31-07-2011, 01:00 AM
  2. عندي مشكلة ما تظهر لي الا في منتدى الزين
    بواسطة آخـ أمل ـر في المنتدى الارشيف
    مشاركات: 12
    آخر مشاركة: 30-09-2010, 10:29 AM
  3. لاجذاب ولاجارح ولا باريس الزين عندي
    بواسطة *.. ملكهــ الزينــ..* في المنتدى الارشيف
    مشاركات: 17
    آخر مشاركة: 10-02-2008, 09:37 AM
  4. .+.حسآفه يوم أنا هليت على فرقاك انا دموعي.+.
    بواسطة تحدوها البشر في المنتدى قصائد وخواطر
    مشاركات: 8
    آخر مشاركة: 25-12-2006, 12:08 AM
  5. عندي مشكلة في الزين
    بواسطة الجميلة قد اتت في المنتدى الارشيف
    مشاركات: 1
    آخر مشاركة: 26-02-2006, 04:17 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52