صفحة 1 من 2 12 الأخيرةالأخيرة
النتائج 1 إلى 5 من 9

الموضوع: المباني؟؟؟؟؟؟؟؟

  1. #1
    ... عضو نشيط ...


    تاريخ التسجيل
    Jul 2005
    الدولة
    U A E
    المشاركات
    69
    معدل تقييم المستوى
    1

    المباني؟؟؟؟؟؟؟؟

    جابك الله من فراق ضيّق صدور المباني
    قبل لا الوحشه تزعزع بيتك الصلب و تبيده

    بيتك اللي من رحلت و كل جدرانه تعاني
    وما تحمّل ينتظر شهرين وعيونك بعيده

    الله العالم لو انك جيت متأخر ثواني
    ما تشوف إلا بقايا من حصاه ومن حديده

    من عرفتك و انت ضايع من مواني لي مواني
    و تارك قلبي مولّع من وقيده في وقيده

    ضاع عمري بس احِد بهالليالي و تحداني
    وانت لا تشبع غياب ولا انت خايف من نقيده

    ودي اتحمد لك الله بالسلامه ما مداني
    كل ما توصل برحله ترجع برحله جديده

    دام تدري كل وجهٍ غير وجه الله فاني
    ياخي اكسب لك ثواب و خاف ربك في عبيده

    كان فيني عيب قل لي فيني العيب الفلاني
    كان هرجي مزعلك في شي قل لي لا تعيده

    لعنبوك ان مت بيدك من يفكك من اخواني
    لا احزنوا ربعي علي و مت شاللي تستفيده

    انت ما انت اللي عشقته انت اكيد انسان ثاني
    كيف صرت بهالبرود و هالاحاسيس البليده

    وين حبك للزعل .. وين العناد الاولاني
    وين حنّية زمان و فرحة العمر الرغيده

    وين ذاك اللي اليا اقبل ما يبات إلا بأماني
    وين راح اللي اليا اقفى ما يروح الا فقيده

    واحدٍ و ومن جابه الله بس يامر ويعصاني
    الوحيد اللي اخافه غصب و امشي معه سيده

    ما بغيت اطيح بيده لين ما ربي بلاني
    ولا انا لو هي بكيفي ما بغيت اطيح بيده

    ذاك بس اللي ليا من شفته يلخبط كياني
    ذاك من نظره ينشّف دم قلبي في وريده

    قبل اشوفه اجمع له احلى القصايد و المعاني
    وان لقيته ما عرفت اقول لي جمله مفيده

    الف مره قبله اعد القصيده من لساني
    و لعنبوه من جيت عنده قمت اخربط بالقصيده

    امدحه وانا ادري انه لو تباطاني نساني
    انطحه وانا اعرفه مجنون و اعصابه شديده

    من يسوي بي سواتك يا الرهيب الاسمراني
    من هو من الناس غيرك غلطته ترفع رصيده

    من يقص جناح طيرك و انت اعز انسان جاني
    كيف اخاف رماح غيرك و انت طعناتك سديده

    ان تبعتك اتبعك من طيبي و واسع بطاني
    ولا انا لا جيت اكيد انسان تدري كيف اكيده

    اقدر انزع لك ثيابي و البس ثياب الاناني
    و اقدر اطلع من عذابي و العب بدورك و اجيده

    و ان بغيت اكسب رهاني بخسرك و اكسب رهاني
    و اخدعك باحساس كاذب و اتحدى من يصيده

    ابك انا لا شفت خلّي حط غيري في مكاني
    والله اني لا اتركه وان صد لا اعشق سيد سيده

    خل بضلوعك مروّه و اجبر بخاطر زماني
    شف غيابك وش مسوي في حشاي ولا تعيده

    خلني داخل حدودك و امرح الليله بأماني
    اكذب بباقي وعودك و اصدق بلحظه سعيده

    فك قلبي من برودك لو تولّع بالمحاني
    عطني احساس بوجودك و اخذ كل اللي تريده

    ليه دصغر في عيوني و انت برقاب الغواني
    كيف تستسهل طعوني و انت خابرني وليده

    تكفى اليا قلت تكفى بيع خلق الله عشاني
    لا تضيّع من يديني فرصة العمر الوحيده

    جيت ما ابيك تحقرني . جيت ابيك تعز شاني
    جيت ابي فزعة ضلوعك من مشاعرك البليده

    يعلم الله شفت منك ومن غيابك ما كفاني
    كان ما تقدر تخفف هم قلبي .. لا تزيده

    شف غيابك وش مسوي بالصدور و بالمباني
    وانت تدري كيف كانت صدمة غيابك شديده

    والله انك لو وصلت البيت متأخر ثواني
    ما تشوف إلا بقايا من حصاه ومن حديده

  2. #2
    ... V I P...


    تاريخ التسجيل
    Jan 2005
    الدولة
    قلب أمي
    المشاركات
    6,869
    معدل تقييم المستوى
    7

    افتراضي

    كل الشكر لك على ما خطت أناملك من الكلام الرائع

    وخاصه البيت الذي يقول


    ضاع عمري بس احِد بهالليالي و تحداني
    وانت لا تشبع غياب ولا انت خايف من نقيده





    فهد الفهد

  3. #3

    ][ كبَـآر الشخصيَآت ][


    تاريخ التسجيل
    Oct 2004
    المشاركات
    5,971
    معدل تقييم المستوى
    8

    افتراضي

    [grade="000000 8B0000 B22222 000000 8B0000"]السلام عليكم ورحمة الله وبركاتة..


    اختي السفاحه..


    صح لسانك وصح كلك وصح بوحك..

    مشاء الله عليك..رووعه في النقل والكتابه..

    لاهنتي ولاهان فكرك..ولا وجودك ..

    ولك اعذب وارق التحايا اخــوٍك ..

    ][ .. وٍعـــد الـــهـــوٍى .. ][ [/grade]
    Instagram: Loss888.

  4. #4
    ... عضو نشيط ...


    تاريخ التسجيل
    Jul 2005
    الدولة
    U A E
    المشاركات
    69
    معدل تقييم المستوى
    1

    افتراضي

    تسلموووووووووووووووووووووووووووووووون

    كلكووووووووووووووووووووووووووووووووو

  5. #5
    ... عضو نشيط ...


    تاريخ التسجيل
    Jun 2005
    الدولة
    الــريــــــــااض
    المشاركات
    60
    معدل تقييم المستوى
    1

    افتراضي

    انت ما انت اللي عشقته انت اكيد انسان ثاني
    كيف صرت بهالبرود و هالاحاسيس البليده

    وين حبك للزعل .. وين العناد الاولاني
    وين حنّية زمان و فرحة العمر الرغيده

    وين ذاك اللي اليا اقبل ما يبات إلا بأماني
    وين راح اللي اليا اقفى ما يروح الا فقيده


    تساؤلات وعتاب ترجمت لنا بآبيات رائعه

    صح لسانك

    مدد بلا عدد

    وعلاا شانك على هالرائعه

    سجلي إعجابي


    لاخلا ولاعدم


    اخووك

    فيصـل

صفحة 1 من 2 12 الأخيرةالأخيرة

المواضيع المتشابهه

  1. حملة خلونا تقرأها صح ..السبع المثاني..
    بواسطة شـ ـ ـ ــ ـ ـ ـذى ـآ في المنتدى الارشيف
    مشاركات: 16
    آخر مشاركة: 11-01-2010, 08:00 AM
  2. مشاركات: 7
    آخر مشاركة: 01-10-2007, 01:55 AM
  3. أغرب المباني في العالم !!!!!!!!!!!
    بواسطة بحر المشاعر في المنتدى الارشيف
    مشاركات: 8
    آخر مشاركة: 07-10-2006, 10:43 PM
  4. صور لأعجب و أغرب المباني في العالم ...............
    بواسطة ][ أشواق قلبي ][ في المنتدى الارشيف
    مشاركات: 21
    آخر مشاركة: 10-07-2006, 09:08 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52