صفحة 1 من 3 123 الأخيرةالأخيرة
النتائج 1 إلى 5 من 14

الموضوع: " رن تلفونه بالغلط " لاتفوتكم القصهـ حييل رووعهـ }..

  1. #1
    ... عضو نشيط ...


    تاريخ التسجيل
    Mar 2007
    المشاركات
    119
    معدل تقييم المستوى
    1

    Unlove " رن تلفونه بالغلط " لاتفوتكم القصهـ حييل رووعهـ }..

    [align=center]السلام عليكم..$222


    كنت نايم.. وبعالم الأحلام هايم..

    مادري في شو كنت أحلم

    مره احس اني اسوق سياره..

    ومره اقول كنت مضيف طياره..

    كان الجو بارد..

    وكنت متغطي وشارد..

    رن التلفون

    وقلت ياترى من يكون؟؟

    هذا المزعج هل هو صديق ولا مزيون..

    هل هو عاقل ولا مجنون؟؟

    رديت عليه وانا كلي شك وظنون!!

    وبـرقه بعد ماكنت عصبي انا انسان حنون..

    سمعت صوت ماتوقعته.. :

    ولا في خيالي تخيلته..

    ولا حتى بحلمي سمعته..

    بنت..

    قلت هلا

    وقالت اهلين..

    نوره موجوده؟؟

    قلت وأنا صوتي رايح فيها..

    لحظه شوي بناديها..

    وجلست أصوت واقول نوره .. يامن نوره يلاقيها..

    ورديت للسماعه وقلت مادري وين راحت الله يهديها..

    بس دقيقة ماعندنا نوره!!

    وبادر البنت خوف!!

    قالت آسفه غلطانه..

    قلت ولا يهمج عادي لا تكونين زعلانه؟؟

    مايهم اذا ماعندنا بالاسم فلانه..

    وقالت شكلك كنت نايم..

    قلت لا.. توني قايم..

    قالت تدرس ؟؟

    قلت الدراسه خلاص باح..

    انتي شكلج تدرسين؟؟

    كيف اختباراتج ؟؟ عسى أنكم مرتاحين..

    قالت باقي لنا ونخلص يومين

    وخايفه والله من مادتين..

    قلت من الاختبارات لآ تخافين..

    دامج الليل تذاكرين..

    وعلى الله تعتمدين..

    واللي يزرع جح ( بطيخ ) ما يحصد يقطين..

    أهم شي انج ماتنسين..

    قبل الاختبار الله تدعين..

    ومن إبليس تتعوذين..

    خلقه من نار وخلقنا من طين..

    وجلسنا نسولف في أمور..

    من شو اسمج الين غلاء المهور..

    قالت اسمي (ود) وقلت لها انا احمد..

    وقالت صدفه غريبه اسامينا فيها دال..

    تصدق كنت اتمنى يسموني نوال!!

    تصدقين وانا كنت اتمنى يسموني جمال

    وجلسنا نسولف في بحور الشعر والموال..

    وماهمنا كلام الناس والعذال..

    وفجاءة خلصت السوالف ولا لقينا اللي ينقال؟؟

    وسكتنا..

    وبدلع..قالت أنت تشجع الوحده؟؟

    قلت في قلبي.. مادري أجاوبج بكف ولا بنعال..

    بالله عليج هذا سؤال؟؟

    قلت أنا نصراوي.. وما يهمني القيل والقال..

    هذا الكوماندوز هذا حبه طاح في القلب ولا ينشال..

    والشمس مايغطيها مشخال..

    قالت شمعنى النصر !!..

    قلت يا بنت.. النصر فن ولعب ويفوز باللي حضر..

    وجمهوره له كلمة وامر..

    يابنت..لا تغريني بالكثير..

    لو تضربين مليون بصفر تساوي صفر..

    و حتشرنا وشبينا.. بس بسرعه انطفينا..

    الظاهر بعضنا هوينا..

    وبدرب الحب ابتدينا..

    قالت.. احمد..

    قلت آمري يا ود..

    قالت اوصف لي شكلك..

    هذا وين توهقنا..

    شوفي العرب لونهم واحد

    ولسانهم واحد.. واحلف بالله ولا غيره أحد

    أني مب طويل ولا قصير..

    شعري ناعم مثل الحرير..

    قالت والعيون..

    قلت العيون شبرين في ثلاثه اشبار

    قالت اسد..

    قلت شكرا يا احلى شهد

    المهم ان تواعدنا..

    والموعد باجر في المول قررنا..

    بين خوف وامل تواعدنا..

    وقضيت ليلتي في حيرة..

    وش البس؟؟ جنز ولا كندوره والله حيرة..

    مافي غيرها يفج الحيرة.. شيشه و تعميرة..

    ورجعت للبيت اعاتب امسي وابتسم لغدي..

    وبصعوبة نمت.. قعدت اتجلب وون..

    يا قلبي قلي شو اللي من الحب اهون؟؟

    غريبه هالدنيا غريبة..

    وراحت ليلتي.. وزادت بلوتي..

    اليوم موعدي.. انا والحب بنلتقي..

    وكشخت

    لبست فوق راسي غترتي..

    في مكان اللقاء تغيرت حتى خطوتي.. :24aar:

    صرت ارتجف واترنح بمشيتي..

    كائني انساق للموت وهاذي نهايتي..

    مب سوالف شجاعة.. هذي اكبر بطولاتي..

    ايذا خسرت بتضيع احلى امنياتي..

    جلست ادور والف وحول المكان اطوف..

    وين هذيج العين اللي عليها قلبي ملهوف..

    ود؟؟ ياليت الناس تيي وتشوف..

    وفجاءة..

    وصلني مسج..

    يقول..

    سويتها فيك يا احمد..

    رد بيتكم وخل عنك هسوالف ياتـعبان

    روح نام ..

    تعيش وتاكل غيرها

    و سويتها فيك ..

    :المرسل


























































    الــــوالــــدة


    منقول
    تحياتي..
    [/align]

  2. #2
    ... V I P...


    تاريخ التسجيل
    Dec 2007
    الدولة
    بـين دمعاتى
    المشاركات
    2,618
    معدل تقييم المستوى
    3

    افتراضي

    هههههههههههههههاي
    ياهوموقف
    <<اندمجت تبي يشوف شكلها
    يعطيك العافيه $222

  3. #3
    ... عضو نشيط ...


    تاريخ التسجيل
    Mar 2007
    المشاركات
    119
    معدل تقييم المستوى
    1

    افتراضي

    الله ياعافيك دمع الهتون
    مشكوره على المرور
    تحياتي

  4. #4
    مشرفة سابقه

    تاريخ التسجيل
    Sep 2007
    الدولة
    الشرقيه
    المشاركات
    4,461
    معدل تقييم المستوى
    6

    افتراضي

    هههههههههههههههههههههههههههههههههههههههههههههههههه هههه

    يآحليلهآ أمه im22

    أعجبتني القصه والسالفه مرره

    يعطيك ألف عآفيه يـ بعدي :25ar: ..

  5. #5
    ... عضو مـاسي ...


    تاريخ التسجيل
    Mar 2006
    الدولة
    في بيتنا
    المشاركات
    1,036
    معدل تقييم المستوى
    2

    افتراضي

    :9ar:


    ههههههههههههههههههه

    متحمسه من قلب

    بس والله رهيبه امه



صفحة 1 من 3 123 الأخيرةالأخيرة

المواضيع المتشابهه

  1. ".".".".".".".".".".".". لعشــً‘ــآقٍ النعوٍمٍ "."."."."."."."."."."."."."."."."
    بواسطة ملكة الذوق في المنتدى عالم حواء
    مشاركات: 13
    آخر مشاركة: 14-07-2009, 04:44 AM
  2. ":":":":":":":":":":":":":":":":مساءٍ النــً‘ــوٍرٍ ":":":":":":":":":":":":":":
    بواسطة ملكة الذوق في المنتدى الارشيف
    مشاركات: 3
    آخر مشاركة: 03-02-2009, 10:09 PM
  3. شوووفوو الموظفين الاجانب """"""""""""""""""""""""""""""""""""
    بواسطة عزوز166 في المنتدى الارشيف
    مشاركات: 3
    آخر مشاركة: 28-04-2007, 05:45 PM
  4. مشاركات: 18
    آخر مشاركة: 03-01-2007, 11:51 PM
  5. مشاركات: 24
    آخر مشاركة: 24-12-2006, 05:00 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52