النتائج 1 إلى 4 من 4

الموضوع: ترانا ما نقاطع في وصلهم ولو هم قاطعينا

  1. #1
    ... عضو ذهبي ...


    تاريخ التسجيل
    Apr 2007
    المشاركات
    674
    معدل تقييم المستوى
    1

    Sad ترانا ما نقاطع في وصلهم ولو هم قاطعينا

    [poem=font="simplified arabic,4,darkred,bold,normal" bkcolor="transparent" bkimage="" border="double,9,sienna" type=2 line=0 align=center use=ex num="0,black"]
    شبعنا من عناهم وإرتوينا=وعند رسوم منزلهم بكينا

    وعقب فراقهم شنّا وحنّا=وحنّينا وثم إنّا عوينا

    وسايمنا وساقمنا وحنّت=لنا حتى المنازل والعنينا

    ونادينا وقلنا خبّروهم=ترانا من محبتهم نعينا

    وثرنا من مفارقهم نحلنا=وكان فراقهم طوّل فنينا

    إذا جيتوا منازلهم فقولوا=لهم بأقوالنا يا راحلينا

    ترانا للذي قالوا سمعنا=وبللي هم بغوا منّا رضينا

    وكل شروطهم نقدم عليها=قدمنا بالذي فنّوا علينا

    وترانا من مخالفهم رجعنا=وهوّنا عقب ماحن عصينا

    وثرنا في محبتهم حفرنا=وسيّسنا ومن فوقه بنينا

    وثرنا في محبتهم ربطنا=ووثّقنا وثر فيها عضينا

    وثرنا في محبتهم سكرنا=وتيّهنا وثرنا مهتدينا

    وفيها آه.. وآ ويلي غرقنا=وهدّينا الجدا وبها سنينا

    نخينا من يذكّر بالمروّه=لأهل الذات والشيمه عزينا

    تكلّفنا وهم عنّا براحه=وذبنا وهم عنّا غافلينا

    وناموا وارقدوا واحنا سهرنا=عليهم وهم رويوا وإلتظينا

    وهذا الحب بالزفرات يشوي=ألا يا ويلكم يا عاشقينا

    يلين من المحبه كل قاسي=ولو قلبه حجر يازم طحينا

    وأنا من حر فرقاهم عليهم=تعلّمت النياحه والحنينا

    أرى راعي الهوى مازال يلعي=ولو تحت الثرى يلعي دفينا

    تحمّلنا الهوى حتى هلكنا=ولولا الحب ما والله لعينا

    ولا نحنا ولا صحنا وقلنا=لكم يا أهل المودّه خاضعينا

    ولا قمنا نسال الوصل منهم=ونحنا لا نبالي لي عطينا

    بَرَمنا وافتلوا هيهات نقضي=وهم لي من بَرَمنا فاتلينا

    أقول إشلون ياهذي مصيبه=وسوّاها الهوى يا ناس فينا

    أنا ماأدري ومن يدري متى هم=لنا عقب التعذّب راحمينا

    ومن في النار لي عُذّب يسامح=ويخرج من له الإسلام دينا

    ونحنا في تعذّبهم خلدنا=عجب والله ونحنا مسلمينا

    وراهم ماعفوا والعفو سنّه=علام قلوبهم عيت تلينا؟

    أفكان نفوسنا زلّت وعالت=وأخطينا وكنّا مذنبينا

    فنحنا للعفو منهم طلبنا=وفي حد القصاص لهم مشينا

    وتبنا من عظيم الذنب تبنا=لوجهك يا غفور التائبينا

    حلفنا ما نعود بعزّة الله=غلّظنا علينا بألف دينا

    برب البيت والكعبه وزمزم=إله العرش رافع طور سينا

    حشا لله ما نخطي عليهم=وإن عدنا فإنّا ظالمينا

    وإن نكذب فإن الله ربّي=يقول إنّي لعنت الكاذبينا

    ومن يمكر ورب البيت ظامن=ومكره فوق مكر الماكرينا

    إلهي أسألك ترحم محمد=بجاه المصطفى والتابعينا

    أسالك بالزبور ومن نزل له=وبالقرآن وآياتٍ تلينا

    بتوراةٍ على موسى سألنا=وبإنجيلٍ على عيسى دعينا

    تلامي ما تفرّق من شملنا=وتجعلهم علينا راجعينا

    علي إن عوّدوا ستين ليله=أصوم أيامها نذرٍ يمينا

    وكان استبعدوا عنّا وقفّوا=وعافوا قربنا لمّا دنينا

    ترانا ما نقاطع في وصلهم=نواصلهم ولو هم قاطعينا

    نصافيهم على طول الليالي=ولو ماهم غدا كدرٍ وطينا

    ولا والله ننسى لو نسونا=على طول الليالي والسنينا

    ولو قلنا بننساهم كذبنا=وقلّ الصدق منّا وافترينا

    قطعك الله يا ورقٍ تغنّي=تذكّرنا.. على بالك نسينا

    فلو أبطت بنا الدنيا وطالت=حشا لله ما عنهم سلينا

    ولا فيهم نلين لقول عاذل=ولا نسمع ملام اللائمينا

    ولو هم بالمودّه بدّلونا=فلا حن عقبهم متبدلينا

    عساهم في الرخاء لو عذّبونا=نراهم في النعيم مخلّدينا

    طووا عنّا كتاب الوصل واحنا=بيبطي عن وصلهم ما طوينا[/poem]
    شعر: محمد بن عبدالوهاب الفيحاني

  2. #2
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي

    من اجمل القصائد

    اخي راشد الخالدي صح نقلك

    والله يرحم الشاعر : محمد بن عبدالوهاب الفيحاني

    دمت بخير

  3. #3
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    راشد الخالدي

    ابداع في هذا الانتقاء المميز

    صح لسان شاعرها-

    كلك ذوق- اشكرك

  4. #4
    ... عضو ذهبي ...


    تاريخ التسجيل
    Apr 2007
    المشاركات
    674
    معدل تقييم المستوى
    1

    افتراضي

    ذربـ


    أشكر حضوركـ الجميل أخي .!

المواضيع المتشابهه

  1. يعني ترانا في عز
    بواسطة ملفى ـآ آلرٍيم في المنتدى الارشيف
    مشاركات: 4
    آخر مشاركة: 22-02-2008, 05:09 PM
  2. مشاركات: 32
    آخر مشاركة: 06-01-2008, 01:28 AM
  3. ترانا في مكــان عــام ....
    بواسطة ذكريآت الأمس في المنتدى قصائد وخواطر
    مشاركات: 16
    آخر مشاركة: 25-09-2007, 12:43 AM
  4. ((( أن كنت رجال وعمرك ملايين ... حنا ترانا رجال توووو ماكبرنا ))))
    بواسطة محمــد القعيــقعي في المنتدى قصائد وخواطر
    مشاركات: 10
    آخر مشاركة: 17-01-2006, 02:30 AM
  5. ترانا نعرف نقرأ
    بواسطة xXXأسير الشووقXXx في المنتدى الارشيف
    مشاركات: 8
    آخر مشاركة: 28-10-2005, 04:46 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52