صفحة 1 من 3 123 الأخيرةالأخيرة
النتائج 1 إلى 5 من 14

الموضوع: قصايد مختاره و متنوعه !!

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Asl قصايد مختاره و متنوعه !!

    قصائد اخترناها لكم





    أحفظ دبشك اللي عن الناس مغنيك
    اللي ليا بان الخلل فيـك يرفـاك
    وأعرف ترى مكة ولاها بناخيـك
    لو تطلبه خمسة ملاليم ما أعطاك
    والحر مثلك يستحي يصحب الديك
    وإن صاحبه عاعا معاعات الأدياك


    بركات الشريف



    مقامالفتى في منصب العز ساعة
    ولا ألف عام يصحب الذل صاحبه


    راشد الخلاوي



    من عوّد العين المنـام تعـوّدت
    ومن عوّد العين المساري تعاود
    ومن عوّد الصبيان أكـل بيتـه
    عاودوه في عسر الليالي الشدايد


    راشد الخلاوي



    ليا عاد ما للرجّال رأيٍ يدله
    يأخذ من أشوار الرجال دليل


    الشريف جري الجنوبي



    فتـى بـلا عـزم حياتـه مذلـة
    والعزم لقلـوب الرجـال طبيـب
    من لا صبر بالعسر ما ذاق يسرها
    وباب الفرج للصابريـن قريـب


    محمد الأحمد السديري



    الحمّرة تـدرك معوشـة عيالهـا
    وألا الرجل يبغى منه بعض الأحوال


    خلف أبو زويد الشمري



    منحـل دار النـاس حلّـوا ديـاره
    لابد مـا تسكـن ديـاره ويغبـن
    ومن شق ستار الناس شقوّا ستاره
    ومن ضحك بالثرمان ضحك بلا سن


    شالح بن هدلان



    النوم رأس اللوم بان الردى بـه
    واللي يبي الطولات نومه شلافيح
    الذيب ما يرقـد ورزقـه نهابـه
    يدوّر الغـرات عنـد المصاليـح
    واللي يبا الطولات يتعب ركابـه
    والعز بأكوار النضا ياهل الفيـح


    مريبد العدواني



    من لا يديس الرأي من قبل ما ديس
    عليـه داسـوه العيـال القرومـي
    ومن لا يقلّط شذرة السيف والكيس
    يبدي عليه مـن الليالـي ثلومـي
    والقصر ما يصلح على غير تسييس
    ومن لا تعلم مـا تفيـد العلومـي


    تركي بن حميد



    الناس ما تسقيك لا صرت عطشان
    ولا يشرب المضمي كود من ذراعه
    أضرب على الكايد ليا صرت بحلان
    وعند الولي وصل الحبل وإنقطاعه
    عيبٍ على اللي يتقي عقب ما بان
    وعيبٍ طمان النفس عقب إرتفاعه


    عبيد العلي الرشيد




    حيٍ يورّيـك المذلـة وتغليـه
    أنا أشهد إنك ميت القلب عامي
    من لا يوّدك لا توّده وترجيـه
    أرفع مقامك يا عزيز المقامي



    محمد الأحمد السديري



    لايأمن المظهود جمع المعـزة
    ولا يأمن الجمع العزيز الظهايد
    أيضا وبيت الفقر لا يأمن الغنى
    وبيت الغنى لا يأمن الفقر عايد


    راشد الخلاوي



    لا تأخذ الدنيا خراصٍ وهقوات
    يقطعك من نقل الصميل البرادي
    لك شوفةٍ وحده وللناس شوفات
    ولا واديٍ سيله يفيض بـوادي


    عبدالله بن سبيّل



    يا بايعٍ جوخٍ على غير أهاليـه
    مثل الذي ينزل بقصـرٍ خرابـه
    ولد الردي لو طاب لك لا تماشيه
    يومين والثالث يبين الردى بـه


    مشعان بن هذال



    الأجواد إن قاربتهم مـا تملّهـم
    والأنذال إن قاربتها عفت ما بهـا
    الأجواد وإن قالوا حديثٍ وفوبـه
    والأنذال منطوق الحكايا كذابهـا
    الأجواد صندوقين مسك وعنبـر
    ليا فتحت أبوابها جاك مـا بهـا
    والأنذال لو غسّلوا ايديهم تنجّست
    نجاسة قلوبٍ ما يفيد الدواء بهـا


    محمد المهادي



    شابت لحانـا مـا لحقنـا هوانـا
    وعزي لمن شابت لحاهم على ماش


    مناحي بن معدل السهلي



    يا ابن حمري عزتي للي على الغبن iiيتصبّر
    يرسم البسمه على وجهه وهو في أخس حاله
    كن ما للغيض في صدره سحـاب لا iiتزبّـر
    بالرعد والبرق والماء والبرد يصدق iiخياله
    لاضواه الليل شاف اضغاث حلـم iiمايعبّـر
    ضاق باله ضيقةٍ من وطي أثرها ضاق iiباله
    ولا أقبل النهار بالنور وظلام الليـل iiدبّـر
    خذا يومه بأوله في رحلة آلآمـه iiوآمالـه
    يجبره وقته على عرف النشامـا iiوالمثبّـر
    ويعتزل ذولا لجل ذولا ولو يبطـي iiلحالـه
    خل نقال الكـلام يقـول مغـرور iiوتكبّـر
    الكبر للواحد الفـرد الصمـد جـل iiجلالـه
    خوي الرديان يبشر له بكسـر مـا iiيجبّـر
    ماله منهم غيرما لرشا الغروب من iiالمحاله


    القرقاح



    اللي كتب له بيت والحقه بيتين
    ثم شاف نفسه دوم فوق العابدي
    قالوا مجدد فالنبط زاد بحريـن
    واكبر فحول الشعر عنده تقادي
    الشعر مايرفع مقامات واطيـن
    ولا شجّع الجبان يوم الطـرادي
    الشعر زينٍ بس وسط المياديـن
    وان ثارت الهيجاء يعوّد دوادي



    غير معروف



    أنا قصيدي دايـم الـدوم مضبـوط
    يا هاض جاشي ما تجي فيه الاغلاط
    كل بيت في شعري تره يعتبر نـوط
    ما ظنه يعلّق على صـدور ضبـاط


    سلطان شايم الشمري



    ان قلت بيت الشعر مغلق ومربوط
    يجيك من يربط لك البيـت بربـاط
    ان كان شب النار في عود مشخوط
    الشعر نار وحضرتي عود شخـاط


    سويلم مقبل الرمالي



    القاف بيتي ...والبحر لابـن بطـوط
    والغار يسكن فيه عقرب..ا و.. وطواط
    والختـم قالـو للشهـادات محطـوط
    والفلسفه.. تر.. سيده كـان سقـراط




    شعرك عسل من كل الأزهار مخلوط
    وكنه ذهب أربع وعشرين قيـراط
    ما يغلبونك دام باقي بـه خطـوط
    ما تتغلب دام الدبل فيـه محتـاط



    سعود عيد الرشيدان



    ياللي حرمت السمع مبطي من الصوت
    لا تحـرم المشـتـاق رد الرسـالـه
    أيام عمـري معْـك لحظـات وتفـو
    وش ينفعـك لاراح عمـري بـدالـه
    يعني عشان اسمك على القلب منحوت
    ماعد تسأل صاحبك ..كيف حالـه..!


    غير معروف



    الخصر كنه قطن مـن صنـع نـداف
    مبـروم وتغطيـه زيـن النفانـيـف
    حسبي على ثـوبٍ تضايقـه الارداف
    كنه يقول لضايق الثـوب يـا حيـف
    يصيبنـى لاشفتهـا جـن وشـعـاف
    وأونس بصدرى مثل وصف العواصيف


    غير معروف



    راحت عسى يفدا ثراها مية حـيّ
    وفدالهـا سكـان كـل المديـنـه
    غرنوقـةٍ تأمـر عليّـه وتنهـيّ
    غرنوقـةٍ مثـل الجواهـر ثمينـه
    غرنوقةٍ لوهي على الناس تبـديّ
    خفت لها كـل العقـول الرزينـه
    مامثلها مـن شـيّ مازيهـا زيّ
    ولافيـه زيٍ تلبسـه مـا تزينـه
    ياعين من له عين فيها بحر غـيّ
    وياجسم من له جسم نحله ولينـه
    ياكيف ابنسى نظرتك لا ضحكتـيّ
    وحجاجك اللي بالزعـل تنفضينـه
    وياكيف ابنسى ضمتك وسط حظنيّ
    لباّ نسمك اللـي علـي تنسمينـه


    غير معروف



    برقٍ مصدٍ عنك لو به لـك نـور
    بالك تخيله لـو ربيعـك شفاقـه
    من لا استشارك لا تعدّي له الشور
    ومن لا يوّدك نور عينـك فراقـه


    الشاعرة الدقيس الجمّيليّه



    انا غرامي بنت من يذبـح الحيـل
    بنت اللذي للطيـب يسكـن ديـاره
    راعي الدلال الصفر والبن والهيـل
    فكاكـه الانشـاب ماهـي عيـاره
    كم شيخ قومن طاح في عجت الخيل
    بسيوفهم ينـزف وتبكـي صغـاره
    واخوانها صقورن تحدى الرجاجيل
    والكل منهـم محتكـم فـي قـراره
    وعمانها وقـت الملاقـا حلاحيـل
    لاشفتهم قلـت إشبلاهـم سكـاره


    غير معروف



    يا عدو الشعر والشعـار
    عديت انـا شايـم الاول
    تلقاه دايم بخـط النـار
    ولا ظنتي يوم يتحـول
    يا من دخل يسبر المعبار
    في ساحه الشعر يتجول
    شعره تغنو به السمـار
    الجيل هـذا مـع الاول
    يعجبك ما يقبل المحدار
    على الصداره ولو طول


    سعود الرشيدان



    يا هلا ومرحبتيـن كبـار
    ببن رشيـدان يـا حـول
    اعادك الله عليـه امـرار
    حين" على الارض تتجول
    يا سعود تر للصديق ادوار
    يمدح قصيـدي ويتهـول
    وانا ترتيبي مع الشعـار
    لانا الاخير ولا انـا الاول


    رد الشاعر شايم الشمري



    يا سعود حالي سمها ناعم العـود
    الموت يمي ارسله خيـل وركـاب
    بجيدا" ومجدولا"على الردف موجود
    ونجلا" يقدن الحشا وسط الاهداب
    وغرا" مثل حب البرد ما بهن زود
    يلفهن وردا" بـه العطـر جـذاب
    بحر الهواء ماله مواثيق وعهـود
    تلاطم امواجه ونا منـه مرتـاب
    كل ما بغيت اترك طريقه ولا اعود
    احس يجذبني الى الشوق جـذاب


    .جديع العبدالكريم



    يا مرحبا يا جديع ما ذعـذع النـود
    واعداد ما يرقب على راس مرقـاب
    جتني بيوتـك كنهـا زهـر و ورود
    واحترت فيي وصفك ولو قافها طاب
    يا جديع والله مالهـا حـد وحـدود
    قريتها بليل الدجـا والقمـر غـاب
    رقيت به يـم العـلا حدنـي كـود
    وحدرت به حتى قضبت حبل واطناب
    الزين مثل المزن يـا رزت رعـود
    كلا" يخيل المـزن يـا رش بتـراب


    رد سعود الرشيدان



    لو جو صدري صار للمملكـه جـو
    ماتوا ضما سكانهـا فـي ثوانـي
    ولو كان صدري للبشر مصدر الضو
    باشعاعه احرق ساكنيـن المبانـي
    ياناس مهما الناس صاحوا وعانـو
    مافيه ابد مخلـوق مثلـي يعانـي


    سعدي الرمالي



    كتائـب العـز يالقسـام
    ماههمهم كـل صهيونـي
    ترسل صواريخ تو قسـام
    مروعـه كـم مليـونـي
    أولمرت يالخبـل ماتنـلام
    لو صرت فالحرب مجنوني
    شارون من فعلهم ماقـام
    ميت ولاهـوب مدفونـي


    أبيات لــ " ابو هليل "..



    دنياً طوتني في سرابيلها طـيّ
    وانا بخير ومير عيني حزينـه
    راحت عسى يفدا ثراها مية حيّ
    وفدالها سكـان كـل المدينـه


    الشاعر سعود



    تسوين نور العين يومك حظرتيّ
    وتسوين روحٍ معك راحت رهينه
    درب الهوى من بعدك اقول له ديّ
    الدرب باسمك عندنـا خاتمينـه


    غير معروف



    القلب بيروت حبّك وأنت ماترحـم
    لارحت أزيّن خرابك جيت خربّتـه
    لاتقتحمني وجرح القلـب مايلحـم
    صبري وهو رآس مالي معك جربّته


    غير معروف



    امّـر مٌـر مَـر فـي دنيتـي لـي
    وامَر مٌـر مَـر لـي فـي حياتـي
    ليا جاني العاني وانا مامعـي شـي
    ودي تجينـي قبـل ياتـي وفاتـي
    ان اعتذرته ضن ضـن الـردا بـي
    وانا الردا ماهو صفه مـن صفاتـي
    اضحك واهليبه وانـا منكـوي كـي
    من خوفي التقصير فـي واجباتـي
    ومن لااشتهر بالجود صيته وهو حي
    ماطالع له صيـت عقـب المماتـي


    سعدي الرمالي



    لا خضوع المهانه ولا رجوع الوراء
    ثابت" في مكانـي بالعـلا موقعـي
    شمري من سلاله طي بـه نذكـراء
    معتلي في سنام المجد هـو منبعـي
    كيف بالوقت واحد ما درى ولا دراء
    كيف عايش زمان الحسد بلا مسمعي
    ما التفت للحسود اللي علي انكـراء
    غاض من فعل شمر ما طلع مطلعي


    سعود الرشيدان



    ابي اتمنى منوة الكيـف واختـار
    لوكان يصبحن التماني على فوش
    اربع دلال مركيـات علـى النـار
    بيض خوات وفوقهن كل طربوش
    هدف المذالق كارهن حب الامصار
    ياحافهن من نقوة الغوش مدغوش
    بطفحنن تقدم على حامـي النـار
    ازرق قفاها لحامي الجمر مفروش
    واصفر غريب باللحن يدعي الجار
    توه لفا من دار الامصار شايوش
    ومكلفن قوطيهـن صنـع بيطـار
    وممثل من ناعم الصفر منقـوش


    عدوان اهربيد



    ان قلتها تبشـر بقلبـي ونعيمـه
    افتح مقاصيـر الحشـا والحنايـا
    وان قلت ابصبر لين اشوف العزيمه
    ترني على نار الصبـر والشظايـا
    وان قلت مالـك بالغـلا اي قيمـه
    يكفي ولاتزيـدي وراهـا خطايـا
    لاتستهينـي بالقلـوب الحليـمـه
    انصح لسانـك لا يحقـر الخفايـا
    انابمعزه وبشـرف والـف قيمـه
    عمي تميمـي والخـوال الطنايـا
    ماقد وطينـا بالـدروب الوخيمـه
    لاقـد غدرنـا ولاجهلنـا النوايـا


    ناصر البكر



    يامل قلـبٍ .. مابقـي الا عراشـه
    ماباقي(ن) من .. جله.. الاعراميش
    يوم(ن) سالي.. القلب دافٍ فراشـه
    المستريح اللي من الهـم.. مانيـش
    يرقد ..ونومه في محاجـر رماشـه
    ماله على دروب المراجل نغاميـش
    ماذاق من صكـات الايـام طاشـه
    ولا هام.. للجزلة يدور .. المحاويش


    محمد صنهات العتيبي



    لو هي على الكيف دايم كان ما فأنت
    دنيا بن آدم لا كن الوقت متحـادي
    تلين للي يجـاء هدهـا ولا لانـت
    لفت وقفـت ودور زملهـا الغـادي
    تتعب على دروبها الريجيل لا شانت
    وقامت تعكم دروب الطيب بعنـادي
    اللي يبون الجميلة لا هقـو خانـت
    تمضي حيات الكريم بشيل وجهادي
    ولا الردي منسدح ويشوفها زانـت
    جتله على الكيف يأكل رز ورقـادي
    لو يقرص الوقت فوقه دمعته بانـت
    خاو من الصبر هش الجأش وربادي


    محمد صنهات العتيبي


    شاعرة بنت أبن رخيص من شمر مات ابوها وهي صغيره
    وكلما جاء خاطب يخطبها لاتقبل إلا الطيب مهما كان وقد
    ارسلت هذه القصيدة لعمها (( شفاقة ))





    تـقـول رحمـهـا الله
    يا راكب فـوق لحاقـه
    حمرا تقل واشعة دمـي
    اسلم وسلم على (شفاقة
    اللاش لايرسلـه يمـي
    حلفت انا ما اخذ العاقة
    لو آكل العمر عند امي
    إلا لمن يحتمي الساقـة
    لا درهم الجيش والتمي




    وهذه شاعرة أخرى تشكي زوجها البخيل وجبان وعنين




    حظ الندم جاب لـي هقـاش
    وانا من البيـض مملوحـة
    لا هـو كريـم ولا هـواش
    والخيل مـا صقلـت عـوده
    شاف الفريش فرش وانحاش
    يبـغـى مـنــام ورا ذوده
    يا ( يوه ) انا بنهزم وانحاش
    ماني على النـذل مجبـورة


    وهذه الشاعرة بيضاء العتيبية سمعت بان الفارس
    كديميس قد أصيب في معركة فقالت





    يا لجتي لجـة عريـب مشاميـس
    ضحي وحر الشمس بالقيظ دانـي
    عليك يا مرذي طـوال النسانيـس
    مودع سمان الهجن مثل السوانـي
    ان كان ما جاني عليهن كديميـس
    والا احفروا قبري ترى الموت جاني



    وهذ الشاعرة الجازي السبيعية رحمها الله تزوجت ابن عسكر
    امير المجمعة سابقا فكرهته وقيل انها اكلت السم وماتت وقال
    لقيت بأكل الســـــم يا عم راحة




    أخيـر مـن رجـل بليتـن بلامـاه
    شفي (( سبيعـي )) يتالـي طياحـة
    أخير من (( قصر أبن عسكر)) ومبناه
    إن مـت حطونـي بوسـط البياحـة
    قبري علـى درب المظاهيـر تاطـاه



    وهذه الشاعرة نافعة المطيرية تقول في جماعتها





    يـا راكـبٍ عمليـةٍ تقطـع الخـوف
    عمليـةٍ والسـر مـن تيـه الاحـرار
    رمسراها من ( كشب ) مع حقة الشوف
    والعصر يقهرها مـن القـوز ويسـار
    ملفاك من نشره يوالـي بـه الخـوف
    ربعـي مسقيـن المعاديـن الامــرار
    وجدي عليهم وجد من طـاح مكتـوف
    بنحـور قـومٍ ولعـوا فوقـه الـنـار
    أو وجد مـن ذوده معاشيـر وخلـوف
    طرايـدٍ قــدم المناعـيـر عـبـار

  2. #2
    ... V I P...


    تاريخ التسجيل
    Jul 2008
    الدولة
    بعيــداً عن الواقـع
    المشاركات
    4,322
    معدل تقييم المستوى
    6

    افتراضي


    ليا عاد ما للرجّال رأيٍ يدله
    يأخذ من أشوار الرجال دليل



    الله عليك..

    مبدع دائما بروعة اختياراتك العذبه..

    مجهود رائع..وقصائد أروع..
    تسلم يمينك ولاهنت..
    ربي يسعدك..

    لنقاء قلبك----->$222

  3. #3
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Rose

    اقتباس المشاركة الأصلية كتبت بواسطة أصدق احساس مشاهدة المشاركة

    ليا عاد ما للرجّال رأيٍ يدله
    يأخذ من أشوار الرجال دليل



    الله عليك..

    مبدع دائما بروعة اختياراتك العذبه..

    مجهود رائع..وقصائد أروع..
    تسلم يمينك ولاهنت..
    ربي يسعدك..

    لنقاء قلبك----->$222
    هلا والله

    اصدق احساس

    وتسلمين ع الرد الذوق ياذوق
    شهاده افتخر فيها من انسانه رايعه
    وياعل الله يسلمك ويعافيك عزيزتي

    اشكرك على هذا الحضور العطر والعذب
    واتمنى لك النجاح والتوفيق يارب

    ودمتي على العز

    كوني بخـــــــير
    لاكووووووون

  4. #4
    ... V I P...


    تاريخ التسجيل
    Mar 2008
    المشاركات
    2,499
    معدل تقييم المستوى
    3

    افتراضي


    ياسلام عليك
    صح لسان {الشاعر} وتسلم الانامل على القصيده الذوق
    الف شكر.. لك,,

  5. #5
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    اقتباس المشاركة الأصلية كتبت بواسطة اميرة العنود مشاهدة المشاركة

    ياسلام عليك
    صح لسان {الشاعر} وتسلم الانامل على القصيده الذوق
    الف شكر.. لك,,

    هلا وسهلا

    با الامـــــــيره

    وصح ابدنك طال عمرك
    والعفو من ابسط حقوقكم
    وابسط ماقدمت لكــــــــــم

    وياعل الله يسلمك لاهنتي ع الحضور
    واتمنى لك التوفيق والنجاح
    والله يحرسك يارب

صفحة 1 من 3 123 الأخيرةالأخيرة

المواضيع المتشابهه

  1. صور مختاره
    بواسطة ابوبندر في المنتدى الارشيف
    مشاركات: 3
    آخر مشاركة: 21-02-2008, 05:29 AM
  2. من اجـــــمل قصايد الأمير سعود بن بندر الله يرحمه عدة قصايد منوعه
    بواسطة حيران في عالم النسيان في المنتدى قصائد وخواطر
    مشاركات: 14
    آخر مشاركة: 30-11-2007, 07:17 AM
  3. ابيات مختاره
    بواسطة ][ هـــذا انـــا . . . ][ في المنتدى قصائد وخواطر
    مشاركات: 2
    آخر مشاركة: 28-11-2005, 09:34 PM
  4. وصايا مختاره
    بواسطة al-shmaly في المنتدى الارشيف
    مشاركات: 2
    آخر مشاركة: 03-10-2005, 03:19 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52