صفحة 1 من 2 12 الأخيرةالأخيرة
النتائج 1 إلى 5 من 8

الموضوع: المسألة - الشاعر محمد جارالله السهلي

  1. #1
    ... عضو نشيط ...


    تاريخ التسجيل
    Feb 2008
    الدولة
    ••[ المدينه فديتهآ ]••
    المشاركات
    84
    معدل تقييم المستوى
    1

    افتراضي المسألة - الشاعر محمد جارالله السهلي

    ألسلام عليكم ورحمة الله وبركاته

    من اجمل مانزف الشاعر / محمد جار الله السهلي

    احضّـرك واتلـوا عليـك البسملـه
    والفاتحـه والغاشـيـه والزلـزلـه
    واعلّمـك وش الحديـث المنطقـي
    من شان تعرف كل شـي ٍ تجهلـه
    خدمه .. بقدمها بـلا شـرط وثمـن
    يا صاحب آفـاق الخيـال الممحلـه
    وماهيب من بـاب المـوّده والغـلا
    لكّن من بـاب احتـواء البلبلـه !!
    كنت احسب ان سود الليالي ربّتـك
    واثرك على نفـس العلـوم الاولـه
    موّسـوس وحالتـك حالـه مزريـه
    الحلـم قدامـك وعاجـز تاصـلـه
    على مدار العام مـن قـل الثقـه :
    بينك وبين الشـك والريبـه صلـه
    ذكائك المزعوم حاجـه مؤسفـه !!
    تضحك علـى تفكيـرك وتستغفلـه
    سويت نفسك فاهم الوضـع وذكـي
    وكليتها يا بـو الشبـاب مفلفلـه !!
    ما احد ٍ جبرك تضيع وسط المعمعه
    وتستصعب الموقـف ولا تستسهلـه
    القصد واضـح والمعانـي واضحـه
    ليه اتمادى فـي الحكـي وتؤّلـه ؟
    طويق ثابت والجبـل يبقـى جبـل
    فلنعتبـر هــذا ســؤال وعلله ؟!
    شفت ان مالك بالثقـه موطـأ قـدم
    كـب الغـرور المفتعـل ولاّ اقتلـه
    وان عوّدت نهـج وقناعـات وفكـر
    الاجوبه ترضـي غـرور الاسألـه
    المرجله لا صارت هايـط وشعـر
    مـا عـاد ابيهـا لعنبوهـا مرجلـه
    وان كانهـا مواقـف وقـول وفعـل
    ماعندي الا : تـم وابشـر وازهلـه
    خذ لك نصيحه كانت تسـام بجمـل
    يا مسيلمه او بالاصح يا عبهلـه !!
    لا عاد تخطب في شبـاب المجتمـع
    ريّح .. وخل الدين والنصـح لهلـه
    ولا عاد تشهد زور فارجـاء البلـد
    وتبقى كذا مـن مرحلـه لا مرحلـه
    حتى ابليس بيستحي من كذبتـك !!
    من كبرها ما هيب من ضمن عملـه
    واليا بغيـت الجـد سجّـل مايلـي
    واستحملـه واستوعـبـه واتقبـلـه
    ماهوب عيب انـك تغيّـر منهجـك
    العيـب وانـواع الخطـا والمهزلـه
    انـك تجـي كلـك وتستنقـد فئـه
    على فعل وانت اول اللـي يفعلـه !!
    راجـع حساباتـك وفكّـر واتعـض
    واضرب على نفسك جميع الامثلـه
    ان كان ما انت بكلهـا مثَـل مثَـل
    مـاوالله اقـول الشعـر واسترسلـه
    خلاصة الموضوع كله ( من - إلى )
    بيت ٍ يوضح لك غموض المسألـه :
    أنا .. لو اني مـا لعبـت بحسبتـك
    ما كان يسبب لك قصيدي مشكله !!


    [rams]http://www.6rbtop.com/library/resources/sh-mohammed_jar_allah_alshli/collection/listen/32128_hi.ram[/rams]

  2. #2
    أطيّر وموطني عينك .,


    تاريخ التسجيل
    Jul 2007
    الدولة
    الريــآض
    المشاركات
    4,529
    معدل تقييم المستوى
    5

    افتراضي

    [align=center]




    أنا .. لو اني مـا لعبـت بحسبتـك
    ما كان يسبب لك قصيدي مشكله !!


    صح لسآنه ولاهنت أخوي ع النقل

    أختيآر جميل .,[/align]

  3. #3
    ناظر جموح الخيل تعرف عزتي


    تاريخ التسجيل
    Aug 2008
    المشاركات
    518
    معدل تقييم المستوى
    1

    افتراضي

    سويت نفسك فاهم الوضـع وذكـي
    وكليتها يا بـو الشبـاب مفلفلـه !!


    هههههههههههههه

    الله يعليك ياامحمد كبيير

    مشكوور اخوي لاهنت

  4. #4
    ... V I P...


    تاريخ التسجيل
    Jul 2008
    الدولة
    بعيــداً عن الواقـع
    المشاركات
    4,322
    معدل تقييم المستوى
    6

    افتراضي

    المرجله لا صارت هايـط وشعـر
    مـا عـاد ابيهـا لعنبوهـا مرجلـه


    ابيات غايه في الروعه..وهذا مو غريب ابد على المبدع محمد جار الله..

    تسلم يمينك اخوي..ولاهنت..


    أعذب التحايا,,

  5. #5
    اجمـل انسـآآنــه


    تاريخ التسجيل
    Dec 2006
    الدولة
    قــلب أبـــوي
    المشاركات
    1,127
    معدل تقييم المستوى
    2

    افتراضي

    وان كانهـا مواقـف وقـول وفعـل
    ماعندي الا : تـم وابشـر وازهلـه


    صح لسـاانهــ

    الابيآآت رووعهــ ,,

    لاهنت ...

صفحة 1 من 2 12 الأخيرةالأخيرة

المواضيع المتشابهه

  1. الشاعر أحمد مطر » ما قبل البداية
    بواسطة çяγzǝ нïlɑlγ في المنتدى قصائد وخواطر
    مشاركات: 10
    آخر مشاركة: 02-10-2010, 12:18 AM
  2. الشاعر محمد الفليج يرثي صديقه الشاعر ابن جلعود المنجلي السهلي /صوتيه
    بواسطة الحوراء بنت نجد في المنتدى قصائد وخواطر
    مشاركات: 7
    آخر مشاركة: 18-09-2008, 05:52 AM
  3. بااســـافــر / محمد جارالله السهلي
    بواسطة الــفــارس في المنتدى قصائد وخواطر
    مشاركات: 12
    آخر مشاركة: 19-12-2007, 09:56 AM
  4. ( تنـهيــد ناي ) .. للشاعر محمد جارالله السهلي ..
    بواسطة ذكريآت الأمس في المنتدى قصائد وخواطر
    مشاركات: 18
    آخر مشاركة: 28-02-2007, 12:14 AM
  5. +[ ... محمد جار الله السهلي ...]+
    بواسطة ة_ة في المنتدى قصائد وخواطر
    مشاركات: 9
    آخر مشاركة: 07-01-2007, 02:42 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52