صفحة 1 من 3 123 الأخيرةالأخيرة
النتائج 1 إلى 5 من 11

الموضوع: غـــبينه

  1. #1

    ][ عــضــو الـتـمـيـز ][


    تاريخ التسجيل
    Nov 2006
    الدولة
    بقلب الاستراحه
    المشاركات
    5,902
    معدل تقييم المستوى
    6

    Cry غـــبينه

    رفيف الماء .. وفجر العيد .. وأحزان المواني
    يا أكثر أهل الأرض طيبة قلب .. وأسرار دفينه



    المكان اللي هنا .. مليان ضحكات ، وأغاني !
    والكلام اللي بغيت أقول .. يحتاج لـ سكينه !



    شوفي الركن البعيد هناك .. كنه صدر حاني
    هذا هو اللي يليق بـ شاعر وبنت حزينه !



    أنسي الشارع ، وعتمات الزوايا، والمباني
    هاتي يدينك نلف الغيم ونشكل مدينه !!



    عندي الليلة كلام وصمت .. وأخاف الثواني ..
    تظلمه .. أو تظلم اللي فيه كم ضاعت سنينه



    بس لازم تسمعين اللي أبي ولا تراني
    لو بـ أعيده لك .. نسيت .. ورحت أقول اللي تبينه



    شي واحد قبل ما أبدأ .. ما أبي أي شي ثاني
    يخطر فـ بالك .. وأنا أكشف لك شعور تجهلينه !



    إن أنا .. وبكل ما تحمله "أحبك" من معاني
    كنت،وراح أبقى أحبك .. لين .. مدري وش هو لينه !!



    بس والله ماقدرت أنسى .. ولا همي نساني ..
    لا ذكرت إنسان .. فيه أسرار مابينك وبينه



    كل ما تطري علي فكرة هواك الأولاني
    أشعر إني أنطعن مليون مره من يدينه!



    أشعر إن عيونك.. الله ما خلقها إلا عشاني !
    كيف كانت تبتسم له؟!.. قولي إنك تخدعينه !!



    صورة إنه كان يمسح دمعك .. تزلزل كياني
    وكيف كان يلم شعرك .. ويتبعثر في يمينه



    حتى اسمك يوم رحت أدللـه .. حظي رماني
    .. بنفس الاسم اللي يقول .. بذمتك ماهي غبينه !؟



    وكني اللي .. كل ما أناديك بالاسم الفلاني
    أطلب النسيان .. يترك منه شي تذكرينه !!



    لا تظنيني أناني .. لا .. أنا مانيب أناني
    لو سلمت من الغرق . بـ أموت في ظهر السفينه!



    يا إني ما أكمل،وأعاني .. أو أكمل ثم أعاني
    .. كل ما اسمع طاري اسمه .. أو تجي عيني فـ عينه!



    أيــنا كان الضحيه ؟.. وأينـــا اللي كان جاني ؟
    مدري !.. ولكن قراري لازم إنك تقبلينه:



    مثل ما أكره فكرة إنه واحد ياخذ مكاني
    ما أقدر أجلس في مكان إنسان.. كنتي تعشقينه

    منقول
    للشاعر فهد المساعد

  2. #2
    ... V I P...


    تاريخ التسجيل
    Jul 2008
    الدولة
    بعيــداً عن الواقـع
    المشاركات
    4,322
    معدل تقييم المستوى
    6

    افتراضي

    الله الله..

    كنت ابحث عن بيت او بيتين يميز القصيده..قلم أجد..لانها من أولها الى أخرها نسج متكامل يأسر القلوب..

    رائعه رائعه بحق..

    صح السانك يافهد المساعد والابداع ليس غريب على مثله..


    عذابي غير..

    نقلت فأمتعت..تملك ذائقه شعريه جدا رائعه..


    وتستاهل التقييم..

    سلمت يمينك..ولاعدمنا رقي انتقائك..

    لاهنت..

    أعذب التحايا..,

  3. #3
    ][ ..شــاعــر مـمـيـز.. ][
    تاريخ التسجيل
    Feb 2009
    المشاركات
    140
    معدل تقييم المستوى
    1

    افتراضي

    اخوى صح لسانك قصيده رائعه لاهنت ولاهان شاعرها

  4. #4
    ( أم دحيم )


    تاريخ التسجيل
    Jul 2006
    الدولة
    بحجر أمي
    المشاركات
    1,748
    معدل تقييم المستوى
    2

    افتراضي

    [align=center]
    مثل ما أكره فكرة إنه واحد ياخذ مكاني
    ما أقدر أجلس في مكان إنسان.. كنتي تعشقينه


    ^^

    ياوييييييييييييييل تسبدتسسسسسس يا ووحده


    وهـ قوية هالقصيده

    يلموني بـ فهد المساعد


    قسم بالله انك راقي ياعذابي


    اختيار بالثمنيات والله

    تسلم[/align]

  5. #5
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,288
    معدل تقييم المستوى
    16

    افتراضي

    صح لسان الشاعر


    ولاهنت ياعذابي على النقل




    تحيتي


    حيران

صفحة 1 من 3 123 الأخيرةالأخيرة

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52