النتائج 1 إلى 5 من 5

الموضوع: آحسـاس الفقــير..،

  1. #1
    ... V I P...


    تاريخ التسجيل
    Jul 2008
    الدولة
    بعيــداً عن الواقـع
    المشاركات
    4,322
    معدل تقييم المستوى
    6

    Wilted Rose آحسـاس الفقــير..،

    السلام عليكم ورحمه الله وبركآته



    صباحكم| مسائكم..آحاسيس مترفه..،




    أقرؤها بكل رويه







    علمتني المترفه : وشلون احس اني ثري !!
    نصبّتني عرشها ،، ونصبّتها عرش الحصير
    بس انا .. علمّتها بصدقي واصالة جوهري :
    كيف يحتاج الغنّي .. لخبزة احساس الفقير !!


    اشعلي يا نجمة العشاق - ليلك – واسهري
    امشي بنفس الطريق .. وجرّبي نفس المصير
    وبلّغي صادق تحياتي / لحزني ، وقهري
    يوم كان الشوق لا يرحم .. ولا عندّه ضمير


    وان تعبتي من دروب العشق واضناك سفري
    اذكريني .. تستريح : الريح / ويطيب : المسير
    واذكري .. تاريخي الموؤود بانقاض دهري
    شهقة : الخطوه ( الأخيره ) .. طيحة : الحلم ( الكبير )


    رحلة آمالي .. فتات اوراقي .. اطلال صوري
    سكرة اشعاري .. رماد ضلوعي .. احساسي الوفير
    وغدرك اللي .. ما احترم صدري ، ولا صان ظهري
    وطعنة ٍ من يومها ما مرّت ايامي بخير


    طيري بسرب امنياتك .. واوصلي للمُشتري
    وانثري خواطرك في واحة الليل الضرير
    اذبلي .. وتساقطي .. وتكسّري .. وتبخّتري
    وامطري على جدار الذاكره / كحل وعبير


    سولفيني للبنات اليا تقصّوك خْبري
    لا صدح ضحك العذارى وجلسن حول الغدير :
    كان .. يا ما كان ../ وتغصّ الحروف ، وتنقري :
    (سالفة حزني ) بصفحة خدك : الدمع الغزير !!


    كان شاعر – غير – لا ابو الطيّب ولا البحتري
    كل ما قال : آآه .. جمهوره من الفرحه يطير !!
    كانت افكاره : كنوز ٍ توهب وما تنشري
    يجتمع على موائدها المشرّد ، والأمير


    اصبعه لا من كتب على ال/ ثَّرَى .. يُصبح / ثََرِِي !!
    كيف اجل لو ينظم ابياته من خيوط الحرير ؟!
    كان .. يا ما كان ..... / ويسافر سرابك لنهري
    وتشهق بصدرك طيوفي من ورا ضلع ٍ كسير


    فارس ٍ باسه شديد ، ويسكنه قلب ٍ جري
    ولا رزَقه الله حصان ابيض ، ولا سيف ٍ شطير !!
    سولفيني وان تغشّتْك الدموع ، اتذكّري
    يوم كان الحلم نهر .. وكانت عيونك هدير


    ويوم كنت آخاف ما يعجب عيونك مظهري
    وانحني منشان ما يفضحني الثوب القصير !!
    اسألي كل الشوارع ، والحدايق ، واظفري !!
    كيف كنت بكل يوم اهديك ( باقة ورد ) غير ؟؟


    كنت اوقّف بآخر الشارع .. واراقب .. واحتري ..
    لين يهدا الجو .. وانتقّى لك الورد النظير
    كل ما امر بْرصيف يقول : خلّصت زهري !!
    وكل ما اقطف ورده .. اللي جنبها / منها : تغير !!


    ( اسألي شباكك الوردي .. وش اردى بنظري ؟؟
    لا قعدت الف قبلة بيتكم كني غفير !!
    كنت احاصر غرفتك بجيوش عيني وبصري
    كن لي عش ٍ بشباكك وكن العين طير !!)


    آآخ .. لو عشتي انتظاراتي ، وشفتي منظري
    لا سألني جاركم : وش بك هنيّا تستدير ؟؟
    و- المصيبه – دايماً عذري : مضيّع دفتري !!
    يبتسم ، ويروح – وانا مصدّق انْ عذري خطير !! –


    و ، بس يدخل .. اسمعه يضحك بصوت ٍ مُزدري !!
    (- حنّا بالعطله ، وصاحبنا على الدفتر سهير !! )
    اسألي الجدران .. عن خط ٍ عجز لا ينقري !!
    علّم الجدران ( مالم تعلم ) في بوح الضمير


    اسألي امي .. عن كدر بالي وضيقة خاطري
    لا سألتني: يااا وليدي وشبك ؟؟ .. ورد الزفير
    السواد اللي على جفوني من آثار سهري
    لو عرفتي كيف كحّلني به .. الليل المرير


    كنت لا جا الليل .. قلّطته على الجفن الطري
    لين نصّبني السهر لعيون خلق الله سفير !!
    وان نفاني للسهر - يا مترفه – حكم قدري
    هالسهر يا ما نفى لي من ضحاياه الكثير


    والبياض اللي تشوفينه تنامى بشْعري
    من مظاليمه : هلال اعرج / ونجم ٍ مستجير !!
    يا رُفات الطيش في تابوت الاحلام البري
    من خذلني بالبدايه .. كيف اصونه بالأخير ؟!


    ما بقى لك غير بعضي .. واستميحك باكثري
    ضاع .. مثل النور لما ضاع عن عين الضرير
    مثل ما ضاعت عصافيرك عن اغصان شجري
    مثل ما ضاع الامل عن صبح شباكي الصغير


    وما بقى لك غير سالفتي .. وشعري .. وصوري
    سولفيهن للشموع الحمر .. والفرش الوثير
    للستاير .. للأساور .. للحاف السكّري
    للهدايا .. للتحف .. للمزهريّه .. للسرير


    واوعدك .. وقت الحصاد .. اتجاهل الجوع / العُري
    بس لاجل اكتب حروف اسمك بحبات الشعير !!
    ولاجل اعلّم هالزمان المستبد العنصري
    كيف يحتاج الغني لخبزة احساس الفقير !!





    لـ الرائــع..خلف الكريع


  2. #2
    إنسان عادي ..}


    تاريخ التسجيل
    Mar 2006
    الدولة
    الساحل الشرقي .
    المشاركات
    4,001
    معدل تقييم المستوى
    5

    افتراضي رد: آحسـاس الفقــير..،

    رائــــعــه بهذا الاختيار العذب
    خلف شاعر .. والواضح من كتاباته ان لها بوقعه شي كثير ..
    اصدق احساس شكرا بحجم جمال ما نقلتيه ..



    .

  3. #3
    ... V I P...


    تاريخ التسجيل
    Apr 2007
    الدولة
    Eastern
    المشاركات
    5,019
    معدل تقييم المستوى
    6

    افتراضي رد: آحسـاس الفقــير..،

    من أختارها هي أصدق أحساس .. إذا هي جميله بلا شك

    ليست مجامله أقرأوا:

    كان .. يا ما كان ..... / ويسافر سرابك لنهري
    وتشهق بصدرك طيوفي من ورا ضلع ٍ كسير

    ....
    كنت لا جا الليل .. قلّطته على الجفن الطري
    لين نصّبني السهر لعيون خلق الله سفير !!


    وغيرهم الكثير ..

    شكرا لك

  4. #4
    مشرف سابق

    تاريخ التسجيل
    Jun 2008
    الدولة
    الـريـآض
    المشاركات
    5,157
    معدل تقييم المستوى
    6

    افتراضي رد: آحسـاس الفقــير..،

    يعطيك العافيه اصدق احساس :25ar:

  5. #5
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,288
    معدل تقييم المستوى
    16

    افتراضي رد: آحسـاس الفقــير..،

    صح لسان خلف

    وتسلم اوصيبعاتك يا اصدق على النقل


    تحيتي لتس




    حيران

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52