قلت ياقلبي الله لا يجيـب افـراق
ويازمن بالله لاتفرق بيني وبينـه
خذته الأيام مني من وسط معلاق
والقلب يتبعه طفل زايـد ونينـه
آه ياولي أنا كيف البعـد حـرّاق
وكيف النفس من افراقـه حزينـه
يجري نهر الغلا له فاليوف دفـاق
يطفي لهيب الصدر وحامي حنينه
أشتاق له أشتاق أشتـاق أشتـاق
والشوق لى صار له الله يازينـه
يمسي فعيوني ويصبح فالخفـاق
سيد الرجال سيد قلبي ومضانينـه
رنين الهاتف عقبه ما عاد ينطاق
لا بو هاتفي من عقبه لابو رنينه
أحن لصوته مسا في لحظة إعناق
أحن ل (صباح الورد) من بساتينه
بانتظاره أبقى أنا وكلـي أشفـاق
أنتظر ملقاه لي ومصافـح يمينـه
يحفظه لي ربي البـاري الخـلاق
ويفداه عمر عين لو ضاعت سنينه



- يــــاقلبي الله لا يجيب افراق -