صفحة 1 من 2 12 الأخيرةالأخيرة
النتائج 1 إلى 5 من 7

الموضوع: يارب تسهـل الامـر وتزيـن الاحـوال

  1. #1
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي يارب تسهـل الامـر وتزيـن الاحـوال

    يارب تسهـل الامـر وتزيـن الاحـوال
    ترانـا بـلا رحمتـك هلكـا ومتهاويـن
    **
    ولا عندنا غيرك ليا صك جـال(ن) جـال
    ضعـوف الاوادم ياقـوي فيـك متقويـن
    **
    ابي رحمتك حي وفـي القبـر والاهـوال
    نهار الحسـاب مشيـب الرضـع الولديـن
    **
    لنا حقوق وعلينا حقـوق وماحـط يشـال
    زمـان يخلـي ضاحكينـه مـن الباكيـن
    **
    ماينزل به الراحـل ويرحـل بـه النـزال
    ومواعيدنـا واجالنـا كـل شـي بحـيـن
    **
    فياحـظ مـن طابـت فعايلـه والاعمـال
    وياشين حـظ اللـي لاوحـده ولا ثنتيـن
    **
    هبوب الزمـان وكنتـه والبـراد اشكـال
    تقلب بـه الدنيـا واهلهـا علـى الجنبيـن
    **
    ولا اقسى على الصاحيين من كثرة الجهال
    ولا اصعب على الجهال من سطوة الصاحيين
    **
    عسى الله يصيب مـدور الشـر بالسـلال
    وعسانـا لاظـلّام ولاحـن بمظلومـيـن
    **
    ولانطـرد المقفـي ولانـكـره الاقـبـال
    ولانخطي اليـا صـار مانقبـل المخطيـن
    **
    لو انهـم تناسـوا فعلنـا مانقـص مثقـال
    من اللي تناسوا جعلهـم دايـم(ن) ناسييـن
    **
    ولا تذكرونـا غيـر فـي حـزة الانكـال
    ليا اشتدت الازمة وخالط صفا الماء طيـن
    **
    نطب الخطر والخوف والموت طب هبـال
    تقـول اننـا بمقابـل المـوت مستـريـن
    **
    بنفنـى وتفنـى عيالنـا بـس لانــزال
    عزاز النفوس اللـي علـى حقنـا عييـن
    **
    على الراس طاقيه ومـن فوقهـا دسمـال
    ومـن فوق دسمالـي عقـال(ن) يميـل يميـن
    **
    ولـو ماتحـوش ايماننـا مـال مانهتـال
    لو الوقت عاري وجه عشنـاه مستوريـن
    **
    ابو خمسة لاقـل مـن قيمـة ابـو ريـال
    فآبـو نص يقدر يقتل احلام ابـو قرشيـن
    **
    مايوجعك يالسائـل سـوا جفـوة السـؤال
    ليا صرت تقضي دين ظهرك بمثلـه ديـن
    **
    ولا فيه بيت(ن) سالم(ن) من بعض الاشكال
    وهدامـتـه قـلـه وبنايـتـه كثيـريـن
    **
    لنا ماضي وحاظر مانبكي علـى الاطـلال
    مايبكي على الاطـلال ياكـود محروميـن
    **
    لهم ماضي(ن) حلوى لكن حاظر(ن) بطّـال
    وذولا عرب موتـى ولآعادهـم حييـن
    **
    تقـل العوايـد يـوم تتعاقـب الاجـيـال
    وسلوم الرجـال الاولـه تتعـب التالييـن
    **
    ولو نذكر اللـي راح ياويـل حـال وال
    والبعـد روحـوا شيباننـا الزحـل الوافييـن
    **
    موصيننا بالصدق فـي القـول والافعـال
    وفي جمعة تهتاب مـن قوهـا الطامعيـن
    **
    غدينا شتات وحن عيال(ن) علـى رجـال
    رخصنا والاجناب اصبحوا عندنا غالييـن
    **
    نحب الجمل والحمـل ونعـذرب الجمـال
    وهو اللي يقود الزمل من ويـن اليـا ليـن
    **
    مـن اول يـوم القـل والمـال ماينطـال
    قبل شركة الكهرب تنـور بيـوت الطيـن
    **
    يوم ان الرفيق اغلى من الـروح والمنـزال
    ويوم ان الرفيق ان غاب نفقده فقد(ن) شيـن
    **
    وذلحين الاخ يقاطع اخـوه حيـل وحـال
    ولا حسّتـه الايـام ولا غـراب البـيـن
    **
    اخوي ابن ابوي ان كان مايـردع العيـّال
    اليا عال فيني رحت به في ( سند الاثنيـن)
    **
    ابيعه كـذا واشـرب ورا بيعتـه فنجـال
    وانا دون عمري قبل يولـد الـى ذلحيـن
    **
    جروح العرب تبرى وجرح الاخـو قتـال
    وجرح العرب واحد وجرح الاخو جرحيـن
    **
    ولـو يبتلـى والله ماخليـه ليـن يـهـال
    علي القبر ولا انتصف لـه مـن الغاوييـن
    **
    يقولـون جيبـك اكبـر اخوانـك العقـال
    وانا اقول وقفة الاخ تسوى كنوز الصيـن
    **
    عطاني الزمن كل شي الا مـره واطفـال
    عسى الله يكمل زينتي فـي الحيـاة اميـن
    **
    لاتحزن ولا تزعل تماسـك وهـد البـال
    ترى العاقل اللي يحسب حساب وقته زيـن
    **
    رفيقك تحمـل لـه ثـلاث لاشـك ثقـال
    لكن رابعته افطن لها واخـذ حـق وديـن
    **
    والاولاد وهبـه لاعمـام(ن) ولا بخـوال
    عسى الله يصلح ماعطانـا مـن ال***يـن
    **
    ياكم بنت خامل جا ولدها بطـل الابطـال
    وكم بنت شيخ(ن) جا ولدها قصيـر ايديـن
    **
    زكـاة العـوال معاكستهـا زكـاة المـال
    لاطاب الك واحد فادفـن عوالـك الباقييـن


    ***

  2. #2
    كبآآر الشخصيآت

    تاريخ التسجيل
    Oct 2006
    المشاركات
    13,510
    معدل تقييم المستوى
    17

    افتراضي رد: يارب تسهـل الامـر وتزيـن الاحـوال

    ذرب المعاني
    تعودنا منك جميل الشعر وشكرا لك على نقلك الجميل
    تحيتي
    ظميان غدير

  3. #3
    مشرف سابق

    تاريخ التسجيل
    Mar 2010
    الدولة
    •مملكتي•
    المشاركات
    6,480
    معدل تقييم المستوى
    7

    افتراضي رد: يارب تسهـل الامـر وتزيـن الاحـوال

    ماشاء الله ياذرب
    بصراحه قصيده لا يعلى عليها

    شكرآ لك

  4. #4
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,288
    معدل تقييم المستوى
    16

    افتراضي رد: يارب تسهـل الامـر وتزيـن الاحـوال

    صح لسان الشاعر

    وتسلم يدينك ياذرب على النقل

    تحيتي لك

  5. #5
    مشرف سابق

    تاريخ التسجيل
    Aug 2008
    الدولة
    بين قلمي ودفتري
    المشاركات
    5,921
    معدل تقييم المستوى
    6

    افتراضي رد: يارب تسهـل الامـر وتزيـن الاحـوال

    مرسي ذرب

صفحة 1 من 2 12 الأخيرةالأخيرة

المواضيع المتشابهه

  1. يارب تسااااااعدونن :(
    بواسطة Lajah..~ في المنتدى الارشيف
    مشاركات: 12
    آخر مشاركة: 26-07-2010, 10:45 PM
  2. ..][.. ياقلبي هـذي الدنيـا ودايـم تنقلـب الاحـوال ..][..
    بواسطة وفيت وخانتني في المنتدى قصائد وخواطر
    مشاركات: 28
    آخر مشاركة: 26-02-2008, 09:34 AM
  3. يارب
    بواسطة بهيه في المنتدى الارشيف
    مشاركات: 7
    آخر مشاركة: 04-03-2007, 07:57 PM
  4. ..هيئـه الامـر بالمعـروف والنهـي عن المنـكر ..
    بواسطة سعودي وايلي في المنتدى الارشيف
    مشاركات: 12
    آخر مشاركة: 25-06-2005, 04:41 PM
  5. يارب
    بواسطة سهام في المنتدى الارشيف
    مشاركات: 8
    آخر مشاركة: 11-02-2005, 12:16 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52