النتائج 1 إلى 2 من 2

الموضوع: الارهاب في السعودية واثارو علينا

  1. #1
    ... عضو جديد ...


    تاريخ التسجيل
    Jul 2005
    المشاركات
    1
    معدل تقييم المستوى
    0

    افتراضي الارهاب في السعودية واثارو علينا

    شبااب وقيرلز لو تفتكرو خلال السنتين او التلاتة اللي فاتو كلمة ارهاب دي عمرها ما كانت تيجي او حتى تذكر في وسطنا الا كمزحة بالكتير يعني الشي اللي ابغا اقولو هنا انو بلدنا دي تعتبر اكتر بلد امان في العالم

    بس ايش اللي صار؟؟
    مجموعة من المتشددين بداو يعملو منظمات لها نشاطات ما يقبلها لا ديننا الاسلامي ولا عاداتانا وتقاليدنا ولا حتى المنطق ممكن يتقبل دي النشاطات اللي بيسووها

    خلينا نشوف ايش نوعية النشاطات دي

    تفجير,قتل ارواح بطرق انتحارية ومين الناس المستهدفة بدي النشاطات
    زمااان كانو يقولو الامريكان شوية بداو يغيرو مفاهيمهم وسارو يقولو اي شخص بغير ديانة الاسلام ودحين؟؟

    ما شاء الله اتطورت افكارهم لدرجة انهم سارو يقولو انو حتى المسلمين العصاة والمؤيدين للكفار لازم يقتلو كمان؟؟ دا منطق دا

    كل اللي اقدر اقولو انو دول العالم متعرضين لغسيل دماغ فظيييع

    يعني نشووف مثلا الي سار قبل فترة لو تزكرو في القنصلية الامريكية

    اقتحمو السفارة في عز الضهر وقدام كول الناس وبطريقة كانت جدا عنيفة

    ايش نتيجة الفعل دا اللي سار؟؟

    الحراس المساكين اصيبو بطلقات رصاصة ومنهم مين كانت حالتو خطرة جدا
    دولا مو مسلمين؟؟
    دولا مو سعودييين؟؟
    دولا مو اوادم عندهم عوائل بياكلوها ويصرفو عليها ويعيلوها ايش زنبهم انو هوما بيؤدو واجبهم ناحية وطنهم؟؟
    ايش كمان سار؟؟
    ناس جوة القنصلية انقتلو لانهم كانو موجودين جوة وبس مو لكونهم امريكان او حتى كفرة
    ايش كمان سار؟؟
    كم واحد مننا كان عندو اخوانو ولا اخواتو ولا اولادو في المنطقة القريبة من هناك كم واحد مننا اتجن عليهم يبغا يطمن عليهم مو عارف كيف كم مننا خرج زي المجنون عشان يروح يجيبهم كم واحد مننا اتحجز كشبهة وهوا ما سوا شي لمجرد تواجدو في مكان قريب من هناك؟؟
    دا كولو نتيجة فعل واحد بس من افعالهم
    انتو عاد استنتجو الباقية

    ازا احنا شوفنا الموضوع من ناحية اسلامية نستدل بالرسول عليه الصلاة والسلام لما كان عندو جار يهودي كان يعاملو كاسوأ ما يمكن والرسول باشارة من يدو الكريمة كان ممكن يامر بقتلو لو يبغا لكن بدل دا كولو لما مرض اليهودي الرسول راح زارو

    نروح لشي تاني في ديننا الحنيف

    ديننا امرنا نعطيهم الامان طالما هوما موجودين في وسطنا وما بيحاربونا وطالما انهم بيحترمو ديننا وعاداتنا ودا اللي كانو دولا الاجانب بيعملو هوما جو يدورو فرص عمل وقامو حتى بنهضة وطننا الرشيد بفضل الله سبحانه وتعالى ثم بفضل حكومتنا اللي عرفت تختار العناصر المهمة اللي تقدر تقومنا لنقص خبرة ابناء البلد
    واتعلمنا من دول الاجانب كتير ودول ساعدونا في ادارة ممتلكاتنا وفي مشاريعنا كتيرر
    سواء كان دا الاجنبي مسيحي ولا يهودي ولا حتى بوذي
    ادوني سبب واحد عشان ينقتلو عشانو؟؟
    دولا الناس لا حول لهم ولا قوة لو جات المسالة للقتال او الحرب وايش غلطة اولادهم وحريمهم انهم ينقتلو وهوما في عز نومهم زي ما سار في الكامبوندات في الرياض قبل فترة؟؟
    لما الارهابيين هاجمو الكامباوندات واصوات الانفجارات تغطي على صريخ الاطفال والحريم؟؟
    دحين قولولي كيف نقدر نحكم عالاسرائيلين ازا احنا بنسوي اخس منهم

    وعودة للافكار الاسلامية مرة تانية ياهو الذنب في مكة بيضاعف ل10000
    ودولا باسم الاسلام يصنعو الاسلحة ويخبوها في مكة ويخططو ويحاربو الاسلام في وسط مكة وبكل وقاحة باسم الاسلام
    دا كتير
    ايش الفرق بينهم وبين اللي يتسمى الجاسوس النايم
    دا الجاسوس اللي بينقل اسرارنا لاعدائنا بيحطمنا من برة بس دولا اخس دولا مننا وفينا وبيحطمونا من جوة

    الاشياء دي ما بتجيب للاسلام الا السمعة السيئة
    والفكرة عن الاسلام انو دين ينفع للعصور القديمة وبس حيث انو ما يؤمن الا بالسيف والدم
    ودا الشي جدا بعيد عن الاسلام وحقيقتو ويعتبر تشويه له

    ونيجي لعاداتنا مين فينا اتعود انو يخرج في الليل خايف تسيرلو مصيبة؟؟
    ولا احد كونا كولنا امنين ومبسوطين
    دحين؟؟ تخرج اخر الليل ولا اي وقت منتا ضامن نفسك
    الشوارع اكترها اتقفلت وسرت زي الضايع الجنود والعسكر المساكين كول واحد فيهم بياخد شفتو مستني الموت برصاصة ولا قنبلة؟؟ يا جماعة دي بلد الحرمين مو فيتنام
    ربنا اعطانا نعمة الامن والامان واحنا بندمرها بيدنا
    وفي الاخر ما اتمنا الا انو ربنا يساعد بلدنا وحكومتنا ويحمي شبابنا وبناتنا من شر هادي الاعمال ودعوة للجميع بالوقوف يد بيد في وجه دي الاعمال عشان لا تأثر لا علينا ولا على حاضرنا ولا على مستقبلنا ودمتم

  2. #2

    ][ عــضـو التمـيـز ][


    تاريخ التسجيل
    Mar 2005
    الدولة
    In my motherland
    المشاركات
    4,362
    معدل تقييم المستوى
    5

    افتراضي

    مشكور اخوي على الطرح .. والموضع هذا تناقشت فيه لين داخ راسي




    الله لايهنيك وحيااك



    سعوووووووووووووووووووودي وايلي

المواضيع المتشابهه

  1. مشاركات: 17
    آخر مشاركة: 04-04-2008, 11:14 PM
  2. نفط خالي من الارهاب
    بواسطة روقــــــــــ في المنتدى الارشيف
    مشاركات: 0
    آخر مشاركة: 12-02-2007, 09:35 PM
  3. تصميم خكاريه للحملة ضد الارهاب / صوره
    بواسطة )(اسير الاحزان)( في المنتدى الارشيف
    مشاركات: 7
    آخر مشاركة: 31-01-2006, 11:47 AM
  4. الارهاب
    بواسطة مجاذي في المنتدى الارشيف
    مشاركات: 2
    آخر مشاركة: 13-05-2005, 01:06 PM
  5. ضد الارهاب .......
    بواسطة aldoobah في المنتدى قصائد وخواطر
    مشاركات: 8
    آخر مشاركة: 16-02-2005, 05:50 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52