صفحة 1 من 4 123 ... الأخيرةالأخيرة
النتائج 1 إلى 5 من 19

الموضوع: [ وتردني عِزتـي والشـُوق ذابحنِي ]

  1. #1
    مشرف سابق

    تاريخ التسجيل
    Dec 2009
    المشاركات
    4,138
    معدل تقييم المستوى
    6

    Email [ وتردني عِزتـي والشـُوق ذابحنِي ]














    مَحمَدْ الحُويمانْي / شَاعِرْ يَمتلكُ الِإحساسْ الوَارِفْ
    فَ يُمتِعنْا بِ مَعزُوفاتهِ الَأنيّقَة وَ يُسقيّنْا مِنْ عُذوبهِ حُروفهِ بِ سخَاءْ
    وَ جَمالَاً لَا يُضاهيّهِ جَمالْ فَ كَمَا عَرفنْاه يَكتبُ لِ أَجلِ الشِعرْ وَ لَا يَرضَىَ سِوىَ
    بِ التَحليقِ عَاليّاً بِ سماءاتِ المُبدعيّنْ بِ صُحبةِ مَشاعِرهِ الجَميّلةْ .




    " ثَمانْ سنيّنْ "

    ذكرتها يالمكان وجيتـك أغني
    ...... (سويتها يازمن ..لكن وتاليها ؟!)

    ذكرتها والدروب لصوبك أخذني
    ...... ياأتلى العهد في سوالفها وفي يديّهـا

    بنتٍ لو أملك قلوب الناس ماظنّي
    ...... تكفيني أحـزن عليها كثــر ماأغليها

    هنا نخيت الزمان ولا سمع مني
    ...... هنا فقدت أجمل أيامي بمــا فيها

    فإن كنت تقدر ترد الصوت طمنّي ..
    ...... عنهـا بعد مامشـت والدمع غاشيـها

    عن وجهها اللي (ثمان سنين) ساكنّي
    ...... من وين ماألد عيني قمت أنــاديها !!

    ياكثر ماأكذب على نفسي ولكني
    ...... مجبور وأستبعد إن الصدق ينجــيها !

    إلى متى يالمكان ..أشتاق لك كني ..
    ...... بألقى أثر لإبتسـامتها وأغانيـــها

    البنت راحت خلاص ومالي ألّا أني
    ...... من قلبي (أدعي لها ) لا حــل طاريها

    سويتها يازمـن ..وأبعدتـــها عني
    ...... أبيض وجه يازمن ...طيّب وتاليها !؟

    علم مجــــاهيمك اللي من صغر سني
    ...... تارد على (بير حزني ) لين ترويها

    لو يقدر الحزن يـسرق ضحكتي مني
    ...... تبقى دموعي بأمــوت وما قدر فيها
    .
    .
    .

    للتحميل اضغط على الرابط

    http://www.alhwimani.com/movies/thmanSneen.mp4





    " زَرعَتْ وجَنيّتْ "

    ليت الورق يقرا وش اللي كتب فيه ..
    ...... و ليت القلم يدري وش اللي جرا به ..//

    ان كان ما تمسي فـ صدري مشاريه ..
    ...... و لا اتضايق لو تضيق الرحابــــه ..//

    وا. صوتي اللي عجزت الناس توحيه ..
    ...... غريب يوم اصوات غيري تشابــه ..//

    البيت بيتك و المواري مـواريـه ..
    ...... لـكـن كـبـرت و لا كـبـر معك بـابـه ..//

    و الناي لو نقض جروحك بـ أغانيه ..
    ...... جروح غيرك نقضتـهـا ربـابـه ..//

    ما هو يتيم ان كنت انا اللي مغنيه ..
    ...... و لا هـو فـقـير ان كان جرحي زهابه ..//

    و الغايب اللي يغري الشعر طاريه ..
    ...... مـا قــل قــدره لــو يطَــول غـيـابـه ..//

    كم لي و انا احث القصايد تخليه ..
    ...... حتـى تلاشـت رغـبـتـي في الكتابـه ..//

    و الشعر لو يفقد حروفه و اساميه ..
    ...... مـدري وش اللـي بعـدها ينبغابــه ..//

    احترت بين اعتب عليه و اراضيه ..
    ...... اخـاف لا يـجـرح رضــاه بـ عـتـابـه ..//

    أحيان أقول آبيـهـ , و أحيان ماآبيـهـ ..
    ...... الا ابــيـه و لـو يـبــي لـي عـذابــه ..//

    يـ اللي تجونه دامني مااقدر آجيه ..
    ...... وصــوا ذهـابه .. لا يـشح بــ ايـابـه ..//

    و قولوا له اني من كثر ماني أغليه ..
    ...... اشـرب ســرابـه و ارتوي من سرابه ..//

    و على كثر ماانسى اذا قلت ناسيه ..
    ...... دار الــزمان و جـاب عشقــه و جـابـه ..//

    حنيت لـ أيامه و ضحكت لياليه ..
    ...... قـبلـه و بـعــده كـل وقـتـي رتـابـه ..//

    ان لمت قلبي عاقبتني محانيه ..
    ...... و ان قـلـت أبرضا عـز نفسي رقابـه ..//

    البارحه كنت اكسر الروح و انهيه ..
    ...... كان الـورق ارض و عيـــوني سحابـه ..//

    زرعت مااحبه ولا عاد لي فيه
    ...... و جنـيـت احـبــه لو يطـول غـيـابه ..//



    " أَطهَرْ مِنْ الغيمْ "

    حسبي على الشعر نوب و نوب حسبـي لـه
    ...... نـوبٍ يخفـف علـي ونــوب يجرحـنـي

    عسانـي اخـطـي رداه وهـزلـه وميـلـه
    ...... واصيـب شـيءٍ لـيـا قلـتـه يربحـنـي

    والله يسامـح خـطـاه وســوء تأويـلـه
    ...... وانـا علـى زلـتـي ربــي يسامحـنـي

    النـاس كـلٍ علـى هـمـه يغـنـي لــه
    ...... وغنيت ل.. أصغر همومي وانكسـر لحنـي

    ياصاحبـي صاحـبـك كـثـرت غرابيـلـه
    ...... ولا بـه الا انــت يشعـربـي ويلمحـنـي

    وين انت يـا أطهـر مـن الغيـم وهماليلـه
    ...... ياللـي ليـا مـر لـك طــاري يفرحـنـي

    جاد بَـك كـف الزمـان وشـح مـن ليلـه
    ...... شـف كيـف الايـام ماتبغـى تريحـنـي!!

    وشلـون ابنسـاه وانـا اصغـر تفاصيلـه
    ...... تسـر حالـي ولـو حـال الزمـن محـنـي

    صوته , وضحكه , حـور عينـه , مظاليلـه
    ...... صباح وجهـه , عسـى وجهـه يصبحنـي

    ربكـة يدينـه , شـذى عطـره , ومنديلـه
    ...... برأتـه , طيشـه ان حــاول يمازحـنـي

    اجيه , و أوقف , و أروح ألقاني أجـي لـه
    ...... وأضيق , و أرضى , ولا ادري من مصالحني

    ادل كـل الـدروب الـلـي تــودي لــه
    ...... وتردنـي عـزتـي والـشـوق ذابحـنـي

    ياكثـر حزنـي عليـه وكبـر حبـي لــه
    ...... وياطول صبري وانا اللـي صـدق جارحنـي

    يااطهر مـن الغيـم وأعـذب مـن هماليلـه
    ...... ياللـي ليـا مـرّ لـك طــاري يفرحـنـي

    أخطيت انا وانت , نفس (الجـرح والليلـه)
    ...... وسامحـك قلبـي وعيـا لا يسامحـنـي!!!!



    " وُرودُ الدُنْىَ أَبعثُهَا لَكُمْ مُحمَلةٌ بِ الوِدْ "





  2. #2
    مشرف سابق

    تاريخ التسجيل
    Oct 2007
    الدولة
    حــلم رومنسـيه
    المشاركات
    5,830
    معدل تقييم المستوى
    6

    افتراضي رد: [ وتردني عِزتـي والشـُوق ذابحنِي ]

    قصائد رااااااااائعه بروووعتك

    صح لسانه وسلمت اناملك على النقل الجميل

    يعطيك العافيه يالغلا

  3. #3
    ... عضو نشيط ...


    تاريخ التسجيل
    May 2010
    المشاركات
    152
    معدل تقييم المستوى
    1

    افتراضي رد: [ وتردني عِزتـي والشـُوق ذابحنِي ]

    ,

    ,

    قصائــد جميلة تعتــلي سمــاء المنقول
    تســلمين على هــذه الذائــقة

    .

    .

    .

    ودي :25ar:

  4. #4
    كبآآر الشخصيآت

    تاريخ التسجيل
    Oct 2006
    المشاركات
    13,510
    معدل تقييم المستوى
    17

    افتراضي رد: [ وتردني عِزتـي والشـُوق ذابحنِي ]

    قصائد رائعة وجميلة
    شكرا لك على حسن الانتقاء خيالية
    دمت ذواقة
    تحيتي
    ظميان غدير

  5. #5
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,288
    معدل تقييم المستوى
    16

    افتراضي رد: [ وتردني عِزتـي والشـُوق ذابحنِي ]

    صح لسان ابن العم


    خياليه اسم على مسمى دوم يطربني منقولاتك

    ذائقتك الشعريه . لها طعم


    تحيتي لك

صفحة 1 من 4 123 ... الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52