صفحة 1 من 3 123 الأخيرةالأخيرة
النتائج 1 إلى 5 من 13

الموضوع: الشاعِر الِإنسانْ سالمْ سيّارْ }~

  1. #1
    مشرف سابق

    تاريخ التسجيل
    Dec 2009
    المشاركات
    4,138
    معدل تقييم المستوى
    6

    Rose الشاعِر الِإنسانْ سالمْ سيّارْ }~











  2. #2
    مشرف سابق

    تاريخ التسجيل
    Dec 2009
    المشاركات
    4,138
    معدل تقييم المستوى
    6

    Rose






    يعتبر سالم سيار , من شعراء الكويت الذين برزوا بشكل كبير جداً ,
    وهو من الشعراء القلائل الذين يبحثون عن التميز في كتاباتهم وقصائدهم .
    ربما كان الجدل حول شاعريته وأفكاره كثيرا ً . ولكنه يحمل من مقومات الشعر الكثير ,
    وخصوصا الإبداع في الفكرة والطرح .

    إنسان قبل أن يكون شاعر ,
    إمتلك قلوبنا فأبكانا بشاعريته التي وصلت لأعماقنا ,
    من الصعب التحدث عن سالم سيار بسطرين لذا ستكون كل الشهادات مجروحة
    بشاعريته وإنسانيته فهو شاعر وطن وشاعر موقف وشاعر إحساس قلما نجد
    شاعراً مكتمل المقومات .

    برز في الساحة الشعرية
    و استطاع أن يحرر نفسه وشعره و يصبح مميز عن غيره
    أستطاع خلال سنوات الماضية أن يحتل مرتبة متقدمة بين نجوم الشعر الشعبي .
    ولكن الأمر الذي يحسب للشاعر سالم سيار هو ملامسته لهموم مجتمعه بمختلف
    أنواعها , فتنوعت قصائده الاجتماعيه وأخذت طابعآ إنسانيآ خالصآ يتسلل بين الناس
    فيتذكر الابن العاق والدته فيقبل جبينها , ويتذكر الأخ اخاه فيصالحه ,
    ولايزال سالم ينفض الغبار عن الشعر الرتيب الذي يحاصرنا ليخرج من خلال شعره
    بريقآ إنسانيآ جميلآ تلمسناه فأحسسنا بدفئه وحنانه وصدقه .

    الحديث عن سالم سيار
    هو الحديث عن الوطن و الأنسانيه و الشعر الحقيقي الذي أختفت ملامحه
    في زمن المحسوبيات , فهو الشموخ الذي أستطاع بشعره أن يصقل الكثير من الشعراء
    ويحولهم من مسيره الشعر التقليدي إلى أن يصبحوا شعراء قضايا يكتبون عن نبضِ
    الشارع وعن آلام المجتمع.
    فَ دائماً ما نجدُ لروحه فلسفه خاصه ونكهه جميله لا يشبهها إلا غذاء
    الروح عندما يضيق الفضاء بعمر الأنسان , كيف لا يكون هذا الشاعر مثال للشعر ,
    وهو من أبكى الكثير في دعوة الغفران / ولملم جراح الشعوب بقصيدة
    تلويحة الجوع / والدرس الأخير / عندما تنظر في كل صوره تجد مشاهد مؤلمه
    لا يتنفسها الا الوجع / القلب الممتلي بالأنسانية .



  3. #3
    مشرف سابق

    تاريخ التسجيل
    Dec 2009
    المشاركات
    4,138
    معدل تقييم المستوى
    6

    Rose





    " مُقتطفاتٌ مِنْ نُصوصهْ "




    http://www.entrwelan.com/voices-action-show-id-729.htm

    ليــه..؟؟!!
    هذا هو اللي تبيه..اني ارحل من حياتك..
    واشعل عيوني بـ ليه..!
    بس خلاص..!!
    هذا هو اللي قدرته وقدرك ربي عليه...؟
    بذمتك هذا كلام ..؟
    اني ارجع من جديد ..
    ارجع افرش كل تعب عمري وانام..
    زين لحظه.. لسألوني الناس وينك..؟
    وان دروا ضحكه عيونك عن عيوني فارقت..
    سافرت ردت لعينك.. بذمتك وش اقول..!!
    قول..قول..
    قول قول الله يخرب بيت بيتك.!
    توني يادوبي بديت ..بعت عمري واشتريتك..
    خطوه ..خطوه...واشتريتك
    توني باطراف البدايه!
    مدري وشلون انتهيت..
    ياأخي حسّ ..والله عيب إللي تيبه..
    إني ارحل من حياتك وأشعل عيوني بـ ليه..لا
    لاجبينك شمس واحساسك مطر..
    لاعيونك شوق وشعورك دفا..
    جبت لك بإيدي ابتسامات العمر ..
    ليه تكسرها على اطراف الشفا...
    شوف.. شوف بعثرني احتياجي بالنظر..
    شوف وجهي إمتلا منك بـ أفا ..!!
    ما تجي منك ولكن يابشر:
    منت اول من طعني بالجفا..
    إبركتهن كل جروحي بالسهر..
    ولا افكر من ورا قلبك شفا..
    ولّ ياقلبك ما يجيب الا القهر ..
    ولّ ياعمرك ماعرف طعم الوفا..
    وإلا انا مثل النهر ابقى نهر..
    من تحوسه ..ترجع تشوفه صفا..
    فيني والله احساس لامنه ظهر..
    يشعل ضلوعك اذا قلبك طغا..
    هذا هو اللي تبيه ..؟ وهذا هو اللي قدرته؟؟
    وقدرك ربي عليه ..بذمتك هذا كلام ..؟
    اني ارجع من جديد..
    ارجع افرش كل تعب عمري وانام..!!
    وين اروح....؟!
    شلون اجيب لقلبي المجروح روح !
    هذا هو اللي تبيه....



    http://www.entrwelan.com/voices-action-show-id-676.htm


    عسى ما زعلتك البارح وزوت ألجراح جراح
    ........ عسى ما مرت الدمعه على هذابك من أسبابي
    جرحتك جرحتك من كثر شوقي وخليت الكلام أرماح
    ........ ولا أدري شلون ياعمري طعنتك حيل باعتابي
    بدون شعور صدقني ترى كثر الغلا دباح
    ........ تعال وشوف بغيابك غلاك شلون سواء بي
    حرام تغيب من عمري وتعطيني الفراق أوشاح
    ........ حرام الدمع في عيني مناديله يهذابي
    غيابك غيابك يشغل عيون الزوايا وامتدلي أشباح
    ........ وأنا أنثر صوتك بقلب المكان وأشعل أبوابي
    تلفت تلفت للأمل دام الرجا في عمري الملواح
    ........ أنادي لك ولو شرهك وصولك تقطع أعصابي
    أأبيك الجاي من عمري أنا ما أبيك شي وراح
    ........ مدامك أجمل وأخر مدامك أول احبابي
    أبي أرتاح ياعمري أنا أدري هم تبي ترتاح
    ........ تعال تعال وقبل ما أفرح ترى تفرح بك أثيابي
    احبك أحبك يابعد عمر الحزن والجرح والأفراح
    ........ أحبك أحبك كثر ما نامت عيونك داخل أهدابي



    http://www.entrwelan.com/voices-action-show-id-755.htm
    الليل هم وحزمة جروح وأوراق
    ........ وأنا أتناثر ب آخر الليل وأبقى
    ما غير أولع كل تناهيد الأشواق
    ........ واللي بقى من الشوق دمعات حرقى
    ما أقول ضاق الصدر لكن إذا ضاق
    ........ تنكسر ضلوعي على الروح وأشقى
    وحدي وعيوني تمتلي وجيه وفراق
    ........ كان البكا فرقى ورى دموع فرقى
    يا طيب! تاخذني على الناس بعناق
    ........ والحين أنا وياك والحزن نبقى
    معقول ما مروا على بحر الأحداق
    ........ ولا شافوا دموعي من الشوق غرقى!
    هذا انا من الليل واقف ومشتاق
    ........ وهذي كفوفي من الوله دوم عرقى
    من ليل وإشراق الى ليل وإشراق
    ........ وارجع..أعيد حكاية الليل وأرقى
    وأرقى انتظر بالليل نجمي إذا فاق
    ........ وأصاحبه حتى السما تصير زرقا
    وأبقى وحيد ولا معي غير الأوراق
    ........ اكتب جروحي وسط الأوراق وأبقى



    http://www.entrwelan.com/voices-action-show-id-736.htm

    تلفي وتسأل ذهابي
    وتقولي كم
    كم الساعه ..؟؟
    إذا ياعمري أشتقتي لصوتي وهزك الطاير
    تطيح الدمعه من عينك .. تطيح او لا ..!
    مو صح مثلي تطيح الدمعه من عينك
    إذا اشتقتي لصوتي وهزك الطاري ..؟
    مو صح مثلي
    مو صح مثلي
    مو صح مثلي
    مو بس اوله عليك وبس
    معي حتى الوله يوله
    اخذتي ضحكتي وعمري
    بيديك وغبتي عن عيني
    وعلي طول غيابك
    كم الساعه ؟
    او تدرين
    كم إنتي ..؟!!
    كم إنتي دامني احسب
    عيونك واكسر الساعه ..؟!!


  4. #4
    مشرف سابق

    تاريخ التسجيل
    Dec 2009
    المشاركات
    4,138
    معدل تقييم المستوى
    6

    Rose







    http://www.entrwelan.com/voices-action-show-id-734.htm
    عساك بخير.. ؟!
    وش اول واخر جروحك
    وش اخر واول فراقي.. ؟!
    يقولوا..
    يقولوا .. من المسا تلملم بقايا نبرتي وتروح ..!
    على اول ذكرى بالشارع
    نسينا كل سوالفنا عليه و كل مواجعنا
    وصرنا فيه ندورنا..
    ندور من ملامحنا ملامحنا ...!!!
    تشتتنا .. تشردنا .. إلين إنا ندور في وجيه الناس
    تصور ...!!
    ولاقطره ب وجيه الناس تشبهنا وتشربنا ..!!
    وأرد ضاميك وبعد مثلي ترد ضامي

    وأقول إن المساء كاسك.. وأصب عيوني ل إحساسك ..!
    وأنا أتكسر مع كل أغنيه تفتح هدبها وألمح عيونك ..!!

    ياعون الله ...!!
    تلاقينا .. تصور ب أغانينا تلاقينا ..!!
    عساك بخير ..؟!!
    وش أول وأخر جروحك
    وش أخر وأول فرقاي ..؟!

    يقولوا ..
    يقولوا .. من المسا تلملم بقايا قمرتي وتموت ..!
    نسيت أسأل ..!!
    صحيح تموت ...؟؟!!



    http://www.entrwelan.com/voices-action-show-id-738.htm

    تجيني طيف يا عمري على جنحان شوقي لك
    ...........................أخاف ارمش من عيوني وأبعثرصورة وصالك
    حبيبي لا تجيني قول وين أنت وأنا أجيــــــــلك
    ..............................أبيك تكون وين أنت وعلى عيوني أنا أسعى لك
    وربي فوق روس الشوك لخلي القلب يمشي لك
    .............................وأخلي ظلالي يسبقني قبل يحضني منزالــك
    ثواني بس ابتهـــندم من عيونـــــك وابهديلــــك
    .........................في عينك ضـــحكة حتــى تكــحل عيـن عـذالك
    يقول الناس في غيابي تشب القلب ويضوي لك
    ........................حنيني وانوهد شوقه يمـــيل القــــلب لا مــــالك
    قضى دمعي من عيوني أبي من عينك أبكي لك
    ............................أبي انثر من ورا عيوني دمــوع عيون ترحالك
    تعبت أهرب من الاشيا البسـيطه من تفاصيلك
    .............................تعبت أسأل زوايا البيت عن أول وآخر أحوالك
    وحتى الشوق من صبح الدرايش قــــام يهديلك
    ............................عصافير الرضى ترفرف عـلى بيبان مدخــــــالك
    هنا ترمي صباح الخير قبل لا تروح وادعي لك
    .......................وهنا تضوي مساء الخير في عيني من أهلالك
    أنا من الليل يقطفني شعوري لـــك وأغنـــي لك
    ......................................أنا من الصبح يليلني الحــزن من لون موالـــك
    حرام الليل ما هو ليل إذا مــــا كنــــت في ليلـــــك
    ..............................وحرام الصبح ما هو صبح إذا ما كنت في ضلالك
    تروح وقلت أحط عمري على كـــفي وأنـــادي لك
    ...........................نزعت العمر من شفت الغلا بــالروح نادالــــــك
    بربك قول وش ســــوى الفـــــراق بوجه منديلك
    .............................تسيـــل ألــــوان طيـــــفي فيه إذا منه البكا سالك
    حبيبي لا يبــــكيك الفراق ولا يهــــــد حيــــــلك
    ..........................أخاف الدمع من عينك يجفف صورتي فبالــــك
    تعال أحتاج أسولف لك عن الأيام أشكي لك
    .....................وأفض غيم الحزن وأنثر حنين الشوق بقبالك
    تعال وحط في قلبي هموم الفرقا وأشيلــــــك
    .........................لأن القلب ما هو قلب إذا في نبضه ما شــالك
    قضى دمعي من عيونك أبي من عينك أبكي لك
    .........................أخاف أبكي على طيفك وأبعثر جيت وصــالك


    http://www.entrwelan.com/voices-action-show-id-758.htm
    انا من بين كفينك شعور يشبه الشعره
    ........ اقولك شي ترى فدوه حياتي لو قطعتيني
    اخذت من الصبر لا لا اخذ مني الصبر صبره
    ........ مدام بغيبتك محد يجي مثلك ويحييني
    تعالي يابعد روح الشعور ويابعد عمره
    ........ انا البارح لهذا اليوم ابد ماغمضت عيني
    تنفستك شعور وفاح من صدر الغلا عطره
    ........ تنهدتك وشفت الضيق يتنهد عناويني
    يضيق الكون بعيوني واشوف الكون ثقب ابره
    ........ واشوف الموت ياعمري مابين عيونك وبيني
    كتبتك شوق من شفت الفراق بعمري ياكبره
    ........ مو مثل اللي يقول لانتي ولا غيرك تذليني
    مو انتي العز ولو ما انتي اقول انتي ترى وكره
    ........ اصيله والاصيله ماخلق الله توطيني
    واذا ردت على العز الكريم ودورو صقره
    ........ انا ليه احلف وانتي تشوفينه بجناحيني
    احبك ينثني هذا الكلام ويرتفع قدره
    ........ احبك يرتعش هذا النجم يتشكل بطيني
    احبك نور في هذا المسى واقعد على بحره
    ........ احبك لاتخلين الفراق امواجه تمحيني
    يالله وانتي بعيون المسى بهذا المسى قمره
    ........ قريبه حيل في اسود عيوني انتي تضميني
    وبعض احيان تكوني داخل ظلوع الغلا جمره
    ........ وكل هذا الوله ماهب من عيونك حرقتيني
    وبعض احيان تكوني داخل اشواق العمر زهره
    ........ عشان الزهره لو بتموت تموت وعطرها فيني
    بغيت اقول شي لكن او انسي بس على فكره
    ........ هي الحريه اني اختار قيدك وادخل يديني
    وانا اخترتك وخليني وسط كفينك الشعره
    ........ اقولك شي ترى فدوه حياتي لو قطعتيني




    http://www.entrwelan.com/voices-action-show-id-693.htm
    حزين ومورقه عيوني دموع من على الاهداب
    ......... يهزهزني الجفا وتطيح دموعي من أخراهدابي

    ذبل عمري ولا مرو على هذا العمر غياب
    ......... وتتساقط عيون اللي رحلو في داخل كتابي

    مسكت اللي قدرت اكتب تفاصيله في وسط كتاب
    ......... مثل شوق المطر لما يعانق وحشة ترابي

    اشم الدمع من ليل المواجع والسنين اعتاب
    ......... وعرفت ان الحنين الريح وجابت ريحة احبابي

    وانا لا مرني لو هو عطر من ريحة الأحباب
    ......... ابتسمت وكل مافيني يطمن رعشة اصوابي

    انا المطفي تحت سقف الحياه وحشة الابواب
    ......... مادام ان الوله علق عيوني من على ابوابي

    يجون وأكثري يشعل أمل من جمرة الاعصاب
    ......... يجون ولا لقيت الا الأمل معطوب بأعصابي

    وجوني اغراب وراحو مثل ماجوني بعد اغراب
    ......... ارحلو من قبل لايطفي العطر بكفوف ترحابي

    غريب الوقت او الناس الغريبه بكلمة الاحباب
    ......... اشوف الدمع فيهم مثل ماشفته على اهدابي



  5. #5
    مشرف سابق

    تاريخ التسجيل
    Dec 2009
    المشاركات
    4,138
    معدل تقييم المستوى
    6

    Rose






    استطاع سالم سيار في زمن قياسي أن يحقق لنفسه جماهيرية كبيرة
    في الخليج العربي والوطن العربي ككل .
    ولا أحد ينكر أن لهذا الشعور حضورا ً كبيرا ً على مستوى الخليج مع وجود
    من يريد يلغي دوره في الساحة إلا أنه ظهر بالنهاية .

    \


    خِتاماً تقبلوا أجمل التحايا ,
    مع أمنياتي أن أَنْ يَروقَ لكمْ ما دونَ هُنْا .


صفحة 1 من 3 123 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52