صفحة 1 من 7 123 ... الأخيرةالأخيرة
النتائج 1 إلى 5 من 35

الموضوع: இ Be Gorgeous FrOm A tO Z

  1. #1
    مشرفة سابقه

    تاريخ التسجيل
    Jan 2010
    الدولة
    بينـ جنونـ الطفولهـ
    المشاركات
    2,635
    معدل تقييم المستوى
    3

    افتراضي இ Be Gorgeous FrOm A tO Z

    السلام عليكم ورحمة الله وبركاته

    كل عام وانتم بخير ورمضان كريم مقدما

    مجهود اكثر من راااااائع شفته عند جيراننا وحبيت انقله لكم

    عشان تستفيدون مثل مااستفدت انا



    برب

  2. #2
    مشرفة سابقه

    تاريخ التسجيل
    Jan 2010
    الدولة
    بينـ جنونـ الطفولهـ
    المشاركات
    2,635
    معدل تقييم المستوى
    3

    افتراضي رد: இ Be Gorgeous FrOm A tO Z

    عندك عزيمه و تبين تكونين فاتنه؟




    بنشوف كيف لازم تكون عنايتك بنفسك من الألف لليـاء
    جسمك - شعرك - بشرتك - نفسيتك .
    -> مب كني اتغزل بوحده؟

    طب يله نبدى:


    اول شي الوجه :
    مايحتاج اذكّر ان العنايه الداخليه ظروريه الا اساسيه
    و الفاكهه احسن غذاء للبشره :8ar:
    الزبيب ممتاااز يورّد وجهك .. كلي منه كل يوم كميه لو بسيطه و بعد شهر بتلاحظين فرق .



    نشوف الاقنعه المفيده واللي نتيجتها تبين من اول مره b189
    حليب سايل مع عسل و اتركيه ثلث ساعه على وجهك الحلو
    العسل لحاله برظو مفييد و من اول مره بتلاحظين نظاره im3
    الزبادي هو احسن قناع للبشره الدهنيه
    و ظروري السكراب كل اسبوع .. أقترح مقشر ستيفز



    بشرتــــــــك:
    هي نصايح لكل يوم لكن بشكل خاص ركزي عليها لو عندك مناسبه
    الاكل الصحي له تأثيره القوي جدن
    التوت والبقول بشكل عام بتفيدك ..ابعدي عن السكر والملح


    المويه
    اقل شي 8 اكواب .. بتنظف جسمك من السموم وينعكس على بشرتك


    الرياظه
    بما انه مافيه امل نستمر على الرياظه يوميّن
    ع الاقل خلونا نخليها بشكل اسبوعي
    كل ويك اند امشي او اركظي .. بينشد جسمك و يعطيك لياقه


    النوم
    نومك لا يتلخبط قد ماتقدرين
    اللخبطه بتأثر عليك و بتحسين انك كسوله وبس تتسدحين -_-
    نامي كفايتك.. الجلد يتجدد وانتي نايمه فإذا كنتي ما تنامين كفايه بيوظح هاذا الشي على بشرتك
    حاولي تنامين من 6 الى 8 ساعات بالليل مو النهار




    التنظيف والترطيب
    مهم مرره هالشي مرتين باليوم
    أكبر خطأ ممكن ترتكبينه بحق بشرتك انك تنامين بالميك اب
    لأن البشره تتنفس وقت نومك وحتى لو كنتي تعبانه مره ظروري تنظفين وجهك من الميك اب
    و اذا عاد ظاقت واستحكمت فيه مناديل خاصه لعيون العجازات !
    المهم ماتنامين وفبشرتك اي شي.


    الترطيب:

    ركزي على الاماكن المعرظه للجفاف اكثر من غيرها
    زي الركبه والاكواع و الشفايف
    ولاتنسين انه لازم يكون فيه كريم خاص لمنطقة حول العيون


    و براااب

  3. #3
    مشرفة سابقه

    تاريخ التسجيل
    Jan 2010
    الدولة
    بينـ جنونـ الطفولهـ
    المشاركات
    2,635
    معدل تقييم المستوى
    3

    افتراضي رد: இ Be Gorgeous FrOm A tO Z

    الهالات :


    الفراوله تريح المنطقه و تخفف من السواد مع التدليك
    اوراق الشاي الجافه..


    الخيار حلو لكن مشكلته يجفف
    احسن حل لها قلم قارنييه عن تجربه

    بس استمري عليه
    وتجنبي السهر و الاجهاد وشوفي النتيجه im3


    الشفايف:
    لأن جلدة الشفايف رقيقه فماتتحمل تقشير وغيره
    احرصي على ترطيبها دايم خاصه قبل النوم .. حطي طبقه كثيفه
    سواد الشفايف سببه الجفاف رطبيها كثييير .. خلي واحد بالشنطه و واحد جنب سريرك
    احسن مرطب زبدة الكاكاو من بدي شوب

    اتعب وانا اقول بطل


    الحواجب:
    لأن الحواجب مهمه و تغير من شكل الوجه لازم تختارين رسمه حلوه و تبرز ملامحك

    هاذي الطريقه الصحيحه لرسم الحاجب
    شوفي طولها و زاويتها بهالطريقه
    جيبي قلم او مسطره و حددي قبل ماترسمين..

    فيه طرق كثيره لرسم الحاجب منها
    القلم
    البودره
    الجل
    و الصبغه .
    القلم : لازم يكون مبري عشان يرسم كويس وبعد الرسم مشطيه بفرشة الحواجب عشان تبيّن ناتشورال
    البودره : لابد تكون مات وتقدرين بعد تستخدمين الشدو
    تاتو فور ايفر وبدي شوب حلو بس ينفع للي حواجبها خفيفه

    والجل يعتبر تثبيت اكثر من انه تحديد


    ارسمي حواجبك بلون قريب من لون شعرك



    صوره توظح شكل الحاجب المناسب لكل وجه ..
    ماتشبه اللي لعبت بوجهها يوم فعالية challenge ?!

    أما ترتيبها:

    قلم من جفنشي يخفي الشعرات الزايده ..سهل استخدامه ..بعده شوية بودره على الشعرات وخلاص
    أسوء شي قصها لأن شكلها بيصير بشع و مو مرتب =/
    لو بتشقرين طفي اللون الاصفر بمسحه من صبغه (اشقر)
    ثواني وامسحيها على طول .


    الزيوان:
    بما اننا عايشين بمنطقه مغبره وحاره
    فشي طبيعي البشره بتحتاج ظعف الاهتمام العادي
    اهتمي بغسل وجهك كل يوم بالصابون عشان ما تتكون الدهون فوق سطح البشره و تكوّن البثور و الرؤوس السودا
    الحل مع الزيوان هو حمام بخار كل اسبوع
    وتنظيف البشره العميق يفظل يكون بعياده و لو سويتيه كل شهر تكونين بطله
    حاولي ما تستخدمين اللصقات الا للظروره و وقت الزنقه .


    اظافرك :
    زيت الزيتون مافي مثله لتغذية الاظافر
    الليمون يقويها و ينظفها
    نظفيها بمسحه طبيه كل اسبوع عشان البكتيريا تموت
    مب كل يوم لأن الكحول اللي فالمسحه بتظعف اظافرك وتسبب كسرها..
    تجنبي تظعفينها بانك تستخدمين المبرد .. افظل من قصها بالمقص
    لاتنسين تشلين الجلد الزايد بانتظام لأن شكل يدك يبيّن مدى اهتمامك بنفسك


    للرجول
    ادهنيها بزيت اللوز المر قبل النوم
    أو امسحيها بموية ورد
    واذا متعيجزه بيبي اويل يفك ازمه


    بعد الشور
    فيه حركه دايم اسويها و لاحظت شعري يصير شكله صحي و فيه لمعه حلوه بعدها
    اخر خطوه بالشاور وقبل ما اطلع من الحمام اغسل شعري بموية صحه .. نص علبه يكفي او علبه صغيره
    اشطفي شعرك فيها وشوفي الفرق



    Brb

  4. #4
    مشرفة سابقه

    تاريخ التسجيل
    Jan 2010
    الدولة
    بينـ جنونـ الطفولهـ
    المشاركات
    2,635
    معدل تقييم المستوى
    3

    افتراضي رد: இ Be Gorgeous FrOm A tO Z

    الميك اب المناسب لبشرتك :


    اهم قاعده ان الاساس مايكون افتح من بشرتك ترى اكبر خطأ: (
    يطلع شكلك غلط ويخرب الميك اب ولو كان حلو
    اختاري نفس درجتك والكونسيلر افتح بدرجه


    البيظا:
    الالوان الفاتحه جدا والغامقه جدا ماتصلح لك
    البلاش درجات الوردي المطفي
    جربي البلشر اللي يكون درجتين بعلبه وحده ..تدمجينهم بالفرشه بيعطيك لوك سمبل وطبيعي
    الاي لاينر الأسود بيكون تحفه
    الاخظر , التركواز , البنك كـ شدو
    الروج درجات الوردي كلها تناسبك
    اللبس: الالوان الفاقعه بتبين بياظك اكثر فـ ركزي عليها


    الحنطيه
    البلاش وردي او مشمشي
    الخوخي و الاحمر بيناسبك كروج و تجنبي الوردي والبني
    الشدو: الاسود , الازرق , الرمادي , البنفسجي والفيروزي
    اللبس :الاحمر , الازرق , الاخظر , الارجواني والاصفر
    وابعدي عن الوردي لأنه بيعطيك لوك شاحب =/
    لن اخوظ في ذالك كثيرن سأكتفي بذكر الالوان عشان ما يزعلون الفاشن


    لونك بين الحنطي والاسمر؟
    اختاري بلاش قوي عشان يبرز جمال لونك
    اي لاينر بني
    الوان الشدو :بني زيتوني خوخي برغندي , نحاسي والاخظر الغامق
    لشفايفك ابعدي عن الوردي والاحمر ومحدد الشفايف واختاري المشمشي او العنابي و البني
    اللبس : أنسب لون لك هو الاسود .


    السمرا
    بلاش برونزي او توتي
    الشدو :اللمعه بتظيف لـ اللوك لمسه ابداعيه ..انسب شي لك الالوان الترابيه بني مع ذهبي , فظي , وردي ..ابعدي عن الغامق
    للشفايف: العنابي , الخمري
    اللبس: الابيظ والالوان الفاتحه بتسمرك زياده
    اختاري الالوان الهاديه بدالها الا اذا انتي حابه تبرزين لونك اكثر ..


    يوم العزيمه
    انصح بعنف بمكعبات موية الورد قبل الميك اب


    لو طلعت لك حبه فجأه لا تكتئبين
    طبقة عسل او مرّه بتحل لك المشكله
    اهم شي لا تلعبين بالحبه عشان ما تنقلين الجراثيم لمكان ثاني




    شعرك :


    اهتمامك بشعرك مايقل اهميه عن بشرتك
    عني احس الشعر اصعب ويبيله روااق
    خاصه اذا صار مصبوغ
    تعالو نتعمق ..



    الصبغات انواع
    فيه اللي ماتطول و فيه اللي تثبت لبعد 20 غسله
    اذا ماستخدمتيها استخدام صح ماراح ترظيك النتيجه
    * اختيارك للون مهم جدا .. خذي راي خبيره قبل ماتعتمدين اللون
    لأنه لابد يكون يناسبك مو بس عاجبك
    * جيبي خصله من نهاية شعرك و جربي عليها اللون
    بنات هالنقطه مره مهمه !
    منها تتأكدين من درجة اللون اللي اخترتيها ومنها اختبار للحساسيه او الالتهاب الله لا يقدر
    * احمي المناطق القريبه من الشعر - الاذن والرقبه والجبهه- بفازلين عشان مايبقع لون الصبغه
    * اختاري ماركه معروفه لأن الشركه بتكون تخاف على سمعتها واحتمال الظرر ظئيل ان شالله
    و اذا حصل لك مشكله ممكن تراسلينهم و بيردون عليك.
    * احرصي على حمام الزيت كل اسبوع ..




    الاشقر
    درجاته متعدده وتحير









    بلاتيني






    لا تحاولين ولا تفكرين مجرد تفكير تجربين تصبغين اشقر بالبيت
    على اقرب صالون الله لا يهينك
    اللون دقيقه ويبيله مهاره..
    بيلبء للبيظا كتيير


    البني

    من اسهل الالوان تحكم و اروعها
    يعطي الوجه رونق حلوو للي تشتكي من ان بشرتها باهته
    خاصه للي لونها بين الحنطي والاسمر
    والكستنائي ودرجات البني الغامق جميل على السمرا
    ويخفي عيوب الشعر .. بعكس الفاتح



    اشقر رمادي




    اكثر الالوان جمال تينه؟ احجزي على لبنان
    مشاغلنا وهقه و مافيه وحده تبرد الخاطر
    يناسب البيظا والسمرا


    الصبغه السودا:



    الاسود مع انه يخرب الشعر و يقسي ملامح الوجه
    لكن على بعظ البنات يطلع روعه
    مايحتاج اذكر انها ماتجوز على الشيب..
    مشكلته قوي على الشعر لدرجة ما تقدرين تصبغين بعده اي لون =(



    الصبغه الحمرا

    لما تقررين تصبغين شعرك احمر لازم تاخذين كم نقطه بعين الاعتبار
    اول شي لون بشرتك
    الحنطيه افظل شي له
    مايناسب السمرا او البشره الورديه

    فيه نقاط مهمه لازم تعرفينها عن اللون الاحمر :
    - ان اللون بيخف مع كل غسله
    - له عنايه خاصه
    - بالكثير تغسلينه مرتين بالاسبوع بشامبو خاص فيه بعظ المنتجات مخصصه شامبو للشعر الاحمر
    و فحالة كان شعرك دهني ولازم تغسلينه كل يوم فـ استغني عن الشامبو و اكتفي بالمويه
    - لو فيك قشره هالشي بيعجل بنزول اللون
    لأن شامبو القشره قاسي على الشعر و على اللون الاحمر بالذات
    - اللون الاحمر يتأكسد بشكل اسرع اكثر من باقي الصبغات عشان كذا لازم تحمينه من اشعة الشمس
    بأي قبعه او سكارف و الافظل تستخدمين له منتجات تحتوي على UV filters .
    - ذوات الشعر الاحمر يتجنبون السموكي ميك اب و الغامق .. استبدليه بالفواتح .


    كاان بيومن ما احمر
    وقلب اورنج
    حتى شوفوها زعلانه



    اخطاء:
    كثير يشتكون ان لون الصبغه قلب اورنج
    تكونين مثلن خلطتي ذهبي مع عسلي لازم يطلع اورنج
    السبب لأنهم لونين حارين
    اختاري لون بارد .. بني مثلن مع اشقر
    او عسلي و بني
    و عمومن الخلط بين لونين مختلفين فن وخبره لذالك لحد يغامر
    واحتمالية ظهور اللون الاورنج بتكون اكبر اذا اخترتي الوان فاتحه مره و بعيده عن لون شعرك الاساسي
    *صبغ الشعر لازم يكون على فروه نظيفه
    لا تستخدمين البلسم و الكريمات ولا اي شي قبل الصبغه
    *مشطي شعرك كويس قبل الصبغه و لو رطبتيه بمويه يكون افظل
    *اذا تبين تغمقين اللون لا تستخدمين الاسود ابدن
    روحي للمشغل يعدلونه لك
    لأن الاسود فوق انه يعدم ..صعب يروح من الشعر
    *كل ماكان الشعر غامق فتّح بشرتك اكثر
    *لا تختارين لون افتح من لون شعرك الاساسي بعشر درجات ..هالشي ما كويس البتّه
    لأن بيصير فرق كبير بين الجذور و الاطراف -_-
    لاتنسين : الحواجب لونها لازم يكون قريب من لون الصبغه قدر المستطاع
    *غلط تغسلينه بعد الصبغه بمويه حاره .. كذا بيتساقط
    المويه البارده او الفاتره هي الافظل
    *لو حبيتي تفتحين اللون لا تصبغين فوق الصبغه .. ارحمي شعرك
    بعد كم يوم بيركد اللون ويبيّن اكثر .. وقتها قرري
    *صبغ الشعر دفعه وحده غلط
    خلي الحماس على جمب واتركي كم سانتي بعيد عن الفروه
    اخر عشر دقايق اصبغي جذورك .


    برب:24ar:

  5. #5
    مشرفة سابقه

    تاريخ التسجيل
    Jan 2010
    الدولة
    بينـ جنونـ الطفولهـ
    المشاركات
    2,635
    معدل تقييم المستوى
    3

    افتراضي رد: இ Be Gorgeous FrOm A tO Z

    منكيورك سيدتي :
    لو كونتي بيظاء : الفاقع والغامق .. اسود ازرق عنابي احمر
    حنطيه : الالوان الفاتحه الهاديه هي الانسب لك
    سمراء : تتجنب الالوان الغامقه و الالوان الفاقعه لأنها بتسمر يدها
    و تختار الفاتح ..ابيظ بيج بنك .. هيك
    اخترت لكم مجموعه جميله مع ارقامها





    1. B35

    D33
    .2
    B61 .3
    H02 .4

    F17 .5

    s81 .6
    L72 .7
    T02 .8


    طيب نروح للعدسات :

    البشره البيظا : أنسب لون العسلي , الاخظر , الازرق
    البشره الحنطيه : الاخظر والعسلي
    البشره السمرا : البني و الالوان الغامقه بالعموم .. ابعدي عن الاخظر الفاتح او الازرق




    جسمـــك:
    اول شي شعر الجسم له نوعين /
    1. الشعر الوبري ( قصير وخفيف )
    وهو بالوجه و أعلى الظهر و احيانن الصدر
    مهمته يحافظ على درجة حرارة الجسم .

    2. الشعر الثقيل (غامق و طويل )
    وهو شعر الراس و شعر الجسم
    كثرة الشعر عند البنات لها عدة اسباب منها بعظ الادويه أو المنشطات.. تكيس المبايظ
    الله يحفظنا
    يكثر بالوجه و الشنب و احيانن البطن ..


    كلنا ندور اسهل طريقه لإزالة الشعر من الجسم
    الليزر افظلهم و نتائجه حلوه و الشعر لو رجع بيكون خفييف
    والنتايج بتكون احسن على البشره الفاتحه لأن مادة الميلانين تستجيب لليزر اكثر من البشره الغامقه

    الحلاوه
    اشهر طريقه وكلنا مانستغني عنها
    تريحك من الشعر من 3 الى 8 اسابيع

    الواكس
    يفك ازمه و نتيجته حلوه
    مايطلع الشعر لعشرين يوم بالكثير

    المكينه
    سريعه
    تنفع لو بقى شعر قصير وتبين تشيلينه
    نتيجتها من اسبوع لـ 10 ايام

    الكريم
    نتيجته من يومين الى 10 ايام بالكثير
    واحيانن ما يشيل لك الشعر السميك و ممكن يسبب حساسيه
    للعجازات فقط !

    أما الموس غني عن التعريف وعني ماحب استخدمه ابدن ولا بأقسى الظروف
    طبعن الحلاوه والشمع افظل الطرق لأنها تشيل معها الجلد الميت .


    بعد ما اخترتي الطريقه اللي تناسبك بقى عليك تسكرين المسام
    احسن اختراع هو زيت الزيتون
    غسلي جسمك بمويه بارده
    خففي زيت الزيتون بمويه و ادهني فيه جسمك
    سكرتي المسام و كسبتي نعومه
    استخدمي النشا لو طلعت لك حبوب او احمرار
    او كريم ابو اسد محد مايعرفه .


    نمو الشعر تحت الجلد
    ازمه !
    مهما شلتي يظل شكل ساقك او يدك مو نظيف
    اسبابها كثيره منها الجفاف و نمو الشعره بطريقه خاطئه + وجود الخلايا الميته
    احسن حل للتعامل معها هو انك تقشرين المنطقه مرتين في اليوم بس بشويش لا تقوين الفرك عليها و بعدين رطبيها.
    استخدمي لها كريم خاص بالبثور لأنها مشكله قريبه لها
    وجهي البخار للمنطقه و امسحيها بفوطه مبلله بمويه حاره كم مره .. لمدة عشر دقايق
    كذا تهيئين البشره و يكون فيه مجال للشعره انها تطلع لسطح الجلد ..
    على فكره الملابس الظيقه تساعد على زيادة الشعر تحت الجلد اكثر


    Brb

صفحة 1 من 7 123 ... الأخيرةالأخيرة

المواضيع المتشابهه

  1. இஇ:.: احلى هوشه بين البنات .:. المتينه والنحيفه இஇ
    بواسطة *.. ملكهــ الزينــ..* في المنتدى الارشيف
    مشاركات: 1
    آخر مشاركة: 14-11-2007, 05:40 PM
  2. இ شٍنُطٌ ًبِـ كٍلّ ٌاٍَلألَوِاّنُ இ
    بواسطة حبيبتي حطمتني في المنتدى عالم حواء
    مشاركات: 14
    آخر مشاركة: 31-12-2006, 02:30 PM
  3. இ اخر اخبار هيفاء وهبي .. مع صور في قمة الروعة இ
    بواسطة امـير الـذوق في المنتدى الارشيف
    مشاركات: 20
    آخر مشاركة: 16-12-2006, 11:32 PM
  4. இ شلـون اشـيل الهـم وانـا تـوي صـغـيـرهـ இ
    بواسطة فتون5 في المنتدى قصائد وخواطر
    مشاركات: 2
    آخر مشاركة: 22-11-2006, 09:39 PM
  5. ζζ…ΨΏΨஇ ضـــ~ــآيع فــي زمـــن تــآيــهஇ ΨΏΨ…ζζ
    بواسطة M 6 A R 6 Ξ 3 في المنتدى الارشيف
    مشاركات: 10
    آخر مشاركة: 18-05-2006, 10:18 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52