صفحة 1 من 3 123 الأخيرةالأخيرة
النتائج 1 إلى 5 من 13

الموضوع: معاريف الرجال ديون وديون الرجـال ثقـال!!!

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Asl معاريف الرجال ديون وديون الرجـال ثقـال!!!

    بسم الله الرحمن الرحيم



    معوّض خير ياحيٍ تهقوى في الزمـان ومـال
    سنينك لو رقيـت بعدلهـا يطرحـك مايلهـا

    تعلّم وإعرف إن الدرب قدامك سهـل وجبـال
    جبـال تطولهـا وجبـال بعيونـك تخايلـهـا


    ومعوّض خير ياحيٍ وردت الماء بدون حبـال
    يطول بك الوقوف وشربة المـاء ماتحصّلهـا


    وقوفك عند راس البير مايسقيك لـو فنجـال
    ولاينفعك شوف الجمـه اللـي منـت طايلهـا


    ومعوّض خير ياحيٍ خدعك من الرجال أشكـال
    تشوف أشكالها وتحطها أرفـع مـن منازلهـا


    تعلّم من زمانك لاتصير مـن أجهـل الجهـال
    ترى في كل يـوم تجيـك عبـره لاتجاهلهـا


    إذا ربي وهب لك عقل تلقى في الرجال رجـال
    تعرف اللـي يطلّـع قيمتـك واللـي ينزلهـا


    ترى من بعض مايندي الجبين ويحرج الرجال
    لياسـاق الميانـه فـي نفـوسٍ ماتقبّلـهـا


    ومهما شفت في صاحبك من نخوه وطيبة فال
    ترى بعض السجايـا كثـرة الإلحـاح يقتلهـا


    معاريف الرجال ديون وديون الرجـال ثقـال
    لياصرت متعافي ليش تغـرق فـي جمايلهـا


    رصيدك في حياتك سمعتك مع طيبيـن الفـال
    رجال الطيب والمعروف بالمعـروف عاملهـا


    ولاتبدي بجاهـك فـي مقـامٍ مايسـر الحـال
    ولاتشفـع لنـاسٍ ماتنومـسـك بفعايلـهـا


    لياجاتك تعذّرهـا مـدام العـذر لـه مدخـال
    ووقت الجد قول لهـا الصحيـح ولاتجاملهـا


    وخذ منـي نصيحـه لاتصـدق كـل ماينقـال
    يجـرك للنميمـه ليـن يطرحـك بحبايلـهـا


    يجيلك ناقـل النمّـات بهـروجٍ تغـث البـال
    سوالف في قفاك وحظك أطيب يـوم تجهلهـا


    يبـرر بالحميـه والصداقـه شينـة الأفعـال
    يجمّـل صورتـه بعلومـه اللـي ماتجمّلـهـا


    ولو كانت حميه فيك رد المخطيه فـي الحـال
    ولاكان إستمعها فـي قفـاك وجـاك شايلهـا


    ترى من جاب لك ودّى وهذي عـادة النقـال
    يحاول يقتنص من فمك كلمـه لأجـل ينقلهـا


    ومثل ماقال عندك راح عنك وعند غيرك قـال
    وزوّد عشر فوق الكلمه اللـي كنـت قايلهـا


    تجنّب مجلسه لاتجلس إلا مع كريـم خصـال
    تحمّـل ميلتـه وإن ملـت ميلتـك يتحمّلهـا


    ولاتصبر على الجار الردي لوهي ثلاث ليـال
    تضـرك جيرتـه لوكـان بيبانـك تقفلـهـا


    وبيع الدار بأول سومةٍ تعرض علـى الـدلال
    ورزقـك عنـد ربٍ كاتـب اللقمـه وكافلهـا


    وبنتك لاتزوجها الردي لوهـو كثيـر المـال
    تربيهـا علـى الطـالات وتشـوّه سلايلهـا


    وكم من لاش يرمي خيبة إبنه فوق راس الخال
    لوإن الخال من روس الرجال ومـن دلايلهـا


    ليامنك عرفـت تميّـز الطيّـب مـن البطـال
    وفادتك التجارب في الحيـاة وفـي مسايلهـا


    وكشفت الفرق مابين الصحيح وحيلة المحتـال
    وتعلمت الفراسه في الوجيـه اللـي تقابلهـا


    بعد هذي ترى مالك غنى عن صحبة العقّـال
    يدلونـك بـرايٍ ينقـض الدعـوه ويفتلهـا


    يقولون الرجال اللي سوالفهـم حِكـم وأمثـال
    ليامن ضاعت الحيلـه يـدل القـوم عاقلهـا


    نصيحة واحدٍ جرّب وشاف من الزمان اهـوال
    يقدّم لـك خلاصـة هجـرةٍ جـرّب هوايلهـا



    الشاعر : عبدالله الطلحي الهذلي

    وتقبلو تحيات الشمالي

  2. #2
    مشرفة سابقه

    تاريخ التسجيل
    Sep 2010
    الدولة
    K.S.A
    المشاركات
    7,843
    معدل تقييم المستوى
    9

    افتراضي رد: معاريف الرجال ديون وديون الرجـال ثقـال!!!

    يبـرر بالحميـه والصداقـه شينـة الأفعـال
    يجمّـل صورتـه بعلومـه اللـي ماتجمّلـهـا














    آبيات رآئعه وتحمل حكم وأمثال ..

    آبدعتَ في الأنتقاء ..

    صح لسآن الشاعر وتسلم يمنى النقل ..

    تشكرآتِ بحجم الكونَ ..

    [:25ar:]

  3. #3
    مشرف سابق

    تاريخ التسجيل
    Oct 2007
    الدولة
    حــلم رومنسـيه
    المشاركات
    5,830
    معدل تقييم المستوى
    6

    افتراضي رد: معاريف الرجال ديون وديون الرجـال ثقـال!!!

    قصيده راائعه اخوي الشمالي

    دائما مبدع في اختيارك للقصائد

    كون مميز..

  4. #4
    ... V I P...


    تاريخ التسجيل
    Jul 2008
    الدولة
    بعيــداً عن الواقـع
    المشاركات
    4,322
    معدل تقييم المستوى
    6

    افتراضي رد: معاريف الرجال ديون وديون الرجـال ثقـال!!!

    إذا ربي وهب لك عقل تلقى في الرجال رجـال
    تعرف اللـي يطلّـع قيمتـك واللـي ينزلهـا

    قصييييده رااائعه وذات معاني جميله..
    صح السانه..
    وتسسلم يمينك يالشمالي
    لاهنت:25ar:

  5. #5
    كبآآر الشخصيآت

    تاريخ التسجيل
    Oct 2006
    المشاركات
    13,510
    معدل تقييم المستوى
    17

    افتراضي رد: معاريف الرجال ديون وديون الرجـال ثقـال!!!

    سلمت على روعة النقل يالشمالي
    تحيتي

صفحة 1 من 3 123 الأخيرةالأخيرة

المواضيع المتشابهه

  1. معاريف الرجال ديون وديون الرجـال ثقـال
    بواسطة ذرب المعاني في المنتدى قصائد وخواطر
    مشاركات: 8
    آخر مشاركة: 29-05-2010, 09:22 AM
  2. حلى غَرٍيٍبُ ويجنن ..!!
    بواسطة أسـرآر الـغـلآ في المنتدى عالم حواء
    مشاركات: 32
    آخر مشاركة: 12-04-2010, 08:45 AM
  3. لاتلومنـي لامنّـي شديـت الرحـال!!!
    بواسطة al-shmaly في المنتدى قصائد وخواطر
    مشاركات: 10
    آخر مشاركة: 05-03-2008, 08:50 AM
  4. طريقة عمل الكيك الفرنسي بالصور يجنن يجنن
    بواسطة أسـرآر الـغـلآ في المنتدى عالم حواء
    مشاركات: 5
    آخر مشاركة: 21-02-2008, 04:38 AM
  5. تـنــــويـه للمـشـرفيــن .. الرجـاء الدخــُـول
    بواسطة S a L M a N في المنتدى الارشيف
    مشاركات: 20
    آخر مشاركة: 18-02-2008, 05:03 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52