صفحة 1 من 3 123 الأخيرةالأخيرة
النتائج 1 إلى 5 من 15

الموضوع: مزاجك بالعربي ..!!

  1. #1
    ... عضو مـاسي ...


    تاريخ التسجيل
    Nov 2004
    الدولة
    الـــخـــبـــر
    المشاركات
    1,519
    معدل تقييم المستوى
    2

    مزاجك بالعربي ..!!

    مقدمة الموضوع :
    مزاجك اليوم وبكره .. مزاجك عربي مزاجك فكره ... مزاجك تصير ثور وتهدي أغنية .. مزاجك تتصل من نجران وتحقق أمنية !!

    مزاجك هو مزاجي .. مزاجك تخنق ديكي .. مزاجك تاكل دجاجي << الأخ حصني !

    وعلى قولة محمد ولد عبده !! <<< واحد يعرّف بواحد عند عمده !!

    كل ما نسنس من الغربي هبوب .. تذكرت مصالة مذيع الام بي سي اف ام .. ( اللي اول ما شارك في التقديم على الهواء مع أميرة الفضل .. كانو الناس يحسبونه ذاك الأطرم اللي يجي في قاعة الشاشة ) <<< مع انه رادو .. الا ان فيه ناس ممكن تفكر ذا التفكير وتحلف انه صاير او بيصير !


    وبعد ( كل ما نسنس من الغربي هبوب ) تذكرت مصالة بعض البنات وتحميلهم لأهلهم فواتير هم في غناء عنها !! <<< عاد على ذا الاتصالات المخنزة يبي لك شهر عشان تحمّل أهلك كلهم !!

    طبعاً ممكن البنات يقولون أصلاً انا ما نشيل هم الفواتير !! <<< طرّاه ان فيه كمخ يشرهون زباينهم بطاقات سواء !!

    واذا قلت ان فيه مصالة بنات في برامج الإهداءات .. فلا بد أن أشيد بمصالة وتميلح بعض الشباب أيضاً اللي عايشين على الطرارة وميتين من الجوع .. وكل ما حصل من قرش حطه في رسالة اس ام اس .. أو اتصال ببرنامج اهداءات أغاني .. تسّن الاذاعة مهيب ذايعتن الأغنية الا اذا اتصل هو وخشته !!

    الغريب ان اللي يتصلون على برامج الإهداءات مجموعة من الشباب والبنات ومن منطقة وحده وأحيانا تحس انهم ( قروب ) وكل واحد عايش في وهم ان الثاني طاقن له خبر !! <<< الله العالم ان ذا القروب طايحين لهم في بوقسيّة تلفون ولاعبين في حسبتها !!


    وإلا وش ذا الدراهم اللي توها تطلع من ناسن ميتين جوع ؟!! <<< طرّاه ان نصف الاتصالات من نجران !! ( شكل البردقان والثروة الزراعية أعطت ثمارها ) !! <<< الله يعين وزارة المعارف بتغير منهج العلوم عشان تكتب ان ثروتنا الزراعية فيها بردقان مسكّت من منطقة نجران !! وبيجي واحدن خابره من أهل الجادة وينشب للحكومة ويقول وين عائدات محصول البردقان ما أدرجتوها في الميزانية !!


    وبعدين كله كوم .. وذيك المايعة اللي قبلها تتصل وتسوي انها تمون على مقدمين البرنامج .. كوم .. ذيك اللي تتصل من منتكة الكسيم ! <<< المفروض اهل القصيم يبلغون عنها الداخلية ويخلونها مع المطلوبين أمنياً لأنها ممكن تتسبب في تفجّر شرايين كذا مواطن غيور على بنات بلدة !!

    خلاص قضت المقدمة ... ندخل في الموضوع :

    الحين يوم ذا الرجة القذافي يتحرش بابو متعب وش صيده ؟ <<< ولا .. زلقة أحمد خريش الله يذكره بالخير !!

    يعني ما ايزاه انه يدخل اجتماعات القمة العربية واللي يحرسونه حريم !! ( الوحده منهن ما غير لها خرفشة ) <<< عدة عسكر .. وسوالف حريم !!

    يعلمني واحدن ثقة ان وحده من حرس القذافي طبعت مجلس القمة بديرمتها .. ماغير تعلج في براطمها وتلفظ على ذا الزوالي !! الله يحوّم تسبدها !! ( مع اني أشك ان فيه بعض الشباب المتهور وده يجمع قشور براطمها ويفته على ظهر يده ثم ينشقه الين يختلط بمخه ) <<<< هروين إلا شوي !! بس هذا ما يمنع انها قذرة وما تستحي !!


    ما ييزي ذا العقيد ( الله يعقد لسانه مع لوزه الين تصير تسنّها اصبع رجل في حلتزه ) << ترى بعض الناس عليهم اصابع رجلين توحّش !! ( الله لا يعاقبنا )!

    ما ييزيه .. انه قبله هواش مع القادة العرب على أدناة الدون << يقولون انه مرتن متهاوش مع رئيس دولة عربية توفى الله يرحمه وبريطماته تراقل من الخوف .. عشانه ما لبس طاقية !! ( طرّاه النمر والقرد ) !!


    يا ناس شوفنا لنا حل مع ذا الجرية .. ترى الناس ملو من متابعة القذافي وهو يتمشى في أروقة الجامعة العربية ويتطنّز بالقادة العرب ! <<< بعض العيايره يتابعون القذافي وهو يتمشى في الجامعة العربية يحترونه يوطى طرف خلاقينه ويطيح ! ( تبون الجد .. والله انه نشيط ذا السبهه .. وإلا وش بيقوى يشيل ذا الخلاقين كلها ؟ تحس انه لابسن هدومه كلها ومعها رجاحة شرشف السرير وجلال الصلاة حق حارسته الشخصية !! ) !!


    واللي قاهرني انه قبله يزمر على القادة العرب .. بأنه أكبر واحد وانهم صغار اللي يوحيه يقول انه يكبر ويعقل ! وهو يكبر ويدبر !! <<< وإلا هي خبرت ان رئيس دولة يتتّن عيني عينك !! إلا ان تسانه يبي يطيحهم في التتن والعلوم الخايبة ترى مهيب بعيدة !!


    زبدة الموضوع .. فيه قطّه ورقم حساب لجمع التبرعات لغرض إنشاء ( قروب ) من الشباب والصبايا .. للدفاع عن الوطن وسمعة الوطن والمواطن ! <<< ناوي يزرف ذا الشباب والصبايا ( طرّاه عطلة الحج والحاجة للراحة والاستجمام ) !!

    فا اذا عندكم يا شباب ويا صبايا مواطنة وحب لهذا الوطن ودراهمن زايدة ساهمو معنا في الدفاع عن وطننا الغالي بمجهود يعود علينا جميعا بالنفع بدل ذا الخربطة ورسائل الإس ام اس .. والاتصالات على خطوط الـ700 اللي ما منها إلا الخسائر !!

    للمساهمة في هذا المشروع ... ارسلو تبرعاتكم للـــمـــحـــامـــي على الخاص !! << ملاحظة نستقبل الهدوم والطايح من الخبز ( واحد عنده عمال في مزرعة ومتوهق بهم ) << قال جبتك يا عبدالمعين .. تعين .. لقيتك يا عبدالمعين تنّعان !!

    ما يستفاد من الموضوع :


    - لا للمساهمة في برامج الإهداءات .. لأنها خسارة دنيا .. ودين !!
    - لا للقذافي وتسلابينه !!
    - ايه للمساهمة في صندوقنا الخيري والدفاع عن الوطن ! << لا يروح بالكم للجريدة .. تراها مهيب معنا !!

    - لا تحقرن من المعروف شي .. ( ترى كسرة خبزة .. أو فنيلة علاقي .. تسعد عائلة محتاجة ) !!
    - مهوب ضروري ان المقدمة تربتط بصلب الموضوع ! << بس الرجاجيل ربطوها بالقوة !
    انتهى !!


    تــحــيـــاتــي
    الـــمـــحـــامــي

  2. #2
    ... عضو مميز...


    تاريخ التسجيل
    Jan 2005
    المشاركات
    318
    معدل تقييم المستوى
    1

    افتراضي

    هههههههههههه



    حلو يالمحااامي


    موضوع 10 على 10


    مزاجك كووووووووووول


    كلك حركاااااااات


    نتواصل بالمزيد ...!!

  3. #3
    ... عضو مـاسي ...


    تاريخ التسجيل
    Nov 2004
    الدولة
    الـــخـــبـــر
    المشاركات
    1,519
    معدل تقييم المستوى
    2

    افتراضي

    مزاجك الساعه ثمنيه .. لو ان الدعيع لاقمن ثمنيه ..
    وكلن يغني على ليلاه , , , ,

    اميره وربعها تهون .. البلا ان جتك رنا .. أتوقع نتايج التفحيط والاستفهامات في الحواري !!
    بسببها عليها صوت لين قالت (( والله انك خبل يالزاحف !! )) .. ممكن تطبق العقده واهلك معك . .
    بس أسلوبها يعجبك مهجدتن ذا الجحلط كلهم كنها هي اللي بتسدد فواتيرهم .. ماينفع شغل يمه ارحميني
    الزبده إن ذي المقدمه

    <<<<<<<<< الأخ يحب يكتب مقدمه أكثر من مره



    الكلام ان الغناء يختلف عن (( غِنى )) .. فالغناء مأخوذه من الطرب ..
    وغنى .. مأخوذه من الإحتلاف يختلف إختلاااافاً ..
    بس غريبه ربع رنه وقفل ولا إشطف النغمه ما أتخذوا الخطه المتبعه في الاتصال على الاف ام ..
    يعني خبرك بهم .. ترجع تدق عليهم اميره .. في احد داااق خخخخخخخخ



    طرّاه ان فيه كمخ يشرهون زباينهم بطاقات سواء

    خخخخخخخخخخخخ


    أشكرك أختي العيون الساحره على المرور

  4. #4
    ... عضو مـاسي ...


    تاريخ التسجيل
    Nov 2004
    الدولة
    الـــخـــبـــر
    المشاركات
    1,519
    معدل تقييم المستوى
    2

    افتراضي

    ويــــــن الــــــردود؟؟؟


    والله الموضوع متعــــــوب عليه؟؟؟؟

  5. #5
    ... دنيا الوله...


    تاريخ التسجيل
    Nov 2004
    الدولة
    الخبر
    المشاركات
    3,964
    معدل تقييم المستوى
    4

    افتراضي

    ههههههههههه



    مشكور المحامي على هالموضوع

صفحة 1 من 3 123 الأخيرةالأخيرة

المواضيع المتشابهه

  1. مزاجك بالصورهـ ~تجديد1
    بواسطة !¦[ssسعــــــودss]¦! في المنتدى الارشيف
    مشاركات: 233
    آخر مشاركة: 14-10-2011, 08:10 PM
  2. مزاجك بالصورهـ ~تجديد
    بواسطة لهفة الخاطر في المنتدى الارشيف
    مشاركات: 1030
    آخر مشاركة: 06-07-2011, 09:07 AM
  3. نومك يحدد مزاجك ...
    بواسطة صمت الانين في المنتدى عالم حواء
    مشاركات: 10
    آخر مشاركة: 19-11-2008, 07:25 PM
  4. حسّن مزاجك
    بواسطة حبيبتي حطمتني في المنتدى الارشيف
    مشاركات: 11
    آخر مشاركة: 10-04-2006, 12:17 AM
  5. فراشك··· سيد مزاجك!
    بواسطة حبيبتي حطمتني في المنتدى الارشيف
    مشاركات: 14
    آخر مشاركة: 28-03-2006, 01:16 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52