صفحة 1 من 4 123 ... الأخيرةالأخيرة
النتائج 1 إلى 5 من 19

الموضوع: يالله وانا طالبك تغفر لي ذنوبي ياغفور

  1. #1
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,288
    معدل تقييم المستوى
    16

    افتراضي يالله وانا طالبك تغفر لي ذنوبي ياغفور

    يالله وانا طالبك تغفـر لـي ذنوبـي يـا غفـور
    ارجيك والجا لك وانـا سالـك واعيـد المسألـه

    لوما تطهرنـي بعفـوك مـا تطهرنـي البحـور
    جيتـك وذنبـي قـد تعـلاّ غاربـي يـا مثقلـه


    أنا من الطين انخلقت...أخطـي ولانيـب معـذور


    قامت علي الحجّـه بدعـوة رسلـك المرسلـه


    مؤمن بتوراتـك و إنجيلـك و مؤمـن بالزبـور


    و بسنّـة محمـد وآيـات الكـتـاب المنـزلـه


    لكن خُدعت بزخـرف الدنيـا وزادتنـي غـرور


    أبدت مفاتنهـا و ورتنـي مـن العمـر اجملـه


    طبعاً بما إنـي بنـي آدم حصـل منّـي قصـور


    واذنبت يـا مـولاي ذنـبٍ بالخفـا مـا تجهلـه


    أسألك تغفر لي و تستر موقفـي يـوم النشـور


    اليا القفت خلقـك صحايفهـا وهـي مستذهلـه


    من يستلمها بالشمال افلس وهـو يدعـو ثبـور


    ومن يستلمها باليميـن افلـح لخيـر المنزلـه


    واسألك يا ربـي تعاونّـي علـى نيـل الأجـور


    أحيا حيـاةٍ مكسبـي فيهـا مـن البـر افضلـه


    واسألك جاهٍ مع هـل الدنيـا وحـظٍ مـا يبـور


    أيضاً وعرفٍ مـع هـل الحكمـه ورزقٍ تكفلـه


    من لا تهيّا لـه مقـامٍ مـع طويليـن الشبـور


    يبكي على ما ضاع من عمره وخيبـات عملـه


    وان شاب راسه لا ترجّى فيـه تجبيـر الكسـور


    لا خير فـي تالـي زمـانٍ مـا تغانمـت اوّلـه



    ومانيب ناسي قصةٍ صـارت وانـا ازورالقبـور


    لازلـت افكـر فـي غرابتهـا وبالـي تشغلـه


    ساعة ظهر لي شايبٍ له حول قرنيـن محجـور


    في جوف قبرٍ عن هـل الدنيـا طـواه ويعزلـه



    سلّم وجا صوبي يقول : ابنشـدك يللـي تـزور


    عن حالة الدنيا وعن وضع الزمان وعـن هلـه


    أنا مضى وقتي ومـرّت بـي طويـلات الدهـور


    والباقـي بعمـري بعيشـه بينكـم واستكملـه



    قلت : الزمان اللي يبارينا علـى خبـرك يـدور



    الوقت نفسـه مـا تغيّـر ماشـيٍ فـي جدولـه


    أما البشر .... لا والله الاّ غير من حد الجـذور


    صار انتقالٍ مـن يميـن الـى يسـار المنقلـه



    استغرب الشايب من اللي قلـت وبليّـا شعـور


    حط اليمين اعلىالشمال وخاطـره فيـه اسئلـه


    قال : افتني عن حالة الشيبان والشيـخ الوقـور


    أهل الخبر والراي والحكمـه وضـرب الأمثلـه


    القدوه اصحاب الأمور اللي تطـاع بكـل شـور


    اللـي يفضّـون النـزاع ويحكمـون المشكلـه



    قلت : البعض منهم على ما قلت في وصفك وقور


    قدوه ولكن رايهـم مـا ينفـرض فـي مسألـه


    الطاعه العميـا بقـا منهـا مجاملـة الحضـور


    اللـي تلاقيهـا مـع اوّل فـرصـةٍ متنصّـلـه


    والبعض لا عبـدٍ يخـاف الله ولا عبـدٍ شكـور


    لا زهّـده شيبـه مـن الدنيـا ولا هـو جمّلـه


    بهيمةٍ يرجـع علـى منحـاه الاوّل ومحصـور


    فـي لعـب بيلوتـه وريـح زقارتـه ومعسّلـه


    والبعض الآخر شابت رموشه على درب الفجـور


    ينقـل جـوازه للسفـر مـن مزبلـه لا مزبلـه


    أشيمطٍ زانـي قضـا عمـره بحانـات الخمـور


    والعايلـه ورع يغـرّر بـه وبـنـت مهمّـلـه

    قال أفتني عن حالة الخفـرات ربّـات الخـدور
    اللي تصـان بـبيـت عايلهـا وبابـه تقفلـه

    شيهانةٍ تشمخ عفاف وتصقـل فـروخ الصقـور
    بين الفريق بـبشتهـا الضافـي وثوبٍ تسبلـه

    قلت العـذارى فـي زمنّـا ببغـاوات الطيـور
    تقليد هرج وعرض ريـشٍ خلفهـا تستخملـه

    تلبس عباةٍ ضيّقة حـول الردايـف والخصـور
    فضيحةٍ تكشف جسدها مـن علـوّه لأسفلـه

    وموضة شيالٍ تكشف الوجنات وألـوان الشعـور
    والمحـرم إتبـدّل بـجـوالٍ بيـدهـا تحمـلـه

    لا فوّحت صفر الدلال ولاعرفت غـوش القـدور
    تطبـخ لـهـا خـدّامـةٍ بالعايـلـه متوكـلـه

    الأم ماصانت عفاف البنت من عمـر الزهـور
    والأبو ديّـوثٍ تحكـمـه حـرمـةٍ مسترجـلـه

    وشلـون تـبغاهم عيـال أم التبـرّج والسفـور
    إلاّ خنـازيـرٍ دمـاهـا بــارده ومغـفّـلـه

    قال أفتني عن الشباب الصلب صيّـاد النمـور
    الفـارس اللـي ينطـح خصومـه بزنـدٍ يفتلـه

    الوافي الشهم الغيور اللي لعرض الجـار سـور
    البار عند أمّـه وأبـوه وعلـم ربعـه يشغلـه

    قلت الشباب بوقتنا وجهه مثـل بـدر البـدور
    والجسم من زود الرخا ما تنفتـل فيـه عضلـه

    قصّـة شعـورٍ صيّرتهـم لا إنـاث ولا ذكـور
    والثـوب راح ولابقـى إلاّ عـالـمٍ متبنطـلـه

    ناسٍ (فلنتينو) وناسٍ تلبـس (كرستان ديـور)
    صار التنافـس بينهـم فـي لبسهـم والجنتلـه

    من كان يشرب من قرار البير مشروبه (بيور)
    والبل راعيها غدا يشـرب حليـب (النستلـه)

    مامنهم اللي قام دون أعـراض جيرانـه غيـور
    من قام قالوا وش ملقّف حضرته وش دخّله

    والوالدين حقوقهم ضاعت وعنهـم فـي نفـور
    إن غـاب عنهـم لاتذكرهـم ولاجـاه الولـه

    بدّا عليهم شلّـةٍ تهـوى الوطـا بيـن الجحـور
    لو تعزله عنهم تبـي لـه شـان كنّـك تقتلـه

    ما راح يوم يشارك ربوعه بحـزن ولاسـرور
    حتى إبن عمّه يعرفه بالوجـه وإسمـه يجهلـه

    مبدّلٍ هرجه ومضيّـعٍ إسلومـه وحالـه فـي دبـور
    وإن شاف ضيف إندس حتى إنّه يفـارق منزلـه

    فكر بي الشايب بعينٍ تجمـع السبـع البحـور
    يقول أنا لايمكـن أدخـل مجتمعكـم وأقبلـه

    أنتم لكم وقتٍ تصـدّع مـن بلاويـه الصخـور
    مايقعد الجمّال به ساعـه ولـو ضـاع جملـه

  2. #2
    روٍح ياخوٍان ما عندكـ ضميرٍ
    تاريخ التسجيل
    Feb 2006
    المشاركات
    2,613
    معدل تقييم المستوى
    3

    افتراضي رد: يالله وانا طالبك تغفر لي ذنوبي ياغفور

    صح لسانك وعلا شااانك

    سلمت ولاهنت

    ابدااع القصيده .. صح لسااانك مليون ولايكفووون


    قصيده جزله بيض الله وجهك :25ar::24ar:

  3. #3
    مشرف سابق

    تاريخ التسجيل
    Oct 2007
    الدولة
    حــلم رومنسـيه
    المشاركات
    5,830
    معدل تقييم المستوى
    6

    افتراضي رد: يالله وانا طالبك تغفر لي ذنوبي ياغفور

    قصيده رااائعه
    صح لسان قائلهاا وسلمت لنقلك الجميل
    دمت بخير..

  4. #4
    ... V I P...


    تاريخ التسجيل
    Jul 2008
    الدولة
    بعيــداً عن الواقـع
    المشاركات
    4,322
    معدل تقييم المستوى
    6

    افتراضي رد: يالله وانا طالبك تغفر لي ذنوبي ياغفور


    أسألك تغفر لي و تستر موقفـي يـوم النشـور


    اليا القفت خلقـك صحايفهـا وهـي مستذهلـه



    قصيده قمه في الجمآل وروعة المعآني..
    أسأل الله ان يغفرلي ويغفرلنا جميعاً
    وصح السان شاعرها..
    وتسلم حيران..لاهنت..:25ar:

  5. #5
    كبآآر الشخصيآت

    تاريخ التسجيل
    Oct 2006
    المشاركات
    13,510
    معدل تقييم المستوى
    17

    افتراضي رد: يالله وانا طالبك تغفر لي ذنوبي ياغفور

    قصيدة رائعة وجميلة
    اشكرك على نقلها يا حيران
    على ما بها من ابتهال وتضرع لله سبحانه وتعالى
    تحيتي

صفحة 1 من 4 123 ... الأخيرةالأخيرة

المواضيع المتشابهه

  1. ,, تلاحقني ذنوبي ,,
    بواسطة " ميلآد الهدى " في المنتدى قصائد وخواطر
    مشاركات: 9
    آخر مشاركة: 06-05-2010, 10:07 PM
  2. ... أكبر ذنوبي ...
    بواسطة الحرالأشقر في المنتدى قصائد وخواطر
    مشاركات: 7
    آخر مشاركة: 18-08-2007, 07:30 PM
  3. يالله عسانى ما اموت إلا وانا ساجده...
    بواسطة بهيه في المنتدى الارشيف
    مشاركات: 17
    آخر مشاركة: 25-03-2007, 02:11 PM
  4. كيف اتخلص من ذنوبي ؟؟؟ماذا افعل............
    بواسطة شتات الروح في المنتدى الارشيف
    مشاركات: 2
    آخر مشاركة: 10-10-2006, 01:35 PM
  5. أبيك في كلمةٍ لو هي خطا تغفر لـي الزلـه
    بواسطة فتون السلمي في المنتدى قصائد وخواطر
    مشاركات: 5
    آخر مشاركة: 23-07-2006, 11:42 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •