صفحة 1 من 3 123 الأخيرةالأخيرة
النتائج 1 إلى 5 من 12

الموضوع: (( قصيدة فتاة غلطانة برقم التلفون ))

  1. #1
    مشرف سابق

    تاريخ التسجيل
    Dec 2010
    الدولة
    إني أحس بالم كل صفعة توجه إلى مظلوم ...فأينما وجد الظلم فذاك هو وطني.
    المشاركات
    5,095
    معدل تقييم المستوى
    6

    افتراضي (( قصيدة فتاة غلطانة برقم التلفون ))

    البشر فـي الاتصـالات يخطـون *** يخطون واخطي.. عذرنا هاتف فلان؟؟


    ومن عادتـي ماهتـمّ باللـي يقولـون *** من غلط في رقمي .لقى الردّ غلطـان

    الين جـااء فـي يـوم ..دق ّ التلفـون *** شفت الرقم.. لقيتـه اشكـال والـوان

    فتحت جوّالـي ابعـرف مـن يكـون *** سمعـت صـوتٍ فيـه بحّـه وفتّـان

    قالت لي: انت سعود؟ قلت: ايه بالعون. *** لعيونك.. اسمي سعود لو كان ضيـدان

    قالت :اتظنّي مخطئه. قلت :وشلـون؟؟ *** قلبـي توقّـف مانبـض فيـه شريـان

    بالهـون يابنـت الاجاويـد بالـهـون *** من عـادة الانسـان يرتـاح لانسـان

    تسمّعـي يابنـت وابلـيـس ملـعـون *** اخذي كلام ٍ مصدره صـدق وجـدان

    ماني بقايل لك: انـا انسـان مزيـون *** اطرق ولاله شبه في الانـس والجـان

    انا محمّـد.. وافـي الهـرج مـوزون *** اوزن كلامي.. قبـل اقولـه بميـزان

    وانا الّـذي لاحـبّ ..لايمكـن يخـون *** مخلص مدامه حيّ .ويمـوت ماخـان

    وانـا اذا حبّيـت.. حبّيـت بجـنـون *** حبّـي يفجـر داخلـي الـف بركـان

    وانا الّذي ماطـرد ورى مـن يقفّـون *** من صدّ عنّي عمد.. بجزيـه حقـران

    هذي وصوفي .واكثرالنّاس يشـرون *** وانتي عليـك اليـوم تقديـر الاثمـان

    قالت :اشوفك قمـت يامحمـد تمـون *** تضحـك وضحكتهـا تقاسيـم فـنّـان

    قلت :الميانه.. ماهي بضحكـة سنـون *** احيـان ماتلقينهـاا بـيـن الاخــوان

    ترى الميانه شـيّ واضـح ومضمـون *** اذا اجتمع شخصين.. في قلب ولسـان

    قالت :كلامك وافـي ٍ يابـن خلـدون *** احيان احسّ ان جلستـك بيـن شيبـان

    يامحمد .اسمع كلمة البنـت ميسـون *** اسلوبك ووقتك.. مضت دونها ازمـان

    هـذا زمـن قدواتـه افـلام كرتـون *** وهذا زمان ارجالـه اجسـاد وابـدان

    قالت.. وغنّت لي على وقتـي لحـون *** قلت: اسكتي من بعد ماخاطري شـان

    انا ادري ان الوقت.. من دون في دون *** لكن فمـان الله وانـس ِ اللـذي كـان

    قلته وانا صامل.. وهـي عندهـا آذون *** لكنّـهـا ماصـدّقـت سـمـع الاذاان

    ضاقت ...وخلـق الله دايـم يضيقـون *** وانا قفلـت الخطّ..ضايـق وزعـلان

    ونسيت.. والاجواد في الوقت ينسـون *** ماسـمّـي الانـسـان الاّ بنـسـيـان

    المشكله..بـنـات حــوّا مايسـلـون *** دقّت علـي وانـا لهـا شبـه شفقـان

    قبل آآتكلّم.. قالـت: اسمـع ولاتهـون *** اسمي مهو ميسون.. حان الصدق حان

    الاسم عمشاء وآخـر الجـدّ مصيـون *** مهـره ولا طوّعـت بلجـام وعنـان

    قلت: ارحبي مليون تضـرب بمليـون *** اقولهـا مليـون مـن قلـب ولسـان

    قلت: ارحبي في العين ..ولحافك جفون *** وظلالك من الشمس باهـداب الاعيـان

    ياعيـن حـر ٍ بالمطالـيـع مفـتـون *** حر ٍ شـراه مولّـع الصيـد طربـان

  2. #2

    ][ عــضــو الـتـمـيـز ][


    تاريخ التسجيل
    Feb 2009
    المشاركات
    3,450
    معدل تقييم المستوى
    5

    افتراضي رد: (( قصيدة فتاة غلطانة برقم التلفون ))






    الله الله :24ar:
    صح لسسـآنك .. روعه القصيده im3
    يعطيك العـآفيه [:25ar:]

  3. #3
    مشرف سابق

    تاريخ التسجيل
    Dec 2009
    المشاركات
    4,138
    معدل تقييم المستوى
    6

    افتراضي



    قَصيّدَة رَائِعَة : )
    صَحَ لِسانُ شَاعِرهَا وَ سَلمتْ عَلىَ رَوعةِ الِإنتِقاءْ



  4. #4
    ... V I P...


    تاريخ التسجيل
    Jul 2008
    الدولة
    بعيــداً عن الواقـع
    المشاركات
    4,322
    معدل تقييم المستوى
    6

    افتراضي رد: (( قصيدة فتاة غلطانة برقم التلفون ))


    الاسم عمشاء وآخـر الجـدّ مصيـون *** مهـره ولا طوّعـت بلجـام وعنـان

    قلت: ارحبي مليون تضـرب بمليـون *** اقولهـا مليـون مـن قلـب ولسـان

    im3
    أبيآت جميله..
    تسلم ي كحيلآن..:25ar:

  5. #5
    مشرف سابق

    تاريخ التسجيل
    Dec 2010
    الدولة
    إني أحس بالم كل صفعة توجه إلى مظلوم ...فأينما وجد الظلم فذاك هو وطني.
    المشاركات
    5,095
    معدل تقييم المستوى
    6

    افتراضي رد: (( قصيدة فتاة غلطانة برقم التلفون ))

    اقتباس المشاركة الأصلية كتبت بواسطة كليوباترا ~ مشاهدة المشاركة




    الله الله :24ar:
    صح لسسـآنك .. روعه القصيده im3

    يعطيك العـآفيه [:25ar:]

    الله عليتس بالرد الحلو


    صح بدنتس ،،

    ربي يعافيتس


    منوره

صفحة 1 من 3 123 الأخيرةالأخيرة

المواضيع المتشابهه

  1. قصيدة فتاة غلطانه برقم التلفون
    بواسطة طـــــال انتظـــــاري في المنتدى قصائد وخواطر
    مشاركات: 7
    آخر مشاركة: 08-10-2006, 04:13 AM
  2. هل تتزوج فتاة تكلمت معها على التلفون ؟
    بواسطة الطموح في المنتدى الارشيف
    مشاركات: 18
    آخر مشاركة: 10-07-2006, 01:49 PM
  3. قصيدة بنت غلطانه برقم تلفون...
    بواسطة ][الأمل المجروح][ في المنتدى الارشيف
    مشاركات: 2
    آخر مشاركة: 19-05-2006, 10:43 PM
  4. قصيدة بنت غلطانه برقم التليفون
    بواسطة كونان في المنتدى قصائد وخواطر
    مشاركات: 3
    آخر مشاركة: 18-03-2005, 01:54 AM
  5. قصيدة فتاة تزوج حبيها
    بواسطة ضرار في المنتدى قصائد وخواطر
    مشاركات: 7
    آخر مشاركة: 27-01-2005, 12:26 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52