صفحة 1 من 5 123 ... الأخيرةالأخيرة
النتائج 1 إلى 5 من 23

الموضوع: سالفة العريس اللي نسى زوجتــه

  1. #1
    كل آلطرق تؤدي لـ عيونك


    تاريخ التسجيل
    Oct 2004
    الدولة
    » آلشــرقيــّه «
    المشاركات
    8,322
    معدل تقييم المستوى
    9

    افتراضي سالفة العريس اللي نسى زوجتــه


    هذا واحد توه معرس وخلصت الزفه والامور اللي في القصر.. اخينا في الله شغل ( يعني اخذ ) حرمته وركبوا في السياره .. ودعس للقصيم يعني اهل العروسه في الرياض وهو ساكن بالقصيم
    والبنيه تستحي ومبرطمه طول الطريق .. والرجال ماغير يسولف ويهذر والبنيه سااااكته .. مااااا حولك احد


    الرجال يأس من البنت انها تتكلم .. وقال يا ولد ما وراها هذرره اشغل المسجل وامسك الخط


    في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم


    عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه

    المهم الرجال ما وعى الا هذيك محطه ويصفط عندها
    وينزل عند البقاله وياخذ له كيس فصفص وكم ببسي حق الطريق

    هو كان وده يخذ له شريط لمحمد السليم عشان يسليه في الطريق بس
    خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك


    البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
    قالت يابنت بيمديني اطمر واخلص وارجع قبل لا يرجع هو من البقاله


    المهم المسكينه راحت واخذت وقتها


    اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعسسسسسسسس


    البنيه المسيكينه طلعت وهي مرتاااااااااااااااحه و نقص من وزنها كم من كيلووووو

    وتناظر يا بنت وين السياره ... وتتلفت ما تشوف غير الهنود حق المحطه وابو يمن حق البقاله


    عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع


    شوي ما وعت الا ذ1ك الجمس اللي مقبل يوم وقفوا عند البقاله الي جنبها
    وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها

    قالت قومي اطمري نلحق على زوجك

    ويعبون بنزين ويدعسون وراه


    نعود الآن لصاحب الفصفص
    اخينا في الله مريح وماشي .. بعد ما لقوه في الخط على بعد نص ساعة


    عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك


    اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا

    والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع
    نورا لجمس اللي في الداخل عشان العريس يشوف ان اللي في الجمس عائله


    وأخيراااااااااااااا .. انتبه و يوقف ... قال وش عنده ذا


    ونزل وهو معصب


    عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا


    يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها
    ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي


    قال له العريس ... لا ولله ما ضيعت شي

    قال له تأكد

    قال العريس ... وشلون

    قال راعي الجمس .. رح طل في سيارتك شف في شي ناقص لك

    العريس قام يوسوس حتى المشكله مرته ما جت على باله

    المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه

    ويوم لون وجهه بدا يميل للكرت الاحمر.. ووووووووين راحت المره

    ورجع لراعي الجمس وقال هات السالفه 00

    قال يا ولد مرتك لقيناها عند المحطه انا واهلي وقالت لنا انها
    نزلت للحمام وانت مشيت ولا دريت عنها 00

    عاد العريس كل انواع النفاضات نزلت عليه تلعثم ولا قدر يتكلم


    المهم راعي الجمس راح وقال للعروسه يلااا طسي عند زوجك شوفيه متصوووومع عليك


    المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .


    وتقول لا تزعل مني انا كنت مستحيه اني اقولك اني طول الخط وانا حسرانه .. وانت مشاء الله عليك ركبت السيارة وانطلقت


    هههههههههه <== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق .. عشان اخينا في الله مرتاع من اللي صار


    وبس
    هذي السالفه اتمنى انها نااااالت على اعجابكم

    منقول

  2. #2
    ... عضو نشيط ...


    تاريخ التسجيل
    Jan 2005
    المشاركات
    68
    معدل تقييم المستوى
    1

    افتراضي

    ههههههههههههههههههه
    يتناوبون هم كل واحد فيهم يبرطم ههههههههههه
    يعطيك الف عافيه
    يسلموووووووو على القصه
    تحياتي لك

  3. #3
    كل آلطرق تؤدي لـ عيونك


    تاريخ التسجيل
    Oct 2004
    الدولة
    » آلشــرقيــّه «
    المشاركات
    8,322
    معدل تقييم المستوى
    9

    افتراضي


    ام حوريه


    الله يسلمج

  4. #4
    مهلك حـاله ومـاله !


    تاريخ التسجيل
    Nov 2004
    الدولة
    Toronto,ON
    المشاركات
    15,889
    معدل تقييم المستوى
    16

    افتراضي

    ههههههههههههههههاااااااااااي انا قد حصلت لي نفس كذا بس قبل حوالي 5 سنوات كانت على طريق لـ جدة.. نزلت وسحبوا علي اهلي خخخخخخخخخخخخخخخ .. والله من الخوف بغى يغمى علي ..


    مشكوووووووووورة عذاب

  5. #5
    ... عضو مـاسي ...


    تاريخ التسجيل
    Oct 2004
    الدولة
    قلبـ خآلـد ..
    المشاركات
    1,615
    معدل تقييم المستوى
    2

    افتراضي

    ااااااااهههههههههههههههههههههه قصه روعه

    تســـــــلمين عذووووووب



    ((((وبعدين شسويت غيرررر خخخخخخخخخ))))

صفحة 1 من 5 123 ... الأخيرةالأخيرة

المواضيع المتشابهه

  1. صور الوليد بن طلال مع زوجتــه
    بواسطة # عجزت أنساك # في المنتدى الارشيف
    مشاركات: 52
    آخر مشاركة: 11-11-2007, 08:47 PM
  2. قصة العريس اللي نسى زوجته !!!!!!!!!!
    بواسطة ولد الكلابيه في المنتدى الارشيف
    مشاركات: 9
    آخر مشاركة: 22-09-2007, 08:47 PM
  3. هديه الشيخ راشــد المكتوم الى زوجتــه
    بواسطة جـــآرح في المنتدى الارشيف
    مشاركات: 37
    آخر مشاركة: 29-04-2007, 09:51 PM
  4. اللى عنده سالفة في تحميل الافلام بليزز انتظر ردة
    بواسطة خوية قلب طيب في المنتدى الارشيف
    مشاركات: 10
    آخر مشاركة: 09-04-2007, 02:52 PM
  5. قصيــدة محشش في زوجتــه!!
    بواسطة ][ عـآزف جروحـه ][ في المنتدى قصائد وخواطر
    مشاركات: 2
    آخر مشاركة: 24-05-2005, 08:57 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52