صفحة 1 من 2 12 الأخيرةالأخيرة
النتائج 1 إلى 5 من 6

الموضوع: قصيده جعلت قبليت شمر تبكي

  1. #1
    ... عضو نشيط ...


    تاريخ التسجيل
    Jul 2005
    المشاركات
    168
    معدل تقييم المستوى
    1

    افتراضي قصيده جعلت قبليت شمر تبكي

    [align=center]بعد مقتل الامير عبد العزيز بن متعب ال رشيد تنازع ال رشيد على امارة حائل وشمر فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد الى ابن سعود خوفا من ابن عمه محمد بن طلال ان يقتله وفي ظل تنزاع ابناء العمومه على الحكم زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل في ظل تلك الاحداث قام الملك عبدالعزيز ال سعود بارسال سلطان الدويش على راس جيش لمحاربة ابن رشيد فحاصر مدينة حائل فارسل ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا يبكون كبيرهم وصغيرهم لفك الحصار عن مدينة حائل فقطعوا المسافة التي بين بادية العراق ومدينة حائل من ثلاثة شهور الى عشرة ايام وفعلت هذه القصيدة ما لاتفعله السيوف حيث أثرت في قبيلة شمر فانتصروا وانهزم الدويش امام ابن رشيد في موقعة ( ماء ياطب ) قال العوني مخاطبا قبيلة شمر على لسان ابن رشيد قصيدة أبكتني عندي قراءتها :

    عزي لقب كل ما طرف الليل ،،،،،،،،،،،،،، عليه صارن الدقايق جلايل

    واعتاظ عن طيب الكرى بالتعاليل ،،،،،،،،،،،،، بافكار واذكار وقول وقايل

    والعين كن ابموقها يدرج الميل ،،،،،،،،،،،،،،،، عيت تطيق النوم من فور جايل

    على بني عمي اسنادي عن الميل ،،،،،،،،،،،،،، نطاحة الكايد اكبار الحمايل

    اقفوا كما مزنٍ ثقيل المخاييل ،،،،،،،،،،،،،،،،،،، من زاعج الغربي حدر له شعايل

    شمر مقابيس المنايا هل الخيل ،،،،،،،،،،،،،،،،،،، عصمان الاريا مقحمين الدبايل

    يا دار وين أهل المهار المشاويل ؟ ،،،،،،،،،،،،،،، هل النزول اللي تعز النزايل

    بكيتهم يوم ارتكى قوقي الشيل ،،،،،،،،،،،،،،،،، وذكرتهم يو اقبل الضد صايل

    وصاح الصياح وطوحن الهلاهيل ،،،،،،،،،،،،،، وهلت ادموع معكرشات الجدايل

    وقلت ابشرن ما دام بالعمر تمهيل ،،،،،،،،،،،،،،، ما دام ما رزت علينا النضايل

    لا تبكين الوحدة قِل الرجاجيل ،،،،،،،،،،،،،،،،،، ما دام عين الله علينا تخايل

    وظهرت أنا باسم العصاة المشاكيل ،،،،،،،،،،،،،،، لو هم قليل يدركون الجمايل

    هم حاصلي لا كملنّا المحاصيل ،،،،،،،،،،،،،،،، غوش الجبل خزني غلامين حايل

    باعوا عزيز العمر دون المضاليل ،،،،،،،،،،،،،، وحموا حماها مقدمين الفعايل

    قالوا عليهم قلت يزجوا اهل الخيل ،،،،،،،،،،،،، وقهرتهم غصب ووردوا غلايل

    واذنيت هجنٍ يقربن المحاويل ،،،،،،،،،،،،،،، هوج هجاهيج اهجاف نحايل

    عليكم يطرب قلوب المراسيل ،،،،،،،،،،،،،،،، خفقات رفقات صلاب جلايل

    قلايص عوص صعاصع شماليل ،،،،،،،،،،،،، من سلسة نسل السباق السلايل

    الصبح مدن كنهن جولة الريل ،،،،،،،،،،،،،،، رفيحٍ علت من فوقها ارجال حايل

    وصبح اربعٍ تلفي نزول كما الليل ،،،،،،،،،،،،،،، شمر إليا عدت فروع القبايل

    أدنى بالادنى خبروهم بتفصيل ،،،،،،،،،،،،،، لا تسفهون اصفارهم والجمايل

    ولازم إليا شافوا اركاب مقابيل ،،،،،،،،،،،،،،،، تلزمهم النشدات عن سكن حايل

    قولوا لهم يا مقبلين على خيل ،،،،،،،،،،،،،،،،،،، نجد واهلها يطلبون الاوايل

    وين الطَّنايا ؟ وين شرابة الهيل ؟ ،،،،،،،،،،،،،، وين الرجال اللي تشيل الثقايل

    وين السيوف اللي نعدل بها الميل ،،،،،،،،،،،،،،، وين الرماح اللي ترد كل عايل

    وين النشاما والعصاة المفاليل ؟ ،،،،،،،،،،،،،،،،،،،، وجميع من ضربه تضيع الدلايل

    نشرب بهم صافي القراح الشهاليل ،،،،،،،،،،،،،، وننزل بهم غصب على كل طايل

    تذكرتهم يوم ارتدم فوقي الشيل ،،،،،،،،،،،،،،،،،، ونخيتهم يوم اقبل الضد صايل

    غلبا ترى بلدانكم لبست النيل ،،،،،،،،،،،،،،،،،،،،، تنخى الرجال المكرمين الاصايل

    تنخى اهل العادة كرام الاسابيل ،،،،،،،،،،،،،،،،،، يوم التعازي والدخن له صلايل

    قلته وانا معكم على العدل والميل ،،،،،،،،،،،،،،، لعل ما نعتاظ عنكم بدايل

    تمت وصلوا عدد وبل المخاييل ،،،،،،،،،،،،،،،،،،،، على نبي الحق ما زال زايل

    ونعم بكل القبايل ولا يهونون بس حبيت اقول هالقصيده لانها

    بصراحه حلوه

    وتحيه[/align]

  2. #2
    فارس مطير

    افتراضي

    السلام عليكم ورحمة الله وبركاته

    لاتعليق علىالقصيده


    وتسلم على النقله الجميله


    تقبل كل الود والاحترام



    تحياتي


    فارس مطير

  3. #3
    ... عضو نشيط ...


    تاريخ التسجيل
    Jul 2005
    المشاركات
    168
    معدل تقييم المستوى
    1

    افتراضي

    مشكور على المرور

  4. #4
    ][ ..شــاعــر مميز.. ][


    تاريخ التسجيل
    Jul 2005
    الدولة
    الرياض عاصمة الجمال
    المشاركات
    541
    معدل تقييم المستوى
    1

    افتراضي

    نقله رائعه اخي العزيز
    وقصه بقصيده اروووووع
    ونعم في شمّـر


    تحياتي لك

  5. #5
    ... V I P...


    تاريخ التسجيل
    Dec 2004
    الدولة
    أنا وخلي كل دار وطنا
    المشاركات
    3,886
    معدل تقييم المستوى
    4

    افتراضي

    قصيدة روووووعه

    ووفق في نقلتك المميزة

صفحة 1 من 2 12 الأخيرةالأخيرة

المواضيع المتشابهه

  1. مشاركات: 3
    آخر مشاركة: 06-11-2010, 11:45 AM
  2. يبه وشلونك يبه وشلونك ... ملل هالكون من دونك .. ((قصيده تبكي الحجر))
    بواسطة **طيـــرالغـــرام** في المنتدى الارشيف
    مشاركات: 2
    آخر مشاركة: 23-02-2008, 08:32 AM
  3. قصيده تبكي عيون الرجال
    بواسطة سحر الانوثه في المنتدى قصائد وخواطر
    مشاركات: 10
    آخر مشاركة: 02-10-2007, 05:04 AM
  4. ~*¤®§(*§ قصيده تبكي قارئها !!!! §*)§®¤*~ˆ
    بواسطة )(اسير الاحزان)( في المنتدى قصائد وخواطر
    مشاركات: 3
    آخر مشاركة: 31-01-2006, 10:50 AM
  5. ماتت أمه فكتب فيها قصيده تبكي من لا يبكي
    بواسطة يسـ الصمت ـود في المنتدى قصائد وخواطر
    مشاركات: 19
    آخر مشاركة: 08-11-2005, 08:28 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52