النتائج 1 إلى 2 من 2

الموضوع: البرق لعيون المولع مناديب والبيد لاقدام الخلاوي ركاايب

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Asl البرق لعيون المولع مناديب والبيد لاقدام الخلاوي ركاايب

    السلام عليكم ورحمة الله



    واسعد الله اوقاتكم بكل خير


    وحبيت تشاركوني بقرائة هالقصيده


    الرايعه والجزله بابياتها (صح لسان قايلها)





    البرق لعيون المولع مناديب


    والبيد لأقدام الخلاوي ركايب




    وأرواحنا لهموم بقعاء معازيب


    ومعزب الأرواح قبر ونصايب




    سبحان من يخفي عن العالم الغيب


    وخلّ الوعد مع نازع الروح غايب




    كلن يسوق الرجل ويروح ويجيب


    أحدن يجيب بسلم واحدن نهايب




    أحدن يجيب الفود والعز والطيب


    واحدن يذله كل ماكان جايب




    ومن لاستر وجهه عن الذل والعيب


    ماعاد يلقى لذل وجهه طبايب




    ومن لاحمى وجهه قبل طلعة الشيب


    محدن يعوضه وجه لاصار شايب




    ولاصار ذكرك فوق روس المراقيب


    خلك على دربك ترى الدرب صايب




    اتصير في عيون النشاما كما الذيب


    وفعيون عدوانك عطيب الضرايب




    موت الفتى بالمرهفات المحاديب


    أخيـيـر من حين مع الناس خايب




    موتن تباكاله عيون الأجانيب


    ولاعيشتن تدعي عليها القرايب




    واللي نـفـوسن ماتروم المواجيب


    واللي يدينن ماتسد النوايب




    عذر الردي ماكل من يجهد مصيب


    عود الحماطه كاسرتها الهبايب




    مايخلف الهقوه اطوال الأشانيب


    صحيح من قال المراجل وهايب




    يربى على الشاهوب عكف المخاليب


    والا الوطى يرباه بوم الخرايب




    من راقب العالم يشوف التعاجيب


    ومن طاول الدنيا يشوف الغرايب




    غير النبي محدن بليا عذاريب


    وكلن على الثاني سيوله جذايب




    ما كامل إلا وجه جزل التواهيب


    ولا رابح إلا اللي من الذنب تايب




    كلن ذنوبه تغرق الكم و الجيب


    وكلن عليه امن الليالي مصايب




    ليه الحسد والغل والشك والريب


    وليه القطيعة واندلاع الحرايب




    يولد الأحقاد شذب العراقيب


    والحقد سمن فالمعاليق ذايب




    شرارتن من ملحقين المشاهيب


    من ناشته خلت ضلوعه حطايب




    يومون بالأمواس مثل القصاصيب


    ذنبن يوقف منه قطر السحايب




    لعل من يفرح بشيل المشاعيب


    ويصير في فرقى الرفاقه سبايب




    تقطع عراويه من الرزق والصيب


    ويموت ماتنظر عيونه حبايب




    وتصفى النفوس ويركدن المشاريب


    لا به ذنب عقرب ولا به نشايب




    هذا بعض ما علمتني التجاريب


    اللي من الأيام جتني جلايب




    لا كامل إلا وجه اللي يعلم الغيب


    ولارابح إلا اللي عن الذنب تايب



    للشاعر المبدع خالد بن مدعث الدوسري

  2. #2
    ... V I P...


    تاريخ التسجيل
    Dec 2005
    الدولة
    في عالم خيالاتي
    المشاركات
    7,326
    معدل تقييم المستوى
    8

    افتراضي رد: البرق لعيون المولع مناديب والبيد لاقدام الخلاوي ركاايب

    صح طرحكـ

    انتقاء مميز

    .

    .

المواضيع المتشابهه

  1. ××× البرق ××××
    بواسطة أميـ الورد ـرة في المنتدى الارشيف
    مشاركات: 16
    آخر مشاركة: 10-01-2010, 11:22 PM
  2. أناجيت وأبي ترحيب حاااااااااااااااااااااااارممكن!!!
    بواسطة ,,عبث طفلـــهــ,, في المنتدى الارشيف
    مشاركات: 12
    آخر مشاركة: 28-07-2007, 08:25 PM
  3. يلوح البرق
    بواسطة (اختصار) في المنتدى قصائد وخواطر
    مشاركات: 36
    آخر مشاركة: 01-03-2007, 09:55 PM
  4. مشاركات: 18
    آخر مشاركة: 05-02-2006, 04:10 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52