Crepe bites


مقادير الكريب

بيضتين
3\4 كوب حليب
نص كوب موية
كوب طحين
ملعقتين كبار سكر
رشة ملح
3 ملاعق كبيرة زبدة سايحة

حطي كل المكونات في الخلاط و اضغطي 10 ضغطات متفرقة لا اكثر ، ممكن الخليط يكون فيه كتل خليها بتروح لاننا بنريح الخليط اقل شي ساعة و اكثر شي 48 ساعة ولو تبينه مالح شيلي السكر

الحشوة جاناش مخفوق
التشوكلت الي استخدمتها كان فيها قطع كوفي و مكسرات عشان كذا ما حبيت اخلط معاها شي * و بليززز استعملوا احسن تشوكلت ممكن تلاقوها مو جالكسي و كادبوري وهالاشياءء *
سوي جاناش عبارة عن جزئين شوكولا بالحليب لكل جزء كريمة انا سويت 200 غرام تشوكلت و 200 ملل كريمة < غلطتي الي يادوب اكتشفتها و بسببها ما مسكت الا بعد ما دخلتها الثلاجة ، سخني الكريمة لغلية قوية بعدين حطي فيها الشوكولا بعد ما تقطعيها قطع صغغييرة خليها ثواني و اخلطيها ، خليها تبرد تمامااا بعدين بالمضرب اليدوي اخفقيها

الحين جيبي قوالب ميني تارت و قطعي الكريب دوائر بحجم يتناسب مع القوالب ، و حطي الكريب في القوالب و دخليه الفرن لحد ما يصير كرسبي على 200 تقريبا ، طلعيه من الفرن و خليه يبرد بعدين احشيه و بالهننا


^ اول شي كنت بسويه مالح و احشيه جبنة روكفورت و خيار و بعدين فكرت اسوي بيوريه مانجو و فستق و جاناش شوكولا بيضا مخفوق بس الوقت ما سممح لي لان عندي اختبارات

ممكن تحشوه باي شي